Beat2 - Bestmed

Beat2 ♥
Voordelegids
vir 2012

U en u lewensmaat glo dat voorkoming beter as
genesing is en gevolglik heg u baie waarde aan
griepinentings, immunisering en voorbehoedmiddels.
U is egter ook deeglik daarvan bewus dat die
lewe onvoorspelbaar is en benodig dus omvattende
hospitaaldekking en toegang tot chroniese medisyne. Vir
u klein gesinnetjie bied Beat2 ♥ die ideale tipe dekking.

Waarom behoort u Bestmed te kies?
Bestmed is besonder trots op die feit dat ons deurlopend daarvan seker maak dat ons diensvlakke vir die
hantering van ons lede se navrae konstant die 90%-kerf oorskry. Dit is dan ook een van die redes waarom ons
al 48 jaar lank bestaan en gehalte gesondheidsorg, buigsaamheid en vryheid van keuse aan u kan bied.
Die voordeel van ons onlangse terugkeer na selfadministrasie is dat ons op toegewyde wyse daarop kan fokus
om slegs die allerbeste gesondheidsorgdienste aan ons lede te lewer.
Aangesien ons reserweverhouding van 30% heelwat hoër as die wetlike vereiste van 25% is, kan u daarvan
verseker wees dat u gesondheid in betroubare hande is. Met Bestmed geniet u beslis genoegsame dekking.
Die Beat2-opsie is nommerpas vir u, indien:
• U ’n bekostigbare opsie benodig.
• U daaraan glo dat voorkoming beter as genesing is. U het toegang tot ’n wye reeks
voorkomendesorgvoordele wat onder meer griepinentings, pediatriese immunisering, orale
voorbehoedmiddels, rugrehabilitasie, basiese en voorkomende tandheelkunde, ens. insluit.
• U besef dat u te enige tyd voor duur en onvoorsiene hospitaaluitgawes te staan mag kom.
• U voorsiening daarvoor wil maak dat buite-hospitaal mediese uitgawes vanuit u mediese spaarrekening
betaal word.

OORSIG VAN VOORDELE
Voorkomendesorg
Internasionale
reisdekking
Hospitaal
Voorkomendesorg
ER24
CSL
Medisyne
Mediese
spaarre-
kening

INHOUD
OPSOMMING VAN VOORDELE 1
Binne-hospitaalvoordele 1
Buite-hospitaalvoordele 3
Medisyne 4
Voorkomendesorg-voordele 5
Bydraes 8
CSL Chroniesevoordele 9
GESONDHEIDSBESTUURSPROGRAMME 11
VOORGESKREWE MINIMUM VOORDELE (VMV’s) 12
VOORAFMAGTIGING 13
24-UUR NOODAFVOERDIENS 14
INTERNASIONALE REISDEKKING 14
BELANGRIKE ADMINISTRATIEWE INLIGTING 15
AANLYN-EN SMS-DIENSTE 17
UITSLUITINGS 19
WOORDELYS 23
KONTAKBESONDERHEDE 24

OPSOMMING VAN VOORDELE
Binne-hospitaalskemavoordele
• Alle binne-hospitaalvoordele hieronder gelys benodig voorafmagtiging.
• Kliniese befondsing protokolle is hier van toepassing.
• Kontak asseblief 0800 22 0106 vir ‘n magtigingsnommer.
Mediese gebeurlikheid Skemavoordeel
Akkommodasie (hospitaalverblyf) 100% van die Bestmed-tarief word betaal.
Teaterfooie 100% van die Bestmed-tarief word betaal.
Ontslagmedikasie 100% van die Bestmed-tarief word betaal, beperk tot ’n 7 dae-voorraad.
Behandeling in geestegesondheidsklinieke 100% van die Bestmed-tarief word betaal, beperk tot 21 dae per afhanklike.
Behandeling van chemiese en
middelafhanklikheid/-misbruik
bladsy 1
100% van die Bestmed-tarief word betaal, beperk tot 21 dae of R15 500 per
afhanklike.
Konsultasies en prosedures 100% van die Bestmed-tarief word betaal.
Chirurgiese prosedures en narkose vir
chirurgiese prosedures en operasies
100% van die Bestmed-tarief word betaal.
Orgaanoorplantings 100% van die Bestmed-tarief word slegs ten opsigte van vorgeskrewe minimum
voordele betaal.
Chirurgiese tandheelkunde 100% van die Bestmed-tarief word betaal, beperk tot R7 100 per gesin per jaar.
Tandheelkundige-maksillofasiale chirurgie. Slegs van toepassing op sekere siekte
toestande.
Prostese
(Chirurgiese inplanting in die liggaam)
100% van koste word betaal, beperk tot R43 000 per gesin per jaar.
Die volgende sublimiete is van toepassing per afhanklike:
• Vaskulêr R16 500
• Endo-vaskulêr – geen voordeel
• Spinaal R16 500
• Kunsmatige kussing (enkelvlak-basis) – geen voordeel
• Middelbedekte stent – geen voordeel
• Maas R5 900
• Ginekologies/Urologies R4 800
• Lensinplanting R3 700 per lens

