deurlopende formatiewe assessering in skriftelike stelwerk in graad 5

leerders aanmoedig ten opsigte van die vreemde situasie waarin ons ons bevind het. Alhoewel
die term refleksie op praktyk ‘n proses voorstel van nadink of bepeinsing oor ‘n aksie wat
reeds plaasgevind het, beteken dit nie dat die refleksie net dan plaasvind nie. Refleksie kan te
enige tyd plaasvind byvoorbeeld voor, gedurende en na ‘n ondervinding. Ek het gedurende
die studie gedurig gereflekteer om te verseker dat dit wat ek implimenteer die resultate lewer
wat leerders bevoordeel.
5.5.3 ‘n Reflektiewe praktyk bied uitdagings vir groei en ontwikkeling
As ‘n leerkrag is ek ook terselfdertyd ‘n leerder en word uitgedaag deur die onderrig en leer
waarin ek betrokke is. My refleksie op my praktyk het my aangemoedig om vrae te formuleer
wat die uitkomste van strategieë in besondere situasies verken het.
5.5.4 Probleme is die basis vir verandering
Dit wat ek vroeër as ‘n probleem gesien het, het minder van ‘n probleem geword. Soos ek die
nuwe informasie ten opsigte van die prosesbenadering assimileer het, het ek persoonlik
ontwikkel. Daar het ‘n verandering in my praktyk plaasgevind met ‘n bewuste verskuiwing in
my gedrag. Refleksie is dus baie nou verbind met die proses van leer.
5.6 BEVINDINGS TEN OPSIGTE VAN LEERDERS SE SKRYFWERK
5.6.1 Verbetering van skryfwerk is te danke aan kritiese ontleding en evaluering van
data
Daar is konkrete bewyse deur middel van my waarnemings en refleksies, assessering van die
verskillende weergawes, joernaalinskrywings en joernaal- refleksies en reaksies van vraelyste
dat daar wel ontwikkeling in my leerders se skryfvermoëns plaasgevind het. Die individuele
beraadslaging met leerders, byhou van dagboek, leerders se response op vraelyste het my
nader aan hulle gebring en my gehelp om hulle beter te verstaan en beter te help deurdat hulle
leemtes nou duidelik geword het en ek dit kon aanspreek. Leerders wat gewoonlik werk van
‘n swakker gehalte ingehandig het, het nou ‘n beter stukkie geskrewe werk ingelewer.
105