deurlopende formatiewe assessering in skriftelike stelwerk in graad 5

… a form of self-reflective enquiry undertaken by participants in social
(including educational) situations in order to improve the rationality and
justice of (a) their own social or educational practices, (b) their understanding
of these practices, and (c) the situations in which the practices are carried out.
Soos die definisie aantoon, vorm refleksie die kern van aksienavorsing en dit verduidelik die
verbintenis van die navorsingstrategie met die ontwikkeling van reflektiewe vaardigheid,
soos Stevenson (1991:3) argumenteer: “ … action research provides a means of facilitating
practitioners’ systematic reflection on educational practices.” Ons kan dus aflei dat refleksie
ons die geleentheid gee om krities te kyk na dit wat ons in die klaskamer doen. Die
sielkundige, Morgan, et al, (1986:470) som reflektiewe denke so op:
… the process of evaluating or testing (one’s) own reasoning. Reflective
thinking allows the formal-operational person to be his or her own critic, to
evaluate a process, idea, or solution from the perspective of an outsider and
to find errors or weak spots in it.
Refleksie help ‘n persoon om sy eerste idee ten opsigte van ‘n probleem te toets: “ … these
notion for errors” en om dit te korrigeer wanneer leemtes of tekortkominge gevind word.
Die reflektiewe persoon is dus: “ … a powerful experimenter and problem solver” omdat
hy/sy: “use … the ability to think through a number of possible strategies or ‘experiments’
and to decide which one will yield the most information” (Morgan, et al, 1986:470). Die doel
van reflektiewe denke is nie net analities nie, dit is ook evaluerend. Deur middel van
evaluasie sal ‘n persoon in staat wees om foute of swakpunte te identifiseer en dit te
elimineer. Sodoende kom ‘n mens dan by dit wat essensieel is.
Refleksie gaan my die geleentheid bied om stil te staan en te sien hoe die leerders baat by die
nuwe manier van DFASS en terselfdertyd hoe hulle die skryfproses ervaar. Leerders tesame
met die leerkrag gaan na elke les reflekteer. Die skryfproses is ‘n nuwe benadering vir
skriftelike stelwerk; leerders en leerkrag gaan dus al lerende die proses meemaak. Freire
(1972:52) sê die volgende: Wanneer leerder en leerkrag bymekaar kan kom in ‘n
geloofwaardige refleksie met betrekking tot die onderrig en opvoedingsproses in die
klaskamer, dan kan ons praat van die moontlikheid van bevryding in die Freire sin: “…
liberation is a praxis … the action and reflection of men upon their world in order to
transform it” (Freire, 1972:52).
49