Binne-hospitaalskemavoordele (vervolg)
• Alle binne-hospitaalvoordele hieronder gelys benodig voorafmagtiging.
• Kliniese befondsing protokolle is hier van toepassing.
• Kontak asseblief 0800 22 0106 vir ‘n magtigingsnommer.
Mediese gebeurlikheid Skemavoordeel
Prostese
R10 700 per gesin per jaar.
(Word buite die liggaam gebruik om
beweging te bevorder)
Patologie 100% van die Bestmed-tarief word betaal.
Diagnostiese uitbeelding 100% van die Bestmed-tarief word betaal.
Gespesialiseerde diagnostiese uitbeelding
(MRB - en RT-skanderings,
rekenaartomografie - en isotoopondersoeke)
100% van die Bestmed-tarief word betaal.
Onderhewig aan voorafmagtiging.
Onkologie Onkologieprogram.
100% van die Bestmed-tarief.
Ingesluit: bestraling, chemoterapie sekere patologie ondersoeke en diagnostiese
uitbeeldings, asook konsultasies.
Peritoneale dialise en hemodialise 100% van die Bestmed-tarief word betaal.
Onderhewig aan voorafmagtiging en protokolle.
Bevallings 100% van die Bestmed-tarief word betaal.
Refraktiewe chirurgie 100% van die Bestmed-tarief word betaal.
Refraktiewe protokolle is van toepassing.
Aanvullende dienste 100% van die Bestmed-tarief word betaal.
Alternatiewe tot hospitalisering 100% van die Bestmed-tarief word betaal, indien magtiging verkry word en
beperk tot R10 700 per gesin per jaar vir werwante dienste.
Noodafvoer 100% van die koste. Lewering en voorafmagtiging deur ER24.
Uitsluitings Gewringsvervangingschirurgie, die uitsondering van VMV’s. VMV’s is aan die
volgende prosteselimiete onderhewig:
• Heupvervanging en ander hoofgewrigte R19 000
• Knievervanging R23 500
• Ander kleiner gewrigte R8 000
Bybetalings Bybetaling van R1 000 op alle endoskopiese ondersoeke. Indien in die dokter se
spreekkamer gedoen (buite-hospitaal), is geen bybetaling van toepassing nie.
bladsy 2

Buite-hospitaalvoordele
Hospitaal koste soos besoeke aan algemene praktisyns en spesialiste is betaalbaar uit u
mediese spaarrekening soos volg.
Mediese gebeurlikheid Skemavoordeel
Algemene praktisyns- en spesialiskonsultasies Word uit spaarrekening betaal.
Basiese en gespesialiseerde tandheelkunde Basiese tandheelkunde wat nie gespesifiseer is onder die
voorkomende tandheelkundige voordeel nie. Spaarrekening.
Gespesialiseerde tandheelkunde – spaarrekening.
Mediese toestelle Word uit spaarrekening betaal.
100% van koste.
Aanvullende dienste Word uit spaarrekening betaal.
100% van koste.
Oogkundige voordele Word uit spaarrekening betaal.
100% van koste.
Diagnostiese uitbeelding Word uit spaarrekening betaal.
100% van koste.
Patologie Word uit spaarrekening betaal.
100% van koste.
Kraamvoordele Word uit sparrekening betaal.
100% van koste.
Gespesialiseerde diagnostiese uitbeelding Word uit spaarrekening betaal en onderhewig aan voorafmagtiging.
Rehabilitasiedienste ná trauma Word uit spaarrekening betaal.
100% van koste.
Die volgende buite-hospitaalvoordele is betaalbaar teen 100% van die Bestmed tarief.
Mediese gebeurlikheid Skemavoordeel
Alternatiewe vir hospitalisasie 100% van die Bestmed-tarief word betaal.
Beperk tot R10 700 per gesin per Jaar.
Wondsorg-voordele Beperk tot R2 000 per gesin.
100% van die Bestmed-tarief word betaal.
bladsy 3

Medisyne
Voordeelbeskrywing Skemavoordeel
Chroniese nie-CSL-toestande Spaarrekening. 100% van koste.
Chroniese medisyne vir CSL-toestande
Onderhewig aan MVP
Word teen 100% van die Bestmed-tarief betaal.
Akute medisyne Word uit spaarrekening betaal.
Onderhewig aan die Bestmed-formularium en die medisyneverwysingsprys.
’n Bybetaling van 35% is ten opsigte van nieformulariummedisyne
van toepassing.
Oor-die-toonbank medisyne Word uit spaarrekening betaal.
bladsy 4

Voorkomendesorg-voordele
Voordeel Beskrywing Geslag en Ouderdomsgroep Hoveelheid en Frekwensie Voordeelkriteria
Griepinentings Alle ouderdomme Een per afhanklike per jaar Van toepassing op alle aktiewe lede en
afhanklikes
Longontsteking-
program
Pediatriese
immuniserings
bladsy 5
Kinders < 2 jaar
Hoërisiko-volwassenes
Elke keer elke vyf jaar Befondsing vir kinders < 2 jaar:
Kontak Bestmed vooraf.
Befondsing vir volwassenes:
Bestmed sal lede identifiseer wie vir
immunisering kwalifiseer.
In ooreenstemming met die Staat se aanbevole program vir babas en kinders.
Voorbehoedmiddels Alle vroue wat mag swanger
raak
Rug rehabilitasie
program (Verskaf
deur Documentation
Based Care)
Maandelikse aanvulling/
inspuitings
Beperk tot R1 200 per gesin per jaar en
1 toestel elke 5 jaar.
Sluit alle items in wat in die
voorbehoedmiddel-kategorie val.
Alle ouderdomme Soos benodig Van toepassing op afhanklikes wat
chirurgie mag benodig. Bestmed beveel
aan dat hierdie afhanklikes by die
program aansluit.

Voorkomende tandheelkunde
Tipe voordeel Ouderdom Frekwensie
Algemene volmond-ondersoek
deur ‘n algemene tandarts (sluit
in handskoene en gesteriliseerde
toerusting)
Ouer as 12 jaar.
Jonger as 12 jaar.
Een keer per jaar.
Twee keer per jaar.
Volmond-binnemondse röntgenfoto Alle ouderdomme Een keer elke drie jaar
Binnemondse röntgenfoto Alle ouderdomme Twee foto’s per jaar
Skalering en/of polering Alle ouderdomme Twee keer per jaar
Fluoriedbehandeling Alle ouderdomme Twee keer per jaar
Fissuurverseëling Tot en met 21-jarige ouderdom Volgens die aanvaarde protokol
Spasiebehouers Gedurende die primêre en gemengde
gebit-fase
Een per spasie
bladsy 6

ladsy 7

Bydraes
Risikobedrag Spaarrekeningbedrag Totale bydrae Jaarlikse spaarrekening
Hooflid R802 R142 R944 R1 704
Volwasse afhanklike R624 R110 R734 R1 320
Kinderafhanklike* R338 R60 R398 R720
* U betaal slegs bydraes tot ’n maksimum van vier kinders. Alle ander kinders kan gratis as afhanklikes by die skema aansluit.
bladsy 8

