deurlopende formatiewe assessering in skriftelike stelwerk in graad 5

Assessment consists of a task or series of tasks set in order to obtain
information about a learner’s competence. These tasks could be assessed in a
variety of ways using different assessment techniques throughout the learning
process. Continuous assessment will include tests and examinations but will
also rely on learner’s portfolios, self and peer assessment, projects and a range
of other methods to measure achievements of outcomes.
Leerders word dus nou ‘n groot omvang van geleenthede gegee om die uitkomste te
demonstreer. Dreyer (2000:278) wys daarop dat verskillende metodes van assessering aan
leerders ‘n verskeidenheid geleenthede bied waarin hulle kan toon wat hulle kan doen, watter
leerprosesse hulle verkies en hoe hulle gevorder het oor ‘n tydperk. Dan bou assessering
leerders se selfvertroue en vorm dit deel van die leerproses.
2.4 FORMATIEWE EN SUMMATIEWE ASSESSERING
Formatiewe en summatiewe assessering verskaf twee maniere hoe assesseringsresultate
bekom kan word. Indien ‘n leerkrag die uitslae van ‘n Wiskundetoets gebruik om leemtes in
leerders se vordering te identifiseer en daaropvolgende lesse daarvolgens te beplan, word die
inligting formatief aangewend. Formatiewe assessering verskaf informasie om leerders te
help groei sodat hulle vordering kan maak. Indien die leerkrag dieselfde informasie gebruik
om vas te stel watter leerders na die volgende graad kan vorder, word die resultate summatief
gebruik. Summatiewe assessering help die leerkrag om vas te stel hoeveel ‘n leerder op ‘n
spesifieke stadium bereik het.
Daar is geen definitiewe definisie ten opsigte van DFASS nie, maar sekere opvoedkundiges
sien dit as iets wat in die belang van die leerders is. Siebörger (1998:25) spreek hom ten
opsigte van deurlopende assessering as volg uit: “Continuous assessment, simply, means
assessment which takes place on and off throughout a course or period of learning”. Tessmer
(1993:11) verduidelik die woord formatief so: “Formative is used in a developmental sense,
as children are in their ‘formative’ or developing years and are susceptible to growth and
change”. So moet onderrig deur middel van assessering groei en ontwikkel en tot die kind se
ontwikkeling bydra. Baie leerkragte interpreteer die tipe assessering nog as ‘n proses waar
daar vir elke aktiwiteit ‘n punt toegeken word. Die onderliggende veronderstelling van
deurlopende assessering is dat dit groei in die leerder se leer moet reflekteer en as ‘n
diagnostiese instrument gebruik moet word. Hlope (1998:6) sien assessering as ‘n formatiewe
23