UITLEEF VAN ONS WAARDES - Anglo American

GROEPSBELEID
Hierdie verklaring moet saamgelees word
met die meer gedetailleerde Groepsbeleid en
raamwerke wat van tyd tot tyd goedgekeur
word, insluitende die volgende:
• Die Anglo American Veiligheidsmanier
• Die Anglo American Beroepsgesondheidmanier
• Die Anglo American Omgewingsmanier
• Die Anglo American Sosiale Manier
• Volhoubare Ontwikkeling in die Anglo
American Verskaffersketting
• Anglo American Verskafferskode vir
Volhoubare Ontwikkeling
• Anglo American Groep Menslike Hulpbronne
Beginsels en Beleide
• Anglo American Menseregtebeleid
• Anglo American Groep HIV/VIGS Beleid
• Anglo American Besigheidsintegriteitbeleid
en Prestasiestandaarde vir Voorkoming van
Korrupsie
Ons verwelkom kommentaar rakende ons
Besigheidsbeginsels. Vir verdere inligting, kontak
asseblief:
Group Head of Government and Social Affairs
Anglo American plc
20 Carlton House Terrace
London SW1Y 5AN
E-pos: gsa@angloamerican.co.uk
www.angloamerican.co.uk
SPEAKUP
Die “SpeakUp”-fasiliteit verskaf ‘n vertroulike
en veilige manier aan werknemers, kontrakteurs,
verskaffers, besigheidsvennote en ander eksterne
belanghebbendes om gedrag te rapporteer en
onder die aandag te bring wat teenstrydig is met
ons waardes en standaarde, soos uiteengesit in
ons Besigheidsbeginsels.
Besoek www.anglospeakup.com of stuur ‘n
e-pos na anglocorporate@anglospeakup.com.
GOEIE BURGERSKAP:
BESIGHEIDSBEGINSELS
UITLEEF
VAN ONS
WAARDES
BESIGHEIDSINTEGRITEIT
VEILIGHEID EN VOLHOUBARE
ONTWIKKELING
INDIENSNEMING EN
ARBEIDSREGTE
GEMEENSKAPSONTWIKKELING
EN MENSEREGTE

GOEIE BURGERSKAP:
BESIGHEIDSBEGINSELS
Die Anglo American Groep het ‘n bewese rekord
van die positiewe verskil wat ons maak aan
die lande en gemeenskappe waar ons werk.
Ons is ambisieus en verbind tot leierskap in die
mynbedryf en om uitmuntendheid te behaal in
alles wat ons doen. Ons glo dat ons doelwit om
gehalte opbrengste aan ons beleggers te verskaf
die beste behaal word deur ons besigheid op ‘n
sosiale en omgewingsverantwoordelike wyse te
bestuur.
Ons ses kern waardes – veiligheid, sorg en
respek, integriteit, verantwoordbaarheid,
samewerking en innovasie – onderstreep hierdie
stelling en is van toepassing op hoe ons ons
bedrywighede bestuur en in ons omgang met
eksterne belanghebbendes. Om vertroue te wen
en te verdien is fundamenteel tot die sukses van
ons besigheid.
T Die veiligheid en gesondheid van ons werkers
is van kardinale belang en ons is meedoënloos in
ons nastrewe van ons doelwit van zero skade.
Ons bevorder diversiteit en inklusiwiteit om te
verseker dat werknemers van alle agtergronde
in staat is om billik te vorder en ooreenkomstig
hulle vermoëns.
Ons is verbind tot die steun van volhoubare
ontwikkeling in die samelewings waar
ons werk. Ons besef dat sommige mense
bekommerd is oor die gewaande mag van
groot korporatiewe entiteite en glo dat dit die
beste aangespreek word deur deursigtigheid en
verantwoordbaarheid.
Die aard en omvang van ons impak bring daarmee
saam die verpligtinge van respek vir menseregte,
goeie omgewingsverantwoording en etiese
optrede. Ons ondersteun die tien beginsels van
die Verenigde Nasies se Globale Impak.