CSL-chroniese voordeel
Bestmed se CSL-chroniese program word bedryf deur gekwalifiseerde aptekers en kliniese personeel wat
verseker dat toepaslike, kostedoeltreffende behandeling van ‘n hoë gehalte ingevolge die Skema se Reëls en
Voordele aan lede verskaf word.
• Doen aansoek om die CSL-chroniese voordeel indien
u met ’n chroniese siektetoestand gediagnoseer is
waarvoor deurlopende behandeling benodig word.
• Vir meer inligting oor hoe om aansoek te doen,
skakel asseblief 086 000 2378 of besoek
www.bestmed.co.za
Voorgeskrewe medisyne sal onder die volgende omstandighede betaal word:
• Waar medisyne oor generiese alternatiewe beskik
wat by die Medisynebeheerraad van Suid-Afrika
geregistreer is, sal Bestmed die generiese
medisyne betaal tot en met die Mediscorverwysingsprys
(MVP) vir die aktiewe bestanddeel.
• Die voordeelbedrag vir voorgeskrewe medisyne sal
bladsy 9
• Die medisyne gelys in die formularium vir CSLchroniese
toestande word teen 100% betaal.
• Bybetalings van 35% sal gehef word vir medisyne
wat nie op die formularium gelys is nie.
• U moet u voorafmagtiging vir alle voorgeskrewe
medisyne verkry deur 086 000 2378 te kontak,
of deur ’n faks te stuur aan 012 472 6760, of ’n
e-pos te stuur aan medicine@bestmed.co.za
bereken word teen die enkelafsetprys (EAP), plus
die respteringsfooi (soos deur Bestmed bepaal),
plus belasting op toegevoegde waarde (BTW),
indien toepaslik.
• Daar mag van u verwag word om u medisyne by ’n
aangewese diensverskaffer (ADV) te bekom.

26 CSL-chroniese toestande
Chroniese medisyne vir Chroniese Siektelys (CSL)-toestande
Die verwysingsprys vir medisyne wat op die Bestmed-formularium gelys word vir die volgende 26 chroniese
siektetoestande, sal betaal word mits u voorafmagting bekom:
• Addison se siekte
• Asma
• Bipolêre gemoedsversteuring
• Brongiëktase (lugpypverwydering)
• Chroniese obstruktiewe lugwegsiekte
• Chroniese niersiekte
• Chron se siekte
• Diabetes Insipidus
• Diabetes Mellitus Tipe 1
• Diabetes Mellitus Tipe 2
• Disritmie
• Epilepsie
• Gloukoom
• Hartversaking
• Hemofilie
• Hiperlipidemie
• Hipertensie
• Hipotireose
• Kardiomiopatie (hartspiersiekte)
• Kroonslagaarsiekte
• Parkisonsiekte
• Rumatoïede arthritis
• Sistemiese lupus eritematose
• Skisofrenie
• Ulseratiewe kolitis
• Veelvuldige sklerose
bladsy 10

Hoe die spaarrekening werk
Fondse gelykstaande aan 15% van u totale jaarlikse
bydrae word aan die begin van die voordeeljaar
vooruit in u mediese spaarrekening aan u beskikbaar
gestel. Buite-hospitaal mediese uitgawes word
vanuit u mediese spaarrekening betaal. Wanneer
u mediese spaarrekening uitgeput is, sal u self
verantwoordelik wees vir die betaling van alle
verdere buite-hospitaal mediese uitgawes. Enige
ongebruikte fondse wat aan die einde van ’n
voordeeljaar in u mediese spaarrekening oorbly,
sal na die volgende jaar oorgedra word. Indien
u lidmaatskap sou bedank deur die loop van die
finansiële jaar, sal die fondse in u spaarrekening na
4 maande aan u uitbetaal word of fondse sal van
u verhaal word indien die vooruit ontvangde spaar
reeds opgebruik is.
GESONDHEIDSBESTUURS-
PROGRAMME
Hierdie programme is daarop gemik om u welstand
en behandeling te bestuur indien u byvoorbeeld:
• MIV-positief is of aan Vigs ly
• Swanger is
• Met kanker gediagnoseer is, ens.
U moet vir die betrokke program of programme
registreer ten einde die voordele te ontvang.
bladsy 11
MIV/Vigs-voordeelbestuursprogram
Bestmed dek berading en toetsing in die geval van
lede wat hulle MIV-status wil vasstel.
Indien u MIV-positief is, moet u vir die MIV/Vigsvoordeelbestuursprogram
geregistreer wees ten
einde voordele te ontvang. Hierdie voordele sluit
die volgende in:
• Advies en berading deur die MIV-hulplyn.
• Gereelde bloedtoetse om die verloop van
die siekte te monitor en die reaksie op die
behandeling te bepaal.
• Medikasie en antiretrovirale middels.
• Wanneer ’n swanger vrou MIV-positief is, word
medikasie verskaf wat haar in staat sal stel om
natuurlik geboorte te gee. Medikasie word ook
aan die nuwe baba gegee om die kans op infeksie
te verminder.
Die behandelingsprogram wat deur Bestmed
gedek word, is gebaseer op die MIV/Vigsbefondsingsriglyne
en die goedgekeurde
behandeling word bepaal deur die lid se kliniese
uitslae. Die stadium van die siekte en die uitslae van
die bloedtoetse is bepalend t.o.v. welke behandeling
gedek word, asook hoe die lid gemonitor moet word.
Volledige besonderhede van hierdie program en die
voordele wat dit bied, sal aan lede wat daarvoor
registreer, verskaf word. U kan ook meer uitvind op
die Bestmed-webtuiste deur die opsie ‘Managed
Care’ te kies, of u kan ons skakel by 011 251 9400.

