deurlopende formatiewe assessering in skriftelike stelwerk in graad 5

die owerhede tevrede te stel. Thompson (1976:2) sien die tipe onderwysstelsels as instellings
vir: “ … developing and preserving the political and social orders”. Die tradisionele,
inhoudsgebaseerde onderwysvoorsieningsmodel was dus onaantasbaar. Die inhoud moes ook
teen ‘n bepaalde tyd afgehandel word, ongeag of leerders die inhoud bemeester het of nie.
Die onderwysstelsel word nog steeds gekenmerk deur ‘n outoritêre karakter. Mathonsi
(2001:3) praat van: “ … a seemingly inherited ethos of the old bureaucracy”. Stenhouse
(1975:4-5) voel egter dat ‘n kurrikulum toeganklik vir almal en buigsaam moet wees. Hy
definieër die kurrikulum so: “ … an attempt to communicate the essential principles and
features of an educational proposal in such a form that it is open to critical scrutiny and
capable of effective translation into practice … ”.
Die kurrikulum moet ‘n voorstel wees wat op so ‘n manier aan die publiek voorgelê moet
word sodat dit maklik vir hulle is om toegang daartoe te kry deur bespreking en voorstelle vir
verbetering. Dit is immers die kinders van die publiek wat onderworpe gaan word aan die
kurrikulum. Hulle moet ‘n mate van insae het in watter rigtings hul kinders onderrig gaan
word. Stenhouse (1975:4-5) gaan verder deur te sê dat dit eers gesien moet word as ‘n
eksperiment of ‘n strategie voor dat dit voorgelê word vir finale implimentering. Kurrikulum
2005 was egter net oorhandig vir implimentering in 1998. Soos onder die Apartheidsregering
het leerkragte weer eens geen insae gehad in die nuwe kurrikulum nie. Jansen (1999:1) “ … it
is true to say that teachers had no involvement in the conceptualisation of OBE or in
decisions about its adoption …” Leerkragte het egter deur middel van volgehoue klagtes die
owerhede gedwing om ‘n Hersieningskomitee aan te stel om hulle probleme ten opsigte van
die nuwe kurrikulum aan te spreek. Onderwysers kan dus veranderinge ten opsigte van ‘n
kurrikulum teweegbring.
Morrow (1989:146) sê die volgende in verband met beheer wat oor skole uitgeoefen word:
“Schools are administered and controlled by ‘officialdom’ and to democratize schooling
would be to find ways for ‘the people’ effectively to control the operations of the school
‘officialdom’”. Aksienavorsing is ‘n manier om skole in staat te stel om die beheer te
verminder. Macintyre (2001:xi) voel as navorsing gedoen word dan kan bevindinge gebruik
word om owerhede te dwing om te luister na kwelpunte en sê in hierdie verband dat:
44