Die reserwes wat ons ontwikkel word oor
die algemeen deur regerings in trust vir hulle
burgers besit. Dit skep die geregverdigde
verwagting dat ons besighede geleenthede vir
‘n reeks van belanghebbendes sal genereer.
Ons produkte dra by tot die verbetering van
mense regoor die wêreld se lewenstandaard
en ons glo verantwoordelike mynbedrywighede
kan en sal bydra tot breër ontwikkeling,
insluitende die verwerkliking van die Millennium
Ontwikkelingsdoelwitte.
Ons “Goeie Burgerskap” Beginsels sit die
standaarde uiteen wat die optrede van ons
besighede lei. Alhoewel ons bedrywig is in baie
lande en in wyd uiteenlopende toestande, het
ons waardes en beginsels universele toepassing.
Hulle geld vir alle besighede wat ons bestuur,
vir alles wat ons doen en vir elke deel van die
wêreld waarin ons bedrywig is of wat aan ons
verskaf. Ons sal toesien dat hulle behoorlik
verstaan en nagekom word en sal hulle van tyd
tot tyd hersien in die lig van ondervinding.
Sir John Parker Voorsitter Cynthia Carroll Hoof Uitvoerende gesag
ONS BELANGHEBBENDES Ons verbeter ons begrip van die samelewing
en ons plek daarin deur aktiewe betrokkenheid
met diegene om ons. Ons erken die waarde
van vennootskappe in die bou van kapasiteit,
verbetering van korporatiewe bestuur en die
bevordering van volhoubare ontwikkeling.
Ons hoof verantwoording is jeens ons
beleggers. Ons sal daarna streef om
aandeelhouerwaarde met verloop van
tyd te maksimaliseer. Ons glo dat dit die
beste bereik sal word deur intelligente
inagneming van die belange van ander
belanghebbendes en deur ‘n reputasie vir
optrede met integriteit.
Beleggers
Ons sal verseker dat volle nakoming van
relevante wette en reëls geskied. Ons sal die hoë
standaarde van korporatiewe bestuur nakom en is
verbind tot deursigtigheid en billike optrede.
Werknemers
Ons is verbind tot die veiligheid van ons
werknemers en om hulle met sorg en respek te
hanteer. Ons sal in hulle ontwikkeling belê en
toesien dat hulle loopbane nie aan bande gelê
word nie deur diskriminasie of ander arbitrêre
versperrings op die pad na vooruitgang. Ons
erken die belangrikheid van ‘n gesinslewe en om
ons werknemers toe te laat om ‘n bevredigende
werk/lewe balans te hê. Ons sal ons werkers
eerlik behandel en sal gereelde tweerigting
kommunikasie in stand hou.
Regeringsliggame
Ons sal voldoen aan die wette van ons
gasheerlande terwyl ons ook die beste
praktyk standaarde wat deur voorste interregeringsorganisasies
ontwikkel is, in ag sal
neem. Ons streef daarna om ‘n goeie keuse as
belegger en vennoot te wees.
Gemeenskappe
Ons streef daarna om sterk en respekvolle
verhoudings met die gemeenskappe waarvan
ons deel is, te skep en te handhaaf. Ons
sal gereelde interaksie met hulle opsoek oor
aangeleenthede wat hulle mag raak. Ons streef
daarna om by te dra tot die skepping van
meer welvarende, bemagtigde en aanpasbare
gemeenskappe. Ons sal ons bedrywighede
se impak op plaaslike sosiale en ekonomiese
ontwikkeling gereeld in oënskou neem en
daaroor berig. Ons sal plaaslike meganismes
voorsien vir die oorweging en oplossing van
klagtes en griewe op ‘n billike, tydige en
toeganklike wyse.
Besigheidsvennote
Ons soek wedersyds voordelige verhoudings met
ons kliënte, kontrakteurs, verskaffers en ander
besigheidsvennote, gebaseer op billike en etiese
praktyke, insluitende stiptelike betaling binne
die ooreengekome terme. Ons verwag van ons
verskaffersketting om te streef daarna om die
standaarde wat in hierdie beginsels uiteengesit
is na te kom.
