innoveer landbou Jaarverslag 2012 - gwk

22 23 23
Verslag van die Besturende Direkteur
Inleiding
GWK se finansiële én strategiese resultate vir die 2011/12
finansiële jaar is `n getuigskrif van hoe die maatskappy daartoe
kan bydra om suksesvolle produsente deel van landbou in Suid-
Afrika te hou.
`n Groei van 45% in die maatskappy se wins voor toevallings
aan aandeelhouers het toevallings vir ons aandeelhouers
dienooreenkomstig tot R100 miljoen laat toeneem.
`n Verlaging in kunsmispryse het wel die groter GWK-groep se
wins ingeperk, maar besparing op dié insetkoste was `n verdere
voordeel vir ons produsente.
Die groter korting sowel as dié besparing kon realiseer omdat die
wins van die GWK-maatskappy se filiale in die groter GWK-groep
nie `n invloed op toevallings vir aandeelhouers het nie. Dit wys
die voordeel van die groep se diversiteit.
Dié bydraes tot volhoubare landbou is fondamente vir verdere
groei vir die groter GWK-groep. Volatiliteit in internasionale
landboukommoditeite, asook ander onsekerhede in Suid-
Afrikaanse landbou, noodsaak doelgerigte optrede om meer
stabiliteit in primêre landbouproduksie te bewerkstellig.
GWK het daarom tydens die periode in oorsig ook finansiering
teen gunstige koerse opgeneem by die Industrial Development
Corporation (IDC) om dié voordeel net so deur te gee aan
produsente wat finansieel ná vloede ingeperk is. `n Totale bedrag
van R150 miljoen is só aan produsente toegeken.
`n Kerngesonde debiteureboek plaas GWK in `n posisie om voort
te gaan om produsente in hul bedrywighede by te staan, terwyl
die diversiteit van die GWK-groep se besighede die platform is vir
volhoubare groei en ontwikkeling.
Die belyning van hierdie diverse besigheidstrukture om in pas te
bly met verandering, het daarom reeds in die jaar in oorsig weer
aandag geniet. Dit sal GWK se posisie in die volgende periode
verder versterk deur betrokkenheid in `n al hoe groter deel van
die hele landbou-waardeketting.
innoveer landbou
Graanprodukte
Die afgelope jaar is gekenmerk deur `n besonderse goeie
koringproduksie-seisoen.
Rekord-opbrengste is in GWK se bedieningsgebied behaal.
Meulenaars het die produk egter baie stadig opgeneem met min
belangstelling in plaaslike koring. Die jaar is gekenmerk deur `n
rekord-persentasie verbruik van ingevoerde koring.
Die mielie-seisoen was lank en nat en is deur gemiddelde
opbrengste gekenmerk.
Graanpryse het die jaar in oorsig eers laag verhandel met ’n
sterk opwaartse beweging teen jaareinde. Dié styging was veral
welkom vir koringverhandeling.
Weens die laat mielieoes en swak koringpryse was
koringaanplantings laer tydens die huidige seisoen teenoor die
vorige seisoen.
Die verbouing van Durumkoring, gars, en Waxy- en Simba-mielies
geniet baie aandag. Daar word gepoog om hierdie markte 100%
vanuit GWK se bedieningsgebied te voorsien. `n Bestendige groei
word in hierdie markte verwag.
Kapitaalprojekte wat in die 2011/12 finansiële jaar afgehandel
is, sluit in die opgradering van die Jan Kempdorp-depot om
innamekapasiteit te verhoog. Addisionele silokapasiteit
van 10 000mt is by Hopetown (Trans Oranje) opgerig. Die
deurligtingskapasiteit van GWK se silokomplekse is dramaties
uitgebrei om GWK in staat te stel om graan teen hoër
vogpersentasies te ontvang en hanteer.
Koring en mielies is in silosakke gestoor om kapasiteit te skep
by Douglas en Modderrivier om sodoende die groter koring- en
mielieoeste te kon hanteer.
Die finale lewensvatbaarheidstudie vir die oprigting van `n
garsmoutery by Modderrivier sal in die volgende finansiële jaar
afgehandel word.
Die oprigting van `n koringmeule, beskuitjiefabriek en pastafabriek
by Modderrivier gaan voort.
