deurlopende formatiewe assessering in skriftelike stelwerk in graad 5

HOOFSTUK 2
LITERATUURSTUDIE:
TEORETIESE ONDERSTEUNING VAN SKRYF EN
2.1 INLEIDING
ASSESSERING
In hierdie hoofstuk word ‘n kort oorsig uiteengesit van UGO. Die fokus is egter op
assessering en die prosesbenadering vir skriftelike stelwerk binne UGO. Assessering word
gesien as ‘n integrale deel van leer in die skryfproses. Alhoewel daar geen definitiewe
definisie is vir assessering nie, toon navorsing aan dat dit ‘n dinamiese rol in die skryfproses
speel. Die deurlopendheid van assessering verseker kwalitatief ‘n beter produk as die liniêre
benadering tot skryf waar die fokus byna uitsluitlik op die eindproduk geval het. Die
prosesbenadering word gesien as funksioneel en ‘n proses wat leerders bemagtig. Leerders is
nou in ‘n posisie om deel te neem aan hul eie leerproses.
2.2 UITKOMSGEBASEERDE ONDERWYS (UGO) EN ASSESSERING
UGO is nie‘n nuwe konsep of benadering nie. Martin (1999) sê dat met die eerste oogopslag,
geeneen van die konsepte wat die proponente van UGO te voorskyn mee gekom het, nuut is
vir diegene wat bekend is met die huidige opvoedkundige teorieë en praktyke nie. UGO sluit
idees in soos “student-centered teaching”, “self-directed learning”, “active learning”,
“problem-based learning”, “mastery learning” en “flexible delivery”. Spady (1993) sien dit as
‘n transformele manier van besigheid doen in onderwys en volgens hom is dit nie ‘n
verbygaande gier nie. Dit blyk dat daar uiteenlopende menings bestaan oor die innoverende
aanslag van UGO. Bogenoemde benaderings word alreeds ‘n geruime tyd in westerse lande
soos Australië, Brittanje, Amerika en Kanada toegepas. Die terme was egter nie so bekend in
Suid-Afrikaanse skole voor 1995 nie.
Alle UGO programme het dieselfde fundamentele uitkomste in gemeen, naamlik dat
onderrig ontwerp is rondom duidelike uitkomste wat leerders met behulp van die leer en
19