BestBaby
Hierdie program is spesifiek ontwerp om
dwarsdeur haar swangerskap ondersteuning
aan ’n verwagtende mamma te gee. ’n Toegewyde
24-uur noodlyn met opgeleide mediese personeel
kan aan lede leiding verskaf ten opsigte van daardie
skielike en onverwagte gebeurtenisse wat tydens
swangerskap mag voorkom.
Indien ’n verwagtende ma klinies as ’n hoërisikogeval
beskou word, sal haar swangerskap
strenger gemonitor word met behulp van
gereelde bloedtoetse en die gereelde neem
van haar bloeddruk.
Volledige besonderhede van hierdie program en
die voordele wat dit bied, sal aan lede wat daarvoor
registreer, verskaf word. U kan ook meer uitvind
op die Bestmed-webtuiste deur die opsie
‘Managed Care’ te kies, of u kan ons skakel by
011 704 0072.
Onkologie-voordeelbestuursprogram
U moet vir die onkologieprogram registreer ten einde
die voordele te ontvang. Oor die algemeen bied die
program die volgende:
• Toegang tot bykomende voordele en dienste wat
deel van die behandelingsprotokol vorm.
• Onkologiebehandeling wat onder meer
chemoterapie, bestralingsterapie, gespesifiseerde
patologie, diagnostiese uitbeelding en
gespesifiseerde konsultasies insluit.
Neem kennis:
• Alle dienste is onderhewig aan voorafmagtiging
deur Bestmed.
• Bestmed mag voorkeurverskaffers aanstel.
• Die dienste moet binne Bestmed se
befondsingsprotokol val.
U kan ook meer uitvind op die Bestmed-webtuiste
deur die opsie “Managed Care” te kies, of u kan ons in
hierdie verband kontak by 012 472 6254.
VOORGESKREWE MINIMUM
VOORDELE (VMV’S)
Wat is ‘n voorgeskrewe minimum
voordeel?
Voorgeskrewe Minimum Voordele (VMV’s) is voordele
wat ingevolge statutêre vereistes aan alle lede
van mediese fondse verskaf moet word. Dit sluit
die koste in wat verbonde is aan die diagnose,
behandeling en versorging wat benodig word vir
die volgende:
• ’n Beperkte stel van 270 siektetoestande soos
uiteengesit in Bylae A van die Regulasies tot die
Wet op Mediese Skemas 131 van 1998.
• ’n Lys van 26 chroniese siektetoestande, ook
bekend as die Chroniese Siektelys (CSL).
• Enige noodsiektetoestand.
bladsy 12

Wanneer is u op voorgeskrewe
minimum voordele geregtig?
Bestmed vergoed ’n eis as ’n VMV wanneer ’n
diensverskaffer die diagnostiese kode (ICD-10-kode)
wat met die gepubliseerde lys van die Raad vir
Mediese Skemas ooreenstem, gebruik.
Die lys met hierdie voorwaardes en kodes is op die Raad
se webtuiste www.medicalschemes.com beskikbaar.
Hoe word voorgeskrewe minimum
voordele betaal?
Bestmed betaal, ooreenkomstig die Skemareëls,
-protokolle en -formulariums, die diagnose, behandeling
en koste verbonde aan VMV’s ten volle en sonder enige
bybetaling. ’n Eis se ICD-10-kode voorsien Bestmed van
die inligting wat benodig word om behandeling/s wat
as VMV’s betaal moet word, te identifiseer. Dit is dus
noodsaaklik dat alle rekeninge met geldige ICD-10-kodes
ingedien word, aangesien dit ons in staat stel om die
rekening vanuit die korrekte voorgeskrewe minimum
voordeel te betaal.
Wat is ‘n noodsiektetoestand?
’n Mediese noodtoestand is die skielike, onverwagte
ontstaan van ’n gesondheidstoestand wat onmiddellike
mediese of chirurgiese ingryping vereis. Indien sodanige
behandeling nie verskaf word nie, stel dit die persoon
se lewe in gevaar, of kan dit tot ernstige skade aan of
wanfunksie van ’n liggaamsdeel of –orgaan lei.
Bestmed bied dekking vir binne-hospitaal noodgevalle.
Wanneer u sodanige noodgeval ondervind, moet u
bladsy 13
onmiddellik na ’n hospitaal gaan vir mediese behandeling.
Onthou egter om binne 48 uur na die konsultasie
of op die eerste werksdag na die konsultasie ’n
magtigingsnommer te bekom.
Artikel 29 van die Wet op Mediese Skemas vereis
van mediese skemas om die omvang van minimum
voordele in hulle Skemareëls uiteen te sit. Verwys
asseblief na Bestmed se geregistreerde Reëls vir
verdere besonderhede. Mediese Skemas mag van seker
risikobestuursinstrumente gebruik maak om te verseker
dat die dekking vir VMV’s geskik en kostedoeltreffend is.
Die instrumente wat deur Bestmed gebruik word, sluit
die volgende in:
• Formulariums (medisynelyste)
• Kliniese befondsingsriglyne en
behandelingsprotokolle
• Voorafmagtigingsprosedures
• Aangewese diensverskaffers (ADV’s)
VOORAFMAGTIGING
Wanneer moet voorafmagtiging
verkry word?
• Voordat u in ’n hospitaal opgeneem word of enige
chirurgie of diagnostiese ondersoek ondergaan.
• In die geval van ’n lewensbedreigende noodopname
buite kantoorure of oor naweke en op openbare
vakansiedae, moet u ’n magtigingsnommer op die
eerste werksdag ná die hospitaalopname verkry.
Versuim om dit te doen, sal daartoe lei dat ‘n boete vir
laat magtiging opgelê word.

Waarom moet voorafmagtiging
verkry word?
Voorafmagtiging is belangrik, aangesien dit help
om te verseker dat beide u en u diensverskaffers
bewus is van watter onkostes deur Bestmed betaal
sal word. Die voorafmagtigingsproses sluit ook
die bestuur van u verblyf en behandeling tydens
hospitalisasie in.
Vir verdere inligting rakende voorafmatiging, besoek
die Bestmed-webtuiste by www.bestmed.co.za
waar u eers die ‘Managed Care’-opsie en daarna die
‘Hospital Benefit Management’-opsie kies.
Voorafmagtigingsnommer:
0800 22 0106
24-UUR NOODAFVOER
Dit sluit noodvervoer per ambulans, reaksievoertuig,
helikopter of vastevlerkvliegtuig in, indien u
byvoorbeeld in ’n motorongeluk betrokke is. Die diens
word betaal teen 100% van die koste, onderhewig
aan lewering en voorafmagtiging deur ER24.
INTERNASIONALE REISDEKKING
Indien u ’n buitelandse vakansiereis onderneem,
sal u die dekking geniet wat deur die internasionale
reisdekkingvoordeel verskaf word. Laai die
polisdokument af wat op die webtuiste by
www.bestmed.co.za verkrygbaar is en hou
dit byderhand tydens u reis.
Neem kennis:
U moet ER24 by 011 319 6300 kontak om
bykomende versekering uit te neem indien:
• U vir langer as 90 dae in die buiteland gaan reis.
• U aan riskante aktiwiteite gaan deelneem
tydens u reis.
Hoe hanteer u ’n noodmediesetoestand
wanneer u reis?
Skakel +27 010 205 3100
Sê asseblief die volgende: ‘ER24 International
Travel Extension’ en verskaf ook u Bestmed-
lidmaatskapnommer.
bladsy 14