Nie-regerings Organisasies
Beleefde betrekkinge kan ‘n beslissende rol
speel in die bevordering van pluralistiese
en meer aanpasbare gemeenskappe. Ons
streef na konstruktiewe verhoudings met
relevante nie-regeringsorganisasies. Hulle
insette kan ons begrip van die samelewing en
gasheergemeenskappe verbeter.

BESIGHEIDSINTEGRITEIT
Ons ondersteun ondernemingsvryheid as
die stelsel wat die beste geskik is om by
te dra tot die ekonomiese welsyn van die
samelewing en om individuele bemagtiging
en vryheid te bevorder.
Sonder winste en ‘n sterk finansiële grondslag sou
dit nie moontlik wees om ons verantwoordelikhede
na te kom jeens belanghebbendes, werknemers,
regerings en gemeenskappe en diegene met
wie ons sake doen nie. Ons beleggingskriteria
weerspieël ekonomiese, sosiale, omgewings- en
politiese faktore.
Werknemers moet hulle pligte pligsgetrou, eerlik
en met behoorlike inagneming van die vermyding
van konflikte tussen persoonlike finansiële belange
en hulle verantwoordelikhede jeens hul werkgewer
nakom. Deur die gee of ontvang van geskenke
of gasvryheid, moet werknemers ons beleide
en prosedures nakom, optree op ‘n deursigtige
wyse en verseker dat hulle nie enige onbehoorlike
voordeel soek in die bestuur van sake of in hul
omgang met publieke amptenare nie.
Ons sal nie skenkings aan politici of politieke
partye maak nie.
Ons ondersteun die Ekstratiewe Industrieë
Deursigtigheidsinsiatief en sal jaarliks verslag doen
oor ons belasting- en honorarium betalings gemaak
in die belangrike lande waar ons bedrywig is.
Ons is onverbiddelik gekant teen korrupsie.
Ons sal nie toelaat dat ons werknemers, of
diegene wat namens on optree, omkoopgeld
sal aanbied, sollisiteer, betaal of aanvaar nie.
Ons sal nie anti-kompeterende praktyke
verskoon nie en sal nie enige sulke aktiwiteite
deur ons werknemers duld nie.
Ons verbied werknemers om met sekuriteite te
handel as hulle in besit is van ongepubliseerde,
pryssensitiewe inligting.
Ons sal hoë standaarde van besigheidsvertroue
handhaaf om: wesenlike risiko’s te identifiseer
en te monitor, ons bates te beskerm en om
korrupsie op te spoor of te voorkom.
Ons sal die toepassing van ons beginsels
aanmoedig by diegene met wie ons sake doen.
Hul bereidwilligheid om die beginsels te aanvaar
sal ‘n belangrike faktor wees in ons besluit om
sulke verhoudings aan te gaan of daarin te bly.
Ons verwag van ons werknemers om persoonlik
verantwoordelikheid te neem en toe te sien
dat ons optrede voldoen aan hierdie beginsels
en moedig alle belanghebbendes aan om
besorgdheid oor potensiële verbrekings of enige
ander regs- of etiese kwessies met die bestuur
op te neem. Ons sal ‘n maklik toeganklike
“whistle blowing”-fasiliteit verskaf en bevorder.
Niemand sal benadeel word as hulle te goeder
trou ‘n kwelling deur hierdie kanaal of direk aan
die bestuur opper.
VEILIGHEID EN
VOLHOUBARE
ONTWIKKELING
Veiligheid en Gesondheid
Ons visie is nul benadeling van diegene wat
by ons bedrywighede betrokke is en van
diegene om ons. Ons glo dat alle beserings en
beroepsiektes voorkombaar is. Ons sal toesien
dat veiligheidstandaarde konsekwent toegepas
word in al ons bedrywighede, ons sal nougeset
leer uit insidente en nougeset wees in die
voorkoming van herhalings.
