deurlopende formatiewe assessering in skriftelike stelwerk in graad 5

Kommentaar
Soos ons deur die verskillende fases van die skryfproses beweeg het, was daar na elke vorm
van assessering en les ‘n verbetering in leerders se werk te sien. Melton (1997:66) sê dat
leerders se werk ‘n aanduiding gee van watter probleme in die volgende lesse aangespreek
moet word. Dit was inderdaad die geval. Ná elke assessering het leerders se werk my ingelig
en ek kon sien watter probleme hulle ondervind sodat ek dit in die volgende les kon behandel.
Na die toepaslike lesse het leerders met hernude motivering herskryf omdat hulle nou ‘n beter
begrip gehad het van wat hulle te doen staan. Daar was ‘n verbetering na elke poging.
Die benadering is veral bemagtiging vir leerders in dié opsig dat hulle nou geleer word hoe
om beter te skryf. Hulle doen nou nie meer verbeterings in isolasie sonder enige konsep hoe
hulle die dit moet aanpak nie. Dit het ook vir my duidelik geword dat leerders almal min of
meer dieselfde probleme op ‘n gegewe tydperk in die proses ondervind het. Daar is diegene
wat hier en daar ander probleme ondervind het, maar oor die algemeen is die probleme wat
hulle ondervind het, dieselfde. Die lesse help dus die om die oorgrote meerderheid van die
leerders deur hulle probleme aan te spreek.
Redigering
Redigering het deur middel van kontrolelyste regdeur die skryfproses plaasgevind en was nie
tot heel laaste gelaat nie. Dit het dus deur middel van portuur-, leerkrag en selfassessering
plaasgevind. Soos leerders dus aanbevelings van portuur en leerkrag toegepas het, het hulle
sinskonstruksies verander, woordkeuses aangepas en verfyn en sinne ontwikkel soos hulle
idees uitgebrei het.
Finale interpretasie en refleksie van die assesseringsproses
Daar was ‘n groot verbetering in Zenia se laaste poging. Logiese volgorde en koherensie was
aangespreek en teks het nou vloeiend gelees. Sy het haar sinne baie in haar laaste poging
uitgebrei en so heelwat teksverandering teweeggebring. Die paragraaf was interessanter.
Carol en Sammy was die twee leerders wat die meeste aan die begin gesukkel het. Dit was
egter verbasend om te sien hoe Carol se werk verbeter het sonder dat ek ‘n enkele sin van
haar oorgeskryf het. Verbetering het plaasgevind deur middel van voortgesette assessering
88