deurlopende formatiewe assessering in skriftelike stelwerk in graad 5

2.3 ASSESSERING IN DIE ALGEMEEN
Die Ministerie van Ontario (2000:13) definieer assessering soos volg:
The primary purpose of assessment is to improve student learning.
Information gathered through assessment helps teachers to determine
students’ strengths and weaknesses in the achievement of the curriculum
expectations in each course… Assessment is the process of gathering
information from a variety of sources… teachers provide students with
descriptive feedback that guides their efforts towards improvement
Die rekordhouding en bespreking van assessering vorm oor die algemeen die basis van die
kommunikasie tussen leerkrag en leerder. Assessering sonder kommunikasie beteken min vir
die ontwikkeling van die leerder. Kommunikasie tussen leerder en leerkrag vorm dus ‘n
belangrike deel van die leerproses en dit moet op ‘n gereelde grondslag plaasvind.
Die amptelike definisie vir deurlopende assessering in Suid-Afrika het sedert 1995 verskeie
veranderings ondergaan totdat dit teen die einde van September 1998 amptelik aanvaar was,
maar slegs gereed vir verspreiding in 2000 (WKOD, 1998). Hier volg ‘n paar van die
definisies:
In September 1996 het dit so gelui:
Teen September was assessering gekoppel aan ‘n leerder se vordering deur die
jaar. Daar was aanbeveel dat intervensies en remediërende werk betyds begin
moet word. Daar moet ook ‘n balans wees tussen kennis, vaardighede,
konsepte en waardes in die kurrikulum (WOKD, 1996:2).
Oktober 1998 het dit so daar uitgesien:
Assessering moet doelmatig en deurlopend wees en moet ook as ‘n
onderrigmiddel dien. Dit moet nie net die leerder monitor nie, maar ook
motiveer om aktief betrokke te wees by die leerproses (WKOD, 1998:6).
‘n Definisie van assessering soos dit in Suid-Afrika se Nasionale Assesseringsbeleid verskyn,
lui as volg:
21