Jaarverslag 2012 - Kaap Agri

16
AGRI VOEDSEL
REKENINGKUNDIGE BELEID
BY DIE FINANSIËLE STATE VIR DIE JAAR GEËINDIG 30 SEPTEMBER
1.22 Werknemersvoordele
Pensioenskema-reëlings
Die Groep bedryf ‘n pensioenfonds wat bestaan uit ‘n vastebydraeplan geregistreer in terme van die Pensioenfondswet,
1956, en die bates word apart deur trustees geadministreer. Befondsing geskied ingevolge diensvoorwaardes deur middel
van bydraes deur die deelnemende fi liale in die Groep asook personeel. Die Groep het geen verdere verpligting teenoor die
fonds nadat die bydraes betaal is nie. Bydraes word in die inkomstestaat erken in die periode waarin dit verskuldig word.
Na-aftrede mediese voordele
Sekere indienslede en afgetrede personeel behoort aan die na-aftrede mediese subsidie-skema van die Groep. Die Groep
betaal die maandelikse bydraes ten opsigte van die afgetrede lede oor aan die mediese fonds. Die waardasiemetode gebruik
om verpligtinge te waardeer is die geprojekteerde kredieteenheid-metode. Die verwagte koste van hierdie voordele word
opgeloop oor die periode van indiensname met gebruik van ‘n metode soortgelyk aan die gebruik vir omskrewe
voordeelpensioenplanne. Waardasies van die verpligting word gedoen deur onafhanklike gekwalifi seerde aktuarisse. Enige
aktuariële winste of verliese word in die inkomstestaat erken.
In terme van die Groep se huidige beleid is die voordele slegs beskikbaar vir sekere indienslede en afgetrede personeel en nie
vir toekomstige werknemers nie.
Winsdeling en bonusplanne
‘n Aanspreeklikheid vir werknemersvoordele in die vorm van winsdeling en bonusplanne word onder rekeninge betaalbaar
erken indien daar geen realistiese alternatief is as om die las te vereffen nie, en daar aan minstens een van die volgende
voorwaardes voldoen is:
○ daar ‘n formele plan is; of
○ vorige praktyk het ‘n geldige verwagting by werknemers geskep dat hulle ‘n bonus of winsdeling sal ontvang.
Daar word verwag dat die aanspreeklikheid binne 12 maande vereffen sal word.
Die Groep bedryf ook ‘n aansporingskema wat gebaseer is op skimaandele. Die billike waarde van die opgelope verpligting
vir werknemerdienste ontvang, word as ‘n uitgawe erken. Die Groep herevalueer die billike waarde van die verpligting
op elke verslagdoeningsdatum en op die vereffeningsdatum totdat die verpligting vereffen word. Enige verandering in billike
waarde word in die inkomstestaat gedurende die betrokke periode erken.
1.23 Afgeleide fi nansiële instrumente en verskansingsaktiwiteite
Afgeleide instrumente word aanvanklik erken teen billike waarde op die kontrakdatum. Na aanvanklike erkenning word
afgeleide instrumente herstateer na billike waarde. Die metode wat gebruik word om die voortspruitende wins of verlies te
erken hang af daarvan of die afgeleide instrumente geklassifi seer word as verskansingsinstrumente en, indien wel, die aard
van die items wat verskans word. Die Groep klassifi seer sekere afgeleide instrumente as óf verskansing van die billike waarde
van erkende bates of laste (billike waarde skans) óf verskansing van ‘n spesifi eke risiko wat verband hou met ‘n erkende bate
of las of ‘n hoogs waarskynlike verwagte transaksie (kontantvloeiskans).
Die Groep dokumenteer by die aanvang van die transaksie die verhouding tussen die verskansings instrumente en die
verskanste items, sowel as die risikobestuursdoelwitte en strategie waarvoor die onderskeie verskansingstransaksies
aangegaan word. Die Groep dokumenteer ook die beoordeling of die afgeleide instrumente wat gebruik word in die
verskansingstransaksies, beide by die aanvang van die transaksie en op ‘n deurlopende basis, hoogs effektief is daarin om
die veranderinge in billike waardes of kontantvloeie van verskanste items te verskans.
Billike waarde skans
Veranderinge in die billike waarde van afgeleide instrumente wat geklassifi seer word as billike waarde skanse word in die
inkomstestaat erken, tesame met enige veranderinge in die billike waarde van die verskanste bate of las wat toeskryfbaar is
aan die verskanste risiko.
Indien die verskansingsinstrument nie meer voldoen aan die vereistes van verskansingsrekeningkunde nie, word die
aanpassing aan die drabedrag van die verskanste item geamortiseer na wins of verlies oor die termyn van die instrument,
deur gebruik te maak van die effektiewe rentekoersmetode.