BELANGRIKE ADMINISTRATIEWE
INLIGTING
Wie kwalifiseer as afhanklikes?
Bestmed erken die volgende persone as afhanklikes:
• Die lid se eggenoot of lewensmaat.
• ’n Kind ouer as 21 jaar, indien sodanige kind as
gevolg van verstandelike of fisiese gestremdheid
van die lid afhanklik is.
• ’n Kind ouer as 21, maar nie ouer as 26 jaar nie,
wat studeer en van die lid afhanklik is. Bewys
van registrasie aan ’n geregistreerde tersiêre
instelling word vereis.
• Onmiddellike familie* vir wie se versorging en
ondersteuning die lid regtens verantwoordelik is.
• Ander persone wat deur Bestmed as afhanklikes
erken word.
*Onmiddellike familie verwys na die lid se moeder, vader, broer of
suster. Bestmed vereis in hierdie gevalle ’n bewys van afhanklikheid
en ’n laataansluitingsboete mag gehef word.
Wagtydperke
Die Wet op Mediese Skemas laat mediese skemas
soos Bestmed toe om onder sekere omstandighede
’n wagtydperk ten opsigte van sekere voordele in te
stel. Dit beteken dat u vir ’n vasgestelde tydperk nie
toegang tot ’n sekere voordeel sal hê nie.
bladsy 15
Daar is twee soorte wagtydperke:
1. Toestand-spesifieke wagtydperk – hierdie
verwys na ’n vasgestelde tydperk waartydens ’n
lid of afhanklike vir ’n tydperk van 12 maande nie
daarop geregtig is om voordele te eis nie. Dit word
beperk tot ernstige siektetoestande waarvoor
mediese advies, diagnose, sorg of behandeling
aanbeveel of ontvang is binne die 12 maandetydperk
voordat die lid aansoek om lidmaatskap
van Bestmed gedoen het.
2. Algemene wagtydperk – hierdie verwys na ’n
vasgestelde tydperk waartydens ’n afhanklike vir
die eerste 3 maande nie daarop geregtig is om
enige voordele te eis nie.
Indien u chroniese medikasie gebruik, mag u moontlik
spesifieke behandelings of chroniese medikasie wat
deur die voorgeskrewe minimum voordele (VMV’s)
gedek word, eis.
Indien u egter nie langer as 90 dae ’n lid of afhanklike
van ’n geregistreerde mediese skema was voordat
u by Bestmed aangesluit het nie, sal u nie eise vir
spesifieke behandelings of chroniese medikasie wat
deur die voorgeskrewe minimum voordele gedek
word, mag indien nie.
Pro rata-voordele
Bestmed-voordele word bereken vir ’n tydperk
van 12 maande wat strek vanaf 1 Januarie tot 31
Desember. Indien ’n lid gedurende die jaar, bv. in Mei
aansluit, word die voordele bereken aan die hand van
die aantal oorblywende maande in die jaar.

Laataansluitingsboete
Laataansluitingsboetes kan gehef word op nuwe
lede wat ouer as 35 jaar is. Afhangende van die
aantal jare waartydens die lid nie aan ’n mediese
skema behoort het nie, sal ’n laataansluitingsboete
by die maandelikse bydrae gevoeg word. Die boete
word bereken volgens ’n glyskaal soos uiteengesit
in die onderstaande tabel en word gebaseer op
die totale aantal jare ná die ouderdom van 35, met
effek vanaf 1 April 2001, waartydens die lid nie aan
’n mediese skema behoort het nie.
Aantal jare sedert ouderdom
35 waartydens die aansoeker
nie ‘n lid van ‘n mediese
skema was nie
Boete
1 – 4 jaar 0.05 x bydrae
5 – 14 jaar 0.25 x bydrae
15 – 24 jaar 0.50 x bydrae
25+ jaar 0.75 x bydrae
Hoe om ‘n eis in te dien
Dien asseblief die oorspronklike eis direk by
Bestmed in, indien die diensverskaffer nie self eise
in dien nie.
Alle eise moet die volgende besonderhede bevat:
• Naam en kontakbesonderhede van die lid
• Bestmed-lidmaatskapnommer
• Naam en kontakbesonderhede, asook
praktyknommer van die diensverskaffer
• Besonderhede van die behandeling, insluitdende
die toepaslike tarief en ICD-10-kodes.
• Besonderhede van die pasiënt
• ’n Aanduiding daarvan of die diensverskaffer of
die lid betaling moet ontvang.
U moet die eis, tesame met die vereiste
betalingsbewys, binne vier maande nadat die
behandeling ontvang is, in dien. Indien dit nie binne
vier maande ingedien word nie, sal die eis afgewys
word en sal u self verantwoordelik wees vir die
betaling van die rekening.
Eise word binne 48 uur na ontvangs verwerk.
Bestmed het elke Vrydag asook met maandeinde
(drie werksdae na die laaste dag van die vorige
maand),’n eisbetalingslopie.
Die geld sal binne sewe werksdae na ontvangs van
u eis direk in u bankrekening inbetaal word.
Onthou asseblief om die betalingsbewys asook u
opgedateerde bankbesonderhede aan te heg.
U sal die dag nadat ’n eis verwerk is, ’n ministaat
per e-pos ontvang wat u daarvan in kennis stel. U
kan op hierdie e-pos reageer indien u enige navrae
rakende hierdie eis/eise het.
’n Volledige eisestaat (betalingsadvies) word na
elke eisbetalingslopie per e-pos of posdiens aan
u gestuur. Maak asseblief daarvan seker dat die
besonderhede op die staat korrek is.
Eise kan geskandeer en per e-pos gestuur word
na register@bestmed.co.za, of gepos word na
Bestmed Mediese Skema, Posbus 2297, Arcadia,
Pretoria 0001.
bladsy 16

