innoveer landbou Jaarverslag 2012 - gwk

18 19 19
Verslag van die Sosiale en Etiekkomitee
Die Sosiale en Etiekkomitee is die afgelope jaar gevestig ten einde die GWK Direksie by te staan om te verseker dat die GWK-groep as
goeie korporatiewe burgers funksioneer. Die komitee verrig voorts die statutêre funksies soos vereis in terme van die Maatskappywet.
Hierdie verslag word voorgelê om aan te toon hoe die komitee sy plig in terme van die van die Maatskappywet verrig het, sowel as
enige addisionele pligte wat die GWK Direksie aan die komitee delegeer het.
Samestelling van die komitee
Die komitee bestaan uit vier onafhanklike, nie-uitvoerende direkteure en een uitvoerende direkteur. Die Finansiële Direkteur,
Maatskappysekretaris, Uitvoerende Bestuurder: Menslike Hulpbronne en Uitvoerende Bestuurder: Korporatiewe Bemarking, woon
die vergaderings op uitnodiging by en beskik oor geen stemreg nie.
Die volgende persone dien op die komitee:
Komiteelid Uitvoerend / Nie-uitvoerend
F.J. Lawrence (Voorsitter) Nie-uitvoerend
J.H. Coetzee Nie-uitvoerend
F.J. Lubbe Nie-uitvoerend
T.C.J. Marais Nie-uitvoerend
J.H. van Dyk Uitvoerend
Verantwoordelikhede van die Sosiale en Etiekkomitee
Die komitee beskik oor `n handves wat deur die Direksie goedgekeur is, welke handves die pligte, verantwoordelikhede en gedelegeerde
bevoegdhede van die komitee uiteensit. Die komitee dien ook as Sosiale en Etiekkomitee van die filiale in die GWK-groep.
Die funksies van die komitee sluit die volgende in, soos bepaal deur die Maatskappywet en die goedgekeurde handves:
Monitering van die GWK-groep se aktiwiteite met betrekking tot sosiale en ekonomiese ontwikkeling met spesifieke verwysing
na die groep se prestasie in terme van:
• Die bevordering van goeie korporatiewe burgerskap van die GWK-groep.
• Monitering van die GWK-groep se voldoening aan omgewing-, gesondheid- en veiligheidsnorme wat insluit
die impak van die GWK-groep se produkte en dienste.
• Monitering van klanteverhoudings wat insluit advertensies, openbare betrekkinge en voldoening aan
verbruikerswetgewing.
Toegang tot inligting
Die komitee beskik oor volle toegang tot:
• Interne ouditverslae.
• Verslae van eksterne ouditeure.
• Veiligheidsverslae en -notules.
• Verslae met betrekking tot sosiale ontwikkelingsaksies.
• Enige ander inligting wat die komitee redelikerwys in die uitvoering van sy pligte benodig.
innoveer landbou
Wesenlike aksies
Breedvoerige rapportering oor GWK se aktiwiteite met betrekking tot sosiale en ekonomiese ontwikkeling word in die sosiale
verantwoordelikheidsverslag gedoen.
Tydens die jaar in oorsig het die GWK Direksie `n nakomingsbeleid goedgekeur. Die beleid dien as `n riglyn wat betref die nakoming
van wette, reëls en riglyne deur werknemers en GWK en weerspieël ook GWK se waardesisteem. Die nakomingsbeleid is bedoel
om ons werknemers te voorsien van riglyne en verwysings in sy/haar daaglikse werk en sodoende enige oortreding te voorkom,
sowel as om GWK se etiese standaarde daar te stel. `n Uitgebreide kommunikasieprogram is geïmplementeer om te verseker dat die
nakomingsbeleid inslag vind op alle vlakke in GWK.
Vordering is ook gemaak met die finalisering van `n bedrogvoorkomingsbeleid wat in die 2013 finansiële jaar geïmplementeer sal
word. Een van die oogmerke van hierdie beleid is om `n meganisme daar te stel waardeur werknemers en kliënte onwettige, oneerlike
of onetiese gedrag deur werknemers van GWK kan rapporteer sonder enige gevaar van intimidasie.
GWK se veiligheids- en gesondheidsraamwerk en -strukture is die afgelope jaar hersien en wesenlike struktuurveranderings is gedoen.
Die struktuurveranderings het ten doel om groter fokus op die veiligheid en gesondheid van GWK se werknemers en kliënte te verkry
deur meer akkurate en tydige bestuursinligtingstelsels, groter verantwoordelikheid van personeel ten opsigte van veiligheid en meer
effektiewe en objektiewe rapporteringstelsels.
Namens die Sosiale en Etiekkomitee
F.J. Lawrence
Voorsitter van die Sosiale en Etiekkomitee
Douglas
21 Augustus 2012
innoveer landbou
_000657
_000964
_000854