deurlopende formatiewe assessering in skriftelike stelwerk in graad 5

met die hulp van kontrolelyste en lesse. Daar was nog ‘n paar interpunksie foute wat sy
oorgesien het, maar wat inhoud en betekenis betref, was haar werk ‘n riem onder die hart vir
‘n leerkrag wat so baie moeite gedoen het.
Sammy se laaste poging was sy heel beste. Hy het nie net sy sinne logies gerangskik nie,
maar ook verder uitgebrei. Hier is van sy sinne soos dit oorspronklik was en soos dit nou daar
uit sien:
Som van hulle het ‘n klompie plante in.
Som het niks plante in.
Laaste poging:
Daar is baie plante in sommige akwariums en minder in andere, want die haaie en pylstertvis
(stingray) wil vry swem.
Shereen het haar koherensie en vloei van sinne deeglik aangespreek en die teks het uitstekend
gevloei. Inhoud en betekenis was ook sinvol. Hier en daar het sy spelfoute laat deurglip en
heelwat interpunksie foute begaan.
Adri het haar laaste poging heelwat uitgebrei. Sy het nou baie meer samegestelde sinne gehad
en as gevolg hiervan haar teks heelwat verander. Sy het dus op die koop toe nuwe probleme
vir haarself op die hals gehaal. Inhoud en betekenis was egter hierdie keer baie beter. In die
betekeniswordingsproses het sy deur middel van hersiening en redigering haar teks verander
en verfyn. Betekeniswordingsproses behels hersiening wat die teks beïnvloed. Tye en
interpunksie moes aandag in volgende skriftelike take kry. Haar laaste poging het egter meer
informasie bevat en die werk het baie meer sin gemaak. Die teks het ‘n groot verbetering op
eerste poging aangedui waar die informasie voorheen baie karig was.
Sommers (1999:387) het in haar studies vasgestel dat minder vaardige skrywers hulle werk
op ‘n baie beperkte wyse hersien. Die meer vaardige skrywers skuif groot gedeeltes van hulle
teks in die proses om betekenis te skep omdat hulle na hulle werk vanuit ‘n meer globale
perspektief kyk. Met elke verandering wat aangebring word, word die geheel herrangskik.
Sommers (1980:387) sluit af met die volgende: “… it is a sense of writing as discovery-a
repeated process of beginning over again, starting out new.”
89