innoveer landbou Jaarverslag 2012 - gwk

16 17 17
Sosiale verantwoordelikheid
Die waardes waarop GWK gebou is, sluit integriteit en sosiale verantwoordelikheid in. Investering in die gemeenskappe waar ons
werk en leef is nie vir die GWK Direksie en Bestuur onderhandelbaar nie en `n integrale deel van hoe ons sake doen.
Die maatskappy is daartoe verbind om as `n verantwoordelike, korporatiewe burger op te tree. Dit word gedoen deur beleggings in
die gemeenskap met borgskappe, vaardigheidsontwikkeling en interaksie met belanghebbendes.
GWK meet nie die nakoming van sosiale verantwoordelikheid en herinvestering in die omgewing aan die hoeveelheid geld wat
hiervoor aangewend word nie. Die sukses van ons gemeenskapsprojekte word gemeet aan die verskil wat dit maak.
Tydens die finansiële jaar in oorsig is verskillende skole in GWK se bedieningsgebied gehelp om belangrike infrastruktuur op te knap,
geleenthede vir leerders in onder meer sport geskep en verskeie gemeenskapsinstansies finansieel ondersteun om hul doelwitte te
bereik.
GWK is ook daarby betrokke om mense te vereer wat `n verskil in die gemeenskap maak om daardeur gemeenskapsbetrokkenheid
en `n gevoel van sosiale verantwoordelikheid te ontwikkel.
GWK fokus dié investering in plattelandse gebiede waar ons aandeelhouers hul landboubesighede bedryf. Dit is vir GWK belangrik
om te belê in die onderhoud van instansies wat vir hierdie gemeenskappe kosbaar is. Die investering is nie op individue gefokus nie,
maar op die befondsing van projekte en instellings waar mense in groepe bevoordeel word.
GWK besef sy verantwoordelikheid om projekte te ondersteun wat daarop fokus om opkomende produsente in Suid-Afrika as
kommersiële landbouers te vestig. Ons is daarom ook in samewerking met vennote soos die Noord-Kaapse department van
landbou by die opleiding van opkomende produsente betrokke.
Tydens die jaar in oorsig was meer as 1 000 opkomende produsente die bevoordeeldes in verskillende projekte waarby GWK deur
mentorskap by opleiding, boerderybeplanning, die ontwikkeling van volhoubare sakeplanne en landboukundige steun betrokke was.
Die maatskappy onderskryf ook die beginsels soos vervat in die Landbouhandves vir Swart Ekonomiese Bemagtiging. GWK se eie
SEB-voldoening is geklassifiseer as Vlak 7 en SEB-ontwikkeling word as strategies van belang beskou.
_000457
_000364
innoveer landbou
_000964
_000657
gee om vir ons gemeenskappe