OB 14/2010 - Laerskool Rustenburg

TEL: (014) 592 0528 13 MEI 2010
www.laerskoolrustenburg.co.za
Geborg deur: CENTRAL motors
If it's class you need
Geagte Ouers
OB 14/2010
1. HET U GEWEET ?
Larries is die eerste Afrikaanse skool in Rustenburg met 'n Mutimedia-toegeruste
ouditorium.
2. LARRIE AKADEMIE:
Die eksamen is nou in volle swang en ons doen weer 'n beroep op ons ouers om
afwesighede te beperk. Indien 'n leerder afwesig is tydens die skryf van 'n vraestel, word
die betrokke vraestel geskryf op die eerste dag Sorg asseblief dat u kind deeglik
voorbereid is en toets hom/haar gerus die aand voor die eksamen. U kind en sy/haar
prestasies is u verantwoordelikheid!
U word net weer herinner aan die studiemetode-kursus wat op die vorige omsendbrief
verskyn het. Dit vind plaas op Saterdag, 15 Mei vanaf 8:00 – 11:15. Lokaal nr: 33
Dit is me. Alda Oberholzer se Klaskamer. Parkeer asseblief binne die skoolterrein indien u
die kursus saam met u kind gaan bywoon.
Kom sluit gerus aan by ons Facebook groep:
www.facebook.com

3. LARRIE GHOLFDAG - 27 MEI 2010
Op bogenoemde datum vind ons skool se jaarlikse gholfdag plaas by die plaaslike
Gholfklub.
Die formaat: "Better Ball, Scramble Drive, Shotgun Start" om 10:00
Kostes: R1000 per 4 bal; sluit halfweghuis in.
As daar ouers is, of vriende van u wat wil speel, skakel ons asseblief.
Ons soek ook nog hulp met ons borge.
Borg van bof @ R500; behalwe bowwe 1,10,12 @ R1000.
Borg van setperk @ R500; behalwe by setperk 18 @ R1000.
Skakel ons indien u belangstel om te speel of indien u wil borg.
Projektekantoor : 014-592 0528
Banie Mostert : 083 297 5661
Ons kort nog baie 4 bal inskrywings en heelwat borge om dié dag 'n groot
sukses te maak. Kom mense, help ons asseblief!!
4. LEERDERRAAD:
Ouers word herinner aan die Eduland kampgelde wat op Woensdag, 2 Junie inbetaal moet
wees.
5. VERLORE KLERE:
Ouers word vriendelik versoek om alle sportklere, skoolklere, skryfbehoeftes, tasse ens.,
duidelik te merk met 'n permanente pen. Die noemnaam en van moet duidelik sigbaar
wees. Baie klere raak tans verlore en is nie gemerk nie. Dit maak dit moeilik om die
eienaar op te spoor en die klere terug te besorg. Indien ouers agterkom dat hul kind met
die verkeerde klere huis toe kom, moet hulle dit asseblief sonder versuim terugstuur skool
toe. Leerders kan by die afrolkamer, langs die Rekenaarsentrum, kom vra vir verlore klere.
Die afrolkamer is pouses oop vir navrae.
6. LARRIEFOKUS:
Hiermee bied ons aan u die geleentheid om in die Larriefokus (skoolblad van Laerskool Rustenburg) as
adverteerder of borg op te tree. U kry dus geleentheid om in vele huishoudings bekend-gestel te word deur
middel van u bydrae.
Hierdie publikasie verskyn einde Julie 2010.
Die opsies wat u kan uitoefen is as volg:
Advertensies: 4.5 x 4.5cm - R 250
6.5 x 6.5cm - R 300
14 x 7cm - R 500
Volblad - R 1 500
Borg: R250 of meer (Eie keuse)
Tjeks kan uitgemaak word aan Laerskool Rustenburg of direkte bank inbetalings aan Laerskool
Rustenburg, ABSA 632005, Rek. Nr. 1220490838.
As verwysing, u maatskappy se naam/Larriefokus. Alle betalings plus die advertensie vir die Julieuitgawe
moet ons asseblief voor 4 Junie 2010 bereik.
Advertensie kan ook per E-pos aan die skool gestuur word:
larries@telkomsa.net
Ons opregte dank en waardering vir u ondersteuning. U finansiële bydrae is essensieel vir die druk van so ‘n
kleinood vir ons leerders. Vir enige navrae skakel vir me. Carol J. v Vuuren by (014) - 592 0528 / 9.
2

