deurlopende formatiewe assessering in skriftelike stelwerk in graad 5

sy: “ … educators who have used collaborative assessment uniformly experience genuine
excitement at the remarkable success of their students” (Sperling, 1994:11).
Die resultate van Mooko (2001: 168) se studie het ook aan die lig gebring dat daar ‘n mate
van regverdigheid is in die argument vir die gebruikmaking van portuurterugvoering in die
onderrig van die skryfproses deur taalleerkragte. Hy sê verder dat die gebruikmaking van
portuurterugvoering leerkragte die geleentheid sal gee om te fokus op “ … higher level
concerns in students’ writing”.
Evaluering van die skryfstuk is deurlopend en geïntegreerd in die hele skryfervaring
(McKensie en Tomkins, 1984:201). Soos die onderwyser met die leerlinge deurgaans
beraadslaag, kry hy/sy ‘n geleentheid om die aktiwiteite van die leerlinge te evalueer. Vir
McKensie en Tomkins (1984:201) is die doelstelling van die evalueringsproses hoofsaaklik
om vas te stel of leerlinge die beginsel van die prosesbenadering handhaaf. Indien die proses
soos hierbo beskryf, plaasvind, sal selfevaluering egter ook deurgaans geskied. Dit is juis
hierdie elemente wat lei tot herhaalde hersienings van die skryfpoging. Hierbenewens lei
portuurgroepbesprekings ook tot hersiening en redigering, hoewel leerlinge spesifiek geleer
word hoe om ook positiewe kritiek te gebruik om mekaar te bemoedig.
2.7 SAMEVATTING
In hierdie hoofstuk het ek gekyk hoe verskillende skrywers reageer ten opsigte van die
skryfproses. Die volgende hoofstuk bespreek die voordele van die gekose
navorsingsraamwerk waarbinne my projek geplaas is.
33