deurlopende formatiewe assessering in skriftelike stelwerk in graad 5

moet gesien word as deel van dieselfde proses en nie as twee onafhanklike prosesse nie.
Professionele ontwikkeling van leerkragte en die ontwikkeling van die skool is terselfdertyd
belangrik. Soos leerkrag se praktyk verbeter so verbeter, die praktyke van kollegas soos die
een van die ander leer. Möller (1982:101) praat van ‘praktyk leer van praktyk’. Die finale
doel van enige navorsing is om verandering in staat te stel om plaas te vind deur middel van
begrip. Die voordeel van die tipe navorsing is dat verandering gedurende die
navorsingsproses plaasvind. Dit is as gevolg van die navorsingsproses dat leerkragte hulle
onderrigpraktyk kan verbeter. Die middel en die doel val grootliks ooreen.
Deur middel van my navorsingsprojek gaan ek poog om nie net my praktyk te verbeter nie,
maar ook dié van my mede-kollegas. DFASS in die skriftelike stelwerkkurrikulum raak alle
grade in die skool en dit is ‘n probleem vir baie leerkragte in ons skool. Die lig wat dus vir
my gedurende die proses oopgegaan het, sal na hul praktyke toe oorgedra word. Ons sal dan
as ‘n skool die kurrikulum met nuwe insigte implimenteer. Möller (1982: 100) sê dat dit wat
in een projek geleer word, alledaagse praktyk moet word, sodat die navorsingsaspek oorbodig
word.
3.4.6 Triangulasie binne aksienavorsing
Triangulasie is ‘n vorm van dataversameling binne ‘n onderrigsituasie vanuit drie
verskillende standpunte naamlik leerkrag, leerders en waarnemer. Die proses van
dataversameling uit drie verskillende standpunte het ‘n epistemologiese regverdigheid. Elke
punt van die driehoek verskaf relevante data, want die leerkrag is in die beste posisie, deur
middel van selfwaarneming, om te kan sê wat met haar les beoog en watter uitkomste sy
probeer om te bereik. Leerders is in die beste posisie om te kan sê hoe hulle die les ervaar het
en die waarnemer kan waardevolle teugvoering gee ten opsigte van die interaksie tussen
leerkrag en leerders. McNiff (1988:85) haal Elliot en Adelman (1973) aan:
… suggested triangulation as being a potentially powerful in getting to the
heart of the matter in pooling information and perceptions. ‘Triangulation’ is
commonly refered to as the process of obtaining information on a subject
from three or more independent sources.
Hierdie verskillende dimensies help die navorser om die situasie beter te verstaan en om die
geldigheid van die data te verhoog. Robson (2002:172) bevestig die situasie so: “…
54