Omgewing
Ons visie vir die omgewing erken die sentrale rol
van goeie rentmeesterskap in die minimalisering
van die impak van ons aktiwiteite deur
eksplorasie tot by die sluiting van ‘n myn. Ons
sal myne uit die staanspoor beplan met die oog
op die beheer van die omgewings- en sosiale
impak van gestaakte en geslote myne.
Ons sal die omgewing bewaar en beskerm deur: die
doeltreffende gebruik van natuurlike hulpbronne,
insluitende energie en water en die minimalisering
van afval Ons erken die belangrikheid daarvan
om grond en water te gebruik met behoorlike
inagneming van die behoeftes van ander. Ons sal
aktiewe rentmeesterskap van grond, varswater
sisteme en biodiversiteit demonstreer.
Ons erken die uitdaging wat klimaatsverandering
daarstel op beide ‘n globale en plaaslike
vlak. Ons is verbind tot die verbetering van
die doeltreffendheid van ons energieverbruik
en streef na die vermindering van ons
kweekhuis gasuitlatings. Ons sal deelneem
aan navorsing en ontwikkelingsprogramme
Ons glo dat robuuste prosesse vir die bestuur
van veiligheid, gesondheid, omgewings- en
sosiale aangeleenthede ‘n fundamentele
element van goeie bestuurspraktyk is, asook
‘n bron van kompeterende voordeel.
om die klimaatsverandering aan te
spreek en om geleenthede te ondersoek
vir die gebruik van markgebaseerde
uitlatingsverminderingsmeganismes.
HIV/VIGS
Ons erken die tragedie wat deur die HIV/
VIGS- epidemie veroorsaak word, veral in sub-
Sahara Afrika. Ons het ‘n duidelike beleid vir die
aanspreek van HIV/VIGS en verwante siektes, soos
Tuberkulose. Ons is verbind daartoe om alle vorms
van vooroordeel te elimineer, veral die stigma en
diskriminasie op grond van ware of gewaande HIVstatus.
Ons streef daarna om geslagsgelykheid
te bevorder as deel van ons reaksie op hierdie
siekte. In ons werkplekke sal ‘n omvattende
voorkomingsstrategie bedryf word, gekoppel aan
programme vir vrywillige berading en toetsing
en ons sal behandeling verskaf aan werknemers
met HIV/VIGS. Ons is verbind tot die uitbreiding
van toegang tot behandeling na die afhanklikes van
ons werknemers en om te werk met vennote om
die gesondheidsstelsels in gemeenskappe wat met
ons bedrywighede geassosieer word, te versterk.
Ons verwag van ons verskaffersketting om te
streef daarna om die beste praktyk te behaal in
die beskerming van die veiligheid en gesondheid
van hulle werkers en in hul omgewings- en
sosiale optrede en bestuur van bronne.
Ons sal veiligheid en volhoubare ontwikkelingsaangeleenthede
aan die voorpunt van
werkplekkwessies hou en sal oor vordering in
vergelyking met ons beleide en doelwitte rapporteer.

INDIENSNEMING EN
ARBEIDSREGTE
Ons sal diversiteit bevorder en sal nie
onbillike diskriminasie of die onmenslike
hantering van werkers, insluitende enige
wyse van dwangarbeid, lyfstraf of ander
misbruik, duld nie. Ons werkers het die reg
om te werk in ‘n omgewing wat vry is van
teistering of intimidasie.
Ons streef daarna om ‘n werksomgewing
te skep wat bevorderlik is vir innovasie
en samewerking regdeur al ons
besighede en geografiese liggings. Om
verantwoordbaarheid, ‘n prestasiegerigte
kultuur en die monitering van individuele
ontwikkelingsbehoeftes aan te moedig, sal ‘n
toenemende deel van die werkers, individueel
of as lede van ‘n span, prestasiedoelwitte hê
wat gereeld hersien sal word.