AANLYN- EN SMS-DIENSTE
Hoe om aanlyn te registreer
• Gaan na www.bestmed.co.za
• Klik op ‘Online services’
• Klik op die ‘Password Registration form’-skakel
• Vul die besonderhede in soos versoek
• Klik op ‘Submit’
• U sal ’n aktiveringsprosesvorm ontvang
• Druk asseblief die vorm uit, teken en faks dit
aan 012 472 6500
By ontvangs van die faks sal ons u wagwoord
aktiveer en u per e-pos in kennis stel sodra dit
gedoen is. Die volgende keer wat u van ‘Online
services’ gebruik maak, sal u kan aanteken deur u
Bestmed-lidmaatskapnommer te gebruik.
Die aanlyndiens verskaf aan u toegang tot:
• U persoonlike besonderhede
• U eisegeskiedenis
• Die status van eise wat ingedien is
• Die beskikbare voordele
• Bydraes wat betaal is
bladsy 17
Webpos-fasiliteit
Vir ‘n opsomming van u chroniese medisyne
en geregistreerde toestand/e, persoonlike
besonderhede en die drie mees onlangse eise
wat ontvang en verwerk is, stuur bloot ‘n blanko
e-pos aan webmail@bestmed.co.za en u sal die
inligting per e-pos ontvang. Maak asseblief seker dat
Bestmed oor u korrekte e-posadres beskik.
SMS-diens
Indien u graag u Bestmed-inligting direk op u selfoon
wil ontvang, SMS – afhangende van die inligting wat
u verlang – die letter A, B of C aan 31416.
A = Persoonlike besonderhede
B = Opsomming van beskikbare voordele
C = Bevestiging van die drie mees onlangse eise

ladsy 18

ALGEMENE UITSLUITINGS
VAN TOEPASSING OP ALLE
VOORDEELOPSIES (NIE VAN
TOEPASSING OP VMV’s NIE)
a. Alle reiskostes vir dokters en pasiënte.
b. Mediese toestelle, asook ortopediese, chirurgiese
en mediese toerusting, uitgesluit dié omskryf
in Bylae B.1 tot B.9 (wat verkrygbaar is op die
webtuiste by www.bestmed.co.za onder die bylae
by elk van die onderskeie voordelegidse).
c. Verslae, ondersoeke en toetse wat benodig word
vir die doeleindes van emigrasie, immigrasie,
visums, versekeringspolisse, indiensneming,
toelating tot skole en universiteite, mediese
hofverslae, kinderaannemings en aftrede weens
swak gesondheid, asook spierfunksietoetse,
fiksheidsondersoeke en -toetse.
d. Enige operasies, behandeling en prosedures vir
nie-funksionele of kosmetiese doeleindes.
e. Rekeninge vir dienste gelewer deur persone
wat nie geregistreer is by die Raad vir
Gesondheidsorgberoepe van Suid-Afrika, die
Raad vir Aanvullende Gesondheidsberoepe en
ander soortgelyke gesondheidsorginstansies in
die land waarin die diens gelewer is nie.
f. Rekeninge gelewer ten opsigte van die volgende:
I. Alle koste van enige aard hoegenaamd wat
aangegaan word vir die behandeling van
siektetoestande van of beserings opgedoen
deur ’n lid of ’n afhanklike waarvoor enige
bladsy 19
ander party aanspreeklik is. Die lid is egter
geregtig op sodanige voordele as wat onder
normale omstandighede van toepassing sou
wees, op voorwaarde dat by die ontvangs
van betaling vir mediese uitgawes, die lid
die Skema sal vergoed vir enige gelde wat
deur die Skema ingevolge hierdie voordeel
uitbetaal is.
II. Vetsug.
III. Toestelle en medikasie vir die voorkoming
van beserings gedurende sport- en
ontspanningsaktiwiteite.
IV. Beserings wat voortspruit uit onwettige
optrede op grond waarvan die lid of sy
afhanklikes aan ’n misdryf aandadig was.
V. Afsprake wat nie deur die lid nagekom is nie.
g. Akkommodasie in ’n ouetehuis of instansie wat
algemene versorgings- en verpleegdienste
aan persone lewer, bv. verswakte bejaardes en
pasiënte wat chronies siek is, of soortgelyke
instellings.
h. Ondersoeke, toetse en behandeling van
impotensie en onvrugbaarheid, of die kusmatige
bevrugting van ’n persoon binne of buite die
menslike liggaam soos omskryf in die Wet op
Menslike Weefsel 65 van 1983. In die geval
van kunsmatige bevrugting sal Bestmed
geen bydraes maak ten opsigte van die koste
verbonde aan voorbereidende werk, d.w.s. voorinseminasieuitgawes
of inseminasie buite die
vroulike liggaam nie.