Voortgesette samesprekings met Transnet Freight Rail sowel
as provinsiale en nasionale regeringstrukture het gelei tot
goedkeuring vir die opgradering van die Belmont-Douglasspoorlyn.
Werk om die drakrag van dié taklyn te verhoog, begin
in die nuwe finansiële jaar. Die projek sal na verwagting teen
Maart 2013 voltooi word.
Die hoë internasionale graanpryse, veral vir koring, mielies
en sojabone, is positief vir die Suid-Afrikaanse graanbedryf.
Voortgesette verbouing van hierdie gewasse blyk baie
winsgewend te wees vir die komende finansiële jaar.
Goeie aanplanting word op somergewasse verwag vanweë die
hoë pryse. Mielies behoort voortgeset op uitvoerpariteitsvlakke
te verhandel, wat steeds winsgewende produksie ondersteun.
Spesialisprodukte
Johan van Dyk
Besturende Direkteur
Dié divisie het die afgelope jaar uitsonderlik gepresteer met beter
as verwagte finansiële resultate. Twee ontwikkelingsprojekte is
ook suksesvol en binne begroting geïmplementeer.
Die katoenpluismeule is een van dié projekte wat suksesvol
geïmplementeer is – die katoenbesigheid het sy eerste jaar aan
die geprojekteerde winsverwagting voldoen.
Bogemiddelde pluispersentasies is ondanks `n moeilike
pluisseisoen gerealiseer. Innoverende verskansingstrategieë is
geïmplementeer waarmee produsente se prysrisiko effektief
bestuur is.
Dit was `n uitdagende jaar vir aartappels. `n Groot ooraanbod
het beteken dat nie alle moerproduksie in ons streek uitgeplaas
kon word nie. Bemarking is gekortwiek deur kansellasies van
bestellings, sowel as die virustoetsingsperiode wat weens
fisiologiese redes ongewoon lank was. Die kweekhuisprojek is
suksesvol voltooi en die nuwe rakstelsel word reeds met die
huidige seisoen se inname in gebruik geneem.
Die Wynbesigheid het kop opgetel met verskeie verbeterings
wat by die fasiliteite aangebring is en die huidige saprealisasies
vergelyk met die beste in die industrie. Druiweproduksie in die
GWK-gebied bly egter `n bekommernis. Verskillende opsies vir
die optimale benutting van die fasiliteite word ondersoek. Die
afgelope seisoen se reeks wyne het heelwat aanklank gevind in
die mark en is daarin geslaag om die produk op `n breër basis
bekend te stel.
GWK was bevoorreg om die afgelope jaar heelwat volumes
saad te verwerk en bemark en ons het ook heelwat energie aan
saadproewe spandeer. GWK het ook samewerkingsooreenkomste
met internasionale telers aangegaan om spesifieke gewasse
se lyne op `n eksklusiewe basis in Suid-Afrika te beproef.
Verder het GWK die eksklusiewe verkoopsregte op sekere
grondboonvariëteite bekom.
GWK was aan die voorpunt van nuwe markontsluiting met die
uitvoer van groot volumes lusern na oorsese verbruikers. Dít
het alternatiewe bemarkingsgeleenthede vir lusernprodusente
gebied, terwyl GWK as `n betroubare sakevennoot met unieke
oplossings gevestig is. Volumes het saam met verhoogde
binnelandse leweringskontrakte met meer as 25% gegroei.
Die koste van nuwe plant- en oestoerusting is `n uitdaging
vir produsente wat gesonde wisselboupraktyke toepas.
Bewerking van verskillende gewasse noodsaak egter toegang
tot spesialistoerusting. GWK het daarom besluit om in `n
kontrakteursbesigheid te belê. Vier katoenplukkers in dié
besigheid is reeds in 2011 suksesvol aangewend. Daar word verder
belê in lusernbalers en plant- en oestoerusting vir grondbone.
Produsente wat reeds oor spesialistoerusting beskik, word ook
betrek deur derdeparty-kontraktering vir hulle te beding.
Die grondbonemark is die afgelope jaar deur hoë pryse
gekenmerk. GWK kon die mark goed benut om beter winste in
die Oliesade-besigheid te ontsluit. Uitvoere het glad verloop
sonder enige gehalteprobleme. GWK kon verder sonder enige
voorraadverliese beter effektiwiteit by die verwerkingsgedeelte
ontsluit.