Aflaai - Remgro

BESTUUR EN VOLHOUBAARHEID

80 BESTUURSRAAMWERK
81 DIREKSIE
BESTUUR EN VOLHOUBAARHEID
Korporatiewe bestuursverslag
86 RISIKOBESTUUR EN INTERNE BEHEER
86 EKSTERNE OUDIT
86 BELEGGERSVERHOUDINGE EN AANDEELHOUERSKOMMUNIKASIE
86 BESIGHEIDSREDDINGSTAPPE
REMGRO BEPERK | 79 | GEÏNTEGREERDE JAARVERSLAG

BESTUURSRAAMWERK
KORPORATIEWE BESTUURSVERSLAG
Remgro Beperk (Remgro) is verbind tot die hoogste
vlak van korporatiewe bestuur, integriteit en etiek. Die
raad van direkteure (die direksie) is in die finale instansie
daarvoor verantwoordelik dat bestuurstandaarde
gehandhaaf word en word hierin ondersteun deur senior
bestuur, wat daarna streef om ’n kultuur van nakoming
en goeie bestuur in die Remgro groep te vestig. Dit
word ondersteun deur gesonde en sigbare leierskap,
wat gekenmerk word deur die etiese waardes van
verantwoordelikheid, aanspreeklikheid, billikheid en
deursigtigheid. Goeie korporatiewe bestuurstrukture
en -prosesse bestaan en word deur die direksie as
deurslaggewend beskou om volhoubare groei in belang
van alle belanghebbendes te lewer.
Die direksie is ’n voorstander van goeie korporatiewe
bestuur by al die ondernemings waarin Remgro
belê en die maatskappy gebruik sy beduidende
invloed om te verseker dat alle genoteerde filiale en
geassosieerde maatskappye die beginsels vervat in die
King-verslag oor Bestuur in Suid-Afrika 2009 (King III)
onderskryf. Doeltreffende bestuur vorm deel van
Remgro se beleggings beoordelingsmaatstawwe en
word verder op ’n deurlopende grondslag gemonitor
deur nie-uitvoerende direksieverteenwoordiging by
maatskappye waarin belê is.
Remgro is ’n beleggingshouermaatskappy en daarom
beteken enige verwysing na “die groep“ in hierdie
konteks die maatskappy en sy volfiliale. Remgro se twee
bedryfsvolfiliale, Tsb Sugar Holdings (Edms) Beperk
(Tsb Sugar) en Wispeco Holdings Beperk (Wispeco),
word bedryf en bestuur as onafhanklike entiteite, met
outonome direksies. In die tydperk onder oorsig
het Tsb Sugar die vereiste protokol in plek geplaas
om te verseker dat die nuwe bestuurstandaarde
wat deur King III vereis word, op ’n doeltreffende
wyse aanvaar en geïmplementeer word. Die
belangrikste gebiede wat aandag geniet het, het
verband gehou met die hersiening van bestaande
mandate, beleide en prosedures ten opsigte van
sleutelbestuursmaatstawwe, met insluiting van,
maar nie beperk nie tot direksie- en subkomiteehandveste
en -mandate, sowel as beleid met betrekking
tot belanghebbendes, IT-bestuur en wetlike nakoming.
In die geval van Wispeco voldoen die samestelling
van die direksie nie aan die onafhanklikheidsvereistes
van King III nie as gevolg van die grootte van die
besigheid. Deur die aanvaarding en implementering van
Remgro se beleide, prosesse en prosedures, verseker
laasgenoemde se verteenwoordigers in die direksie
van Wispeco egter dat gesonde korporatiewe bestuur-
en volhoubaarheidspraktyke deur die maatskappy
gevolg word.
Remgro se ander volfiliale, met uitsluiting van Tsb
Sugar en Wispeco waarna hierbo verwys is, is nie
bedryfsmaatskappye nie en word deur Remgro
Bestuursdienste Beperk (RBD) geadministreer.
Die lede van Remgro se Bestuursraad is ook die
direkteure van RBD. RBD verskaf bestuurs- en
ondersteunende dienste aan Remgro en sommige
van sy filiale en geassosieerdes en verhaal sy
kostes gedeeltelik deur fooie wat vir hierdie
dienste gehef word. Die netto koste van
RBD vorm deel van die korporatiewe koste
van Remgro.
King III het op 1 Maart 2010 in werking getree en die
direksie is tevrede dat Remgro die beginsels daarvan
in die tydperk onder oorsig nagekom het. Waar nie aan
’n beginsel van King III voldoen is soos gespesifiseer
nie, word dit, waar toepaslik, verduidelik. Vir maklike
verwysing word ’n opsomming van al die King IIIbeginsels
wat nie toegepas is, hieronder gegee.
> Die voorsitter van die direksie, Mnr Johann Rupert,
is nie ’n onafhanklike nie-uitvoerende direkteur nie,
maar gegewe sy kennis van die besigheid en sy
sake-ondervinding ag die direksie hierdie reëling nie
net as wenslik nie, maar ook as noodsaaklik om die
sakedoelwitte van Remgro te bereik.
> Die voorsitter van die direksie tree as ex officiovoorsitter
van die vergoedings-en-nominasiekomitee
op. Hoewel hy nie onafhanklik is nie, ondersteun
die direksie sy voorsitterskap van die vergoedingsen-nominasiekomitee
vanweë die noodsaaklikheid
om die maatskappy se vergoedingsbenadering in
ooreenstemming met die korporatiewe strategie
te bring.
> Die direksie en subkomitees doen jaarliks ’n eie
evaluering, maar het besluit om nie ’n oorsig van die
evalueringsproses, resultate en aksieplanne in die
geïntegreerde verslag bekend te maak nie vanweë
die potensiële sensitiewe aard daarvan.
> Ingevolge die evalueringsproses word direkteure
nie individueel as deel van die jaarlikse evaluering
beoordeel nie. Onafhanklike nie-uitvoerende direkteure
word egter individueel beoordeel ten opsigte
van hul onafhanklikheid, en veral die onafhanklikheid
van direkteure wat reeds meer as nege jaar in die
direksie dien.
> Volgens King III moet die geïntegreerde verslag
die mandate van direksiekomitees openbaar. Die
geïntegreerde verslag bevat egter net ’n opsomming
van die mandate. Volledige besonderhede is op die
maatskappy se webblad beskikbaar.
> Die direksie glo nie daaraan dat direkteure,
bykomend tot ’n basisfooi, bywoningsfooie moet
verdien nie. Baie van die direkteure voeg aansienlike
waarde tot die groep toe buite formele direksie- en
REMGRO BEPERK | 80 | GEÏNTEGREERDE JAARVERSLAG

komiteevergaderings, soms selfs meer as wat hulle
binne formele vergaderings sou kon doen.
> Die direksie is nie voornemens om aandeelhouers
vir nie-bindende goedkeuring van Remgro se
vergoedings beleid te vra nie. Die beredenering
en grondslag vir die groep se uitvoerende
vergoedingsbeleid word deeglik deur die
vergoeding-en-nominasiekomitee oorweeg en in die
jaarverslag gedokumenteer.
> Die King III-verslag vereis dat die salarisse van die drie
hoogs besoldigde werknemers wat nie uitvoerende
direkteure is nie, geopenbaar word. Die inligting
van mnr Neville Williams, ’n lid van die bestuursraad
en ook Remgro se enigste voorgeskrewe beampte
ingevolge die Maatskappywet (Nr. 71 van 2008)
(nuwe Maatskappywet), word afsonderlik openbaar.
Vanweë hulle gespesialiseerde kundigheid, die
mededingende aard van die Suid-Afrikaanse sakeomgewing
en hulle waarde vir Remgro, verkies die
direksie om nie hierdie inligting vir elk van die twee
oorblywende individue te openbaar nie, maar eerder
om die gesamentlike salaris van die twee werknemers
te openbaar.
> Die direksie is nie van voorneme om ’n amptelike
geskilbeslegtingsproses in te stel nie, omdat dit
van mening is dat die bestaande prosesse in die
groep suksesvol funksioneer en nie ’n meer formele
en aparte meganisme benodig nie. Die nuwe
Maatskappywet bied genoegsame regsmiddele aan
aandeelhouers.
> Die King III-verslag vereis dat die maatskappy
se volhoubare ontwikkelingsverslag deur ’n
onafhanklike, eksterne spesialis geouditeer word.
Remgro se volhoubare ontwikkelingsverslag is nie
geouditeer nie, maar verifiëring is verkry van die
kernvol houbaarheidsaanwysers deur ooreengekome
prosedures wat deur interne oudit en onafhanklike
diensverskaffers uitgevoer is.
Gedurende die tydperk onder oorsig het ’n reeks
bestuursverwante regulatoriese ontwikkelings in
werking getree, waarvan King III en die nuwe
Maatskappywet die belangrikste was. Verskeie
werkwinkels en opleiding-sessies oor King III en
die nuwe Maatskappywet is die afgelope twee
jaar binne Remgro gehou om te verseker dat sy
direkteure en bestuur toegerus is om gesonde
korporatiewe bestuurspraktyke te implementeer en
toe te pas.
Remgro meet die doeltreffendheid van sy bestuurs -
prosesse aan die JSE se Maatskaplike Verant woorde likheid
beleggingsindeks (SRI), waaraan die maatskappy
sedert die loodsing daarvan in Mei 2004 suksesvol
deelneem. Die bestuurspraktyke van Rainbow Chicken
Beperk, as Remgro se grootste en enigste genoteerde
filiaal, word hierby geïnkorporeer.
KORPORATIEWE BESTUURSVERSLAG
Geïntegreerde verslagdoening ingevolge King III
vereis jaarlikse rapportering oor finansiële, sowel as
volhoubaarheids- en maatskaplike vertoning. Die veranderinge
aan die jaarverslag as gevolg van die toepassing
van King III het grootliks te doen met die
aanbied van inligting in ’n meer relevante formaat
en as sodanig is aparte verslae vir risikobestuur en
vergoeding ingesluit. Die aspekte wat in hierdie verslae
behandel word, het vroeër in ’n mindere mate deel
van die korporatiewe bestuursverslag gevorm. Buiten
die veranderinge aan die jaarverslag, het baie van die
uitwerking van King III te doen met die samestelling van
die direksie en subkomitees, asook die funksionering
van hierdie liggame, soos in meer besonderhede
hieronder beskryf.
DIREKSIE
Direksiehandves en -verantwoordelikhede
Die direksie het ’n formele handves aanvaar en
geïmplementeer om:
> die verantwoordelikhede, funksies en samestelling
van die direksie te identifiseer, te omskryf en aan te
teken, en
> as verwysing vir nuwe direkteure te dien.
Die handves is gedurende die tydperk op datum
gebring om die beginsels en aanbevelings van King III in
te sluit, sowel as enige veranderinge wat deur die nuwe
Maatskappywet vereis word. Alle direkteure van Remgro
onderskryf die handves, waarvan ’n kopie op Remgro se
webblad by www.remgro.com beskikbaar is.
Sleutelverantwoordelikhede ingevolge die handves sluit
die volgende in:
> verseker dat die direksie se samestelling voorsiening
maak vir die nodige vaardighede en ervaring;
> aanstelling van nuwe direkteure;
> die jaarlikse aanstelling en evaluering van die
hoofuitvoerende beampte, die hoof finansiële
beampte en die hoof beleggingsbeampte;
> die aanspreek van alle aspekte wat van strategiese of
wesentlike aard is of wat die aansien van Remgro kan
benadeel;
> gee rigting aan die etiese standaarde, strategie
en werksaamhede van die groep om ’n volhoubare
besigheid te bou, met inagneming van die kort- en
langtermynimpak van die groep se strategie op die
ekonomie, gemeenskap en die omgewing;
> monitor nakoming van wette, regulasies en kodes van
beste sakepraktyke;
> verseker dat relevante en akkurate inligting betyds
aan belanghebbendes gekommunikeer word;
> in die finale instansie verantwoordelik vir die
strategiese rigting, risiko-aptyt, prestasie en sake
van Remgro;
REMGRO BEPERK | 81 | GEÏNTEGREERDE JAARVERSLAG

goedkeuring van nuwe beleggings of die uitbreiding
van bestaande beleggings van meer as R500 miljoen,
sowel as die vervreemding van bestaande beleggings
vir bedrae meer as R500 miljoen;
> monitor die bedryfs- en beleggingsprestasie van
Remgro;
> bemagtiging van uitvoerende bestuur om bedryfs-
en beleggingsplanne en -strategieë te implementeer
volgens gedelegeerde mandate;
> risikobestuur en IT-bestuur;
> verseker dat volhoubaarheidsrapportering by
finansiële rapportering geïntegreer is;
> die bevordering van goeie bestuur by filiale,
insluitende die implementering van Remgro se
beleide, prosesse en prosedures by filiale;
> verseker dat die vergoeding van direkteure en senior
bestuur volgens die vergoedingsbeleid geskied;
> oorweeg, minstens twee keer per jaar, die
lopendesaak-status van Remgro.
Die direksie is tevrede dat hulle gedurende die afge -
lope finansiële tydperk hulle verpligtinge en verantwoordelikhede,
soos in die handves beskryf, behoorlik
nagekom het.
Remgro het ’n ten volle funksionele direksie wat die
groep lei en beheer. Alle kwessies van ’n wesentlike of
strategiese aard of wat ’n uitwerking op die reputasie van
die groep kan hê, word na die direksie verwys. Ander sake
word deur die bestuursraad en/of beleggingskomitee of
deur senior bestuur hanteer, soos toegelaat ingevolge
’n formele delegering van gesag. Die direksie vergader
minstens vyf keer per jaar en volg ’n jaarlikse werkplan
om te verseker dat alle relevante sake aandag geniet.
Lede van die direksie en subkomitees ontvang ’n
agenda, saam met ondersteunende stukke, minstens
’n week voor elke vergadering ten einde hulle behoorlik
voor te berei. Alle direkteure het onbeperkte toegang
tot die dienste van die maatskappysekretaris en senior
bestuur, sowel as tot maatskappyrekords.
Samestelling van die direksie
Besonderhede van die direkteure van die maatskappy
verskyn op bladsy 19 tot 21 van die geïntegreerde
jaarverslag.
Die samestelling van die direksie weerspieël ’n ewewig
van uitvoerende en nie-uitvoerende direkteure, van
wie die meeste onafhanklik is. Die direksie bestaan
tans uit ses uitvoerende en twaalf nie-uitvoerende
direkteure, van wie agt onafhanklik is. Nie-uitvoerende
direkteure word in die direksie verkies op grond van
hul wyere kennis en ervaring en van hulle word verwag
om effektief tot besluitneming en die formulering van
beleid by te dra. Die onafhanklikheid van onafhanklike
nie-uitvoerende direkteure word jaarliks hersien en die
onafhanklikheid van nie-uitvoerende direkteure wat vir
KORPORATIEWE BESTUURSVERSLAG
meer as nege jaar in die direksie gedien het, word aan
’n strawwe oorsig onderwerp.
Uitvoerende direkteure dra hul insig tot die dag-tot-dagbedrywighede
by, waardeur die direksie in staat gestel
word om doelwitte te identifiseer, rigting te verskaf
en die uitvoerbaarheid en volhoubaarheid van voorgestelde
strategieë te bepaal. Hierdie direkteure is oor
die algemeen verantwoordelik vir die implementering
van alle bedryfsbesluite.
Die direksie sal nie uit minder as vier of meer as
negentien direkteure bestaan nie, of enige ander getal,
soos van tyd tot tyd deur die direksie bepaal mag word.
Die direksie is tevrede dat sy huidige lede gesamentlik
oor die nodige vaardighede en ondervinding beskik
om sy verantwoordelikhede na te kom, die groep se
doelwitte te bereik en waarde vir aandeelhouers oor
die lang termyn te skep. Volgens die statute van die
maatskappy moet ’n derde van die direkteure jaarliks
op ’n rotasiegrondslag aftree. Hulle mag hulself egter vir
’n verdere termyn herkiesbaar stel.
Die rolle en verant woorde likhede van die voorsitter
van die direksie en die hoofuitvoerende beampte
word geskei. Die voorsitter, die ondervoorsitter, die
hoofuitvoerende beampte, die hoof finansiële beampte
en die hoof beleggingsbeampte word almal op ’n
jaarlikse grondslag verkies en/of aangestel.
Soos voorheen genoem, is die voorsitter van die
direksie nie ’n onafhanklike direkteur nie. Die direksie
neem kennis van die beginsel in die King-verslae dat
’n onafhanklike nie-uitvoerende direkteur as voorsitter
aangestel word. Gegewe die verantwoordelikheid van
die direksie om op prestasie te fokus en rigting aan die
kommersiële en ekonomiese voorspoed van Remgro te
gee, word die huidige reëling nie alleen as toepaslik nie,
maar as noodsaaklik beskou. In nakoming van King III
en die JSE se noteringsvereistes het die direksie op sy
vergadering van 25 November 2010 mnr G T Ferreira
as hoof onafhanklike direkteur aangestel. Sonder om
afbreuk te doen aan die gesag van die voorsitter, is
die hooffunksie van die hoof onafhanklike direkteur
onder andere om leierskap en advies aan die direksie
te verskaf wanneer die voorsitter ’n botsing van belange
het. Die hoof onafhanklike direkteur word op ’n jaarlikse
grondslag deur die direksie aangestel.
Die hoofuitvoerende beampte, mnr Thys Visser, is
verantwoordelik vir die dag-tot-dag bestuur van die
maatskappy en hy word in hierdie opsig bygestaan
deur mnre Leon Crouse (hoof finansiële beampte) en
Jannie Durand (hoof beleggingsbeampte). Tussen
die drie van hulle het hul 71 jare diens by Remgro en
Remgro-verwante besighede.
REMGRO BEPERK | 82 | GEÏNTEGREERDE JAARVERSLAG