i. Koste wat die jaarlikse maksimum voordele
waarop ’n lid ingevolge Bestmed se reëls geregtig
is, oorskry.
j. Enige koste verbonde aan toestande wat
spesifiek van voordele uitgesluit is op grond van
’n wagtydperk wat by die toelating of registrasie
van die lid en sy afhanklikes by Bestmed opgelê is.
k. Die koste verbonde aan vakansies wat
onderneem word vir hersteldoeleindes, verblyf
by spa’s, gesondheidsoorde en rusoorde, ongeag
of dit deur die behandelende diensverskaffer
voorgeskryf is.
l. MIV, Vigs en ander seksueel-oordraagbare
siektes, met die voorbehoud dat:
I. Dienste gelewer in ’n openbare hospitaal
betaal sal word, beperk tot die minimum
voordele waarvoor voorsiening gemaak word
in regulasie 8 van die regulasies uitgevaardig
ingevolge die Wet op Mediese Skemas 131
van 1998 en Bylae D1 van hierdie Reëls; en
II. Die lid of sy afhanklikes kliniese bewys
van hulle MIV/Vigs-status aan Bestmed se
mediese adviseur sal voorlê.
m. Koste wat voortspruit uit ’n persoon se
betrokkenheid by die bedrywighede van die
amptelike gewapende magte en waarvoor hy of
sy dekking geniet.
n. Voordele waarna daar nie in hierdie Skedule
verwys word nie, of dienste wat nie ingevolge
aanvaarde protokol gelewer word nie of wat
nie gemik is op die behandeling van ’n werklike
of vermeende siektetoestand of gebrek wat
noodsaaklike liggaamsfunksies benadeel of
bedreig nie.
o. Borschirurgie, behalwe chirurgie wat verband hou
met kanker, gewasse en absesse.
p. Refraktiewe prosedures, behalwe waar die
dioptriese miopiewaarde ’n syfer van -5 of hoër
vertoon, hiperopie ’n syfer van +3 diopter en
astigmatisme ’n syfer van -2,5 en hoër vertoon. In
hierdie gevalle word voorafmagtiging vereis.
q. Enige koste deur ’n diensverskaffer geëis vir
mediese motiverings of vooraf-motiverings soos
deur hierdie Reëls bepaal word.
r. Koste wat voortspruit uit verlore of beskadigde
toestelle, apparate, brille of kontaklense.
s. Psigometriese toetse.
t. Beserings opgedoen gedurende betrokkenheid
by protesoptogte, openbare onrus of onluste,
oorloë, invalle, enige optrede deur buitelandse
vyandige magte, vyandelikhede, oorlogsgerigte
operasies of burgeroorlog.
u. Uitsluitings van toepassing op mond- en
tandheelkundige voordele:
I. Koste van goud-, metaal- of ander inlegsels in
’n kunsgebit en/of kroon.
II. Bleik van vitale tande.
III. Linguale ortodonsie.
bladsy 20

IV. Prosedures wat deur Bestmed as kosmeties
of as kosmetiese van aard beskou word waar
daar alternatiewe prosedures beskikbaar is.
V. Items wat in die Tandheelkunde-skedule
aangedui word as “per ooreenkoms” of “N.v.t.”.
VI. Prosedures wat voorafmagtiging benodig
en ten opsigte waarvan daar nie om
magtiging aansoek gedoen is nie.
v. Sonbrille.
w. Nie-VMV-komplikasies by borsreduksie.
MEDISYNE-UITSLUITINGS (NIE VAN
TOEPASSING OP VMV’s NIE)
a. Preparate spesifiek vir die behandeling van
vetsug, insluitende dieëtaanvullings.
b. Patente en huishoudelike geneesmiddels.
c. Voedingaanvullings (insluitende patente en
babakos).
d. Medisyne wat spesifiek gebruik word vir die
behandeling van onvrugbaarheid.
e. Seksstimuleermiddels.
f. Sonskermmiddels (medisinaal of andersins).
g. Alle sepe en haarwasmiddels (medisinaal of
andersins).
h. Kosmetiese middels.
i. Gewoontewerende middels
j. Anaboliese steroïede.
bladsy 21
k. Tonikums, stimulante, biologiese middels,
vitamiene, minerale en vitamien/mineraalkombinasies
tensy bewese mediese aanduidings
daarvoor ingedien kan word, met die voorbehoud
dat Bestmed tot die volgende sal bydra:
I. Voorgeboortelike medisyne.
l. Ongeregistreerde medisyne sal nie vir
voordele oorweeg word voordat dit by die
Medisynebeheerraad geregistreer is nie.
m. Ongeregistreerde aanduidings van die “buitevoorskrif”-gebruik
van medisyne sal nie vir
voordele in aanmerking kom nie.
BEPERKING VAN VOORDELE
a. Die maksimum voordele waarvoor ’n lid en sy
afhanklikes binne enige finansiële jaar kwalifiseer,
is onderhewig aan ’n beperking (limiet) soos in
Bylaes B1 tot B9 uiteengesit (wat verkrygbaar
is op die webtuiste by www.bestmed.co.za in die
bylae tot elk van die onderskeie voordelegidse).
b. Lede wat gedurende die verloop van ’n finansiële
jaar tot die Skema toegelaat word, is geregtig op
die voordele soos aangepas in verhouding tot die
tydperk van lidmaatskap wat bereken word vanaf
die datum van toelating tot aan die einde van die
betrokke finansiële jaar.
c. Tensy anders besluit deur die Raad van
Trustees, word die voordele ten opsigte van
voorskrifmedisyne beperk tot een maand se
voorraad vir elke sodanige voorskrif of herhaling
daarvan (wat verkrygbaar is op die webtuiste by
www.bestmed.co.za in die bylae tot elk van die
onderskeie voordelegidse).

