Gekonsolideerde Finansiële Jaarstate 29 Februarie 2012 - OVK

Oos Vrystaat Kaap Bedryf Beperk
(Registrasienommer 1999/004069/06)
Gekonsolideerde Finansiële Jaarstate vir die jaar geëindig 29 Februarie 2012
Rekeningkundige beleid
1.12Waardedaling van bates (vervolg)
’n Waardedalingsverlies word vir kontantgenererende eenhede erken indien die verhaalbare bedrag van die eenheid minder is
as die drabedrag van die eenhede. Die waardedalingsverlies word ook toegeken om die drabedrag van die bates van die
eenheid soos volg te verminder:
eerstens om die drabedrag van enige klandisiewaarde wat aan die kontantgenererende eenheid toegeken is, te
verminder; en
daarna prorata teenoor die ander bates van die eenheid op grond van die drabedrag van elke bate in die eenheid.
’n Entiteit evalueer op elke verslagdoeningsdatum of daar enige aanduiding is dat ’n waardedalingsverlies wat in vorige
tydperke vir bates, buiten klandisiewaarde, erken is, nie meer bestaan nie of kleiner is. Indien daar enigsins so ’n aanduiding
is, word die verhaalbare bedrae van dié bates beraam.
Die verhoogde drabedrag van ’n bate buiten klandisiewaarde wat toeskryfbaar is aan die omswaai van ’n
waardedalingsverlies is nie meer as die drabedrag wat bereken sou word indien daar in vorige jare geen
waardedalingsverlies vir die bate erken is nie.
Die omswaai van ’n waardedalingsverlies van bates wat teen kosprys gedra word minus opgehoopte depresiasie of
amortisasie buiten klandisiewaarde word onmiddellik in wins of verlies erken. Enige omswaai van ’n waardedalingsverlies of
’n herwaardeerde bate word as ’n herwaardasietoename hanteer.
1.13Aandelekapitaal en ekwiteit
’n Ekwiteitsinstrument is enige kontrak wat bewys is van ’n oorblywende belang in die bates van ’n entiteit nadat al sy laste
afgetrek is.
Gewone aandele word as ekwiteit geklassifiseer. Verpligtende aflosbare voorkeuraandele word as laste geklassifiseer.
1.14Aandeelgebaseerde betaling
Goedere of dienste wat in ’n aandeelgebaseerde betalingtransaksie ontvang of verkry is, word erken wanneer die goedere
of dienste ontvang word. ’n Ooreenstemmende styging in ekwiteit word erken indien die goedere of dienste in ’n
ekwiteitsvereffende aandeelgebaseerde betalingstransaksie ontvang is, of ’n las indien die goedere of dienste in ’n
kontantvereffende aandeelgebaseerde betalingstransaksie verkry is.
Ten opsigte van kontantvereffende aandeelgebaseerde betalingstransaksies word die goedere of dienste wat verkry is en
die aanspreeklikheid wat aangegaan is teen die billike waarde van die aanspreeklikheid bereken. Totdat die
aanspreeklikheid vereffen is, word die billike waarde van die aanspreeklikheid op elke verslagdoeningsdatum en op die
vereffeningsdatum herbereken en enige veranderings in billike waarde word in wins or verlies vir die tydperk erken.
1.15Werknemervoordele
Korttermynwerknemervoordele
Die koste van korttermynwerknemervoordele (dié wat betaalbaar is binne 12 maande nadat sodanige diens gelewer is soos
verlof en siekverlof, bonusse en nie-monetêre voordele soos mediese sorg) word erken in die tydperk waarin die diens
gelewer word en word nie verdiskonteer nie.
Die verwagte koste van betaalde afwesigheid word as ’n uitgawe erken na gelang die werknemer diens lewer wat sy/haar
geregtigheid daarop verhoog, of in die geval van afwesigheid wat nie ophoop nie, wanneer die afwesigheid plaasvind.
Die verwagte koste van winsdeling en bonusbetalings word as ’n uitgawe erken wanneer daar ’n wettige of afgeleide verpligting
is om sodanige betaling as gevolg van vorige prestasie te doen.
Omskrewebydrae-planne
Betalings aan omskrewebydrae-planne word as ’n uitgawe gedebiteer sodra dit betaalbaar is.
Betalings aan nywerheidsbestuurde aftreevoordeelskemas (of staatsplanne) word as omskrewebydrae-planne hanteer indien
die groep se verpligting ingevolge die skemas gelyk is aan dié wat spruit uit ’n omskrewebydrae-aftreevoordeelplan.
27