--------------------------------------------------------------------------------------------------------------------------------
Ek, _______________________________stel belang om 'n advertensie te plaas of as borg op te tree.
Naam van besigheid : __________________________________
Kontaknommer : _________________________
Grootte van advertensie : _________________________
Borg : R_________
Bedrag en advertensie ingesluit Bedrag en advertensie nie ingesluit nie
__________________________ _________________
HANDTEKENING VAN ADVERTEERDER DATUM
LARRIEFOKUS VERVOLG!!
Soos die meeste van u weet is die Larriefokus (skoolblad) wat in Julie uitgegee word ‘n MOÉT vir
élke Larrie!
Hierin word al die bedrywighede van die leerlinge en die skool se prestasies in die kollig geplaas.
Akademie / Sport / Kultuur én pret is deel van u kind se skoolloopbaan en hierdie uitgawe van die
Larriefokus is ‘n kosbare skat van herinneringe wat u kind van sy Laerskooldae kan bêre.
Maak seker u kind kry wél ‘n Larriefokus deur u bestelling deur middel van die afskeurstrokie
sommer dadelik by u kind se voogonderwyser te plaas.
---------------------------------------------------------------------------------------
Ek ______________________________ ouer van ___________________ Gr. ________
Stel belang in die Julie-uitgawe / stel nie belang nie.
Die R15 moet asseblief u bestelling vergesel.
_______________________________ _________________
HANDTEKENING VAN OUER DATUM
3

7. REDENAARS:
Die volgende leerders het op Saterdag, 8 Mei, aan die ATKV Redenaars deelgeneem.
Hierdie leerders het almal pragtig gepraat.
Gr.1 – 3
Kyle Schoeman, Eloise Conradie, Rialet Visser, Marizaan Roothman en
Bianca Myburgh.
Gr.4 – 5
S.J. Nel, Mieke Wallis, Rulize Conradie, Rainer Jonker en Danielle Eybers.
Gr.6 – 7
Lourie Zevenster, Charlize Jacobs en Anchën Groenewald
Die volgende ses leerders is deur na die semi-finaal:
Lourie Zevenster, Rulize Conradie, Eloise Conradie, Kyle Schoeman,
Bianca Myburgh en Rialet Visser.
Baie geluk. Larries is trots op julle!
7. ALGEMENE KENNIS VASVRA KOMPETISIE:
Sien gerus die aanhangsel wat by hierdie brief ingesluit is.
8. SKAAK:
Skaakoefening vind plaas op Maandae tot Donderdae vanaf 13:15 – 14:00 in Kamer 45.
Alle leerders is welkom. 'n Merietelys gaan opgestel word en dan kan leerders mekaar
begin daag vir posisies.
Die volgende skaaktoernooie is op 22 Mei in Brits en 29 Mei by Vastrap. Almal mag
deelneem. Verdere besonderhede volg later. Kontakpersoon: me. Hilda Hills.
9. NETBAL:
Die afgelope tyd is daar heelwat liga-wedstryde gespeel en die spanne het puik gespeel:
13 April teen David Brink - 17 Spanne speel en slegs een span verloor
20 April teen Bafokeng - Drie spanne speel, een speel gelykop en ons
wen twee
29 April teen Protea Park - 18 Spanne speel en 17 spanne wen
29 April teen RGA - Speel twee wedstryde en wen albei
4 Mei teen Rtb Noord - 23 Spanne speel en 17 spanne wen
6 Mei speel Larries vriendskaplike wedstryde teen Elandskraal en beide skole het baie goed
presteer.
4