Evaluering van die direksie, subkomitees en
individuele direkteure
Die direksie en subkomitees word jaarliks deur hul lede
geëvalueer. Die uitslag van hierdie evaluerings word nie
in die geïntegreerde jaarverslag bekend gemaak nie,
maar die benoeming van direkteure vir heraanstelling
word nie gedoen alvorens die vertoning van die direksie
geëvalueer is nie. Die direksie bepaal sy funksies,
verpligtinge en prestasiemaatstawwe, asook dié van
subkomitees, om as norm vir prestasiebeoordelings
te dien.
Die direksie is tevrede met die onafhanklikheid van
onafhanklike nie-uitvoerende direkteure, insluitende dié
van mnre Fred Robertson en Paul Harris, wat reeds vir
tien jaar in die direksie dien. Gegrond op die evaluering
is daar geen bewys van enige omstandighede en/of
verwantskap wat hul oordeel in gedrang bring nie. Hul
onafhanklikheid word ook op geen wyse deur die lengte
van hul diens beïnvloed nie.
Induksie van nuwe direkteure
Pas aangestelde direkteure word amptelik deur die
maatskappysekretaris van hul fidusiêre pligte in kennis
gestel. By hul aanstelling ontvang die direkteure
intreestukke, bestaande uit onder andere agendas
en notules van die twee mees onlangse direksie- en
subkomiteevergaderings (indien van toepassing),
die jongste finansiële jaar- en geïntegreerde verslag,
die maatskappy se gedragskode ten opsigte van binneinligtingtransaksies,
die groepstruktuur, direksiehandves
en subkomitee-mandate, ens. om hulle in
te lig oor bestaande kwessies en risiko’s wat aandag
geniet en ook om aan hulle ’n algemene begrip van
die groep te gee. Nuwe direkteure word ook genooi
om oriënteringsvergaderings saam met uitvoerende
direkteure en senior bestuur by te woon. Hierbenewens
ontvang nuwe direkteure ook inligting oor die JSE se
noteringsvereistes en die verpligtinge van direkteure
daarin vervat.
Lede van die direksie, subkomitees en individuele
direkteure is geregtig daarop om onafhanklike
professionele advies oor die sake van die groep te
bekom op koste van die maatskappy, met vooraf
kennisgewing aan die hoofuitvoerende beampte of
maatskappysekretaris.
Maatskappysekretaris se rol en
verantwoordelikhede
Alle direkteure het onbeperkte toegang tot die dienste
van die maatskappysekretaris, mev Mariza Lubbe, wat
aan die direksie verantwoordelik is om te verseker dat
behoorlike korporatiewe bestuursbeginsels nagekom
en dat direksie-oriëntering en -opleiding wanneer
nodig, verskaf word.
KORPORATIEWE BESTUURSVERSLAG
Die maatskappysekretaris is verder verantwoordelik vir
die behoorlike administrasie van verrigtinge en sake
wat verband hou met die direksie, die maatskappy en
die aandeelhouers van Remgro in ooreenstemming met
toepaslike wetgewing en prosedures.
Die maatskappysekretaris is nie ’n direkteur van Remgro
nie en het ’n armlengteverhouding met die direksie en
direkteure.
Direksiekomitees
Die direksie het subkomitees saamgestel om hulle met
die nakoming van pligte en verantwoordelikhede by
te staan. Elke komitee het sy eie mandaat wat die magte
en pligte daarvan beskryf. Kopieë van hierdie mandate,
wat op ’n jaarlikse grondslag hersien word, is op Remgro
se webblad by www.remgro.com beskikbaar.
Die notules van komiteevergaderings word in die
agendas van daaropvolgende direksievergaderings
ingesluit en sake wat die direksie se aandag of ’n
direksiebesluit verg, word uitgelig en as aparte agendapunte
opgeneem. Ondanks die delegering van funksies
na direksiekomitees, bly die direksie uiteindelik
verantwoordelik vir die behoorlike uitvoering van
hierdie funksies, met uitsondering van die funksies
van die oudit-en-risikokomitee wat verband hou met
die aanstelling, fooie en aanstellingsvoorwaardes van
die eksterne ouditeur.
Vergoedings-en-nominasiekomitee
Die komitee bestaan uit vier nie-uitvoerende direkteure,
waarvan drie onafhanklik is. Die maatskappyvoorsitter,
mnr Johann Rupert, is ook die voorsitter van hierdie
komitee, terwyl die hoof van die menslike hulpbronneafdeling
as sekretaris optree. Die hoofuitvoerende
beampte woon alle vergaderings op uitnodiging by. Die
komitee se mandaat is gedurende die tydperk gewysig
om die aanbevelings van King III te inkorporeer.
Vergaderings van die komitee word periodiek gehou
(maar minstens een keer per jaar) om die direksie te
adviseer oor sake soos die vergoedingsbeginsels en
diensvoorwaardes van alle direkteure en bestuursraadslede,
die direksiestruktuur en -samestelling, direkteure
se vergoeding en langtermyn-aansporings kemas,
asook opvolgplanne vir die direksie, hoofuitvoerende
beampte en ander bestuursraadaanstellings.
Remgro se vergoedingsbeginsels word in die Vergoedings
verslag op bladsy 119 tot 128 van die geïntegreerde
jaarverslag uiteengesit. Soos voorheen genoem, beoog
die direksie nie om aandeelhouers vir ’n nie-bindende
adviesstem oor die maatskappy se vergoedingsbeleid
te vra tydens die volgende algemene jaarvergadering
op 24 November 2011 nie.
REMGRO BEPERK | 83 | GEÏNTEGREERDE JAARVERSLAG

Oudit-en-risikokomitee
Die komitee word bestuur deur ’n mandaat wat
gedurende die tydperk bygewerk is om nakoming van die
aanbevelings van King III en die vereistes van die nuwe
Maatskappywet te verseker. Die komitee bestaan uit
vier onafhanklike nie-uitvoerende direkteure, wat deur
Remgro-aandeelhouers, op aanbeveling van die direksie,
gekies word. Die komitee staan onder voorsitterskap
van mnr Herman Wessels en vergader minstens vier keer
per jaar. Die hoofuitvoerende beampte, hoof finansiële
beampte, hoof beleggingsbeampte en hoof van interne
oudit woon alle vergaderings ex officio by.
Die hooffunksie van die komitee is om die direksie by te
staan in die nakoming van sy verantwoordelikhede ten
opsigte van die volgende:
> risikobestuur;
> interne beheer;
> interne finansiële beheer, rekenkundige stelsels en
inligting;
> die doeltreffendheid van die hoof finansiële
beampte en finansiële funksie;
> rekeningkundige beleid;
> interne en eksterne oudit;
> inligtingstegnologiestelsels;
> beskerming van bates;
> openbare rapportering; en
> om die nakoming van wette, reëls, gedragskodes en
standaarde te monitor.
Die jaarlikse aanstelling van die eksterne ouditeur,
die goedkeuring van sy aanstellingsvoorwaardes en
ouditbenadering, sowel as die goedkeuring van fooie wat
verband hou met oudit- en nie-ouditdienste word ook
deur die komitee gedoen. Hierdie verantwoordelikhede
is van toepassing op Remgro en sy volfiliale wat deur RBD
geadministreer word. Die oudit-en-risikokomitees van
Remgro se twee bedryfsvolfiliale, Tsb Sugar en Wispeco,
rapporteer by elke vergadering van die groep se ouditen-risikokomitee
by wyse van notules van vergaderings
wat in die agenda van laasgenoemde opgeneem word.
Die oudit-en-risikokomitee vergader minstens een
keer per jaar met die eksterne en interne ouditeure en
uitvoerende bestuur om te verseker dat hul pogings ten
opsigte van risikobestuur en interne beheer behoorlik
gekoördineer is.
Daarby evalueer die komitee die doeltreffendheid
van sy twee subkomitees, die finansiële statekomitee
en die risiko-en-IT-bestuurskomitee. Die finansiële
statekomitee is nie ’n amptelike subkomitee van die
oudit-en-risikokomitee nie, maar sy take sluit in ’n
hersiening van Remgro se jaarlikse geïntegreerde
verslag (insluitende die jaarlikse finansiële state),
KORPORATIEWE BESTUURSVERSLAG
alvorens dit aan die oudit-en-risikokomitee voorgelê
word. Die risiko-en-IT-bestuurskomitee is in die tydperk
onder oorsig tot stand gebring en sy mandaat sluit in:
die instandhouding van die risikobestuursbeleid en
-plan, die daarstelling van ’n bedryfsrisiko-register,
inligtingstegnologie-risikobestuur, wetlike nakoming
en beroepsgesondheid en -veiligheid. Beide hierdie
komitees staan onder die voorsitterskap van Remgro
se hoof finansiële beampte, mnr Leon Crouse, en die
voorsitter van die oudit-en-risikokomitee woon die
vergaderings op uitnodiging by.
Die komitee is ook daarvoor verantwoordelik dat die
gekombineerde gerusstellingsmodel deur King III
bekend gestel, toegepas word om ’n gekoördineerde
benadering tot alle gerusstellingsbedrywighede te
verseker. In die besonder sal die komitee:
> verseker dat die gekombineerde gerusstelling wat
ontvang word, voldoende is om alle beduidende
risiko’s waaraan die maatskappy blootgestel is, die
hoof te bied; en
> die verhouding tussen die eksterne diensverskaffers
en die maatskappy monitor.
Die komitee se verslag, wat beskryf hoe hy sy statutêre
verpligtinge, ingevolge die Maatskappywet, en
die bykomende pligte deur die direksie daaraan
toegewys ten opsigte van die finansiële tydperk
geëindig 30 Junie 2011 nagekom het, is ingesluit in die
geïntegreerde jaarverslag op bladsy 132 tot 133.
Beleggingskomitee
Die beleggingskomitee bestaan uit vier nie-uitvoerende
direkteure, waarvan twee onafhanklik is, sowel as
die hoofuitvoerende beampte, die hoof finansiële
beampte en die hoof beleggingsbeampte. Die komitee
staan onder die voorsitterskap van mnr Johann Rupert
en vergader wanneer nodig vir wesentlike beleggingsbesluite.
Die pligte en verantwoordelikhede van die komitee is:
> om te oorweeg en, indien toepaslik, goedkeuring te
verleen vir:
– nuwe beleggings tot ’n bedrag van nie meer as
R500 miljoen nie;
– die uitbreiding van bestaande beleggings vir
bedrae tussen R100 miljoen en R500 miljoen;
– die vervreemding van bestaande beleggings tot
’n bedrag van nie meer as R500 miljoen nie; en
> om beleggingsbesluite vir bedrae meer as
R500 miljoen te oorweeg en aanbevelings aan die
direksie te maak.
Gedurende die tydperk onder oorsig is geskrewe
resolusies deur lede van die beleggingskomitee aanvaar.
REMGRO BEPERK | 84 | GEÏNTEGREERDE JAARVERSLAG

Bestuursraad
Die bestuursraad bestaan uit al ses uitvoerende
direkteure, sowel as ’n lid van die senior bestuur,
mnr Neville Williams. Die komitee vergader maandeliks
en die pligte en verantwoordelikhede van komiteelede
is bykomend tot hul pligte en verantwoordelikhede as
lede van die raad (in die geval van lede wat direkteure is)
en/of hul ander pligte as bestuurders.
Die sleutelpligte en -verantwoordelikhede van die
komitee is:
> die ontwikkeling van bedryfs- en beleggingsplanne
en -strategieë vir Remgro en voorlegging aan die
direksie en die implementering daarvan wanneer dit
goedgekeur is;
> die evaluering en monitering van bestaande
groepbeleggings;
> die uitbreiding van bestaande beleggings tot ’n
bedrag van nie meer as R100 miljoen nie;
> die aanbeveling van alle nuwe beleggings en die
BYWONING VAN VERGADERINGS
KORPORATIEWE BESTUURSVERSLAG
uitbreiding van bestaande beleggings van meer
as R100 miljoen aan die beleggingskomitee en die
direksie vir goedkeuring;
> toepaslike rapportering oor bestaande beleggings
aan die direksie;
> die benoeming, vir goedkeuring deur die direksie,
van verteenwoordigers van Remgro om as direkteure
te dien in die direksies van maatskappye waarin
belê is.
Maatskaplike en etiese komitee
Ingevolge die nuwe Maatskappywet moet elke
genoteerde publieke maatskappy binne ’n jaar na die
inwerking treding van die wet ’n maatskaplike en etiese
komitee saamstel. Remgro is in die proses om sodanige
komitee daar te stel en die proses sal voor 30 April 2012
voltooi wees.
Oudit-en-risikoVergoedingsen-nominasie
Direksie
komiteekomitee
Bestuursraad
Aantal vergaderings gehou 7 5 3 12
Bywoning deur direkteure
Nie-uitvoerende direkteure
J P Rupert 7 – 3 –
E de la H Hertzog 7 – – –
P E Beyers 6 – – –
J Malherbe 7 – – –
Onafhanklike nie-uitvoerende direkteure
G T Ferreira 6 – 3 –
P K Harris 7 – 3 –
N P Mageza 7 4 – –
P J Moleketi 5 5 – –
M M Morobe 6 – – –
M A Ramphele 4 – – –
F Robertson 6 5 2 –
H Wessels 7 5 – –
Uitvoerende direkteure en bestuursraad
M H Visser 7 – – 12
W E Bührmann 7 – – 11
L Crouse 7 – – 10
J W Dreyer 7 – – 12
J J Durand 6 – – 12
J A Preller 7 – – 10
T van Wyk (1) 5 – – 8
N J Williams – – – 12
(1) Mnr T van Wyk het op 31 Januarie 2011 as uitvoerende direkteur bedank.
REMGRO BEPERK | 85 | GEÏNTEGREERDE JAARVERSLAG

Verhandelings in sekuriteite
Ingevolge die noteringsvereistes van die JSE het
die maatskappy ’n gedragskode met betrekking tot
binnehandel aanvaar. Gedurende pryssensitiewe
of geslote tydperke word direkteure en aangewese
werknemers verbied om in Remgro se aandele handel te
dryf. Volgens groepsbeleid strek geslote tydperke van
die einde van die finansiële rapporteringstydperk tot
die publikasie van finansiële resultate vir daardie
tydperk. ’n Geslote tydperk geld ook wanneer die
maatskappy ’n omsigtigheidsaan kondiging aan aandeelhouers
gemaak het.
Direkteure en aangewese werknemers mag buite
die geslote tydperke slegs met goedkeuring van die
voorsitter of hoofuitvoerende beampte in Remgroaandele
handel dryf. Daarby mag direkteure en
aangewese werknemers nie in die aandele van
genoteerde maatskappye waarin belê is, handel dryf nie
tensy goedkeuring van die voorsitter of hoofuitvoerende
beampte verkry is.
Botsing van belange
Meganismes bestaan om enige werklike, potensiële
of vermeende botsings van belange te erken, daarop
te reageer en dit te bestuur. Daar word van direkteure
verwag om hul persoonlike finansiële belange, en dié van
persone verwant aan hulle, in kontrakte en ander sake
waarin Remgro ’n belang het of wat deur die direksie
oorweeg word, te verklaar. Waar ’n potensiële botsing
van belange bestaan, word van direkteure verwag om
hulle aan relevante besprekings en besluite te onttrek.
Alle inligting wat direkteure in die uitvoering van hul
pligte bekom wat nie openbaar gemaak is nie, word as
vertroulik beskou. Direkteure mag nie sulke inligting
gebruik, of skyn te gebruik, vir persoonlike gewin of tot
voordeel van derde partye nie.
Van alle direkteure van die maatskappy word verwag
om die Remgro Etiese Kode, die bepalings van die
Wet op Aandeledienste (Securities Services Act) en
die vereistes van die JSE Beperk insake binnekennis,
aandeletransaksies en die openbaarmaking van
sodanige verhandelinge na te kom.
Die werksaamhede en gedrag van uitvoerende
direkteure en senior bestuur wat in ’n nie-uitvoerende
hoedanigheid optree in die direksies van maatskappye
waarin belê word, word bestuur aan die hand van formele
riglyne wat deur die direksie goedgekeur is.
KORPORATIEWE BESTUURSVERSLAG
RISIKOBESTUUR EN INTERNE BEHEER
Die direksie het ’n omvattende risikobestuurstelsel
geïmplementeer wat voorsiening maak vir deurlopende
risikobeoordeling, evaluering en die vaslegging van
interne beheermaatreëls. Die groep se rapportering
oor die risikobestuursproses en interne beheerstelsels
is ingesluit in die risikobestuursverslag op bladsy 87 van
die geïntegreerde jaarverslag.
EKSTERNE OUDIT
Volgens die JSE se noteringsvereistes moet die eksterne
ouditeur van alle genoteerde maatskappye en hul
belangrikste filiale by die JSE geakkrediteer wees.
Remgro se eksterne ouditeur, PricewaterhouseCoopers
Geïnk., is as sodanig by die JSE geakkrediteer. Die
eksterne ouditeur woon alle vergaderings van die ouditen-risikokomitee
by en het direkte toegang tot die
voorsitter van hierdie komitee, asook die voorsitter van
die groep.
Nie-ouditdienste deur die eksterne ouditeur verskaf,
word deur die oudit-en-risikokomitee goedgekeur en
hou hoofsaaklik verband met belastingaangeleenthede.
Hierdie dienste word deur ’n afdeling wat onafhanklik
van die ouditvennote is, gelewer.
BELEGGERSVERHOUDINGE EN
AANDEELHOUERSKOMMUNIKASIE
Die direksie erken die belangrikheid daarvan om
aandeelhouers en die beleggersgemeenskap oor
ontwikkelinge in Remgro se besigheid in te lig.
Kommunikasie met aandeelhouers is gegrond op
die beginsels van tydige, ewewigtige, duidelike en
deursigtige inligting. Beide positiewe en negatiewe
aspekte van finansiële en nie-finansiële inligting word
verskaf. Interaksie met institusionele beleggers vind
twee keer per jaar tydens die inbel-aanbieding van
tussen- en finale resultate plaas wanneer vrae aan die
hoofuitvoerende beampte, hoof finansiële beampte
en hoof beleggingsbeampte gestel kan word. Die
mees onlangse, asook historiese, finansiële en ander
inligting word ook op die maatskappy se webblad
by www.remgro.com gepubliseer. Meer inligting oor
Remgro se kommuni kasie-inisiatiewe ten opsigte
van alle belang hebbendes word in die volhoubare
ontwikkelingsverslag verskaf.
BESIGHEIDSREDDINGSTAPPE
’n Interne besigheidsreddingsbeleid word tans opgestel
om besigheidsreddingstappe en ander omkeermeganismes
wat in die interne beheerprosesse van
die beleggingsafdeling voorkom, te formaliseer. Dit
sal van toepassing wees op die maatskappy en die
ondernemings waarin belê word indien hulle in finansiële
nood sou beland.
REMGRO BEPERK | 86 | GEÏNTEGREERDE JAARVERSLAG

88 INLEIDING
88 VERSLAGPARAMETERS
88 RISIKOBESTUURSPROSES
91 RISIKOBESTUURSTRUKTUUR
92 RISIKO-TOLERANSIEVLAKKE
92 RISIKO-APTYT
92 RISIKODRAENDE VERMOË
92 ONVERWAGTE OF ONGEWONE RISIKO-ERVARINGS
93 IT-BESTUUR
BESTUUR EN VOLHOUBAARHEID
Risikobestuursverslag
93 WETLIKE NAKOMING
93 INTERNE BEHEER EN INTERNE OUDIT
94 DOELTREFFENDHEID VAN RISIKOBESTUURSPROSES EN
INTERNE BEHEERSTELSEL
REMGRO BEPERK | 87 | GEÏNTEGREERDE JAARVERSLAG

