Laai Af - Gkkandelaar.co.za

IN DIE WANDELGANG
Gereformeerde Kerk
Die Kandelaar
Nuusbrief: Sondag, 17 Junie 2012
Eredienste: 09:30 en 18:30
OGGENDDIENS (Ds Nardus Droomer) AANDDIENS (Ds Attie Bogaards)
Lees: Luk 13: 22 - 30 Lees: Gen 18; 12: 1 - 3
Teks: 2 Pet 1: 10, 11 Teks: Gen 18: 17 - 19
Sing: Ps 48: 4, 5 Sing: Ps 138: 1
84: 6 9: 7
63: 1, 2, 3 1: 1, 2
16: 1, 2 1: 3, 4
73: 11, 12 98: 1, 4
KOLLEKTES 17 JUNIE 24 JUNIE
1 ste Kollekte: Diakonie Diakonie
2 de Kollekte: Sending Steun buite gemeente
KOLLEKTE – PRESIDENT KRUGERKINDERHUIS
Met die kollekte van Sondag, 27 Mei 2012, is ‘n bedrag van R9 083,10 ingesamel. Baie
dankie broeders en susters, vir u sorg en meelewing.
Diakonie en President Krugerkinderhuis.
LIEF EN LEED
Verjaarsdae
So 17 Marten Boersema
Ma 18 Tony Carvalho, Erik Reesink, Phia van den Berg, Jan-Tian van der Kooi
Wo 20 Albert van de Wetering
Do 21 Annemarie van ’t Foort
Vr 22 Roelanie Boersema, Gideon Nederveen
Sa 23 Gerrit Bouwmeester

Meelewing
• Dankbaar is ons aan ons Hemelse Vader dat dit met Roel Bouwmeester na laasweek se
geslaagde operasie, na omstandighede goed gaan. Ons was by die onderskeie dokters en
almal is tevrede. Ook het die scan uitgewys dat die kop en nek skoon is van die
kwaadaardige selle en gewasse, asook die longe en lewer.
Verlede week Woensdag het drie dokters aan Roel sy kop gewerk, daar was weer ‘n knop
onder die ken wat kwaadaardig was en uitgehaal moes word.
Die kaakspesialis het die plaatjies en skroewe uit die kaak gehaal, die plastiese chirurg het
weer ‘n ‘sling’ in Roel se wang ingesit sodat die mond meer reguit kan wees.
Ons is dankbaar aan die dokters, en ons kinders, familie, en die gemeente, asook
Ds.Droomer wat ons deur ‘n baie moeilike tyd gehelp het.
Roel en Emmy Bouwmeester
• Sr Renée ‘t Hart het gestruikel en agteroor geval. Sy het gelukkig nie baie seer gekry nie,
meer spiere seergemaak. Sy het ‘n groot venster stukkend geval. Ons is saam met u
dankbaar dat daar nie ernstige beserings was nie en hoop dat die spiere gou sal herstel.
• Alle sterkte aan ons broeders en susters en die kinders wat ly onder griep en
komplikasies! Soos Matthys, seuntjie van br en sr Eduard en Tabita Winter, wat in die
hospitaal is met longontsteking. Baie sterkte!
Psalm 139: 17 – Hoe kosbaar is dan vir my u gedagtes , o God. Hoe geweldig is hulle
volle som nie
BYBELSTUDIE
Bybelstudiegroep ‘Manna’
Vergader DV Woensdag, 20 Junie, by br Wout en sr Marian Nederveen; Sefánja 3.
OPPASDIENS
17 JUNIE 24 JUNIE
Ma’s Mariska van de Wetering Marissa van de Wetering
Adri van de Wetering Irma Venter
Dogters Carolien van Renssen Carina van ‘t Foort
Arina Wibbelink Monique van de Wetering
Francis Momberg Cornelia Bakker
VAN DIE KERKKANTOOR
Wandelgang
Indien daar lidmate is wat sukkel om die Wandelgang, met die kleiner lettertipe te lees, gee
asseblief u naam vir sr Mia van Lochem by die kerkkantoor, sodat sy elke week vir u ‘n
Wandelgang met ‘n groter lettertipe kan laat kry. Hierdie Wandelgange is vandag op die
tafel in die narteks beskikbaar.
SSK

