Gekonsolideerde Finansiële Jaarstate 29 Februarie 2012 - OVK

Oos Vrystaat Kaap Bedryf Beperk
(Registrasienommer 1999/004069/06)
Gekonsolideerde Finansiële Jaarstate vir die jaar geëindig 29 Februarie 2012
Rekeningkundige beleid
1.2 Beduidende ramings (vervolg)
Billikewaarde-raming
Die billike waarde van finansiële instrumente wat in aktiewe markte verhandel is, is gegrond op gekwoteerde markpryse op die
verslagdoeningsdatum. Die gekwoteerde markprys wat gebruik is vir finansiële bates wat die groep besit, is die huidige
bodprys.
Die billike waarde van finansiële instrumente wat nie in 'n aktiewe mark verhandel word nie (byvoorbeeld toonbank afgeleides)
word bepaal deur waardasietegnieke te gebruik. Die groep gebruik 'n verskeidenheid metodes en veronderstellings wat op
heersende marktoestande op elke verslagdoeningsdatum gegrond is. Gekwoteerde markpryse of handelaarkwotasies vir
soortgelyke instrumente word vir langtermynskuld gebruik. Ander tegnieke, soos beraamde verdiskonteerde kontantvloei, word
gebruik om billilke waarde vir die oorblywende finansiële instrumente te bereken. Die billike waarde van vooruit
kommoditeitskontrakte word bereken deur gekwoteerde vooruitwisselkoerse op die verslagdoeningsdatum te gebruik.
Daar word veronderstel dat die drawaarde minus waardedalingsvoorsiening van debiteure en handelskrediteure bykans hul
billike waarde is. Die billike waarde van finansiële aanspreeklikhede vir openbaarmakingdoeleindes word beraam deur die
toekomstige kontraktuele kontantvloei te verdiskonteer teen die huidige markrentekoers wat vir soortgelyke finansiële
instrumente aan die groep beskikbaar is.
Waardedalingstoetsing
Die verhaalbare bedrae van kontantgenererende eenhede en individuele bates is bereken op grond van die berekenings van
waarde in gebruik en billike waardes, welke een ook al die hoogste is. Dié berekenings vereis die gebruik van ramings en
veronderstellings.
Die groep toets en sien die drawaarde van bates na wanneer gebeurtenisse of veranderings in omstandighede inhou dat die
drabedrag dalk nie verhaalbaar is nie. Hierbenewens word klandisiewaarde op 'n jaarlikse grondslag vir waardedaling getoets.
Bates word gegroepeer teen die laagste vlak waar identifiseerbare kontantvloei grotendeels afhanklik is van kontantvloei van
ander bates en laste. Indien daar aanduidings is dat waardedaling kon plaasgevind het, word ramings van die verwagte
toekomstige kontantvloei vir elke bategroep gedoen. Verwagte toekomstige kontantvloei wat gebruik word om die
gebruikswaarde van klandisiewaarde en tasbare bates te bereken, is inherent onseker en kan mettertyd wesenlik verander. Dit
word wesenlik beïnvloed deur 'n aantal faktore, waaronder produksieramings, vraag, aanbod saam met ekonomiese faktore
soos wisselkoerse, inflasie, rente.
Voorsienings
Voorsienings is erken en die bestuur het op grond van die beskikbare inligting 'n raming gedoen.
Verwagte wyse van realisering vir uitgestelde belasting
Daar word voorsiening gemaak vir uitgestelde belasting op die billikewaarde-aanpassing van beleggingseiendomme op grond
van die verwagte wyse van herwinning, d.i. verkoop of gebruik. Die herwinningswyse beïnvloed die koers wat gebruik word om
die uitgestelde belastingaanspreeklikheid te bereken. Sien aantekening 12 – Uitgestelde belasting.
Belasting
Weens die ingewikkeldheid van die wetgewing verg dit oordeel om die voorsiening vir inkomstebelasting te bepaal. Daar is
talle transaksies en berekenings waarvoor die uiteindelike belastingberekening in die gewone gang van sake onseker is. Die
groep erken aanspreeklikhede vir verwagte belasting ouditaangeleenthede op grond van die feit dat bykomende belasting
betaalbaar sal wees al dan nie. Indien die finale uitslag van dié aangeleenthede verskil van die bedrae wat aanvanklik
aangeteken is, sal sodanige verskille die inkomstebelasting en uitgestelde belastingvoorsiening beïnvloed in die finansiële jaar
waarin sodanige berekening gedoen word.
19