INLEIDING
Die direksie is in die finale instansie verantwoordelik
vir die risikobestuursproses en die interne beheerstelsel
van Remgro. Die direksie het ’n omvattende risikobestuursbeleid
en -plan opgestel, wat deur die bestuur
geïmplementeer is. Dit behels voortdurende risikoidentifisering
en assessering, asook die vaslegging van
interne beheermaatreëls.
Die oudit-en-risikokomitee het ’n mandaat ontvang
om die risikobestuursproses en interne beheerstelsels
te monitor en in hierdie verband word hy ondersteun
deur sy subkomitee, die risiko-en-IT-bestuurskomitee.
Die groep se interne en eksterne ouditeure, saam met
bestuur en sekere eksterne konsultante, het die taak om
gekombineerde gerusstellingsverslae aan die oudit-enrisikokomitee
te lewer.
Etiese leierskap en menslike kapitaal vorm die
hoekstene van Remgro se risikobestuursfilosofie,
omdat dit ondernemersvernuf, ’n goeie korporatiewe
reputasie en doeltreffende bestuur verseker.
Remgro se risikobestuursproses behels die ordening
van hulpbronne om die bereiking van strategiese en
besigheidsplanne te verseker, insluitende die benutting
van beskikbare geleenthede wat voldoen aan die
risiko-aptytmaatstawwe deur die direksie daargestel.
Risikoprofiele inherent in bestaande bedrywighede
en beleggings word binne die goedgekeurde risikotoleransievlakke
gehandhaaf, waardeur die risikoopbrengsparameters
geoptimaliseer word vir die skep
van volhoubare groei en waarde vir aandeelhouers en
ander belanghebbendes.
RISIKOBESTUURSVERSLAG
VERSLAGPARAMETERS
Vanweë die aard en omvang van Remgro se beleggingsportefeulje,
is die omvang van hierdie verslag, wat
konsekwent met dié van vorige jare is, in ooreen -
stemming met die “Global Reporting InitiativeTM (GRI)
Boundary Protocol“ saamgestel.
Hierdie verslag handel dus met die bedrywighede
van die maatskappy en sy filiale, behalwe waar sulke
entiteite genoteer en die relevante inligting geredelik
aan belanghebbendes beskikbaar is. Derhalwe bevat
hierdie verslag risikobestuursinligting van die maatskappy,
Remgro Bestuursdienste Beperk (Remgro se
dienstemaatskappy), V&R Management Services AG*,
Tsb Sugar Holdings (Edms) Beperk en Wispeco Holdings
Beperk.
* ’n Volfiliaal, geregistreer en bestuur in Switserland, wat
boekhouding- en tesouriedienste aan Remgro se buitelandse
filiale en derde partye verskaf.
RISIKOBESTUURSPROSES
Die risikobestuursbeleid is op die beginsels en raamwerk
van die internasionale Komitee van Borgorganisasies
(COSO – Treadway-kommissie) gegrond en voldoen aan
die aanbevelings van King III. Hierdie beleid beskryf die
doel, metodiek, proses en verantwoordelikhede van
die onderskeie rolspelers in die groep se risikobestuur.
Die risikobestuursbeleid is onderworpe aan jaarlikse
hersiening en enige wysigings word aan die oudit-enrisikokomitee
vir goedkeuring voorgelê.
Remgro is ’n beleggingshouermaatskappy en as
sodanig neem die risikobestuursproses die risiko’s
en geleenthede binne die maatskappy, sowel as die
risiko’s en geleenthede inherent in sy beleggings portefeulje
in ag.
REMGRO BEPERK | 88 | GEÏNTEGREERDE JAARVERSLAG

RISIKOBESTUURSVERSLAG
Die volgende tabel gee ’n uiteensetting van die maatskappy se sleutelbeheerdoelwitte en verwante beheer -
maatreëls.
SLEUTELBEHEERDOELWIT SLEUTELBEHEERMAATREËL
Die aanstelling van direkteure en beamptes wat oor
geskikte vaardighede en ondervinding beskik, asook die
vereiste waardes en dryfkrag.
Etiese en sigbare leierskap via bestuurstrukture en
verwante prosesse.
Toepaslike langtermynstrategie binne die aanvaarde
risiko-aptyt wat goed aan bestuur gekommunikeer en
gedelegeer is.
Die belangrikheid van Remgro se korporatiewe teenwoordigheid
in die plaaslike beleggingsomgewing
aangesien dit hom in staat stel om ’n betekenisvolle
aandeel in uitgesoekte beleggingsgeleenthede te bekom.
Verseker dat geleentheidsrisiko’s bestuur word om
’n verlies te voorkom van geleenthede wat aan Remgro se
streng beleggingsmaatstawwe voldoen.
Beskikbare likiditeit om nuwe beleggings te finansier en
suksesvolles verder te ondersteun.
Doeltreffende groepstruktuur om bestaande en nuwe
beleggings te huisves.
Doeltreffende funksionering van die vergoedingsen-nominasiekomitee.
Prestasiebeoordelings en komitee-evaluerings.
Vasgelegde etiese en waardesisteem en die hand hawing
daarvan deur sigbare leierskap.
Formele etiese beleid en gedragkodes.
Korporatiewe kultuur wat op voortreflike uitvoering en
billike handeling fokus.
Omvattende korporatiewe bestuurstrukture en -stelsels
wat aan King III voldoen.
Doeltreffende bestuursraad wat deur uitvoerende bestuur
en ’n ervare beleggingsafdeling ondersteun word.
’n Konserwatiewe sakebenadering, met langtermynbeleggingsmaatstawwe,
wat op groei, volhoubaarheid en
likiditeit gefokus is.
Korporatiewe bedrywighede is in ooreenstemming met
die langtermynstrategie.
Goeie korporatiewe statuur en reputasie as voor keurbelegger.
Bekwame en ervare beleggingsafdeling, met effektiewe
bedryfsprosesse en -beheer.
Doeltreffende ondersteuningstrukture en onderhandelingsprosesse,
gerugsteun deur bewese omsigtigheidsprosesse.
Konserwatiewe kontantadministrasie en ’n goed bestuurde
en veilige tesourie-omgewing.
Doeltreffende beheerstrukture, ondersteun deur
bevoegde en ervare regs- en korporatiewe belastingspesialiste.
REMGRO BEPERK | 89 | GEÏNTEGREERDE JAARVERSLAG

RISIKOBESTUURSVERSLAG
SLEUTELBEHEERDOELWIT SLEUTELBEHEERMAATREËL
Doeltreffende interne bedrywighede, waaronder
sekretariële, finansiële en menslike hulpbrondienste en
alle ander afdelingsfunksies van die dienstemaatskappy
en volfiliale onder beheer van die bestuur van die
dienstemaatskappy.
Gegewe die belangrikheid van tesourie is die volgende
doelwitte in die mandaat van die tesourie komitee
(’n bestuurskomitee, onder voorsitterskap van die hoof
finansiële beampte, bestaande uit die hoofuitvoerende
beampte, hoof beleggingsbeampte en ander senior
bestuurders) geïntegreer:
> Formele likiditeitsvereistes word opgestel
> Handelsvoorwaardes met banke word hersien om
voldoende risikodeling te verseker
> Betaalstelsels word beveilig
> Inligting word beveilig
> FAIS (Finansiële Raadgewende Intermediêre
Dienste)-wetgewing word nagekom
> Die volgende tesourie-risiko’s word spesifiek bestuur:
– Instrumentrisiko (afgeleide instrumente)
– Beleggingsrisiko (kredietperke en verspreiding van
kontant tussen goedgekeurde instellings)
– Buitelandse valuta-risiko (verspreiding en same stelling
van goedgekeurde wisselkoers bloot stelling)
– Rentekoersrisiko
Doeltreffende bestuur van onderliggende beleggings
en versekering dat Remgro se beleggingsmaatstawwe
gehandhaaf en die groep se regte beskerm word.*
Akkurate, deursigtige en betroubare rapportering aan, en
interaksie met, belanghebbendes.
Voldoening aan belasting- en ander relevante wetgewing
en nywerheidspraktyke.
Behoorlike oorweging van, en steun aan, volhoubaarheidskwessies,
soos BBSEB, omgewingsbestuur, maatskaplike
korporatiewe ondersteuning, ens.
Indiensneming en behoud van bekwame en ervare senior
bestuur.
Doeltreffende en geskikte interne beheerstelsels.
Doeltreffende risiko-en-IT-bestuurskomitee.
’n Formele tesouriebeleid word deur die tesourie komitee
in stand gehou en wysigings word aan die direksie vir
goedkeuring voorgelê.
Bekwame personeel word in die tesourie-afdeling in diens
geneem en omvattende interne beheermaatreëls word
ingestel en aan voldoen.
Die tesourie-afdeling is onderhewig aan kwartaallikse
FAIS-oorsigte van die FDR (Raad van Finansiële Dienste)gekeurde
nakomingsbeampte. Daarby word die tesourieafdeling
(administratiewe- en verhandelingskantoor) aan
gereelde interne oudit onderwerp, asook ’n jaareindeoorsig
deur die eksterne ouditeure.
Omvattende aandeelhouersooreenkomste word ten tye
van belegging aangegaan.
Dit vergemaklik doeltreffende beheer of beduidende
invloed oor die uitvoerende bestuurspanne van
maatskappye waarin belê word en verseker dat strategieë,
doelwitte en afleweringsteikens nagekom word.
Strukture vir volledige verslagdoening, hersiening en
bestuur word geïmplementeer om te verseker dat tydige,
akkurate en betroubare inligting in besluitnemingsprosesse
gebruik word.
Formele beleid ten opsigte van kommunikasie met
belanghebbendes.
Doeltreffende interne finansiële beheermaatreëls.
Omvattende gesamentlike versekeringsplanne.
Doeltreffende belastingkomitee.
Wetlike nakomingsbeleid gekoppel aan deskundige
regsadvies.
Formele beleid en prosesse vir maatskaplike ondersteuning.
BBSEB-beleid en -mandate.
Omgewingsbestuur, binne die raamwerk van die risiko-en-
IT-bestuurskomitee, met formele beleide.
* Soos in die “Groepprofiel“-gedeelte van hierdie verslag genoem, is Remgro nie by die dag-tot-dag-bestuur betrokke van
maatskappye waarin belê is nie, maar het hy wel, deur aandeelhouersooreenkomste, nie-uitvoerende verteenwoordiging in hierdie
outonome direksies, wat op daardie vlakke vir risikobestuur verantwoordelik is.
Deur bogenoemde proses verseker Remgro, as ’n verantwoordelike belegger, dat behoorlike korporatiewe bestuur
ingestel en gehandhaaf word in alle ondernemings waarin belê word.
REMGRO BEPERK | 90 | GEÏNTEGREERDE JAARVERSLAG

RISIKOBESTUURSTRUKTUUR
Die volgende struktuur is deur die maatskappy ingestel
om die doelmatige en effektiewe bestuur van risiko in
die maatskappy te verseker.
In die struktuur hieronder word die funksie van die hoof
risikobeampte tussen die volgende individue verdeel:
> Die hoofuitvoerende beampte rapporteer op
’n deurlopende grondslag direk aan die direksie
oor risiko’s wat ’n uitwerking op die doelmatige
en effektiewe uitvoering van die strategiese plan
mag hê.
BELEGGINGSKOMITEE
BESTUURSRAAD
BELEGGINGS
Die risiko-en-IT-bestuurskomitee is ’n subkomitee van
die oudit-en-risikokomitee en staan onder die voorsitterskap
van die hoof finansiële beampte. Die voorsitter
van die oudit-en-risikokomitee het ’n staande uitnodiging
om alle vergaderings by te woon. Dis hierdie
RISIKOBESTUURSVERSLAG
REMGRO-DIREKSIE
> Die hoof finansiële beampte, as voorsitter van die
risiko-en-IT-bestuurskomitee, is verantwoordelik
vir die inbring van risikobestuur in die daaglikse
bedrywighede van die maatskappy, wat die
opstel en handhawing van die risikoregister en
risikobestuursbeleid insluit.
> Die hoof ouditbeampte woon vergaderings van
die risiko-en-IT-bestuurskomitee by en verleen
onafhanklike gerusstelling oor die doeltreffendheid
van die komitee se werksaamhede asook die sisteem
van interne beheer.
LYNBESTUUR
OUDIT-EN-RISIKOKOMITEE
RISIKO-EN-IT-BESTUURSKOMITEE
VERSEKERINGSDEKKING
komitee se taak om die groep se risikobestuursbeleid,
IT-bestuursbeleid, bedryfsrisikoregisters, beroeps -
veiligheid, gesondheid, omgewingsbestuur en wetlike
nakom ings prosesse in stand te hou.
REMGRO BEPERK | 91 | GEÏNTEGREERDE JAARVERSLAG
INTERNE OUDIT
EKSTERNE OUDIT
KONSULTANTE

RISIKO-TOLERANSIEVLAKKE
Die Remgro-direksie het die volgende risikotoleransievlakke
opgestel en goedgekeur om die raad
se risiko-aptyt te definieer en te verseker dat alle risiko’s
in die groep binne hierdie perke bestuur word.
Vanweë die aard van sy kernbedrywighede, gebruik
Remgro toegewysde en uiteenlopende metodes om
toleransie-vlakke in die volgende drie risikobedrywighede
te hanteer:
Beleggings
Risiko-toleransievlakke word bepaal in ooreenstemming
met die koste om die belegging te finansier (GGKK), soos
aangepas met risikogewig (Beta), om volhoubaarheid
en ’n positiewe risiko-opbrengsomgewing te verseker.
Tesourie
Gegewe die likiditeitsvereistes om bestaande beleggings
te ondersteun en nuwe beleggingsgeleenthede
te benut, word die risiko-toleransievlakke vir kontant wat
in Suid-Afrika en internasionaal gehou word, gemeet in
terme van die uitleenkoerse wat die belangrikste banke
in die geldmark bepaal, met insluiting van, maar nie
beperk nie tot, STeFI (korttermyn-vastekoste-indeks)
of LIBOR.
Buitelandse valuta-risiko’s en kapitaalbewaringsrisiko’s,
tydens ’n ongunstige ekonomiese klimaat, word deur ’n
konserwatiewe beleid ten opsigte van dekkingstrategieë
en teenpartykeuring verminder.
Tesouriefondse word belê ingevolge ’n direksiegoedgekeurde
tesouriebeleid wat kyk na teenparty-
(krediet)risiko, likiditeitsrisiko, rentekoersrisiko, wisselkoers
risiko, instrumentrisiko, kommersiële risiko
(handelsvoorwaardes), asook die beleid wat opgestel is
om kontant en likiede bates te beveilig.
Ander
Dit sluit risiko’s in wat verband hou met onbeplande
bateverliese en blootstelling aan laste, waarborge, sakeonderbreking
en ander bedryfsrisiko’s.
In sulke gevalle het die direksie ’n konserwatiewe benadering
aanvaar om deur voldoende versekeringsdekking
die verwagte maksimum verlies te verminder sou die
risiko’s in hierdie kategorieë ’n werklikheid word.
RISIKOBESTUURSVERSLAG
RISIKO-APTYT
Risiko-aptyt word as die oorblywende risiko beskryf
wat die maatskappy bereid is om te aanvaar sonder
dat verdere risikoverminderende aksies oorweeg word,
of die mate van risiko wat die maatskappy bereid is
om te aanvaar in die soeke na waarde. Dit word ook as
die risikogeneigdheid van die direksie in die strewe na
welvaartskepping beskryf.
Die volgende kwalitatiewe en kwantitatiewe faktore
word deur die direksie oorweeg wanneer die risiko-aptyt
bepaal word:
> risiko- en opbrengsprofiel van die bestaande
beleggingsportefeulje;
> beskikbaarheid van kontantbronne en ander likiede
bates (beskikbaar vir verkoop);
> risiko-opbrengsprofiel van voorgenome geleenthede;
> finansiële verhoudings van toepassing in die meting
van prestasie, insluitende:
– intrinsieke netto batewaarde (IBW)
– opbrengs op IBW relatief tot vergelykende risikobeleggings
– dividendbeleid en -dekking;
> internasionale en plaaslike ekonomiese siklusse en
tendense;
> buitelandse valuta-koerse en tendense; en
> wesentlikheid van risiko’s met verwysing na die IBW
van die groep
RISIKODRAENDE VERMOË
Risikodraende vermoë word as ’n geldwaarde gedefinieer
wat as maatstaf gebruik word om die maksimum
verlies te bepaal wat die maatskappy kan ly sonder om
dit aan ’n situasie bloot te stel waar die voortbestaan en
oorlewing daarvan bedreig word.
Gegewe die aard en samestelling van Remgro se
intrinsieke netto batewaarde, te wete ekwiteit en kontant
sonder hefboom, is daar tans geen blootstellings
wat die lopendesaak-status van die groep in gedrang
kan bring nie.
ONVERWAGTE OF ONGEWONE RISIKO-
ERVARINGS
Die risikobestuursproses is op die eksterne omgewing
ingestel om te verseker dat nuwe risiko’s tydig
geïdentifiseer en die doeltreffendheid van reaksie
daarop geëvalueer word.
REMGRO BEPERK | 92 | GEÏNTEGREERDE JAARVERSLAG

IT-BESTUUR
In die tydperk onder oorsig is ’n formele IT-bestuursbeleid
in ooreenstemming met die beperkte tegnologiese
behoeftes van ’n beleggingshouermaatskappy
opge stel. Die beleid word met bestuursgebaseerde
beleid, soos die aanvaarbare IT-gebruiksbeleid en
inligtingvertroulikheidsbeleid, aangevul.
Die hoof van IT rapporteer aan die groep finansiële
bestuurder en IT-verwante sake word in die ITloodskomitee,
bestaande uit senior bestuur, gehanteer.
Die IT-risikoregister word deur die risiko-en-
IT-bestuurskomitee oorweeg en die vordering met ITen
beheerverwante projekte word via die risiko-en-
IT-bestuurskomitee deur die oudit-en-risikokomitee
gemonitor.
Die maatskappy het sy IT-bedrywighede, via ’n omvattende
diensvlakooreenkoms, aan ’n betroubare
diens ver skaffer uitgekontrakteer. Dit is gedoen
na ’n uitgebreide omsigtigheidsproses en ’n ontleding
van behoeftes en standaarde waartydens
spesifikasies en sleutelaflewerings, soos stelsel- en
gebruikersondersteuning, stelselbeskikbaarheid, logiese
beveiliging, virusbeskerming, asook telefoon- en ander
beheermaatreëls, vasgelê is.
Die IT-risikobestuursproses word tans tot die
gekombineerde gerusstellingsproses van die maat -
skappy uitgebrei. Intussen is ’n besigheids kontinuïteitsplan
saamgestel en toetse gedoen op die rugsteun- en
rampherwinningsproses.
WETLIKE NAKOMING
As deel van die raad se verbintenis tot etiese leierskap,
is ‘n opgedateerde Wetlike Nakomingsbeleid goedgekeur
ten einde te verseker dat daar voldoende
bestuurskapasiteit en kontroles in plek is ten einde te
verseker dat daar aan alle toepaslike wette en besondere
industriepraktyke voldoen word.
Die administrasie van die Wetlike Nakomingsisteem
is by ‘n amptenaar gesetel wat oor die toepaslike
regskwalifikasie beskik. Hierdie persoon word deur
‘n regsfirma bygestaan wat verantwoordelik is om alle
toepaslike nuwe wette en wysigings aan die maatskappy
te voorsien. Die nakomingskontroles berus by senior
bestuur van wie dit ook verwag word om op ‘n gereelde
grondslag aan die risiko-en-IT-bestuurskomitee verslag
te doen rakende hulle nakoming deur gebruik te
maak van ‘n kontrole-selfevaluasiemetodologie. Hierdie
proses is ingesluit in die jaarlikse interne ouditplan.
RISIKOBESTUURSVERSLAG
INTERNE BEHEER EN INTERNE OUDIT
’n Omvattende interne beheerstelsel wat deur die groep
geïmplementeer en in stand gehou word, is daarop
gemik om risiko’s in die onderneming te verminder
en te verseker dat die groep se doelwitte deurlopend
bereik word. Interne beheermaatreëls is op die beginsel
geskoei dat aanvaarbare risiko inherent is in die ontwerp
en implementering van ’n koste-effektiewe interne
beheerstelsel. Die stelsel sluit monitormeganismes en
temperingsprosesse in om leemtes aan te vul waar dit
bespeur word.
Die interne ouditfunksie staan onder die bestuur
van Remgro Bestuursdienste Beperk, en die hoof
van interne oudit, mnr Deon Annandale, rapporteer
aan die voorsitter van die oudit-en-risikokomitee en
funksioneel aan die hoof finansiële beampte. Die
afdeling voldoen aan die vereistes van King III en die
internasionale standaarde vir die beroepspraktyk
van interne oudit. Die afdeling het ’n drievlakgehalteversekeringstelsel,
wat interne hersieningsprosesse,
lêer- en verslagdeling met die groep
se eksterne ouditeur en ’n driejaarlikse gehaltebeoordeling
deur ’n internasionale eksterne ouditeursfirma,
wat nie ook die groep se eksterne ouditeur is
nie, insluit.
Die interne ouditplanne, soos deur die oudit-enrisikokomitee
goedgekeur, word op ’n risikogebaseerde
gerusstellingsbenadering opgestel, met die klem
daarop om waarde tot die beheeromgewing toe
te voeg terwyl onafhanklike gerusstelling aan die
oudit-en-risikokomitee en die direksie verleen word
rakende die doeltreffendheid van interne finansiële
beheermaatreëls en interne beheer oor bedryfs- en
nakomingsaangeleenthede, insluitende die “geluide
van bo“. Indien nodig, word deskundige vaardighede
van buite bekom om met inligtingstegnologie en
forensiese dienste behulpsaam te wees.
Die interne ouditafdeling verskaf ook onafhanklike
interne oudit- en risikobestuursdienste aan sommige
groepmaatskappye wat verkies om die funksie uit te
kontrakteer.
REMGRO BEPERK | 93 | GEÏNTEGREERDE JAARVERSLAG

