deurlopende formatiewe assessering in skriftelike stelwerk in graad 5

Wanneer ons as leerkragte ons kurrikulum beplan, moet ons tyd so ingerig wees dat leerders
genoegsame tyd spandeer om hulle onderwerpe te ondersoek. Sommige leerders spandeer
meer tyd aan sekere fases as andere.
Ter afsluiting van hierdie hoofstuk wil ek graag die volgende van Calkin (1986: 167, 195)
aanhaal toe hulle haar vra wat sy graag nog sou wou doen om haar studente te kan help. Sy
het so gereageer:
• Reach more students in our one-to-one conferences.
• Show students ways to make significant revisions rather than
simply small additions and deletions.
• In conferences, find important ways to challenge students so that
they do more than they thought they can do.
• Identify widespread problems in students writing and give
alternate solutions in mini-lessons Calkin (1986: 167, 195).
Ek het gevind dat dit nie nodig is vir leerkragte om met ‘n rooi pen elke sin van leerder oor te
skryf nie. Indien probleme deur middel van verskillende vorme van assessering en lesse
aangespreek word, is leerders in staat om self die veranderings aan te bring. Ek glo egter nie
dat daar enigeiets is wat die plek kan inneem of wat meer effektief is as individuele
konferering nie. Ongelukkig is dit tydrowend en tyd in die skoolopset is kosbaar.
White en Arndt (1991:17) stel voor dat leerders nie net ‘n eensydige geskrewe terugvoering
kry nie, maar dat daar ook individuele konferering tussen leerkrag en leerder plaasvind.
Sodoende kan die leerkrag die leerder se respons onmiddellik verkry.
Die enkele sessie wat ek met leerders gehad het, het ‘n groot verskil in hul werk gemaak,
want ek kon hulle uitdaag, met hulle redeneer en dwing om dieper te dink. Sodoende het die
proses tot ‘n beter eindproduk gelei. Die prosesbenadering tot skryf is ‘n lang proses wat nie
aangejaag moet word nie. Soos leerders deur die verskillende fases beweeg het, was dit
duidelik dat hul selfvertroue toegeneem het omdat hulle nou die geleentheid gekry het om op
weergawes te kon verbeter. Hulle kry slegs ‘n finale punt wanneer hul die finale poging
inhandig en selfs dan as iets hulle nog pla, mag hulle terug gaan en weer indien nodig,
herskryf. Die vrees oor watter punte hulle gaan kry, is dus nou nie meer daar nie en my
leerders was dus baie meer ontspanne. Leerders het so gereageer toe ons hulle in ‘n
onderhoud vra hoe hulle oor die proses voel:
95