deurlopende formatiewe assessering in skriftelike stelwerk in graad 5

professioneel is wat hy/sy professionele oordeel gebruik in sy pligsvervulling. Refleksie word
wyd as ‘n belangrike kwaliteit in die professionele groei van onderwysers beskou. Terme
soos ‘reflektiewe leerkragte’, ‘leerkrag as navorser’ en ‘reflektiewe praktisyn’ het algemeen
geword waar die klaskamerpraktyk onder bespreking is. Daar word aangeneem dat leerkragte
wat reflekterend is baie gou beter onderwysers word. Dewey (1933) het baie bygedra tot die
idee dat leerkragte reflektiewe onderwysers moet word. Schön (1983) het ook groot invloed
gehad op die begrip van refleksie-in-aksie. Die idee dat professionele mense betrokke raak in
reflektiewe gesprekke in praktiese situasies, waar hulle voortdurend ‘n probleem aanspreek
en uitpluis soos hulle daarmee werk en waar hul interpretasies en oplossings uitgetoets word,
is hier ter sprake.
Kritiese teorie, ingeslote die werk van Carr and Kemmis (1986), het die gedagte aansienlik
gestimuleer hoe belangrik dit is om leerkragte se bewustheid te vergroot ten opsigte van die
oorsake en gevolge van hulle aksie deur navorsing te doen op hulle eie situasie.
Volgens Calderhead en Gates (1993:2) word een of meer van die volgende doelstellinge
gewoonlik nagestreef deur onderwysersprogramme wat gebaseer is op die idees van
reflektiewe praktyke:
• To enable teachers to analyze, discuss, evaluate and change their
own practice, adopting an analytical approach towards teaching;
• To foster teachers’ appreciation of the social and political contexts in
which they work, helping teachers to recognize that teaching is
socially and politically situated and that the teacher’s task involves
an appreciation and analysis of that context;
• To encourage teachers to take greater responsibility for their own
professional growth and to acquire some degree of professional
autonomy;
Calderhead en Gates (1993) voel dat bogenoemde doelstellings bereik kan word deur
middel van aksienavorsing, reflektiewe joernale, die gebruik van teorie en
navorsingsgetuienisse om die praktyk te interpreteer.
51