10. OPTOG WAARSKUWING:
Solidariteit is ‘n organisasie wat tans die aktiefste vegters vir Afrikaans en Onderwys is.
Hierdie aksie beplan ‘n optog op Woensdag, 19 Mei vanaf 13:00 – 14:00 in Beyers
Naudestraat. Hou dit in gedagte en gebruik alternatiewe roetes wanneer u u kinders by
die skool kom haal en weer huis toe neem.
11. BOELIES:
Dit is ‘n realiteit dat boelies by alle skole voorkom. Ons is ook daarvan bewus dat daar
boelies in Larries is. Boeliery is ‘n ernstige saak en ouers en leerders moet daarvan bewus
wees dat daar opgetree sal word teen leerders wat hulle hieraan skuldig maak.
Daar is ook tyd afgestaan in die opleiding van die Leerderraad om Leerderraadslede te
bemagtig en in te lig rakende die voorkoms van en optrede teenoor boelies.
Hiermee gee ons vir u ‘n kort opsomming deur van dit wat die Leerderraad tydens die
Leerderraadopleiding van 3 Mei geleer het. Boeliery moet aangemeld word by
voogpersoneel en met mening uitgeroei word. Larries is ‘n omgeeskool wat waardes soos
regverdigheid, omgee, respek, betroubaarheid, verantwoordelikheid en goeie burgerskap
nastreef.
9 Kenmerke van boelies:
1. Gesindheid tot geweld
2. Impulsief
3. Dominerend
4. Min empatie
5. Onakkurate positiewe selfbeeld
6. Fisiese boelies is fisies groter
7. Het gewoonlik ‘n groepie aanhangers
8. Populariteit gemiddeld tot laag
9. Aggressiewe reaksie patroon
Wat maak van iemand ‘n boelie?
o Intensie
o Intensiteit
o Mag
3 Tipes boelies:
1. Pro-aktiewe boelie (Groot ouens, gewoonlik fisiese boelies)
2. Re-aktiewe boelies (Slagoffers van pro-aktiewe boelies – tree op omdat hy geboelie
is/word)
3. Pro-aktiewe slagoffers (Moeilikheidmakers)
Voorbeelde van boeliegedrag:
o Verbale mishandeling
o Stories versprei/skinder
o Veroorsaak fisiese beserings
o Beskadiging van besittings
o Arrogansie en gewoonlik swak verloorders
o Swak emosionele selfbeheer
5

o Swak ondersteuningsnetwerk (min/geen vriende)
o Min respek vir outoriteit/uitdagende houding
o Bak poetse wat ander verneder laat voel
Klassifikasie van boelies:
1. Antisosiale gedrag
2. Jeugmisdaad
3. Misdaad
Gevolge vir ‘n slagoffer:
o Lae selfbeeld
o Geen waagmoed
o Introvert
o Wantrouig
o Akademiese probleme
o Depressie
Larries tree op teen boelies!
Rapporteer boelies by voogonderwysers.
MOENIE SELF ‘N BOELIE WEES NIE!!!!
12. WAARDES:
Die waarde vir die volgende twee weke is OMGEE.
Leerders kan gerus elke dag kyk na die gesegdes en plakkate wat by die skool opgesit is.
Leef hierdie waarde saam met u kind uit.
Jy weet nooit wie se
jy gaan bly maak nie!
As deel van die OMGEE-waarde gaan die Leerderraad se omee-groepie 'n
uitreik hê waarin hulle Solidariteit gaan ondersteun . Larries ondersteun al
vir twee jaar lank Solidariteit se winterprojek vir behoeftige kinders. Larries
gee nie net om vir onsself nie, maar ook die gemeenskap. Ons vra elke
Larrie wat werklik omgee om die volgende saam te bring:
* Klere wat julle nie meer dra nie
* Komberse
* Blikkies kos, ens.
Donasies kan ingehandig word
by mej. V d Merwe by Kamer
nr.42
6
Onthou jy is 'n
Larrie
en Larries gee om!!

13. GESINSVERRYKING:
Ons gaan gedurende die volgende weke ‘n paar interessante feite in verband met
gesinsverryking met u deel –:
Die uwe
Wees vir mekaar ‘n veilige hawe
• Gesinne en gesinslede wat nie net vir hulleself leef nie; en tog na ander
gesinslede (en ander mense) toe uitreik, is meer geneig om mekaar te
waardeer en wedersydse respek vir mekaar te openbaar.
• ‘n Gesin is die plek waar mense veilig moet voel.
• ‘n Gesin is ‘n groep mense wat saamgebind word deur die gom van hulle
liefde en die sement van wedersydse respek en aanvaarding.
• Geen persoon wat deel is van ‘n gesin behoort ooit alleen te wees nie.
• Daarom behoort liefde en versorging van ons gesinne ‘n belangrike prioriteit
te wees.
Ons vind in Markus 3:25 ‘n belangrike beginselwaarheid – as ‘n huisgesin onderling
verdeeld is, sal daardie huisgesin nie kan bly staan nie.
J.F. J VAN VUUREN
HOOF – L/S RUSTENBURG
7