Gekonsolideerde Finansiële Jaarstate 29 Februarie 2012 - OVK

Oos Vrystaat Kaap Bedryf Beperk
(Registrasienommer 1999/004069/06)
Gekonsolideerde Finansiële Jaarstate vir die jaar geëindig 29 Februarie 2012
Rekeningkundige beleid
1.8 Finansiële instrumente (vervolg)
Finansiële bates teen billike waarde
As een van die twee bogenoemde kriteria nie bevredig word nie, word die skuld geklassifiseer as "billike waarde deur wins
of verlies". Die maatskappy het nie enige skuld belegging aangewys as gemeet teen billike waarde deur wins of verlies om
‘n rekeningkundige “mismatch” uit te skakel of aansienlik te verminder nie.
Alle aandele-beleggings word gemeet teen billike waarde. Aandele beleggings wat vir doeleindes van handel gehou word,
word gemeet teen billike waarde deur wins of verlies. Vir alle ander aandele-beleggings, kan die maatskappy deur 'n
onherroeplike keuse by aanvanklike erkenning, kies om veranderinge in billike waarde te erken deur ander omvattende
inkomste eerder as deur wins of verlies.
Lenings aan / (vanaf) groepmaatskappye
Dit sluit in lenings aan en van houermaatskappye, medefiliale, filiale, gesamentlike beheerde ondernemings en
geassosieerdes en word aanvanklik teen billike waarde plus direkte transaksiekoste erken.
Lenings aan groepmaatskappye word as lenings en debiteure geklassifiseer.
Lenings van groepmaatskappye word as finansiële laste bereken en teen geamortiseerde koste geklassifiseer.
Lenings aan aandeelhouers, direkteure, bestuurders en werknemers
Die finansiële bates word as lenings en debiteure geklassifiseer.
Handelsdebiteure
Handelsdebiteure word met aanvanklike erkenning teen billike waarde en daarna teen die geamortiseerde koste bereken
deur die effektiewe rentekoersmetode te gebruik. Toepaslike voorsiening vir beraamde onverhaalbare bedrae word in wins
of verlies erken wanneer daar objektiewe bewys is dat die bate oninbaar is. Beduidende finansiële probleme van die
debiteur, die waarskynlikheid dat die debiteur bankrot verklaar sal word of finansiële herorganisasie sal ondergaan en
wanbetaling of agterstalligheid van betalings (meer as 30 dae agterstallig) word as aanduiders beskou dat die
handelsdebiteure aan waardedaling onderhewig is. Die erkende voorsienings word bereken as die verskil tussen die bate
se drabedrag en die huidige waarde van die beraamde toekomstige kontantvloei, verdiskonteer teen die effektiewe
rentekoersmetode met aanvanklike erkenning.
Die drabedrag van die bate word verminder deur die gebruik van 'n voorsieningsrekening en die bedrag van die verlies
word in die wins of verlies in bedryfskoste erken. Wanneer 'n handelsdebiteure oninvorderbaar is, word dit afgeskryf teen
die voorsieningsrekening vir handelsdebiteure. Bedrae wat voorheen afgeskryf is en daarna ingevorder word, word as
ander inkomste erken.
Handelsdebiteure word teen geamortiseerde koste gemeet.
Handelskrediteure
Handelskrediteure word aanvanklik teen billike waarde en daarna teen geamortiseerde koste erken deur die effektiewe
rentekoersmetode te gebruik.
Kontant en kontantekwivalente
Kontant en kontantekwivalente bestaan uit kontant voorhande en aanvraagdeposito's en ander hoogs likiede
korttermynbeleggings wat geredelik in 'n bekende kontantbedrag omskepbaar is en aan nietige risiko's ten opsigte van
waardeverandering onderhewig is. Dit word aanvanklik en daarna teen billike waarde aangeteken.
Bankoortrekkings en lenings
Bankoortrekkings en lenings word aanvanklik teen billike waarde en daarna teen geamortiseerde koste verantwoord deur
die effektiewe rentekoersmetode te gebruik. Enige verskil tussen die opbrengs (na aftrekking van transaksiekoste) en die
vereffening of aflossing van leningskoste word oor die leningstermyn ooreenkomstig die groep se rekeningkundige beleid
vir leningskoste erken.
23