DOELTREFFENDHEID VAN RISIKO-
BESTUURSPROSES EN INTERNE
BEHEERSTELSEL
Die direksie, via die oudit-en-risikokomitee, het die
gedokumenteerde beleid, prosedures en onafhanklike
gerusstellingsverslae oorweeg en is tevrede dat die
interne beheerproses en risikobestuursproses wat in
die groep ingestel is, doeltreffend funksioneer.
Die direksie is nie bewus van enige blootstelling
of posisie wat daartoe kan lei dat die oorblywende
risikoprofiel van die groep die perke oorskry van
die risikodraende vermoë wat deur die direksie
bepaal is nie.
RISIKOBESTUURSVERSLAG
REMGRO BEPERK | 94 | GEÏNTEGREERDE JAARVERSLAG

96 INLEIDING
97 OMVANG EN GRENSE VAN VERSLAG
97 RAPPORTERINGSBEGINSELS EN GERUSSTELLING
97 ORGANISASIESTRUKTUUR
98 BESTUURSBENADERING TOT VOLHOUBAARHEID
98 ETIEK EN NAKOMING
99 VERHOUDINGE MET BELANGHEBBENDES
101 BREË-BASIS SWART EKONOMIESE BEMAGTIGING (BBSEB)
103 ONS MENSE
105 BELEGGING IN DIE GEMEENSKAP
107 VOLHOUBAARHEID VAN BEDRYFSFILIALE
115 OMGEWING
BESTUUR EN VOLHOUBAARHEID
Volhoubare ontwikkelingsverslag

INLEIDING
Remgro se huidige waardesisteem sluit die riglyne
in wat sy stigter, dr Rupert, meer as 40 jaar gelede vir
die suksesvolle bedryf van sake neergelê het. Hierdie
riglyne sluit die volgende in:
> Eerlikheid – want dit duur die langste
VOLHOUBARE ONTWIKKELINGSVERSLAG
“Wetlik gesproke, is ’n maatskappy ’n persoon en die vraag is hoe menslik dit in
sy aksies is, hoe groot sy hart is en watter dienste dit aan die gemeenskap lewer
waarin dit bestaan en waaruit sy inkomste verdien word.“
> Korrektheid – want dit skep vertroue by vriende en
opponente
> Hoflikheid – wat waardigheid sonder hovaardigheid
en vriendelikheid sonder dienstigheid beteken
> Diens – in elke opsig: aan jou klant, jou medemens en
jou land
> Onderlinge steun – sodat jy ander teen die leer kan
opdruk terwyl jy self klim, want as jy ander aftrek, sal
jy self val
> Vertroue – die geloof dat alles ten goede meewerk
as elkeen sy plig doen
Remgro glo dat hierdie waardes die gees beliggaam
waarin gestreef word om ’n goeie korporatiewe
burger te wees. Uit bogenoemde is dit duidelik dat
die drie pilare van volhoubare ontwikkeling, naamlik
ekonomiese, maat skaplike en omgewingsvolhoubare
Volhoubaarheidshoogtepunte
> Suksesvolle deelname aan die JSE SRI-indeks sedert die ontstaan daarvan in 2004
praktyke, nog altyd deel van Remgro se kernwaardes
was. Die bekend stelling van die King-verslag vir bestuur
in Suid-Afrika 2009 (King III), sowel as die bepalings
van die nuwe Maatskappywet (Nr. 71 van 2008),
wat op 1 Mei 2011 in werking getree het, het aan
Remgro die geleentheid gebied om sy bestuurstrukture,
verhoudinge met belanghebbendes, risikobestuursprosesse,
rapportering oor volhoubaarheid en
maatskaplike vertoning, asook IT-bestuur te versterk.
Remgro is ten volle daartoe verbind om sy besigheid
op ’n volhoubare wyse te bestuur en die hoogste
standaarde van etiek en korporatiewe bestuurspraktyke
te handhaaf. Terwyl korporatiewe bestuur,
risikobestuur en IT-bestuur in die korporatiewe en risikobestuursverslae
behandel word, verskaf die volhoubare
ontwikkelingsverslag ’n beter begrip van Remgro
se pogings op maatskaplike en omgewingsgebied
om sy kerndoelwitte van maksimum waardeskepping
oor die kort, medium en lang termyn te bereik
deur op etiese wyse sake te doen. Verwys na die
onderstaande tabel vir eksterne erkenning en prestasies
in hierdie verband gedurende die tydperk onder oorsig.
REMGRO BEPERK | 96 | GEÏNTEGREERDE JAARVERSLAG
(Dr Anton Rupert – 1968)
> Deelname aan die openbaarmakingsprojek vir koolstofuitlating en opname in die Leierskapindeks vir 2010
> Voortgesette lidmaatskap van die Etiekinstituut van Suid-Afrika

OMVANG EN GRENSE VAN VERSLAG
VOLHOUBARE ONTWIKKELINGSVERSLAG
Hierdie verslag is Remgro se eerste volhoubare
ontwikkelingsverslag, waar meer inligting oor die niefinansiële
aspekte van die groep se korporatiewe
praktyke verskaf word. Soos op bladsy 5 uiteengesit,
is die “Global Reporting InitiativeTM (GRI) Boundary
Protocol“ as riglyn gebruik om die grense van die
verslag te bepaal. Openbaarmaking word dus beperk tot
daardie entiteite waar die groep beheer oor finansiële
en bedryfsbeleid uitoefen, behalwe waar sodanige
entiteite die relevante inligting in hul eie gepubliseerde
jaarverslae bekend maak.
Tans het Remgro drie wesentlike bedryfsfiliale, te wete
Rainbow Chicken Beperk (Rainbow Chicken), Tsb Sugar
Holdings (Edms) Beperk (Tsb Sugar) en Wispeco
Holdings Beperk (Wispeco). Aangesien Rainbow
Chicken (’n 74%-filiaal) op die JSE genoteer is, is
volledige besonderhede oor sy finansiële, volhoubaarheids-
en maatskaplike vertoning op sy webblad
www.rainbowchicken.co.za beskikbaar.
Beide Tsb Sugar en Wispeco is ongenoteerde volfiliale
wat op ’n gedesentraliseerde grondslag as onafhanklike
entiteite bedryf en bestuur word en oor outonome
direksies beskik. Gegrond op bogenoemde, en die
feit dat die twee maatskappye slegs 4.5% van Remgro
se intrinsieke netto batewaarde verteenwoordig, word
slegs opgesomde nie-finansiële openbaarmaking ten
opsigte van maatskaplike en omgewingsvertoning van
hierdie maatskappye verskaf. Dit is in ooreenstemming
met Remgro se verslagdoening oor die finansiële
vertoning van hierdie maatskappye.
In navolging van die filosofie hierbo, bestuur Remgro
alle maatskappye waarin belê word op dieselfde
gedesentraliseerde grondslag ongeag of dit filiale,
geassosieerdes of gesamentlike ondernemings is.
Daarom word inligting wat verband hou met die
maat skaplike en omgewingsvertoning van filiale,
geassosieerdes en gesamentlike ondernemings
waar Remgro nie bedryfsbeheer uitoefen nie, nie
deur hierdie verslag gedek nie. Inligting word egter
wel verskaf in gevalle waar wesentlike volhoubare
ontwikkelingskwessies ter sprake is. Tensy anders
aangedui, hou alle openbaarmaking met betrekking tot
maatskaplike en omgewingsvertoning slegs verband
met Remgro se werksaamhede by sy hoofkantoor op
Stellenbosch.
RAPPORTERINGSBEGINSELS EN
GERUSSTELLING
Die inhoud van hierdie verslag is op die beginsels
en aanbevelings van die King III-verslag aangaande
geïntegreerde volhoubaarheidsrapportering gegrond,
sowel as op die G3-volhoubaarheidsrapporteringsriglyne
wat deur die GRI ontwikkel is. Daar is
ook kennis geneem van die aanbevelings in
die besprekingsdokument oor geïntegreerde
verslagdoening wat in Januarie 2011 deur die
Geïntegreerde Rapporteringskomitee van Suid-Afrika
uitgereik is en, waar moontlik, is dit ook toegepas.
Hoewel Remgro daartoe verbind is om verslagdoening
in ooreenstemming met die aanbevelings van King III
en GRI G3 te verbeter, het ons besluit om nie ons GRI
G3-toepassingsvlak vir hierdie verslag bekend te maak
nie, maar om ’n verslag op vlak C vir die volgende
jaarverslag voor te berei.
Terselfdertyd erken ons die toenemende vereistes
van beleggers en regulatoriese, asook ander riglyne,
soos King III, GRI G3 en die geïntegreerde
verslagdoenings riglyne vir eksterne gerusstelling
oor gekose nie-finansiële inligting. Alle beskikbare
opsies en vlakke van eksterne gerusstelling word
oorweeg om die pad vorentoe te bepaal. In hierdie
verband moet daarop gelet word dat Remgro ’n
gekombineerde gerusstellingsmodel volg wat bestuur,
interne oudit, en eksterne gerusstelling (bv verifikasie
van BBSEB-eienaarskapstelkaart en koolstofopenbaarmakingsprojek)
insluit. Ons glo dat hierdie metodes
die nodige gerusstelling gee oor die gehalte en
betroubaarheid van die inligting wat verskaf word.
ORGANISASIESTRUKTUUR
In Figuur 1 op die volgende bladsy verskyn ’n skematiese
voorstelling van Remgro en sy bedryfsfiliale, insluitende
hul getal werknemers en eienaarskapsbelang.
Soos vroeër genoem, word net opgesomde nie-finansiële
inligting oor die maatskaplike en omgewingsvertoning
van Remgro se bedryfsfiliale in hierdie verslag verskaf.
REMGRO BEPERK | 97 | GEÏNTEGREERDE JAARVERSLAG

Figuur 1
ORGANISASIESTRUKTUUR
BESTUURSBENADERING TOT
VOLHOUBAARHEID
VOLHOUBARE ONTWIKKELINGSVERSLAG
Remgro se direksie is in die finale instansie aanspreeklik
vir die vertoning van die maatskappy, met inagneming
daarvan dat strategie, risiko, prestasie en volhoubaarheid
onafskeidelik is. In hierdie opsig het die direksie die
algemene oorsig en rappor tering oor volhoubaarheid aan
die oudit-en-risikokomitee gedelegeer. In die tydperk
onder oorsig het Remgro sy omgewingsbestuursbeleid
en etiese kode bygewerk en daardeur sy verbintenis
bevestig om op verantwoordelike wyse sake te doen.
ETIEK EN NAKOMING
Etiek
Die direksie glo dat etiese gedrag uit die toepaslike
waardesisteme van die mense in diens van die
maatskappy spruit, asook uit die sigbare etiese
leierskap en waardegedrewe korporatiewe kultuur
wat dit rig en ondersteun. Leierskap wat op etiese
beginsels gegrond is, lei tot ’n natuurlike kultuur van
etiese en morele gedrag en die nakoming van wette,
reëls, kodes en standaarde. Die direksie beskou dit dus
as sy verantwoordelikheid om ’n kultuur van eerlikheid,
AANTAL WERKNEMERS
EIENAARSKAP %
RBD
(Remgro Bestuursdienste
Beperk)
8 007 2 981 986 182
16
73.6% 100% 100% 100%
deursigtigheid, billikheid, verantwoordelikheid en
aanspreeklikheid daar te stel en te handhaaf ten einde
die maatskappy as ’n voorkeurbeleggingsvennoot te
posisioneer. Dit word gerugsteun deur etiese leierskap,
aangesien etiek nie gereguleer kan word nie, maar uit
persoonlike oortuiging spruit.
In hierdie verband het die maatskappy ’n etiese
kode (die kode) aanvaar wat die raamwerk vir etiese
praktyke en sakegedrag verskaf wat op alle direkteure
en werknemers van toepassing is. Die kode is aan alle
werknemers op Remgro se intranet beskikbaar en
afskrifte daarvan word aan alle nuwe werknemers gegee.
Die kode, sowel as ’n formele geskenkbeleid, verskaf
duidelike riglyne oor geskenke, uitnodigings of gunste
wat van enige verskaffer of ander party ontvang word.
Die aanbied van gunste om onregmatige kommersiële
voordele te bekom, is ook streng verbode.
Die oudit-en-risikokomitee hou toesig oor die nakoming
van die kode en hanteer gevalle van bedrog of
onreëlmatighede. In die tydperk onder oorsig was daar
geen voorvalle van bedrog of onreëlmatighede nie.
REMGRO BEPERK | 98 | GEÏNTEGREERDE JAARVERSLAG
Ander
fi liale
Wissel tussen
55% en 100%

VOLHOUBARE ONTWIKKELINGSVERSLAG
Die maatskappy het ’n etiese lyn ingestel wat enige
werknemer of belanghebbende in staat stel om inligting
oor waargenome of vermeende onreëlmatige of
onetiese gedrag in ’n vertroulike en beheerde omgewing
te rapporteer. Die etiese lyn word deur ’n onafhanklike
derde party bestuur en is op ’n 24-uurgrondslag
beskikbaar. In die tydperk onder oorsig het die etiese
lyn geen oproepe ontvang nie.
Besonderhede oor die etiese lyn en die etiese
kontakpersoon is op Remgro se webblad by
www.remgro.com beskikbaar.
Nakoming
In die tydperk onder oorsig was daar geen voorvalle van
wesentlike nie-nakoming van enige wette, regulasies,
aanvaarbare standaarde of kodes nie en geen
noemenswaardige boetes is ook gehef nie.
VERHOUDINGE MET BELANGHEBBENDES
Ons verhouding met alle belanghebbendes is gegrond
op die volgende waardes wat in Remgro se etiese kode
verskans en daardeur ondersteun word:
> Verantwoordelikheid vir die bates en bedrywighede
van die maatskappy
> Aanspreeklikheid om sy besluite en bedrywighede
teenoor aandeelhouers en ander belanghebbendes
te regverdig
Suid-
Afrikaanse
regering en
beheerliggame
Deursigtigheid
Diensverskaffers
Aandeelhouers en
die beleggersgemeenskap
Verantwoordelikheid
Billikheid
Gemeenskap
> Billikheid in die beoordeling van belang hebbendes
se regmatige belange
> Deursigtigheid in die verskaffing van inligting op
’n wyse wat belanghebbendes in staat stel om
ingeligte besluite oor die maatskappy se vertoning
en volhoubaarheid te maak.
Remgro se direksie is die uiteindelike bewaarder
van sy korporatiewe reputasie en verhoudinge met
belanghebbendes. In hierdie verband spel ’n formele
beleid Remgro se benadering en strategie ten opsigte
van verhoudinge met belanghebbendes uit om te
verseker dat ’n inklusiewe benadering tot korporatiewe
bestuur gevolg word.
Remgro gebruik ’n wye verskeidenheid kommuni kasiemetodes
om te verseker dat sy kommunikasie met
belanghebbendes duidelik en verstaanbaar, sowel
as deursigtig, ewewigtig en geloofwaardig is en alle
relevante feite, hetsy positief of negatief, uiteensit.
Sorg word gedra dat skakeling met belanghebbendes,
waar moontlik, nie slegs eenrigtingkommunikasie
behels nie, maar opbouende vennootskapsgegronde
betrokkenheid verteenwoordig. Dit verseker dat die
regmatige verwagtinge van alle belanghebbendes,
sover moontlik, geïdentifiseer en hanteer word.
REMGRO BEPERK | 99 | GEÏNTEGREERDE JAARVERSLAG
Werknemers
Aanspreeklikheid
Maatskappye
waarin belê
word en ander
aandeelhouers
van hierdie
maatskappye