Ons is verbind tot billike arbeidspraktyke
en ons diensvoorwaardes sal voldoen aan
toepaslike wette en industrie standaarde.
Arbeidsregte
Ons verbied kinderarbeid in ons bedrywighede.
Sou ons bewus word van sulke gevalle in ons
verskaffersketting, sal ons ‘n verantwoordelike
benadering ontwikkel vir die beëindiging daarvan
wat die welsyn van die kinders sal verseker.
Ons erken ons wernemers se reg van vryheid
van assosiasie en kollektiewe bedinging. Ons
betalingspraktyke sal bepaal word aan die hand van
plaaslike marktoestande en ons sal streef daarna om
te verseker dat ons lone betaal wat, as ‘n minimum,
voldoende is om in die basiese behoeftes van
ons werknemers en hul families om te sien.
Ons verwag van ons verskaffersketting om
te streef na die nakoming van al bogenoemde
diens- en arbeidsregtelike beginsels.
GEMEENSKAPSONTWIKKELING
EN MENSEREGTE
As die ontwikkeling van ‘n projek oorweeg
word, sal ons voortgaan op die basis
van ‘n volledige beoordeling van die
potensiële impak en deur vry, vooraf en
ingeligte konsultasie. Dit mag ons tot die
gevolgtrekking lei dat ons nie ‘n projek moet
ontwikkel nie, al is dit regtens toelaatbaar
en potensieel winsgewend. Ons streef
daarna om by te dra tot die ekonomiese
en sosiale welstand van gemeenskappe,
insluitende deur die ontwikkeling van
ondernemings, gebruik van plaaslike
verskaffers en om geleenthede te verskaf
vir mense van benadeelde agtergronde.
Inheemse Volkere
Ons erken die sterk kulturele en spirituele
affiniteit van inheemse volkere jeens grond en
die natuurlike omgewing en die sensitiwiteit
wat veroorsaak is deur baie inheemse groepe
se negatiewe ervaring van die mynbedryf.
Ons is daarom verbind tot die hantering van
ons verhoudings met inheemse gemeenskappe
in die gees van respek en dialoog en om hul
deelname aan die geleenthede wat deur die
mynbedrywighede geskep is, te fasiliteer.
Hervestiging
Waar dit nodig word om die hervestiging van
‘n gemeenskap te oorweeg, sal ons optree
ooreenkomstig die internasionale beste praktyk.
Ons sal voortgaan op die basis van: streef
na die vermyding van hervestiging; vrye
Ons respekteer menslike waardigheid
en die regte van individue en van die
gemeenskappe wat met ons bedrywighede
geassosieer word.
onderhandelings; deurlopende oorlegpleging met
geloofwaardige gemeenskapsverteenwoordigers;
billike vergoeding; voorsiening vir die oplossing
van griewe; ‘n vermoede van kollektiewe
hervestiging; en, as ‘n minimum, die restitusie
van lewensonderhoud.
Konflik
Ons erken dat ons aktiwiteit die dinamika en
gesagstrukture van gemeenskappe kan raak.
Ons is verbind tot die begrip van en
minimalisering van ons potensiaal om konflik in
plaaslike gemeenskappe te veroorsaak en om
saam te werk met ander om die indirekte impak
van ons aktiwiteite te bestuur.
Menseregte
Ons glo dat ons die reg en verantwoordelikheid
het om ons standpunt te stel aan regerings
oor aangeleenthede wat ons werknemers,
aandeelhouers of die gemeenskappe wat met
ons aktiwiteite geassosieer word, raak. Ons
onderskryf die Vrywillige Beginsels oor Veiligheid
en Menseregte.
Ons ondersteun die beginsels wat uiteengesit
is in die Universele Verklaring van Menseregte.
Alhoewel die primêre verantwoordelikheid
vir menseregte lê by regerings, erken ons
die verantwoordelikheid van besigheid om
menseregte te respekteer. Waar dit binne ons
vermoë is, sal ons streef om die nakoming van
menseregte in die lande waar ons werksaam is,
te bevorder.