deurlopende formatiewe assessering in skriftelike stelwerk in graad 5

onderrig moet bereik. Uitkomste is nie die inhoud wat leerders baasgeraak het nie, of ‘n toets
of ‘n eksamen wat afgelê was nie, maar wel ‘n sigbare, waarneembare demonstrasie van iets
wat die leerder nou kan doen wat hulle vroeër nie kon gedoen het nie.
… importance is attached to demonstration of competence and if a particular
learner takes longer than average to achieve it, this will be considered
acceptable. The tendency is towards ‘fixed learning, variable time’ rather than
the more normally found ‘fixed time, variable learning’ (Harris en Bell
1983:93).
Kurrikulum 2005 is ten volle gebaseer op uitkomste gebaseer. Die manier hoe leerders die
uitkomste bemeester, word geassesseer, en nie inhoud nie. Le Grange en Reddy (1998) sê dat
daar gewoonlik van assessering gepraat word wanneer daar na‘n leerder se prestasie gekyk
word. Dit behels die versameling, organisering, interpretering en notering van inligting deur
die assesseringsproses. Hierdie sistematiese en empiriese metode van die insameling van
inligting is om onderrig te hersien, aan te pas en dit te verbeter. Assessering was altyd deel
van die leerproses. Dit behels gewoonlik take, oefeninge, eksamens of toetse wat deur
leerkragte opgestel word. Om te assesseer beteken om iets te meet. Gewoonlik word dit wat
geleer, of onthou, of vaardighede wat toegepas moet word, gemeet. Assessering stem ooreen
met evaluasie en in sommige gevalle beteken dit dieselfde, Siebörger (1998:26).
Evaluasie word gewoonlik breër as assessering beskou. Wanneer ‘n leerder se vordering
geëvalueer word, word daar nie slegs na die leerder se werk gekyk nie, maar die huislike
omstandighede en leerder se vermoëns word ook in ag geneem. Dit dra by tot ‘n meer
omvattende beskouing van assessering.
Volgens Cameron en Bygate (1997: 40) is die funksie van assessering nou meer omvattend.
Dit sluit die verbetering en ondersteuning van beplanning, onderrig en leer. Assessering moet
dit moontlik maak om te sien wat kan verander of ontwikkel word en om te help om besluite
in dié verband te maak. Assessering is in die leerprogram geïntegreer in dié opsig dat dit
dwarsdeur die leersiklus plaasvind. Dit is nou nie meer ‘n enkele gebeurtenis wat aan die
einde van elke akademiese kwartaal plaasvind nie. Assessering moet leerkragte inlig
aangaande die kwaliteit van hulle onderrig en die hulpbronne wat hulle gebruik.
20