deurlopende formatiewe assessering in skriftelike stelwerk in graad 5

autonomy.” Emansipatoriese aksienavorsing is ‘n relatiewe nuwe benadering tot
opvoedkundige navorsing.
McNiff (1988), Grundy en Kemmis (1982), Carr (1983), Elliot en Adelman (1973)
ondersteun almal die benadering van ‘emansipatoriese aksienavorsing’ en sê dat dit die beste
benadering is vir opvoedkundige navorsing. Stenhouse (1982) het aksienavorsing geïnisieer
deur sy idee van refleksie-in-aksie. Schön (1983) het ook ‘n groot invloed gehad op die
betekenisgewing of vestiging daarvan. Die drie benaderings, naamlik empiries-analitiese,
prakties-interpretatiewe en kritiese/emansipatoriese verskil volgens Popkewitz (1984: 15-16)
ten opsigte van beginsels en waardes. ‘n Kort historiese oorsig ten opsigte van die drie
benaderings sal gegee word. Die implikasies van elke benadering sal bepaal of
aksienavorsing werklik volgens bogenoemde skrywers die beste benadering vir
opvoedkundige navorsing is.
3.3 TRADISIONELE NAVORSING TEENOOR AKSIENAVORSING: ‘N
HISTORIESE OORSIG
3.3.1 Empiries-analitiese benadering
Volgens McNiff (1992:14) is die kern van die empiries-analitiese benadering die feit dat
bewyse (“evidence”) empiries volgens ervaring getoets moet word. Die veronderstelling is
dat data gekollekteer word deur ‘n eksterne navorser en dit is dan hierdie navorser se
interpretasie van die data wat die kern van die navorsing uitmaak. Die empiries-analitiese
navorser gebruik slegs data wat empiries getoets kan word teenoor ervarings wat in die
samelewing opgedoen word (Grundy, 1987:11). Die leerkrag wat veronderstel is om sentraal
te wees ten opsigte van die navorsing het geen insae oor die doel en rede vir die navorsing nie
en kan ook geen bydrae lewer nie. Enige inmenging van die leerkrag word gesien as
besoedeling of kontaminasie van die data. Empiries-analitiese navorsing plaas ‘n hoë premie
op die belangrikheid van sogenaamde objektiwiteit.
Volgens McNiff (1988) word die navorser in die benadering gesien as iemand wat
betroubaar is en omdat die persoon van buite is, kan hy/sy objektiewe kommentaar lewer ten
opsigte van die onderwyssituasie. Die klem val op dataversameling en statistiese analisering
35