VOLHOUBARE ONTWIKKELINGSVERSLAG
Aandeelhouers en die beleggersgemeenskap
Remgro se hoofdoelwit is om waardeskepping en
volhoubare groei te maksimeer en in hierdie verband
word besondere moeite gedoen om te verseker dat
alle aandeelhouers of aandeelhouersklasse regverdig
behandel word. Spesiale sorg word gedra om minderheids
aandeelhouers teen optrede deur, of in die
belang van, die beherende aandeelhouer te beskerm
wat tot hul nadeel mag wees. In hierdie verband is
’n hoof onafhanklike direkteur in die tydperk onder
oorsig aangestel om as voorsitter van vergaderings
op te tree in omstandighede waar die onafhanklikheid
van die bestaande voorsitter bevraagteken word of
gekompromitteer is.
Kommunikasie met beleggers is op die beginsels van
tydige, ewewigtige, duidelike en deursigtige inligting
gegrond. In hierdie opsig het die beleggersgemeenskap
toegang tot dieselfde inligting waaroor Remgro se
aandeelhouers beskik. Duidelike protokolle bestaan
wat die aard, omvang en frekwensie van kommunikasie
met beleggers reël. Aandeelhouers en die beleggersgemeenskap
word aangemoedig om Remgro se
algemene vergaderings by te woon, waar aktuele
sake openlik bespreek word. Verdere interaksie met
institusionele beleggers vind twee keer per jaar by die
inbel-aanbieding van tussen- en finale resultate plaas,
waar vrae aan die hoofuitvoerende beampte, hoof
finansiële beampte en hoof beleggingsbeampte gestel
kan word. Die beleggersgemeenskap is ook welkom
om direk met senior bestuur te skakel.
Die mees onlangse, asook historiese, finansiële en
ander inligting word op die maatskappy se webblad by
www.remgro.com gepubliseer.
Werknemers
Vir Remgro om sy hoofdoelwitte te bereik, is dit
noodsaaklik om werknemers van gehalte te werf en
te behou. Ons werknemers word billik behandel en
mededingend vergoed en Remgro streef daarna
om aan alle werknemers die geleentheid te bied om
hul potensiaal te verwesenlik. Tydens korporatiewe
aksies word spesiaal daarna omgesien dat
werknemers wat aan Remgro se ekwiteitsverhandelde
aandelegroeiregteskema deelneem, nie gunstiger as
gewone aandeelhouers behandel word nie.
Omdat Remgro ’n beleggingshouermaatskappy met
’n klein personeel is, geskied kommunikasie met
werknemers informeel by wyse van onder andere
e-posboodskappe, die interne intranet, Remgro se
webblad, inligtingsessies en kennisgewingborde. Daar
word seker gemaak dat alle kommunikasie met aandeelhouers
ook aan werknemers oorgedra word.
Maatskappye waarin belê word en ander
aandeelhouers van hierdie maatskappye
Remgro se prestasie is direk gekoppel aan die vertonings
van die onderliggende maatskappye waarin belê
word en daarom word kommunikasie met hierdie
ondernemings en mede-aandeelhouers as baie
belangrik beskou. Verhoudinge met maatskappye waarin
belê is, word hoofsaaklik deur direksieverteenwoordiging
bestuur, met direkteure of senior bestuur
van Remgro wat as nie-uitvoerende direkteure in
die direksies van hierdie maatskappye dien. Hierdie
verteenwoordigers het tydens direksievergaderings
interaksie met die direkteure en senior bestuur van
die maatskappye waarin belê word en, indien nodig,
word verteenwoordigers van hierdie maatskappye
aangemoedig om Remgro se senior bestuur te ontmoet
vir besprekings oor hul besighede. Alle transaksies met
mede-aandeelhouers in maatskappye waarin belê is,
word op ’n billike wyse gehanteer en in ooreenstemming
met die onderliggende aandeelhouersooreenkomste.
Remgro streef daarna om waarde tot hierdie beleggings
toe te voeg.
Gemeenskap
Korporatiewe burgerskap, die verbintenis van ’n
onderneming om tot volhoubare ekonomiese ontwikkeling
by te dra, onderskryf die beginsel dat geen
besigheid in isolasie bestaan nie, maar onmiskenbaar
deel is van die omgewing waarin sake gedoen word.
In sy verhouding met die gemeenskap streef Remgro
daarna om ’n waardevennoot te wees en daarom
val die klem van sy gemeenskapsbetrokkenheid op
armoedebekamping en investering in jongmense uit
benadeelde gemeenskappe in die geloof dat sulke
beleggings tot ver in die toekoms goeie dividende
sal lewer. Remgro se korporatiewe maatskaplike
beleggings inisiatiewe word in meer besonderhede op
bladsy 105 tot 107 bespreek.
Diensverskaffers
Remgro glo daaraan om langtermyn-vennootskappe
met diensverskaffers aan te gaan wat op onderlinge
vertroue en respek gegrond is. Verskeie maatstawwe
speel ’n rol in die keuse van geskikte verskaffers,
waaronder voldoening aan gehaltestandaarde (indien
van toepassing), bestendigheid en ’n bewese rekord
van die organisasie en sy ondersteuningsnetwerk.
Aangesien Remgro ’n beleggingshouermaatskappy
is, word sy kostestruktuur deurgaans met dié van
effektetrusts vergelyk om te verseker dat aandeelhouers
nie benadeel word nie. As deel van die proses om
korporatiewe koste te bestuur, word goeie verhoudinge
met diensverskaffers gehandhaaf.
REMGRO BEPERK | 100 | GEÏNTEGREERDE JAARVERSLAG

VOLHOUBARE ONTWIKKELINGSVERSLAG
Suid-Afrikaanse regering en beheerliggame
’n Oop en eerlike verhouding word met die regering
en relevante beheerliggame gehandhaaf. In hierdie
verband geskied kommunikasie op ’n ad hoc-grondslag
soos die behoefte ontstaan en dit vind gewoonlik in die
vorm van formele vergaderings plaas. Beheerliggame,
soos die Nasionale Tesourie, die Suid-Afrikaanse
Reserwebank (SARB) en die JSE Beperk, word op hoogte
gehou van korporatiewe aksies in ooreenstemming
met alle toepaslike wette en regulasies. Vergaderings
met die SARB vind jaarliks plaas om hulle in te lig oor
Remgro se buitelandse bedrywighede.
BREË-BASIS SWART EKONOMIESE
BEMAGTIGING (BBSEB)
Inleiding
Die direksie glo dat BBSEB ’n maatskaplike, politieke
en ekonomiese noodsaaklikheid is en daarom word
die inisiatiewe van die maatskappy se filiale en
geassosieerdes in hierdie verband ondersteun
en aangemoedig. In die mate waarin Remgro se
filiale en geassosieerdes BBSEB implementeer, het
Remgro se aandeelhouers in effek deel aan hierdie
BBSEB-inisiatiewe en die koste en voordele daaraan
verbonde.
In die tydperk onder oorsig is besluit om Empowerdex
te betrek om die maatskappy se telling ten opsigte van
ekwiteitseienaarskap te sertifiseer en die proses word
in meer besonderhede hieronder bespreek.
Figuur 2
TELKAART VAN BBSEB-EKWITEITSEIENAARSKAP
Ekwiteitseienaarskap
Die verifiëring van BBSEB-eienaarskap word gereël
deur die praktykkodes met betrekking tot Breë-Basis
Swart Ekonomiese Bemagtiging (die kode), wat op
9 Februarie 2007 ingevolge artikel 9(1) van die Wet op
Breë-Basis Swart Ekonomiese Bemagtiging (Nr. 53
van 2003) geproklameer is. Die metode wat deur
Empowerdex vir die verifiëring en sertifisering van
Remgro se bydraes tot BBSEB-eienaarskap gebruik
word, is ingevolge die bepalinge van Kodereeks 100,
Standpunt 102 – erkenning van die verkoop van bates,
ontleen. Die resultaat van hierdie oefening word in
figuur 2 hieronder aangebied.
Daar moet op gelet word dat, bykomend tot bogenoemde,
swart eienaarskap ook ingesluit is in die
aandeelhoudings wat institusionele beleggers in
Remgro hou (verwys na bladsy 200 waar Remgro se
belangrikste aandeelhouers aangedui word). Aangesien
besonderhede oor die uiteindelike begunstigdes van
hierdie aandeelhoudings nie geredelik volgens ras en
geslag beskikbaar is nie, is dit nie gekwantifiseer nie.
Ander elemente van die BBSEB-telkaart
Ander elemente van die generiese telkaartmaatstawwe,
soos deur die Departement van Handel uiteengesit, is
nie in die tydperk onder oorsig gesertifiseer nie. Remgro
neem egter jaarliks aan die Empowerdex Financial Mail
BBSEB-opname deel en ’n punt van 44.57 (vlak 7-bydraer)
is in die 2011-opname aan die maatskappy toegeken,
waarvan die volledige besonderhede in figuur 3 uiteengesit
word.
Telkaart
Eienaarskap Gewig Teiken Behaal Telling
Swart stemreg 3 25.00% 11.44% 1.37
Stemreg van swart vroue 2 10.00% 2.73% 0.55
Swart ekonomiese belang 4 25.00% 11.44% 1.83
Ekonomiese belang van swart vroue 2 10.00% 2.73% 0.55
Ekonomiese belang (gespesifi seerde groepe) 1 2.50% 2.10% 0.84
Realiseringspunte
– Eienaarskapverwesenliking 1 Ja Ja 0.00
– Netto waarde 7 Verskeie 11.44% 3.20
Bonus – nuwe swart toetreders 2 10.00% 0.00% 0.00
Bonus – swart deelnemers 1 10.00% 0.00% 0.00
Totale telling 8.34
REMGRO BEPERK | 101 | GEÏNTEGREERDE JAARVERSLAG

Figuur 3
VOLHOUBARE ONTWIKKELINGSVERSLAG
ANDER ELEMENTE VAN BBSEB-GENERIESE TELKAART
Element Aanwyser Gewig Telling
Bestuurbeheer Persentasie swart persone in uitvoerende bestuur en/of
uitvoerende direksiekomitees 10 4.45
Gelyke indiensneming Geweegde gelyke indiensnemingsanalise 15 0.00
Vaardigheids ontwikkeling Vaardigheidsontwikkelingspandering in verhouding tot die
totale betaalstaat 15 7.23
Voorkeurverkryging Verkryging vanaf bemagtigde ondernemings en dié in
swart besit in verhouding tot totale bates 20 12.89
Entiteitsontwikkeling Gemiddelde waarde van bydrae tot ondernemingsontwikkeling
as ’n persentasie van die teiken van 3% van
netto wins na belasting 15 15.00
Sosio-ekonomiese Korporatiewe maatskaplike belegging tot voordeel van
ontwikkeling
swart persone 5 5.00
Totale telling 44.57
Die individuele elemente word in meer besonderhede
hieronder bespreek.
Bestuursbeheer
Remgro se direksie is saamgestel op ’n wyse wat
verseker dat die gesamentlike vaardighede en ervaring
van direkteure geskik is om sy verantwoordelikhede na
te kom en die groep se doelwitte te bereik. Die direksie
het die afgelope paar jaar aansienlik getransformeer,
met vyf van die twaalf nie-uitvoerende direkteure (42%)
wat tans swart is. Op bestuursraadvlak is een uit die
sewe lede swart.
Gelyke indiensneming
Gelyke indiensneming is Remgro se grootste
transformasie-uitdaging. ’n Telling van 0.0% is in hierdie
kategorie aan die maatskappy toegeken weens die feit
dat die minimum vlak van 40% nie behaal is in elk van
die teikens wat in die gelyke indiensnemingstelkaart
uiteengesit is nie. ’n Jaarlikse arbeidsplan waarin
Remgro se transformasiedoelwitte uiteengesit word,
word aan die Departement van Arbeid voorgelê. Hoewel
pogings aangewend word om die maatskappy se swart
verteenwoordiging op bestuursvlak te verbeter, bly die
lae personeelomset van 4.3%, asook geringe organiese
groei, beperkende faktore. Meer besonderhede oor
gelyke indiensneming word op bladsy 104 aangebied.
Remgro se opgesomde gelyke indiensnemingsverslag,
soos op 31 Augustus 2010, word in figuur 4 aangebied en
sit die verspreiding van heeltydse werknemers volgens
ras en per beroepsvlak uiteen.
Vaardigheidsontwikkeling
Remgro voldoen aan die vereistes van die Wet op
Vaardigheidsontwikkeling ingevolge waarvan ’n vaste
persentasie van die betaalstaat as ’n opleidingsheffing
aan die Suid-Afrikaanse Inkomstediens betaal word.
’n Jaarlikse verslag van alle opleiding wat in die maatskappy
plaasgevind het, word ook aan die relevante
SETA voorgelê.
Voorkeurverkryging
Aangesien Remgro nie ’n bedryfsmaatskappy is
nie, is die verkrygingsfunksie baie klein en word die
verkrygingsprofiel deur ’n hoë dienskomponent
geken merk eerder as deur materiaalaankope. Soos
uit die verkrygingstelkaart blyk, koop Remgro meer
as die helfte van sy goedere en dienste van BBSEBgeakkrediteerde
handelaars. ’n Verbetering van die
voorkeurverkrygingstelling bly ’n fokusgebied vir
Remgro.
Onderneming- en sosio-ekonomiese ontwikkeling
Remgro het in hierdie twee gebiede die maksimum
punte verdien vanweë die volgehoue besteding aan
besigheidsontwikkeling en korporatiewe maatskaplike
beleggingsinisiatiewe. Meer besonderhede oor die
maatskappy se korporatiewe maatskaplike inisiatiewe
word op bladsy 105 verskaf.
BBSEB by maatskappye waarin belê is
Remgro monitor en dra by tot die BBSEB-vertoning
van die maat skap pye waarin belê is deur sy direksieverteenwoordiging
en deelname en fasilitering van
korporatiewe aksies by hierdie maatskappye. Die
BBSEB-status van Remgro se bedryfsfiliale word in meer
besonderhede behandel in die afdeling wat handel oor
“volhoubaarheid by bedryfsfiliale“ op bladsy 107.
Hieronder is ’n opsomming van die BBSEB-status van ’n
aantal Remgro geassosieerdes soos op 30 Junie 2011:
Sabido Vlak 2-bydraer
FirstRand Vlak 3-bydraer
Mediclinic Vlak 3-bydraer
Air Products Vlak 4-bydraer
Total South Africa Vlak 4-bydraer
Dark Fibre Africa Vlak 5-bydraer
Distell Vlak 5-bydraer
Unilever Vlak 6-bydraer
REMGRO BEPERK | 102 | GEÏNTEGREERDE JAARVERSLAG

Figuur 4
ONS MENSE
VOLHOUBARE ONTWIKKELINGSVERSLAG
OPGESOMDE GELYKE INDIENSNEMINGSVERSLAG, SOOS OP 31 AUGUSTUS 2010
Buite-
Mans Vroue
landers
Beroepsvlakke S B I W S B I W Mans Vroue Totaal
Topbestuur 0 1 0 7 0 0 0 1 0 0 9
Senior bestuur
Professioneel gekwalifi seerde
en ervare spesialiste, asook
0 0 0 14 0 0 0 2 0 0 16
middelvlakbestuur
Opgeleide tegniese en
akademies gekwalifi seerde
werkers, junior bestuur,
toesighouers, voormanne en
0 1 1 20 0 0 0 9 0 0 31
superintendente
Halfgeskoold, met
4 6 0 12 1 5 0 35 0 0 63
diskresionêre besluitneming
Ongeskoold, met
gespesifi seerde
19 29 0 0 7 11 0 0 0 0 66
besluitneming 0 0 0 0 0 0 0 0 0 0 0
Totaal heeltyds 23 37 1 53 8 16 0 47 0 0 185
Deeltydse werknemers 0 0 0 0 0 0 0 0 0 0 0
Groottotaal 23 37 1 53 8 16 0 47 0 0 185
Werknemersamestelling
Remgro glo dat die gehalte van sy personeel ’n belangrike
volhoubare voordeel bied. As ’n beleggingshouermaatskappy
het hy ’n klein personeelkorps, wat
op 30 Junie 2011 uit 182 werknemers (31 Maart 2010:
185 werknemers) bestaan het. Verwys na figuur 5 waar
Figuur 5
SAMESTELLING VAN WERKNEMERS
Vroue
38%
Mans
62 %
31 – 40 jaar oud
23%
30 jaar en jonger
4%
meer besonderhede oor die samestelling van ons
personeel, volgens ras, geslag en ouderdom, aangebied
word.
In die vyftien maande onder oorsig was Remgro se
personeel omset 4.3% teenoor 2.7% in die twaalf maande
tot 31 Maart 2010. Die omsetsyfers is bereken deur die
totale aantal werknemers op jaareinde te gebruik.
41 – 50 jaar oud
30%
51 jaar en ouer
43%
REMGRO BEPERK | 103 | GEÏNTEGREERDE JAARVERSLAG
Swart, bruin, Indiër
46%
Wit
54%

VOLHOUBARE ONTWIKKELINGSVERSLAG
Werwing- en keuringbeleid
Om te verseker dat Remgro ’n voorkeurbeleggingsvennoot
bly, is dit belangrik dat werknemers van die
hoogste gehalte gewerf, gekies en behou word. In
hierdie verband sal die maatskappy te alle tye probeer
om die beste kandidaat in ’n pos aan te stel. Remgro glo
dat alle persone op gelyke indiensnemingsgeleenthede
geregtig is en daarom word geen diskriminasie teenoor
werknemers of aansoekers op grond van geslag, ras,
geloof of ander redes toegelaat nie.
Gelyke indiensneming
Remgro onderskryf die beginsels van die Wet op Gelyke
Indiensneming en in hierdie verband streef hy deur
sy gelyke indiensnemingsbeleid daarna om gelyke
geleenthede aan alle werknemers te bied en om geskikte
individue te identifiseer, te ontwikkel en te vergoed
in ooreenstemming met hul prestasie, toewyding en
lojaliteit. Spesiale aandag word aan groepe gegee wat
vanweë historiese redes hulself in ’n minder bevoorregte
posisie mag bevind.
Werknemersvergoeding
Ons doelwit is om werknemers billik, mededingend en
volgens hul vermoë, vaardighede, verantwoordelikheid
en prestasievlakke te vergoed. Die vlak van salarisse
wat betaal word, is een van verskeie aspekte van ons
strategie om mense van gehalte te behou, te motiveer
en, waar nodig, te werf. Daarby bied Remgro ook aan
sy personeel ’n stimulerende werkomgewing. Remgro
se vergoedingsbeleid is in die tydperk onder oorsig
geformaliseer en sit die vergoedingsbenadering met
betrekking tot direkteure en bestuursraadslede uiteen.
Verwys na die vergoedingsverslag op bladsy 119 waar
Remgro se vergoedingsbenadering volledig bespreek
word.
Remgro bied aan sy werknemers aftreevoordele in
die vorm van ’n omskrewevoordeelfonds (geslote)
en omskrewebydraefonds wat onafhanklik van die
maatskappy se finansies geadministreer word. Daarby
word ook mediese versekering en studiehulp aan
werknemers gebied.
Opleiding en vaardigheidsontwikkeling
Die hoofdoel van opleiding is om werknemers
sodanig toe te rus dat hulle hul volle potensiaal kan
verwesenlik tot voordeel van die maatskappy en hulself.
Aangesien Remgro, as beleggingshouermaatskappy,
oor ’n hoogs gespesialiseerde arbeidsmag beskik,
word geen voorgeskrewe opleidingsprogramme
aanbeveel nie. Individue word egter aangemoedig
om opleidingskursusse by te woon wat hulle beter kan
toerus om hul werk te doen. Die afgelope twee jaar is
verskeie werkwinkels en opleidingsessies oor King III
en die nuwe Maatskappywet gehou om te verseker
dat direkteure en bestuur toegerus is om gesonde
korporatiewe bestuurspraktyke te implementeer en toe
te pas op alle vlakke waar hulle betrokke is.
Gesondheid en veiligheid
Die maatskappy het ’n gesondheid-en-veiligheidskomitee
wat saamgestel is ingevolge die Wet op
Beroepsgesondheid en Veiligheid. Die komitee is
’n subkomitee van die risiko-en-IT-bestuurskomitee
en verseker dat die maatskappy ’n veilige, gesonde
en risikovrye omgewing vir sy personeel en besoekers
bied en sien toe dat beheermaatreëls om risiko’s te
beperk doeltreffend is en toegepas word.
MIV/vigs
Uit ’n beleggingshouermaatskappy se perspektief
bestaan die risiko verbonde aan MIV/vigs uit twee
elemente, naamlik:
Groeprisiko
Gegewe die potensiële uitwerking van MIV/vigs op
markte, menslike kapitaal, die koste van indiensneming
en die bedryfsprosesse van ondernemings waarin belê
is, word hierdie risiko bestuur binne die strukture van
die onderskeie maatskappye waarin belê word. Die
vordering van hierdie beleid en strategieë word aan die
hand van bestepraktyk-standaarde gemonitor. Meer
inligting rakende die bestuur van MIV/vigs by Remgro se
bedryfsfiliale word op bladsy 107 verskaf.
Maatskappyrisiko
Remgro het ’n formele MIV/vigs-beleid en is verbind
tot daadwerklike stappe om die pandemie, en die
besigheidsrisiko’s daaraan verbonde, te bestuur. Die
beleid maak onder andere vir die volgende voorsiening:
> Dat alle wetlike verpligtinge met betrekking tot
MIV/vigs nagekom word
> Dat daar op geen wyse teen werknemers of potensiële
werknemers gediskrimineer word op grond van hul
MIV-status nie
> Dat inligting oor die MIV-status van werknemers
streng vertroulik gehanteer word
> Dat algemene maatreëls ingestel en bestuur word
om toevallige besmetting te voorkom
Die Remedi Mediese Hulpskema, waaraan die meeste
Remgro-personeel behoort, beskik oor ’n bestuursplan
vir MIV/vigs waaraan werknemers volgens hul keuse
deelneem.
REMGRO BEPERK | 104 | GEÏNTEGREERDE JAARVERSLAG

