deurlopende formatiewe assessering in skriftelike stelwerk in graad 5

Adri, die enigste vaardige skrywer in die groep, het geen probleme ondervind om groot
gedeeltes van haar teks rond te skuif nie. Sy kon dit doen omdat sy haar teks vanuit ‘n globale
perspektief hersien het.
Die lesse het ‘n positiewe invloed op al ses die leerders se werk gehad. Organisasie en
koherensie was duidelik in Rudy se werk aangespreek. Hy het nie verder sy werk uitgebrei
nie en die teks het dus nie verandering ondergaan nie. Sy sinne het egter beter ineengevloei.
Hy het ook hier en daar ‘n paar spelfoute laat deurglip. Rudy se finale poging het só daar
uitgesien:
In die akwariums is daar verskillende visse. Almal die visse woon in verskillende akwariums.
In die akwariums is daar waterplante wat onder kan grooi (sic). In die akwariums is daar
baie plante vir skuiling en ekstra voiding (sic). Die mense sit filters onder die treie (sic) laat
die filters die water skoon hou sodat hulle nie siek word nie. ‘n Mens kan gou sien as ’n vissie
siek is, hy swem stadiger, hy wil nie eet nie of hy kry donker kolle op sy lyf. As ‘n vis siek is
dan moet jy hom uithaal voor hy die anders aansteek. Ek dink dis ‘n goeie ding dat ons ‘n
akwarium het, want dan kan ons meer leer oor visse.
Zenia se sinne was té lank, maar die teks was helder en duidelik. Haar laaste poging het só
daaruit gesien:
Akwariums gee ons meer inligting oor verskillende visse. Ons het verskillende visse by die
akwarium gesien. In die een vistenk was daar haaie, seeskilpaaie en in die ander vistenk was
daar geelstert, geelbek, krewe, snoek en in die kleiner vistenk was daar kleiner vissies. Die
natuurlike habitat van vissies word in akwariums nageboots. Akwariums is verskillende
grotes dit hang af hoe groot die visse is en hoe klein die vissies is. Sommige is so groot soos
geboue. Mense gebruik waterplante om akwariums mooi en aantreklik te lyk. Dit is baie
belangrik om na ons seediere te kyk.
Ek was ietwat teleurgestel in die spel en interpunksie foute wat in laaste poging nog
teenwoordig was. Ek het besef dat ou gewoontes baie lank neem om van ontslae te raak, want
die tradisionele manier van skryfwerk het die klem laat val op meganiese vaardigheid. Ek het
die benadering vir ‘n baie lang tyd toegepas. Die nuwe benadering laat die klem val op
betekenisskepping en kreatiewe skryfwerk. Die leerders sou ook nie sulke gehalte werk kon
90