OPENBARING Die storie agter die storie van die boek ... - Nuwe Wyn

More documents

Recommendations

Info

wil terugdwing onder die wette, gebruike en reëls van die Ou Testament). So ‘n wettiese lewenswyse is immers nie op God se genade gebou nie, omdat dit duidelik nie die werklike betekenis van Jesus se dood en opstanding se implikasies verstaan nie. Dit is in werklikheid maar weer ‘n poging om God se genade te verdien. Wat natuurlik onmoontlik is en niemand kan red nie (Rom.10:1-4). Maar aan die anderkant is dit ewe verkeerd om te dink dat om Christus Jesus se versoening en geregtigheid te aanvaar in geloof, beteken dat ek en jy nou maar kan net kan doen wat ons wil. Dat ons eenvoudig aan alles kan meedoen wat in hierdie stukkende wêreld rondom ons deur stukkende mense onder demoniese invloed bedink word. Dieselfde Christus Jesus wat alles gedoen het wat nodig was om ons Verlosser te wees, is immers ook Here en Koning. Ons lewenswyse en keuses moet dus in lyn wees met Sy grondwet van Sy Koninkryk en Sy totale normstelsel vir elke deel van ons lewe. Sy dit vir die huwelik, ons liggaam, geld, alkoholgebruik of nie, of vir wat dit ookal mag wees. Die Maker van die mens se Handboek vir die mens is en bly ons riglyn. En Sy Gees in ons wil ons dag vir dag lei en leer wat Sy perfekte wil vir elke deel van ons lewens is. Die ekklesia van Jesus van alle tye leer dus uit hierdie profetiese brief aan Pergamum hoe gevaarlik dit is om ter wille van oorlewing of sosiale relevansie kompromieë te sluit met die waardes en manier van doen deur die res van die samelewing om ons, terwyl dit eintlik totaal in stryd is met God se perfekte wil vir Sy mense se hele lewe. Sou ons dit negeer, is dit in elke opsig vir ons nag. En gaan ons die pyn en ellende van ongehoorsaamheid aan God se perfekte wil vir ons lewens proe. Maar vir diegene wat bereid is om Hom as hulle Here ook hierin te gehoorsaam, gee Hy die volgende twee beloftes: “Aan elkeen wat die oorwinning behaal, sal Ek van die verborge manna gee, en daarby sal Ek vir hom ‘n wit steentjie gee met ‘n nuwe naam daarop gegraveer, wat niemand anders ken nie, net hy wat dit kry” (Op. 2:17).
Openbaring 2(D) Pasop vir die Isebel onder julle ... Hoeveel keer kom ‘n mens nie agter dat die persone wat eintlik die gesag in die hand het, wat eintlik die septer swaai en die opinie van mense beheer, iemand agter die skerms is nie! Dit is wat in die gemeente, Tiatira, gebeur het. Eksegete van die Nuwe Testament meen dat dit heelwaarskynlik ‘n vrou van een van die leraars in die destydse gemeente was. Iemand wat net soos Isebel, die vrou van koning Agab, eintlik die stem agter die troon was wie se mening en wil gegeld het. Jy onthou mos dat dit onder haar invloed destyds was wat Agab die Baäl-afgodsdiens ingevoer waartoe sy hom aangehits het. Tiatira was ‘n bedrywige handelsentrum waar die arbeidsgildes (of –vakbonde, in moderne taal) baie aktief was. Ook hier was die harde werklikheid vir die Christengelowiges: óf jy doen mee met al die afgode-praktyke en dronkpartytjies óf jy ontdek dat jy sommer gou-gou nie meer ‘n werk het nie! Dit was dus werklik ‘n kwessie van of saamspeel en saamdoen met die res, en die Here misken in die proses, óf uitgestoot te word met die gevolglike werkloosheid en lyding wat dan noodwendig gevolg het! Hierdie Isebel in die gemeente het skynbaar voorgegee dat sy ‘n “woord van God” ontvang het wat gelowiges die reg gegee het om maar mee te doen aan dit wat binne die arbeidsgildes van hulle gevra word. Daarom kom Jesus in hierdie brief in Openbaring 2:18 e.v. en waarsku Sy mense om nie mee te doen aan dit wat hierdie Isebel propageer in die gemeente nie. Sy was ‘n regte Isebel! Sy het geen werklike geloofsverhouding met Christus Jesus gehad nie, en doen haar net voor asof sy hierdie