BELEGGING IN DIE GEMEENSKAP
VOLHOUBARE ONTWIKKELINGSVERSLAG
Remgro se korporatiewe maatskaplike bestedingsinisiatiewe
en skenkingsprogram dek ’n breë spektrum
van die gemeenskap en kan in die volgende kategorieë
opgesom word:
> Gemeenskapsontwikkeling
> Kulturele ontwikkeling
> Entrepreneurskap en opleiding
> Omgewing
> Gesondheidsorg
> Sportontwikkeling
Remgro probeer om ’n korporatiewe maatskaplike
besteding van ongeveer 2.5% van sy vrye kontantvloei
jaarliks te handhaaf. In hierdie opsig vergader die
donasiekomitee op ’n gereelde basis om skenkings aan
kwalifiserende instansies te oorweeg en goed te keur.
Skenkings aan kwalifiserende instansies word op ’n
jaarlikse grondslag vir ’n spesifieke tydperk gemaak en
hoewel bydraes oor ’n taamlike breë spektrum strek, is
daar twee ooglopende uitsonderings: politieke partye
en kerkgenootskappe. Hoewel die maatskappy sy
werknemers se reg respekteer om volgens keuse by
hierdie instansies betrokke te raak, oefen hyself nie ’n
keuse uit nie.
Gedurende die tydperk onder oorsig het Remgro
se korporatiewe maatskaplike besteding R22 miljoen
bedra (31 Maart 2010: R13 miljoen), soos in die
onderstaande tabel uiteengesit.
Opsomming van
korporatiewe
maatskaplike besteding
Vyftien
maande
30 Junie
2011
R miljoen
Twaalf
maande
31 Maart
2010
R miljoen
Gemeenskapsontwikkeling
7 4
Kulturele ontwikkeling
Entrepreneurskap en
4 2
opleiding 5 4
Omgewing 3 1
Gesondheidsorg 1 1
Sportontwikkeling 2 1
22 13
In die tydperk onder oorsig was die vernaamste
instansies waarby Remgro betrokke was die volgende:
Gemeenskapsontwikkeling
Ikamva Labantu – is 45 jaar gelede as ’n “ongevalleafdeling“
vir swart stedelike gemeenskappe in die
Wes-Kaap gestig en het sedertdien tot ’n breëbasisgemeenskapsprojek
ontwikkel wat ’n holistiese
benadering volg ten opsigte van die ontwikkeling
van arm gemeenskappe: van voorskoolse kinders
en ondersteuningsdienste vir gesinne tot die omsien na
die behoeftes van bejaardes en gestremdes.
Stellenbosch-Gemeenskapsontwikkelingsprogram
(SGOP) – is ’n inisiatief in Kayamandi, ’n woongebied aan
die buitewyke van Stellenbosch, waarheen die meeste
van die inwoners (30 000) gekom het op soek na werk.
Hier leef die meeste van hulle in informele nedersettings
en in uiterste armoede. Dit, saam met die hoë voorkoms
van MIV/vigs, maak van Kayamandi ’n gemeenskap wat
hulp dringend nodig het. Die hoofdoel van die SGOP is
om honger te help bekamp en voedsel aan behoeftige
en wangevoede laerskoolkinders te verskaf om hul leeren
konsentrasievermoë te verbeter.
Yabonga – het in 1997 as ’n informele inisiatief tot stand
gekom om kleuterskole in die armste gemeenskappe
in Kaapstad en omliggende gebiede te ondersteun.
As gevolg van die verwaarlosing van MIV-besmette
kinders het die organisasie sy fokus in 2000 verskuif
met die opening van ’n weeshuis vir besmette babas in
Khayelitsha. Omdat Yabonga toenemend met desperate
ma’s te kampe gekry het wat kinders by die weeshuis
aflaai, is met ’n opleidingskursus begin om behoeftige
ma’s te onderrig en hulle te help om portuuropvoeders
in hul gemeenskappe te word.
Kulturele ontwikkeling
Veldorkesstigting (FBF) – die FBF, wat by geleentheid
al as ’n innoverende oplossing vir ’n maatskaplike
probleem beskryf is, het van ’n beskeie begin in 1997
tot 18 veldorkesstreke met 36 orkeste gegroei, waarby
meer as 4 000 jongmense landwyd betrokke is. Deur
van massa-blaasorkeste, met dansers, gebruik te maak
om bepaalde lewensvaardighede te kweek, streef die
FBF daarna om ’n veilige, inspirerende en energieke
omgewing te skep waar jongmense hul innerlike krag en
positiewe kwaliteite kan ontdek en koester.
Children’s Art Festival (CAF) – hierdie gevestigde
instelling wat sy ontstaan 20 jaar gelede gehad het en
tans ’n vaste instelling by die Grahamstad Nasionale
Kunstefees is, gee aan kinders van veral die Oos-Kaap
’n stimulerende en opwindende blootstelling aan kuns.
Baie van die kinders kom uit ’n agtergrond waar enige
vorm van kuns heeltemal vreemd is.
Entrepreneurskap en opleiding
TSiBA – die Tersiêre Skool in Besigheidsadministrasie,
ook bekend as die entrepreneursuniversiteit van
Kaapstad, is in 2004 gestig met die doel om begaafde
jongmense van kleur deur middel van ’n B-graad
in besigheidsadministrasie vir indiensneming voor
REMGRO BEPERK | 105 | GEÏNTEGREERDE JAARVERSLAG

VOLHOUBARE ONTWIKKELINGSVERSLAG
te berei. In 2009 het TSiBA sy bedrywighede na die
Suid-Kaap uitgebrei en dit saamgevoeg met dié van die
Eden-kampus naby Sedgefield – ’n residensiële “groen“
kollege wat op entrepreneurskap en vaardigheidsontwikkeling
fokus.
Shalamuka Stigting – hierdie stigting is in 2006
daargestel om langtermynbefondsing, onder andere
deur deelname aan SEB-transaksies, te verseker vir
die hoogaangeskrewe Penreach-program, ’n niewinsgewende,
holistiese skoolontwikkelingsprogram
wat daarna streef om die vaardighede van onderwysers
en die gehalte van onderwys in Mpumalanga en
omliggende gebiede te verbeter.
SciMathUS – is in 2001 deur die Universiteit van
Stellenbosch as ’n oorbruggingsprogram ontwikkel
met die doel om hoër onderwys meer toeganklik te
maak vir swart studente wat gretig is om hul studies
in fisiese en toegepaste wetenskap, ingenieurswese,
mediese en gesondheidswetenskappe en ekonomiese
en bestuurswetenskappe voort te sit.
Bergzicht Opleidingsentrum – met sy basis in
Stellenbosch, verskaf hierdie sentrum onderrig in
werkverwante vaardighede aan ongeskoolde en
werklose mense uit agtergeblewe gemeenskappe. Sy
benadering is uniek deurdat dit verskeie kort-, sowel
as omvattende kursusse in verskillende rigtings deur
die jaar aanbied, soos tuisbestuur, bejaardesorg,
spyseniering en kindersorg, kursusse wat nie een langer
as drie maande duur nie.
ORT-Tech – het ’n vennootskap met Remgro aangegaan
om die geletterdheid- en syfervaardighede van
graad 6-leerders in twaalf skole in die Stellenbosse
distrik te verbeter. Die projek is ’n opvolg van die ORT
SEED-projek wat tussen 2008 en 2010 deur Remgro in
laerskole in die groter Stellenbosch-gebied befonds
is en 70 onderwysers en 2 200 leerders sal hierby
betrek word. Die doel van die huidige inisiatief is
om die geletterdheidsvlak en syfervaardighede van
elke skool met 10% te verhoog, die skole te help
om die implementering van veranderinge in die
nasionale kurrikulum te bestuur en om funksionele
klaskamerbiblioteke in te rig. ORT-Tech is die
innoverende vertakking van ORT South Africa, wat
regoor die land in gebiede van uiterste armoede en
agterstand werksaam is.
Omgewing
Stigting vir Vredesparke – die stigting fasiliteer
die volgende: die daarstelling van oorgrensbewarings
gebiede (vredesparke) wat ekosisteme
oor internasionale grense verbind, die ontwikkeling
van menslike hulpbronne, die bevordering van
volhoubare ekonomiese ontwikkeling, die bewaring
van biodiversiteit, asook streeksvrede en -stabiliteit.
Vredesparke in Suider-Afrika sluit vandag omtrent
die helfte van alle geproklameerde bewaringsgebiede
in die streek in (met ’n oppervlakte van nagenoeg
800 000 km²).
WWF Suid-Afrika (WWF-SA) – gestig deur wyle
dr Anton Rupert in 1968 as die Suider-Afrikaanse tak van
die WWF, die internasionale bewaringsliggaam, speel
WWF-SA vandag ’n belangrike bewaringsrol, beide deur
bewaringsprojekte wat self onderneem word, asook die
finansiering wat aan ander verskaf word om verwante
bewaringswerk te doen.
Gesondheidsorg
Wits Donald Gordon-Mediese Sentrum (WDGMS) –
is die eerste private akademiese hospitaal in Suid-
Afrika. Dit het tot stand gekom toe die Universiteit van
die Witwatersrand die Kenridge-hospitaal in Parktown,
Johannesburg met ’n stigterdonasie van die Donald
Gordontrust gekoop het. In 2005 het die Mediclinichospitaalgroep
’n vennoot saam met Wits Universiteit
geword en is die bestuurskontrak van die hospitaal aan
eersgenoemde toegeken. WDGMS is gestig met die
doel om ’n fasiliteit vir die opleiding van subspesialiste in
die privaatsektor te skep en het homself ten doel gestel
om die getalle van dié dokters in die nabye toekoms met
40% te verhoog.
Stigting vir Orgaanskenkers van SA – die beskikbaarheid
van lewensonderhoudende organe is letterlik
’n saak van lewe en dood. Die afgelope 23 jaar het
die stigting hom beywer om die oorgang van organe
van skenker na ontvanger so glad moontlik te laat
verloop. Deur vier vlugte per jaar vir die vervoer van
noodsaaklike organe te borg, ondersteun Remgro
hierdie humanistiese poging en word erkenning graag
gegee aan die belangrike rol wat die personeel van die
lugvaartmaatskappy Falconair in hierdie verband speel.
Sportontwikkeling
SA Gholfontwikkelingsraad (SAGOR) – die hoofdoel
van SAGOR is om gholf toeganklik vir alle Suid-Afrikaners
te maak deur geleenthede te skep waar dit nog
REMGRO BEPERK | 106 | GEÏNTEGREERDE JAARVERSLAG

VOLHOUBARE ONTWIKKELINGSVERSLAG
ontbreek. Die afgelope dekade is gehalte-afrigting aan
meer as 17 000 jong gholfspelers uit minder gegoede
gebiede verskaf met die doel om hulle in die hoofstroom
van junior gholf in Suid-Afrika te bring. Tans is SAGOR in
elf streke van die land bedrywig.
Wes-Kaapse Krieketakademie – as ’n katalisator vir
krieketontwikkeling in die land het die Akademie van
krag tot krag gegaan sedert die stigting daarvan in die
1990’s. Nasionale en provinsiale spanne wemel letterlik
van spelers wat hulle talente by die Akademie geslyp het.
Die provinsiale spanne van die Westelike Provinsie en
die Boland het die grootste voordeel getrek uit hierdie
inisiatief, wat oor die jare ’n onuitwisbare stempel op die
loopbane van baie talentvolle spelers afgedruk het.
VOLHOUBAARHEID VAN BEDRYFSFILIALE
Remgro se drie bedryfsfiliale, te wete Rainbow Chicken,
Tsb Sugar en Wispeco, word op ’n gedesentraliseerde
grondslag as onafhanklike entiteite, met outonome
direksies, bedryf en bestuur. Slegs opgesomde
nie-finansiële inligting, wat verband hou met
hul bestuurstrukture, sowel as maatskaplike en
omgewingsvertonings, word in hierdie verslag verskaf,
terwyl hul finansiële vertonings in meer besonderhede
in die beleggingsoorsigte op bladsy 43 behandel word.
Rainbow Chicken
Inleiding
Rainbow is ’n vertikaal geïntegreerde hoenderprodusent
en sy besigheid sluit bekende handelsmerke
soos Rainbow, Farmer Brown, Rainbow
FoodSolutions, Epol, Cobb en Vector logisticsolutions
in. Die maatskappy is op die JSE Beperk onder
“Verbruiksgoedere – Voedselvervaardigers“, met die
aandeelkode “RBW“ genoteer.
Bestuur, risikobestuur en nakoming
Rainbow se direksie bestaan uit nege nie-uitvoerende
(van wie vier onafhanklik is) en twee uitvoerende
direkteure. Daar moet op gelet word dat die voorsitter
van die direksie, mnr Thys Visser, nie onafhanklik is nie
omdat hy ’n direkteur van Rainbow se hoofaandeelhouer,
Remgro Beperk, is. In hierdie verband het Rainbow
mnr R V Smither as hoof onafhanklike direkteur op
30 Augustus 2011 aangestel om as voorsitter van
vergaderings op te tree in omstandighede waar die
onafhanklikheid van die huidige voorsitter bevraagteken
word of gekompromitteer is.
Aangesien Rainbow ’n genoteerde maatskappy is,
moet hy aan die noteringsvereistes van die JSE en
die aanbevelings van King III voldoen. In die tydperk
onder oorsig het die maatskappy voortgegaan om sy
bestuurs-, gerusstellings- en risikobestuurspraktyke
te verbeter wat daartoe gelei het dat sekere rolle,
strukture en komiteemandate gewysig is om die groep
se bestuur te versterk. Rainbow se risikokomitee, wat
’n sub komitee van die direksie is, is verantwoordelik vir
toesig oor die geskiktheid en algehele doeltreffendheid
van die groep se risikobestuursfunksie en die
implementering daarvan deur bestuur. Dié komitee
word deur ’n interne ouditafdeling ondersteun wat uit
’n toegewyde span toepaslik gekwalifiseerde en tegnies
ervare personeel bestaan.
Sleutelvolhoubaarheidsgebiede
Klante raak toenemend proaktief ten opsigte van
kwessies soos gesondheid en veiligheid, boerderypraktyke,
dierewelsyn, produkveiligheid en -etikettering.
Rainbow hanteer hierdie kwessies op verskeie maniere
en op die volgende bladsy is ’n verkorte weergawe van
sy volhoubaarheidsverslag in hierdie verband. ISObestuurstelsels
is oral in Rainbow geïmplementeer om
aan gehaltevereistes en regulasies te voldoen.
REMGRO BEPERK | 107 | GEÏNTEGREERDE JAARVERSLAG

VOLHOUBARE ONTWIKKELINGSVERSLAG
BELANGHEBBENDES SE KOMMER WAT ONS DOEN
Produkgehalte en -veiligheid Aanstelling van vleisinspekteurs en prosesserings- en
ingenieurspersoneel om veilige produkte te verseker wat
aan bepaalde spesifikasies voldoen
Aanstelling van “Safety, Health, Environmental and Quality
Management“-spanne om verwerking, voedselveiligheid
en wetlike en gehaltevoldoening deur middel van oudits
te verifieer
Voldoening aan ISO 22000
Etikettering Voldoen aan die regulasies van die Wet op Voedingstowwe,
Kosmetiekware en Ontsmettings middels (Nr. 154 van 1972)
en nakoming van regulasie R146 sal in Maart 2012 voltooi
wees
Ondersteun die Verbruikersgoedereraad van Suid-Afrika
(CGCSA) en Globale Standaarde (GS1) in die lys van alle
produkte met GS1
Boerderypraktyke, insluitende:
Onderskryf die Britse Pluimveeraad se “Assured Chicken
Dierewelsyn
Huisvesting van hoenders
Voeding
Production Programme“ wat die hoogste standaarde vir
die voeding en welsyn van pluimvee daarstel
Oudits van dierewelsyn deur onafhanklike geakkrediteerde
ouditeure regdeur landboudissipline om nakoming van
Dieregesondheid en -veiligheid
dierewelsynvereistes te verifieer
Voorraaddigtheid van hokke word bepaal deur vloerspasie
van die hok en toerusting daarin
Toegang tot plase word deur streng bio-sekuriteitsmaatreëls
beheer
Voedselgrondstowwe word beheer deur die Wet op
Misstowwe, Veevoedsel, Landboumiddels en Veemiddels
(Nr. 36 van 1947)
Tropbehandeling word beheer deur die Wet op die Beheer
van Medisyne en Verwante Stowwe (Nr. 101 van 1965)
Gereelde DBV-inspeksies
Halaalstatus Hoenders word deur halaal-slagters geslag en gereelde
inspeksies word deur die Suid-Afrikaanse Halaalowerheid
(SANHA) en die “Muslim Judicial Council“ (MJC) gedoen
Verbruikersinsig Bemarking- en produkontwikkelingspanne verseker
dat Rainbow mededingende handelsmerke teen
mededingende pryse ontwikkel en bemark
Mense
Rainbow erken die belangrikheid van sy personeel
en lê klem op die bou van ’n gemeenskap van
geïnspireerde mense met ’n gemeenskaplike doel. Deur
konstruktiewe erkenningsooreenkomste het Rainbow
’n bedingingseenheid daargestel waaraan 71% van sy
personeel behoort en waardeur onderhandelings met
erkende vakbonde oor salarisse en diensvoorwaardes
jaarliks plaasvind. Rainbow het in 2011 ’n proses begin om
met sy gelyke indiensnemingskomitees te beraadslaag
met die oog daarop om teen 2015 ’n omvattende gelyke
indiensnemingsplan gereed te hê waarmee die teikens
van die Departement van Arbeid gehaal kan word.
Op 30 Junie 2011 het 28% van Rainbow se personeel
op bestuursvlak (31 Maart 2010: 27%) uit nie-blanke
werknemers bestaan.
Rainbow het ’n nasionale gesondheids- en veiligheidsbeleid
wat alle bedrywe en geriewe verbind tot
die daarstelling en handhawing van ’n gesonde en
veilige werkomgewing. Die maatskappy het in 2010 ’n
“disabling incident frequency rate“ (DIFR) van
1.05 behaal. Die DIFR is ’n internasionaal aanvaarde
standaard vir die meting van veiligheidsprestasie en
hou verband met die aantal ongeskiktheidsvoorvalle
vir elke 200 000 man-ure gewerk. Die DIFR-hersiening vir
2011 is tans in proses.
Rainbow se MIV/vigs-beleid dek die arbeidsmag en gee
rigting aan die maatskappy se bestuur van MIV/vigs, met
die klem op onderrig, portuuropvoeding, voorkoming
en vrywillige berading en toetsing. Die beleid verseker
ook dat geen diskriminasie in die werkplek plaasvind nie
en dat werknemers wat die kliniek bywoon, dit vertroulik
REMGRO BEPERK | 108 | GEÏNTEGREERDE JAARVERSLAG