ladsy 22

WOORDELYS
Aangewese
diensverskaffer
(ADV)
bladsy 23
’n Geregistreerde gesondheidsorgverskaffer (’n fasiliteit of
staatsbeheerde diensverskaffer), wat deur die Skema gekontrakteer
word om aan sy lede die diagnose, behandeling en nodige sorg ten
opsigte van een of meer toestande te verskaf.
Aanvullende dienste Dit sluit die dienste in wat deur dieëtkundiges, chiropraktisyns
en homeopate gelewer word, asook dienste soos akupunktuur,
spraakterapie, oudiologie, arbeidsterapie, fisioterapie, ens.
Bestmedresepteringsfooi
Die fooi wat ’n apteker vra om medisyne te resepteer.
Bestmed-tarief Die prys wat Bestmed betaal vir ’n gelewerde mediese diens.
Biologiese medisyne Dit is medisyne wat van ’n lewende bron verkry word, soos bv.
insulien en groeihormone.
Bybetaling Dit is die gedeelte van die totale koste van ’n prosedure of
konsultasie wat u direk aan die diensverskaffer moet betaal of
wat, op versoek, betaal sal word vanuit die beskikbare fondse in u
mediese spaarrekening.
Chroniese Siektelys
(CSL)
Endoskopiese
ondersoek
Enkele afsetprys
(EAP)
’n CSL is ’n lys van chroniese toestande ten opsigte waarvan
Bestmed die koste verbonde aan die medikasie en behandeling van
die chroniese toestand sal dra.
’n Mediese prosedure waartydens ’n endoskoop gebruik word om
binne die liggaam waarneming te doen, bv. binne ’n hol orgaan of
ander holte of gewrig, ten einde ’n probleem te identifiseer.
Dit verwys na wetgewing wat bepaal dat medisynevervaardigers
hulle produkte teen dieselfde prys (enkele afsetprys) aan al hulle
kliënte moet verkoop, ongeag die aard en omvang van die kliënt se
bestelling en verbruiksvlakke. Dié begrip impliseer dat elke produk
en die variante daarvan die fabriek teen ’n enkele prys vir daardie
produk of ’n variant daarvan verlaat.
Formularium ’n Formularium is ’n lys medisyne waarvoor Bestmed sal betaal
en wat gebruik word vir die behandeling van chroniese toestande
ooreenkomstig die opsie wat u gekies het.
Gespesialiseerde
tandheelkunde
Maksillofasiale
chirurgie
Mediese
spaarrekening
Mediscorverwysingsprys
(MVP)
Dit verwys na gevorderde of gespesialiseerde tandheelkundige
prosedures soos wortelkanaalprosedures, tandvleischirurgie,
mondchirurgie en inplantings.
Chirurgie aan die kaak of kakebeen.
Mediese uitgawes word betaal vanuit u mediese spaarrekening soos
deur u verkose opsie bepaal word. Wanneer u mediese spaarrekening
uitgeput is, moet u self vir buite-hospitaal uitgawes betaal. Enige
ongebruikte fondse wat daar in u mediese spaarrekening oorbly
aan die einde van die voordeeljaar, sal na die volgende jaar oorgedra
word. Indien u u lidmaatskap van die Skema opsê gedurende die loop
van ‘n voordeeljaar, sal die fondse in u mediese spaarrekening na
verloop van vier maande aan u terugbetaal word.
Die MVP is ’n verwysingslys van generiese medisyne wat minder
kos as die oorspronklike handelsnaamprodukte. Die MVP bepaal ’n
maksimum terugbetaalprys vir elke generiese produk. Hierdie lys
word gereeld hersien om te verseker dat daar ’n omvattende reeks
bekostigbare medisyne beskikbaar is. Enige wysiging aan die MVP
sal ’n invloed op die bybetalingsbedrag uitoefen.
Nie-CSL-toestand Daar is ander chroniese toetande wat nie deel van die CSL uitmaak
nie. Afhangende van die opsie wat u kies, mag Bestmed ’n gedeelte
van of die volle behandelingskoste dra.
Prostese ’n Kunsliggaamsdeel of -ledemaat wat verskaf word om ’n gebrek of
tekortkoming reg te stel, bv. ’n arm, been, ens.
Protokolle Protokolle is kliniese riglyne wat deur deskundiges op die gebied van
‘n spesifieke mediese toestand opgestel word en wat, gebaseer op
beste praktyksbeginsels, bepaal hoe sodanige toestand behandel
moet word.
Voorafmagtiging Die verskaffing van goedkeuring vir ’n mediese gebeurlikheid
voordat dit plaasvind.
Voorgeskrewe
Minimum Voordeel
(VMV)
’n VMV is ’n voordeel wat, regtens gesproke, deur Bestmed aan
al sy lede verskaf moet word. Dit sluit in die koste verbonde aan
diagnose, behandeling en voortgesette sorg in.

KONTAKBESONDERHEDE
Algemeen
Tel: 086 000 2378
E-pos: service@bestmed.co.za
Faks: 012 472 6500
Instapfasiliteit
Blok A, Glenfield Kantoorpark, Oberonlaan 361,
Faerie Glen, Pretoria 0081
Posadres
Posbus 2297, Arcadia, Pretoria, 0001
Eise
Tel: 086 000 2378
E-pos: service@bestmed.co.za (navrae)
register@bestmed.co.za (eisindiening)
Magtiging vir hospitaalopname
Tel: 0800 22 0106
E-pos: authorisations@bestmed.co.za
CSL-Chroniese medikasie
Tel: 086 000 2378
E-pos: medicine@bestmed.co.za
Faks: 012 472 6760
ER24 en Internasionale Reisdekking
Tel: 084 124
BestBaby
Tel: 011 704 0072
E-pos: service@bestmed.co.za
MIV/Vigs-program
Tel: 011 251 9400
E-pos: bestmed@optipharm.co.za
mhc@bestmed.co.za
Faks: 086 500 9822
Onkologieprogram
Tel: 012 472 6254
E-pos: diseasemanagement@bestmed.co.za
Aanlyndienste – Toegang en Navrae
E-pos: service@bestmed.co.za
Webpos (e-pos fasiliteit)
E-pos: webmail@bestmed.co.za
Webtuiste – Tegniese Navrae
E-pos: webmaster@bestmed.co.za
RAAD VIR MEDIESE SKEMAS
Kliëntedienssentrum
Tel: 0861 123 267
E-pos navrae
E-pos: support@medicalschemes.com
E-pos klagtes
E-pos: complaints@medicalschemes.com
Bestmed streef deurlopend daarna om slegs die beste
te bied met behulp van waarde-vir-geld produkte wat
ondersteun word deur uitmuntende kliëntediens en
waardeur doeltreffende interaksie met Bestmed asook
tevredenheid gewaarborg kan word. Indien u nie tevrede
is met Bestmed se diens nie, stuur asseblief ’n e-pos met
u klagte aan service@bestmed.co.za, of andersins aan die
Raad vir Mediese Skemas by complaints@medicalschemes.
com
bladsy 24

www.bestmed.co.za
Vrywaring: Terwyl Bestmed alle redelike sorg aan die dag gelê
het tydens die saamstel van hierdie voordelegids, kan ons nie
aanspreeklikheid aanvaar vir enige foute of weglatings hierin
nie. Let asseblief daarop dat indien ’n dispuut sou ontstaan
oor enige voordeel, die geregistreerde Reëls van Bestmed,
soos goedgekeur deur die Registrateur van Mediese Skemas,
sal geld.
Besoek asseblief www.bestmed.co.za om die volledige
vrywaring van aanspreeklikheid en verantwoordelikheid vir
Bestmed Mediese Skema te besigtig.
701929 - 04/12
Gedetailleerde brosjure