Gekonsolideerde Finansiële Jaarstate 29 Februarie 2012 - OVK

Oos Vrystaat Kaap Bedryf Beperk
(Registrasienommer 1999/004069/06)
Gekonsolideerde Finansiële Jaarstate vir die jaar geëindig 29 Februarie 2012
Rekeningkundige beleid
1.9 Belasting (vervolg)
Sekondêre belasting op maatskappye betaalbaar op dividende word erken as 'n inkomstebelastinguitgawe in die staat van
omvattende inkomste in die jaar waarin die groep die betrokke dividende betaalbaar as aanspreeklikheid erken. Enige
dividende ontvang in die betrokke dividendsiklus verminder die sekondêre belasting op maatskappye betaalbaar. Indien die
dividende verklaar die dividende ontvang oorskry, is sekondêre belasting op maatskappye betaalbaar op die netto bedrag teen
die toepaslike sekondêre belasting op maatskappye-koers. Indien dividende ontvang die dividende betaal oorskry, is daar
geen sekondêre belasting op maatskappye betaalbaar nie. Die bedrag waarmee die dividende ontvang die dividende verklaar
oorskry, word oorgedra na die volgende dividendsiklus as 'n sekondêre belasting op maatskappye-krediet. Uitgestelde
belastingbates word erken op enige onaangewende sekondêre belasting op maatskappye-krediete vir sover dit waarskynlik is
dat die Maatskappy toekomstige dividende gaan verklaar waarteen die sekondêre belasting op maatskappye-krediet
aangewend kan word.
1.10Hure
’n Huurkontrak word as bruikhuur geklassifiseer indien dit in wese al die risiko’s en belonings verbonde aan eienaarskap
oordra. ’n Huurkontrak word as ’n bedryfshuur geklassifiseer indien dit nie in wese al die risiko’s en belonings verbonde aan
eienaarskap oordra nie.
Bruikhure - verhuurder
Die groep erken bruikhure in die staat van finansiële stand.
Finansieringsinkomste word erken op grond van ’n patroon wat ’n konstante periodieke opbrengskoers op die groep se
netto belegging in die bruikhuur weerspieël.
Bruikhure - huurder
Bruikhure word as bates en laste in die staat van finansiële stand erken teen bedrae wat gelyk is aan die billike waarde van
die gehuurde eiendom of, indien dit laer is, die huidige waarde van die minimum huurbetalings. Die ooreenstemmende
aanspreeklikheid teenoor die verhuurder word as 'n bruikhuurverpligting in die staat van finansiële stand ingesluit.
Die verdiskonteringskoers wat in die berekening van die huidige waarde van die minimum huurbetaling gebruik word, is die
rentekoers wat in die huurkontrak geïmpliseer word.
Die huurbetalings word gedeel tussen die finansieringskoste en die vermindering van die uitstaande aanspreeklikheid. Die
finansieringskoste word in elke tydperk in die huurtermyn toegeken ten einde 'n konstante periodieke koersverlaging op die
saldo van die aanspreeklikheid te lewer.
Bedryfshure - verhuurder
Bedryfshuurinkomste word op 'n reguitlyngrondslag oor die huurtermyn as ’n inkomste erken.
Die aanvanklike direkte koste wat met die onderhandeling en reëling van bedryfshure aangegaan word, word by die
drabedrag van die gehuurde bate gevoeg en op dieselfde grondslag as die huurinkomste oor die huurtermyn as ’n uitgawe
erken.
Inkomste vir huurkontrakte word in wins of verlies onder inkomste te boek gestel.
Bedryfshure - huurder
Bedryfshuurbetalings word op 'n reguitlyngrondslag oor die huurtermyn as 'n uitgawe erken. Die verskil tussen die bedrae
wat as 'n uitgawe erken word en die kontraktuele betalings word as 'n bedryfshuurbate erken. Die bate word nie
verdiskonteer nie.
Enige voorwaardelike huur word erken in die tydperk waarin dit aangegaan word.
25