VOLHOUBARE ONTWIKKELINGSVERSLAG
doen. Rainbow borg ook vigsbewusmakingsdae vir die
jeug om die gemeenskap ingelig te hou.
Rainbow se opleidingsbesteding vir die vyftien maande
tot Junie 2011 het R16 miljoen bedra teenoor R15 miljoen
in die twaalf maande tot Maart 2010.
BBSEB
Rainbow se laaste BBSEB-verifiëringsproses is op
31 Maart 2011 deur Empowerdex gedoen en ’n vlak 5bydraervlak
is bereik, wat gelykstaande aan ’n
80%-verkrygingserkenningsvlak en ’n totaal van
55.85 punte op die generiese telkaart is.
Korporatiewe maatskaplike besteding
Rainbow het die volgende twee gebiede geïdentifiseer
waar hy glo dat hy met sy korporatiewe maatskaplike
bestedingsbeleid ’n betekenisvolle en volhoubare
bydrae oor die lang termyn tot agtergeblewe gemeenskappe
kan maak:
> Onderwys, en
> Vaardigheidsontwikkeling
Rainbow se maatskaplike besteding het in die vyftien
maande tot Junie 2011 R4 miljoen bedra teenoor
R3 miljoen in die twaalf maande tot Maart 2010.
Omgewing
Verwys na die omgewingsafdeling op bladsy 115 waar
die omgewingspraktyke van Rainbow ook ingesluit is.
Rainbow se volledige volhoubaarheidsverslag is op sy
webblad by www.rainbowchicken.co.za beskikbaar.
Tsb Sugar
Inleiding
Tsb Sugar is ’n volfiliaal van Remgro en streef daarna
om die voorste laekoste-vervaardiger en -bemarker
van suiker en suikerverwante produkte in die Suider-
Afrikaanse streek te wees. Die maatskappy is in 1965
gestig en besit en bedryf tans drie suikermeulens,
waarvan twee in die Nkomazi-streek van Mpumalanga
en een in die Pongola-streek in die noorde van KwaZulu-
Natal is. Suikerprodukte word hoofsaaklik onder die
bekende Selati-handelsmerk verkoop. Neweprodukte
van die suikervervaardigingsproses, soos bagasse en
melasse, word in die produksie van Molatek, Tsb Sugar
se dierevoer-onderneming, gebruik.
Die maatskappy gee ondersteuning aan meer as 1 700
kommersiële en kleinboere op sowat 47 000 hektaar
besproeiingsgrond. In ruil hiervoor verskaf die boere
ongeveer 80% van die suiker wat in die meulens
verwerk word.
Bestuur, risikobestuur en nakoming
Die bekendstelling van King III het aan Tsb Sugar die
geleentheid gebied om sy bestuurstrukture te versterk.
Daar is veral gefokus op die hersiening van
bestaande mandate, beleid en prosedures ten opsigte
van sleutelbestuursmaatstawwe, met insluiting van,
maar nie beperk nie tot die handveste en mandate
van die direksie en sy subkomitees, asook die beleide
ten opsigte van belanghebbendes, IT-bestuur en
wetlike nakoming. Tsb Sugar se direksie bestaan tans
uit elf direkteure van wie sewe nie-uitvoerend is. Vyf van
die nie-uitvoerende direkteure is onafhanklik.
Die direksie het drie subkomitees, te wete ’n oudit-en-ITbestuurskomitee,
’n menslike hulpbronne-komitee en ’n
risikokomitee aangestel om hulle met die uitvoering van
sy pligte en verantwoordelikhede by te staan. Die ouditen-IT-bestuurskomitee
bestaan uit drie onafhanklike,
nie-uitvoerende direkteure. Die risikokomitee bestaan
uit twee onafhanklike, nie-uitvoerende direkteure en is
verantwoordelik vir toesig oor die prosesse en beleid
wat die uitvoerende bestuur implementeer om die
integriteit en doeltreffendheid van risikobestuur te
verseker. Die komitee word deur ’n interne ouditafdeling,
bestaande uit toepaslik gekwalifiseerde en tegnies
vaardige personeel, bygestaan.
Sleutelvolhoubaarheidsgebiede, risiko’s en
geleenthede
Belanghebbendes se kommer oor kwessies by Tsb
Sugar het hoofsaaklik te doen met produkgehalte en
voedselveiligheid, etikettering, suikerrietverskaffing,
beheer oor stygende insetkoste en reaksie op moontlike
ontwikkelinge in die bedryf. ’n Opsomming word op die
volgende bladsy verskaf oor die maniere waarop Tsb
Sugar hierdie kwessies aanspreek.
REMGRO BEPERK | 109 | GEÏNTEGREERDE JAARVERSLAG

VOLHOUBARE ONTWIKKELINGSVERSLAG
BELANGHEBBENDES SE KOMMER WAT ONS DOEN
Produkgehalte en -veiligheid Alle produksie- en verpakkingsgeriewe is onder die
ISO 9001:2008 gehalte- en voedselsekerheidsbestuurstelsel
gesertifiseer
Verpakkingsgeriewe is ook onder die voedselsekerheidstelsels
van “Hazard Analysis and Critical Control
Points“ (HACCP), SANS10330:2007 en PAS220 (voorvereiste
programme), asook SANS1049:2011 gesertifiseer
Suikerprodukte word verskaf ingevolge ’n “Certificate
of Analyses“ (COA) om die gehalte van produkte te
sertifiseer
Etikettering Voldoen aan die regulasies van die Wet op Voedingstowwe,
Kosmetiekware en Ontsmettings middels (Nr. 154
van 1972)
Ondersteun die Verbruikersgoedereraad van Suid-Afrika
(CGCSA) en die “Global Food Safety Initiative“ (GFSI) in
die lys van alle produkte met GFSI
Halaalstatus Alle suiker wat vervaardig word, het halaalstatus.
Inspekteurs van die Islamietse Raad van Suid-Afrika
sien toe dat alle praktyke in ooreenstemming met
halaalstandaarde is
Kosjerstatus Suiker en alle bestanddele wat in die vervaardigings proses
gebruik word, het Kashrut (kosjer)-status. Inspekteurs
van die “Kashrut Department of the Union of Orthodox
Synagogues“ in Suid-Afrika sien toe dat alle praktyke in
ooreenstemming met kosjer-vereistes is
Suikerrietverskaffing Proaktiewe betrokkenheid by grondhervormings-
Beheer van stygende insetkoste
programme om die implementering van volhoubare
boerderymodelle te beïnvloed
Bevorder beskikbaarheid en veiligheid van besproei ings -
water
Verbeter produksie en doeltreffendhede om eenheidskoste
te verminder
Beveilig alternatiewe bronne van inkomste deur diversifikasie
na opwekking van krag en/of etanolproduksie
Reaksie ten opsigte van moontlike bedryfsontwikkeling Volgehoue deelname aan suikerbedryfstrukture
Interaksie met alle belanghebbendes met betrekking tot
die hersiening van die Suikerwet van 1978 om te help met
die implementering van ’n volhoubare bedryfsmodel
Mense
Tsb Sugar het tans sowat 2 700 werknemers op ’n
heeltydse grondslag in diens. Die maatskappy is by
twee bedingingseenhede betrokke en die vergoeding
van nagenoeg 56% van die permanente arbeidsmag
word deur kollektiewe ooreenkomste binne hierdie
bedingingstrukture bepaal. Gelyke indiensneming by
Tsb Sugar word deur ’n gelyke indiensnemingsforum
bestuur, wat steun verleen aan gestruktureerde en
gereelde deelname deur werknemerverteenwoordigers
aan die proses, sowel as aan die finalisering van die
arbeidsplan wat jaarliks aan die Departement van
Arbeid voorgelê word. Verwys na Figuur 6 waar meer
besonderhede oor die samestelling van Tsb Sugar se
arbeidsmag verskaf word. Hoewel pogings aangewend
word om swart verteenwoordiging op bestuursvlak in
die maatskappy te verbeter, bly die algemene tekort
aan gespesialiseerde vaardighede, veral ten opsigte
van ingenieurswese en suikertegnologie, beperkende
faktore.
REMGRO BEPERK | 110 | GEÏNTEGREERDE JAARVERSLAG

Figuur 6
VOLHOUBARE ONTWIKKELINGSVERSLAG
SAMESTELLING VAN WERKSMAG (soos op 31 Augustus 2010)
Werknemersprofiel Bestuursprofiel
13%
87%
Aangesien veiligheid ’n hoofstrategiese doelwit van
Tsb Sugar is, beskik dit oor ’n formele gesondheids-enveiligheidsprogram
wat op ’n deurlopende grondslag
deur veertien gesondheids-en-veiligheidskomitees
regdeur die maatskappy gemonitor word. In die tydperk
onder oorsig het die maatskappy ’n DIFR van 0.7, teenoor
0.9 in 2010, behaal. Tsb Sugar gebruik die NBVV-stelsel
om sy gesondheids- en veiligheidsprosesse te bestuur
en in die jaarlikse eksterne oudit wat in Oktober 2010
gedoen is, het die maatskappy sy vyfster NBVVgradering
behou. Benewens bogenoemde, bedryf Tsb
Sugar drie hoofklinieke (een by elke suikermeul) en sewe
satellietklinieke tot voordeel van sy werknemers. Hierdie
klinieke word deur dokters, verpleegsters, en ander
gekwalifiseerde mediese personeel bedien.
MIV/vigs-bewusmakingsprogramme word binne Tsb
Sugar bevorder en deur 54 portuurgroepopvoeders
regdeur die maatskappy ondersteun. Die portuurgroepopvoeders
kry formele opleiding en die doelwit vir elke
opvoeder is om een opleidingsessie per maand te hou.
Die maatskappy steun vrywillige berading en toetsing
en die regeringsgedrewe program om anti-retrovirale
middels te verskaf.
Tsb Sugar se opleidings- en ontwikkelingsplan
gee aandag aan gebiede soos leierskap/bestuursvaardighede,
strategiese vaardighede en vermoëns,
sowel as bedryfsopleiding. Die maatskappy se
interne opleidingsentrum is in terme van omvang
en gehaltestandaarde as ’n instituut vir sektorale
en beroepsvoortreflikheid (ISOE) geakkrediteer.
Opleidingsbesteding het in die vyftien maande tot
Junie 2011 R15 miljoen teenoor R14 miljoen in die twaalf
maande tot Maart 2010 bedra.
Wit Swart, bruin en Indiër
REMGRO BEPERK | 111 | GEÏNTEGREERDE JAARVERSLAG
47%
53%
BBSEB
Tsb Sugar se jongste BBSEB-verifiëringsproses
is in Junie 2011 deur NERA gedoen en ’n vlak
6-bydraersvlak is behaal, wat gelykstaande aan ’n
60%-verkrygings erkenningsvlak en ’n totaal van 49.8
punte op die generiese telkaart is. Verskeie inisiatiewe
is deur die maatskappy geïmplementeer om sy BBSEBgradering
te verbeter. Die doelwit is om oor die kort
termyn tot ’n vlak 5-bydraer en oor ’n driejaar-tydperk
tot ’n vlak 4-bydraer te vorder.
Korporatiewe maatskaplike besteding
Tsb Sugar se korporatiewe maatskaplike bestedingsprogram
dek terreine soos onderwys, gesondheid,
sportgeleenthede, sowel as maatskaplike opheffing
in plattelandse gebiede. Volledige besonder hede oor
hierdie inisiatiewe van die maatskappy is op sy webblad
beskikbaar.
Die maatskappy se maatskaplike besteding vir die
vyftien maande tot Junie 2011 het R4 miljoen beloop
teenoor R2 miljoen in die twaalf maande tot Maart 2010.
Omgewing
Verwys na die omgewingsafdeling op bladsy 115 waarby
die omgewingspraktyke van Tsb Sugar ook ingesluit is.
Vir meer besonderhede oor Tsb Sugar word u verwys
na sy webblad by www.tsb.co.za.

Wispeco
VOLHOUBARE ONTWIKKELINGSVERSLAG
Inleiding
Wispeco is ’n volfiliaal van Remgro en een van Suid-
Afrika se voorste aluminiumverskaffers. Sy hoofbesig
heid is die vervaardiging en verspreiding van
uitgedrukte aluminiumprofiele, wat hoofsaaklik deur die
bou, ingenieurs- en duursame goedere-sektor gebruik
word. Tans is die maatskappy die grootste verskaffer
van aluminium aan die boubedryf en dit was onlangs
by verskeie van die grootste infrastruktuurprojekte
in Suid-Afrika betrokke, waaronder die King Shakainternasionale
lughawe, die Moses Mabhida-stadion in
Durban en die Koega-behoueringsdepot in die Oos-
Kaap.
Bestuur, risikobestuur en nakoming
Wispeco se direksie bestaan tans uit vier direkteure
van wie geen onafhanklik is nie. Die samestelling van
die direksie voldoen dus nie aan King III se vereistes
rakende onafhanklikheid nie. Remgro het twee
verteenwoordigers in Wispeco se direksie en as deel
van hul pligte moet hulle toesien dat gesonde bestuursen
volhoubaarheidspraktyke gevolg word deur die
aanvaarding en toepassing van Remgro se beleide,
prosesse en prosedures. Daar moet op gelet word dat
die samestelling van Wispeco se ouditkomitee ook
nie aan die vereistes van die nuwe Maatskappywet en
King III voldoen nie. In hierdie verband tree dit as ’n
subkomitee van Remgro se oudit-en-risikokomitee op
en rapporteer aan daardie komitee by wyse van notules
van vergaderings wat in die agenda van laasgenoemde
ingesluit word.
Remgro se interne ouditafdeling is verantwoordelik
vir alle interne ouditwerk by Wispeco en help die
maatskappy se direksie sodoende om ’n omvattende
risikobestuurstelsel in stand te hou.
Sleutelvolhoubaarheidsgebiede, risiko’s en
geleenthede
Belanghebbendes se kommer oor kwessies by Wispeco
het hoofsaaklik te doen met produkgehalte en -veiligheid,
grondstofverkryging en die interne vervaardiging
van perspale, asook verskeie omgewingskwessies.
’n Opsomming van maniere waarop Wispeco hierdie
sake hanteer, word op die volgende bladsy verskaf.
Goedkoop invoere deur mededingers is die grootste
risiko wat die langtermyn-volhoubaarheid van
Wispeco raak. Wispeco gaan voort in sy poging om
produksie-doeltreffendhede te verbeter ten einde hoë
kliëntediensvlakke en mededingende prysstrukture
te handhaaf.
REMGRO BEPERK | 112 | GEÏNTEGREERDE JAARVERSLAG

VOLHOUBARE ONTWIKKELINGSVERSLAG
BELANGHEBBENDES SE KOMMER WAT ONS DOEN
Produkgehalte en -veiligheid
Grondstofverkryging en interne produksie
van perspale
Kliëntediens
Omgewingsimpak
(verwys ook na die omgewingsafdeling op bladsy 115)
Mense
Die vergoeding van personeel wat in vakunies
georganiseer is, maak 79% van Wispeco se heeltydse
arbeidsmag uit. Hul vergoeding word jaarliks volgens
’n hoofooreenkoms deur die bedingingsraad van
die metaal- en ingenieursbedrywe onderhandel. Die
jongste driejaar-skikkingsooreenkoms is in Julie 2011
bereik. Gelyke indiensneming word deur ’n gelyke
indiensnemingskomitee by Wispeco bestuur, wat
maandeliks vergader en bydra tot die implementering
van die arbeidsplan wat jaarliks aan die Departement
van Arbeid voorgelê word. Die meeste transformasiedoelwitte
wat in die vorige gelyke indiensnemingsplan
in die vooruitsig gestel is, is behaal. ’n Senior
bestuurder het die verantwoordelikheid om Wispeco
se transformasieproses te bestuur. Verwys na Figuur 7
waar meer besonderhede oor die samestelling van
Wispeco se arbeidsmag verskaf word.
Aanstelling van toegewysde gehaltebeheerders op elke
produksielyn om te verseker dat produksie binne bepaalde
toleransievlakke en spesifikasies geskied
Maandelikse vergaderings waar gehaltetendense
gemonitor en probleemgebiede geïdentifiseer en
oplossings gevind word
Voorkomende onderhoud op kritieke masjiene
Uitpersprodukte geproduseer volgens BS-EN755,
klaarprodukte volgens SANS 1796 en SANS 999
Verkryging van hoëgehalte suiwer perspale van vier
toegewysde bronne oor die wêreld
Metallurgiese samestelling van interne perspaal produksie
gewaarborg deur monstertoetsing van elke besending
voor gietproses
Giet- en hittebehandelingsproses word deurgaans
gemonitor om nakoming van gehaltestandaarde te
verseker
Ysterinhoud beheer deur vermindering van suiwer
gietmetale in smelt- en gietproses
In ooreenstemming met sy visie van “een-dag-aflewering“
is die maatskappy in staat om op kort kennisgewing
spaarkapasiteit en oortydskofte in alle bedryfseenhede te
aktiveer om verhoogde aanvraag te hanteer
Skofstelsels laat ’n groot mate van buigsaamheid toe ten
opsigte van arbeidsbeskikbaarheid en produksievermoë
Produksieskedulering maak daarvoor voorsiening dat
voorkeurbestellings daagliks ingesluit kan word volgens
kliënte-aanvraag
Die deurlopende monitor en beheer van uitvloei by die
maatskappy se anodiseer- en poeierlaagaanlegte
Die deurlopende monitor van energieverbruik om
maksimum doeltreffendheid te verseker en om
geleenthede vir energiebesparing te identifiseer
Wispeco se bestuur erken sy verantwoordelikheid
ten opsigte van gesondheids- en veiligheidsaspekte,
asook die daarstelling van ’n gunstige werkomgewing
vir personeel. In hierdie verband het Wispeco
’n toegewysde veiligheidsbeampte wat vir die
bestuur van die maatskappy se gesondheids- en
veiligheidsprogram verantwoordelik is. Elke perseel het
ook ’n veiligheidsverteenwoordiger wat maandelikse
inspeksies doen. In die twaalf maande tot 30 Junie 2011
het Wispeco ’n trotse veiligheidsrekord van slegs
veertien gevalle wat ingevolge die Wet op Vergoeding
vir Beroepsbeserings en -siektes gerapporteer
is. Die maatskappy het ’n onafhanklike konsultant
aangestel om sy gesondheids- en veiligheidsprosesse
te help bestuur. Fabriekoudits sluit sake soos geraas,
stofmetings en die dra van beskermende klere in. Die
volgende gesondheids- en veiligheidsoudit word in
September 2011 gedoen.
REMGRO BEPERK | 113 | GEÏNTEGREERDE JAARVERSLAG