Kom skrop nes saam met ons!
Op Saterdag 28 Julie 2012 hou die SSK hul jaarlikse fondsinsameling. Hierdie jaar is dit 'n
vlooimark en ‘n heerlike ontbyt. Kom geniet die dag saam met ons! Meer inligting oor die
geleentheid vind u op die kennisgewingbord.
Kreatiwiteitsoggend - President Krugerkinderhuis
Die SSK beplan om tydens die Julievakansie ‘n kreatiwiteitsoggend te hou vir die kinders
van die President Krugerkinderhuis. Die beplande datum is Dinsdag, 3 Julie 2012 om 10:00.
Hierdie oggend is spesifiek gemik op die kinders wat tydens die vakansie by die kinderhuis
bly. Indien u bereid is om te help, kontak asseblief vir sr Hilde Wilcocks of sr Christelle
Anholts.
DAMESOGGEND TEN BATE VAN KINDERHUIS – 25 AUGUSTUS 2012
Die tiende gesamentlike damesoggend ten bate van President Krugerkinderhuis vind DV
plaas op 25 Augustus om 09:00 by St. Mary’s in Brooklyn. Die kunstenaar is Jannie
Moolman; Este Pienaar is die vertolkingskunstenaar. Ons tafeldektema: ‘n Huweliksfees.
Kaartjies kos R120.00 elk. Twee susters uit ons gemeente het aangebied om gasvrouens
te wees. Indien u die funksie wil bywoon kontak vir sr Mia van Lochem by die kerkkantoor vir
‘n kaartjie, of Susan Fourie by 082-324-9399 of Elize vd Walt by 082-774-4544. As u dalk
nog in besit is van u ma of ouma se trourok (gedateer uit die tydperk voor 1970) gee
asseblief vir ons daarvan ook kennis. Ons sien u graag by die damesoggend.
Kameeldriftgroete
GK CACHET NAMIBIë UITREIK 2012
Die studente van Gereformeerde Kerk Cachet vertrek hierdie jaar (29 Junie - 7 Julie) op ons
jaarlikse uitreik na Drimiopsis, Namibië. Hierdie uitreik dien as steun vir die Gereformeerde
Kerk Sandveld. Die uitreik word finansieel gedra deur borge van ander gemeentes en
fondsinsamelings wat die uitreikers self hou. Die bestuur wil u ook graag nader en vra dat u
ons moontlik bystaan met ‘n finansiële bydrae, sodat ons weer daarmee die inwoners van
Drimiopsis kan bystaan (d.m.v. Bybels, kospakkies en bouprojekte) of benodigdhede vir die
uitreikers kan aankoop.
Bankbesonderhede: Namibië Uitreik Hulpprojekte
Rekening nommer: 3833 1290 243; ABSA, Takkode: 335-138
Verwysing: Namibië, [naam / rede vir skenking
Bewys van betaling na: marnix.boersema@gmail.com
Vir meer inligting kan u my gerus kontak: Sel: 071 363 5456

BERIG - FRANSE RADIOBEDIENING
‘n Paar weke gelede het ek gemeld dat ‘n nuwe reeks programme in voorbereiding is, nl.
programme oor omgewingsake binne ‘n Christelike perspektief. Dié reeks word in
samewerking met prof Kobus van der Walt van die NWU geskryf: Die teks van sy praatjies,
wat elke Saterdagoggend (06:45) op RSG uitgesaai word, is aan my beskikbaar gestel,
sodat ek hulle kan verwerk binne die raamwerk van Foi et Vie Réformées se eie uitsendings.
Die eerste programme (met die tema "water") is nou klaar opgeneem en gaan DV vroeg in
Juliemaand op kortgolf (vir Sentraal-Afrika) en mediumgolf (vir Wes-Afrika) op die lug kom.
Die skryf, opname en uitsaai van ander programme vir dieselfde reeks is nou sterk op my
agenda (met temas soos besoedeling, energiebesparing ens.)
Die hooftema bly natuurlik die rentmeesterskap van die aarde wat die Here God aan die
mens in die begin toevertrou het en die belangrikheid om daarmee te wys dat Hy die enigste
eienaar van sy skepping is. Intussen groei ook die aantal kort programme wat vir ‘n meer
Europese gehoor voorberei word, met ‘n reeks oor die Onse Vader, wat sterk op die
Heidelbergse Kategismus berus.
Uit Quebec (Frans-Kanada) stuur hierdie week ‘n luisteraar van ons uitsendings ‘n epos aan
my: Deur sy verskeie dienaars kom die Here om die hart van diegene wat Hy as sy kinders
uitverkies het, aan te raak. Dankie dominee dat u die Woord van God orals in die wêreld
bring, mag die Here u met sy seëninge vul. Hierdie bemoedigende boodskap kom ook op die
regte tyd om te wys dat baie mense in die noordelike halfrond net so dors is vir die
Evangelie as die mense in Afrika. Hulle moet nie deur die Franse Radiobediening
verwaarloos word nie. In besonder is Rooms-Katolieke mense geweldig geskud deur
allerhande skandale wat die pousdom onlangs getref het. Hulle moet na Christus as die
enigste Middelaar gelei word, d.m.v. uitsendings of literatuur.
Ds Eric Kayayan
KENNISGEWINGBORD
• Nooitgedacht Skoolverlaterskamp
• Israel Jeugtoer
• Mootkampe 2012
• Uitnodiging vanaf die GK Totiusdal