profetes sou wees wat direk by God hoor wat Sy wil vir nou vir Sy mense was! Maar in werklikheid was sy net besig om die gemeente te verlei om by allerlei afgodiese en selfs okkultiese praktyke betrokke te raak. Vriende, ons moet werklik God bid vir ‘n gees van onderskeiding! Om in staat te wees om tussen waarheid en leuen te kan onderskei. Om te kan weet wanneer iets werklik van God is en wanneer nie! Veral daar waar ons te make het met mense wat vanuit outoriteitsposisies in die gemeente en uit die geledere van gelowiges optree of praat. Soms verdra gelowiges baie naïef mense in hulle midde, en gee hulle selfs soms die verhoog om hulle menings aan die res van die gemeenskap te propageer, terwyl wat hulle sê en glo, eintlik totaal in stryd is met God se Woord! In hierdie brief hoor ons hoe die Here hierdie gemeente in Tiatira prys vir hulle geloof, diens en volharding, maar dit teen hulle het dat hulle hierdie Isebel-tipe toelaat om haar invloed in die gemeente te laat geld. En, hoor ons die Here vir hulle vra: Sien julle dit nie, of kyk julle dit moedswillig mis? ‘n Mens kan maklik sê dat dit eintlik eenvoudig moes wees om so iets in die gemeente raak te sien. Maar ek en jy weet dat dit soms nie altyd so maklik is nie. Veral as ‘n mens te make het met gesiene mense wat gewild is onder die grootste meerderheid gelowiges. En as so ‘n mens dit nog boonop reggekry het om almal te laat glo dat hy of sy werklik God se stem hoor, het ‘n mens met ‘n uiters gevaarlike situasie te make! Dan is dit belangrik om te onthou dat die God wie eintlik in beheer van die gemeente is, die verheerlikte Here is wat Homself bekendstel as die Een wie se oë soos vuur vlam (vers 18). Hy weet alles. Hy ondersoek die harte en gedagtes van mense. Hy weet presies wat aan die gang is. En al lyk dinge vir ons asof alles klopdisselboom verloop, Hy weet altyd van beter!
Page 1 and 2: OPENBARING Die storie agter die sto
Page 3 and 4: Openbaring (A) As alles rondom jou
Page 5 and 6: Openbaring (B) Onthou, dit is profe
Page 7 and 8: Openbaring (C) Lees dit deur die br
Page 9 and 10: Openbaring 1(A) As ons weer Jesus l
Page 11 and 12: Openbaring 1(B) Jesus, die Seun van
Page 13 and 14: Openbaring 2(A) Waar is die liefde
Page 15 and 16: Openbaring 2(B) Arm en tog ryk! “
Page 17: Openbaring 2(C) Weier om kompromie
Page 21 and 22: Openbaring 3(A) Word wakker julle w
Page 23 and 24: Openbaring 3(B) Mense wat mekaar en
Page 25 and 26: Openbaring 3(C) Maak asseblief vir
Page 27 and 28: Openbaring 4(A) Om God op die troon
Page 29 and 30: Openbaring 4(B) Met krone op ons ko
Page 31 and 32: Openbaring 5 Daar wag iets beter vo
Page 33 and 34: Openbaring 6 Die seëls word oopgeb
Page 35 and 36: Openbaring 7 ‘n Skuilplek midde a
Page 37 and 38: Openbaring So lyk die groter, breë
Page 39 and 40: Openbaring 8 Oppad ... Hoe goed ont
Page 41 and 42: Openbaring 9(A) Innerlike pyniging
Page 43 and 44: Openbaring 9(B) Die duiwel is lette
Page 45 and 46: Openbaring 10 Wees My getuies! In O
Page 47 and 48: Openbaring 11 Lyke in die strate Om
Page 49 and 50: Openbaring 12 Oorlog teen die draak
Page 51 and 52: Openbaring 13 Sien die een agter al
Page 53 and 54: Openbaring 14 In Jesus is ons meer
Page 55 and 56: Openbaring 15 Saam met die kore gel
Page 57 and 58: Openbaring 16 Sewe bakke vol verskr
Page 59 and 60: Reeds met die kruisdood en opstandi
Page 61 and 62: eleef ons gedurende hierdie tyd hoe
Page 63 and 64: Die profeet, Maleagi, het hieroor g
Page 65 and 66: En so kom die skeiding: die lig het
Page 67 and 68: Toe het ek ‘n groot wit troon ges
Page 69 and 70:
Dit is eintlik logies dat dit juis
Page 71 and 72:
Sy kruis het vir elkeen wat in Hom
show all

OPENBARING Die storie agter die storie van die boek ... - Nuwe Wyn

Create successful ePaper yourself

Delete template?

Save as template?