Bewusmaking ten opsigte van MIV/vigs geskied hoofsaaklik
deur opleidingsprogramme, wat deur sewentien
portuurgroepopvoeders by Wispeco se hoofkantoor
ondersteun word. Die portuurgroepopvoeders verskaf
informele steun en leiding aan geaffekteerde personeel
en hul gesinne. Die maatskappy ondersteun ook die
regeringgedrewe program om anti-retrovirale middels
aan die gemeenskap te verskaf en dra sorg dat die MIVstatus
van alle werknemers vertroulik hanteer word.
’n Aktiewe opleidingskomitee by Wispeco het die
verantwoordelikheid om die opleidingsbehoefte van
personeel te identifiseer en opleidingsprogramme
te ontwikkel wat werknemers in staat sal stel om die
vereiste vaardighede te ontwikkel en te handhaaf,
sodat die maatskappy sy mededingende posisie in
Figuur 7
VOLHOUBARE ONTWIKKELINGSVERSLAG
SAMESTELLING VAN ARBEIDSMAG (soos op 31 Augustus 2010)
Werknemersprofiel Bestuursprofiel
12%
88%
BBSEB
Wispeco se jongste BBSEB-verifiëringsproses is in
Maart 2011 deur “BEEScore” voltooi en ’n vlak 5-
bydraervlak is behaal, wat gelykstaande aan ’n 80%verkrygingserkenningsvlak
en ’n telling van 56.45 punte
op die generiese telkaart is. Die maatskappy is ook
as ’n waardetoevoegingsverskaffer gesertifiseer.
Wispeco is besonder trots daarop dat hy, soos met
die vorige verifikasie, in drie kategorieë, te wete
vaardigheids-, ondernemings- en sosio-ekonomiese
ontwikkeling, die maksimum aantal punte behaal het.
Die vaardigheidsontwikkelingskategorie beoordeel die
mate waarin die werkgewer inisiatiewe onderneem het
om die vaardighede van swart werknemers te ontwikkel.
Verskeie inisiatiewe is deur die maatskappy geloods om
sy BBSEB-gradering oor die medium termyn te verbeter.
die mark kan behou. Hierdie inisiatiewe sluit formele
opleidingsprogramme in die vorm van leerlingskappe
vir leierskapsontwikkeling, sowel as tegniese opleiding
in vorm van vakleerlingskappe in. Die afgelope jaar
het sewe eerstelyn-bestuurders ’n bestuursertifikaat
(NKR-vlak 3) verwerf, terwyl twee vakleerlinge
hul masjienmonteurskwalifikasie voltooi het. Die
maatskappy het ook ’n trotse opleidingsrekord ten
opsigte van gestremdes en die afgelope vyf jaar
is formele opleiding aan dowes verskaf. In hierdie
verband het ’n groep van twaalf swart mans en vroue ’n
aluminium-vervaardigingsleerlingskap in 2011 voltooi.
Opleidingsbesteding vir die vyftien maande tot
Junie 2011 het R6 miljoen bedra teenoor R3 miljoen
in die twaalf maande tot Maart 2010.
Wit Swart, bruin en Indiër
REMGRO BEPERK | 114 | GEÏNTEGREERDE JAARVERSLAG
28%
72%
Korporatiewe maatskaplike besteding
Wispeco se korporatiewe maatskaplike bestedingsprogram
behels hoofsaaklik opleidings programme
vir die vervaardiging en installering van produkte
vir die boubedryf. Hierdie praktiese opleiding word
deur ervare opleiers by tegniese opleidingsentra in
Kaapstad, Durban en die maatskappy se hoofkantoor
in Johannesburg gefasiliteer. Die afgelope jaar is
meer as 600 mense opgelei teen ’n koste van sowat
R0.8 miljoen vir Wispeco.
Omgewing
Verwys na die omgewingsafdeling op bladsy 115 waarby
die omgewingspraktyke van Wispeco ook ingesluit is.
Vir meer besonderhede oor Wispeco verwys ons u na
die webblad by www.wispeco.co.za.

OMGEWING
VOLHOUBARE ONTWIKKELINGSVERSLAG
Onder leiding van sy omgewingsbestuursbeleid
(die beleid) en die rapporteringsaanwysers van die
“Global Reporting Initiative (GRI) G3“, doen Remgro
sy verbintenis gestand om die uitwerking van sy eie
bedrywighede, en dié van sy filiale, op die natuurlike
omgewing tot ’n minimum te beperk.
Die beleid verbind Remgro, insluitende Remgro
Bestuursdienste Beperk (RBD – sy dienstemaatskappy),
Rainbow Chicken, Tsb Sugar en Wispeco, daartoe om
’n waardevennoot vir alle belanghebbendes, asook
die natuur, te wees. Om dit te bewerkstellig, streef
Remgro daarna om voortdurend sy omgewingsvertoning
teenoor gestelde doelwitte te verbeter;
te voldoen aan alle relevante wetgewing; en om
werknemers in goeie omgewingspraktyke te onderrig.
Hierdie beginsels word hoofsaaklik bepaal deur te
fokus op sleutelgebiede van omgewingsimpak waaroor
Remgro beheer het.
Die Remgro-direksie is in die finale instansie
verantwoordelik vir die implementering van die
beleid, maar het hierdie verantwoordelikheid na die
risiko-en-IT-bestuurskomitee gedelegeer, wat moet
toesien dat die omgewingsprosedures wat RBD
implementeer en handhaaf, hersien en goedgekeur
word. Sover dit Rainbow Chicken, Tsb Sugar en
Wispeco betref, is dit die verantwoordelikheid van
Remgro se verteenwoordigers in daardie direksies
om die nodige gerusstelling ten opsigte van die
doeltreffendheid van die onderskeie maatskappye se
omgewingsbestuursprosesse te verkry.
Fokus op koolstofuitlatings
Klimaatsverandering en mensgemaakte kweekhuisgasse
het die klem internasionaal en plaaslik op
maatskappye se koolstofuitlatings laat val. Remgro
Figuur 8
REMGRO SE GHG-UITLATINGS (TC0 2 E)
1%
7%
2011
48%
44%
het hierop gereageer deur in ooreenstemming met
die Kweekhuisgasprotokol (GHG) sy uitlatings oor die
laaste vier jaar na te spoor en op ’n jaarlikse grondslag
aan die beleggersgedrewe Koolstofopenbaarmakingsprojek
deel te neem. Die projek, waarvolgens JSEgenoteerde
maatskappye beoordeel word, is in 2007 in
vennootskap met die Nasionale Besigheidsinisiatief in
Suid-Afrika geloods.
Uit erkenning vir hierdie pogings is Remgro in 2010
gesamentlik sesde op die leierskapsindeks van die Suid-
Afrikaanse Koolstofopenbaarmakingsprojek geplaas,
terwyl Rainbow Chicken die sewende plek beklee het.
Volgens die GHG-protokol kan uitlatings in die volgende
kategorieë ontleed word:
> Vlak 1-uitlatings – direkte uitlatings deur toerusting
in Remgro se besit, bv. die fabrieke van Rainbow
Chicken, Tsb Sugar en Wispeco
> Vlak 2-uitlatings – indirekte uitlatings deur die
gebruik van elektrisiteit
> Vlak 3-uitlatings – indirekte uitlatings deur
derdeparty-verskaffers (lugvervoer, motorhuur,
hotelverblyf, derdeparty-vervoer, kantoorpapier)
> Nie-Kyoto Protokol GHG-uitlatings, bv. freon wat in
lugversorgings- en verkoelingstoerusting gebruik
word
Verwys na Figuur 8 vir ’n ontleding van Remgro se
GHG-uitlatings per kategorie, uitgedruk in tonnemaat
koolstofdioksied-ekwivalent (tCO e). 2
Remgro se vlak 1- en 2-uitlatings het met 4.6% in
2011 verminder vergeleke met 2010, en daar was ’n
7.8%-afname in die vlak 1- en 2-uitlatings per heeltydse
werknemer. Die dalings was hoofsaaklik die gevolg van
energiedoeltreffendheidinisiatiewe by Rainbow Chicken
en Wispeco.
Vlak 1-uitlatings Vlak 2-uitlatings Vlak 3-uitlatings Nie-Kyoto GHG-uitlatings
1%
4%
REMGRO BEPERK | 115 | GEÏNTEGREERDE JAARVERSLAG
2010
44%
51%

VOLHOUBARE ONTWIKKELINGSVERSLAG
TOTALE KOOLSTOFUITLATINGS PER FILIAALMAATSKAPPY 2010 – 2011
Rainbow*
Chicken Tsb Sugar Wispeco RMS Totaal
2010 (tCO 2 e) 352 627 282 512 49 920 4 361 689 420
2011 (tCO 2 e) 361 261 262 238 47 597 4 602 675 698
* ’n 74%-filiaal van Remgro
Langtermynprojekte word tans deur Tsb Sugar en
Rainbow Chicken onderneem met die oog op die
koolstofkredietpotensiaal om hernieubare elektrisiteit
uit onderskeidelik bagasse en hoendermis op te wek.
Beide projekte is in ’n aanvangstadium, waar tegniese
uitvoerbaarheidstudies gedoen word. Indien dit ’n
werklikheid word, sal dit ’n betekenisvolle inkomstebron
vir Remgro beteken.
Fokus op energie
Buiten dat dit ’n belangrike bydraer tot Remgro se
koolstofvoetspoor is, verskaf stygende kommoditeitspryse
’n sterk finansiële aansporing om energieverbruik
te verminder.
Alle filiale het die afgelope jaar energiebesparende
inisiatiewe van stapel laat loop, met Rainbow Chicken
wat homself die teiken gestel het om die gebruik van
elektrisiteit met 5% en dié van steenkool met 10% op ’n
jaargrondslag te verminder.
Om hierdie teikens te haal, het Rainbow Chicken
beide die isolering in sy pluimveehokke en in die
ontwerp van aanlegverkoelingsgeriewe verbeter; nuwe
energiebesparende LED-beligting in uitgesoekte
pluimveehokke aangebring en verkoelingsverlies- en
hitteherwinningsprosesse by sy Hammarsdale- en
Worcester-aanlegte geïnstalleer, waardeur die steenkoolverbruik
in die stoomketels verminder is.
Wispeco het ook herontwerpte LED-beligting in
sy fabrieke en kantore geïnstalleer, terwyl energiebesparende
stort koppe op die produksiebane en
toerusting om kragverbruik te verminder by sy Parowaanleg
in Kaapstad aangebring is.
Tsb Sugar gebruik steeds hernieubare energie wat
deur die verbranding van bagasse, ‘n byproduk van
die suikervervaardigingsproses, gegenereer word.
Oortollige elektrisiteit van hierdie proses word
terugverskaf in die Suid-Afrikaanse elektrisiteitsnetwerk.
Fokus op water
Remgro se fokus op water vind hoofsaaklik by Rainbow
Chicken plaas, waar ’n verbruik van 13 liter drinkwater
per hoender as teiken vir aanlegte gestel is.
Die gehalte en beskikbaarheid van water is ’n belangrike
risiko vir al Remgro se bedrywighede en sal ook met
die verloop van tyd groter koste meebring. Met die oog
op hierdie toekomstige onsekerhede beoog Remgro
om ’n groepwye waterbestuurstrategie te ontwikkel.
Fokus op omgewingsverantwoordelike produkte
Remgro se filiale is bewus van die skaarste van
hulpbronne en afvalverminderingspraktyke word deur
hulle geïmplementeer, terwyl herwonne materiaal, waar
moontlik, gebruik word.
In hierdie opsig gebruik Wispeco se aluminiumvervaardigingsprosesse
69% herwonne aluminium
uit verbruikersprodukte en verwerkte afval. Rainbow
Chicken het die lengte van sy voorafgevormde sakke
met 20 mm verminder, oorgroot verpakkings verklein,
terwyl die gebruik van alle karton in die vervoer van
grondstowwe tussen aanlegte uitgeskakel is, met
’n gevolglike vermindering in interprosesseringsverpakking
en gepaardgaande afvalmateriaal.
Nakoming
In die tydperk onder oorsig was daar geen wesentlike
nie-nakoming ten opsigte van enige omgewingswette,
regulasies, aanvaarde standaarde of kodes van
toepassing op die groep nie, en geen noemenswaardige
boetes is ook gehef nie.
REMGRO BEPERK | 116 | GEÏNTEGREERDE JAARVERSLAG

GRI-AANWYSERTABEL*
VOLHOUBARE ONTWIKKELINGSVERSLAG
Aanwyser en beskrywing 2011 2010 Eenhede
Uitlatings, uitvloeie en afval
Totale direkte en indirekte GHG-uitlatings
Vlak 1 – Direkte uitlatings 324 221 303 135 tCO e 2
Vlak 2 – Indirekte uitlatings 300 612 351 752 tCO e 2
Vlak 3 – Indirekte uitlatings 44 619 28 119 tCO e 2
Ander relevante indirekte GHG-uitlatings 6 246 6 414 tCO e 2
Energie
Direkte energieverbruik by primêre energiebron
Brandstof 49 58 kiloliter
Diesel 9 119 17 131 kiloliter
Lugvaartbrandstof 1 195 1 082 kiloliter
Natuurlike gas 5 735 101 5 649 008 m3 Vloeibare petroleum gas 582 382 kiloliter
Steenkool 86 419 82 236 ton
Indirekte energieverbruik by primêre bron
Elektrisiteit 291 539 100 337 890 220 kWh
Water
Totale water onttrek by bron 6 157 427 5 626 213 kiloliter
Totale volume water herwin en hergebruik 2 115 734 1 699 290 kiloliter
* Die syfers waarna hierbo verwys word, sluit Rainbow Chicken, Tsb Sugar, Wispeco en RBD in en dek die twaalfmaande-tydperke
geëindig 31 Maart 2010 en 31 Maart 2011.
REMGRO BEPERK | 117 | GEÏNTEGREERDE JAARVERSLAG

MILLENNIA PARK – REMGRO SE NUWE
GROEN HOOFKANTOOR
VOLHOUBARE ONTWIKKELINGSVERSLAG
In ooreenstemming met sy omgewingsverbintenis het
Remgro opdrag gegee dat Millenniapark, ’n bestaande
kantoorgebou in Stellenbosch, volgens die maatstawwe
van die Groen Geboueraad van Suid-Afrika (GBCSA)
opgeknap word.
Die doel is om ’n minimum vier-ster-gradering (uit ’n
moontlike 6) te verkry, asook die eerste sertifisering van
’n opgeknapte gebou in Suid-Afrika (in teenstelling met
’n nuwe gebou) deur die GBCSA.
TERUGVOER
Ons verwelkom enige terugvoer oor Remgro se
volhoubare ontwikkelingspraktyke, asook oor hierdie
verslag. Skakel asseblief in dié verband:
Die maatskappysekretaris
Mariza Lubbe
Tel: +27(0)21 888 3311
Faks: +27(0)21 880 2722
E-pos: ml@remgro.com
Posadres: Posbus 456, Stellenbosch 7599
Groen geboue gebruik ontwerpe, materiaal en
tegnologie om die gebruik van kritieke hulpbronne
soos energie, water, afvalstowwe en selfs pendel te
verminder. Natuurlike lig, die sirkulering van vars lug en
energiedoel treffende lugversorging en beligting dra
alles by om elektrisiteitsverbruik met soveel as 30% te
verminder.
Nie-toksiese stowwe en verf met lae VOC-vlakke word
gebruik, terwyl materiaal sover moontlik herwin word.
Waterintervensies sluit doeltreffende loodgieterswerk
in, die benutting van reënwater, asook waterherwinning,
waardeur ’n besparing van tussen 35%
en 50% bewerkstellig kan word. Afvalstowwe kan met
50% en 90% en koolstofdioksieduitlatings met tussen
35% en 50% in groen geboue verminder word.
REMGRO BEPERK | 118 | GEÏNTEGREERDE JAARVERSLAG

120 INLEIDING
BESTUUR EN VOLHOUBAARHEID
Vergoedingsverslag
120 VERGOEDINGS-EN-NOMINASIEKOMITEE
120 VERGOEDINGSBENADERING
121 UITVOERENDE DIREKTEURE EN LEDE VAN DIE BESTUURSRAAD
122 NIE-UITVOERENDE DIREKTEURE SE VERGOEDING
124 DIREKTEURSVERGOEDING
128 TOP DRIE VERDIENERS (wat nie uitvoerende direkteure is nie)

INLEIDING
Die vergoedingsverslag het ten doel om ’n oorsig en
begrip te gee van Remgro se vergoedingsbeginsels,
-beleid en -praktyke, met spesifieke verwysing na
uitvoerende en nie-uitvoerende direkteure, lede van
die bestuursraad en die drie ander topverdieners in
die maatskappy. Die inligting wat in hierdie verslag
voorkom, is op aanbeveling van die vergoedings-ennominasiekomitee
deur die direksie goedgekeur.
VERGOEDINGS-EN-NOMINASIEKOMITEE
Die funksie van hierdie direksiekomitee is goed gevestig
binne Remgro se bedryfsomgewing. In wese is die
rol van die komitee om te verseker dat direkteure en
bestuur billik en verantwoordelik vergoed word en dat
die openbaarmaking van direkteure se vergoeding
akkuraat, volledig en deursigtig geskied.
In die tydperk onder oorsig is die mandaat van die
vergoedings-en-nominasiekomitee bygewerk om die
aanbevelings van King III te inkorporeer en ook om
lede van die komitee te help met die uitvoering van
hul rol en verantwoordelikhede. Die mandaat is op
19 Augustus 2010 deur die direksie goedgekeur.
Die lede van die komitee in die tydperk onder oorsig was:
> Mnr J P Rupert (voorsitter)
> Mnr P K Harris
> Mnr G T Ferreira
> Mnr F Robertson
Die direksie erken die beginsel in King III dat die
voor sitter van die direksie nie die voorsitter van
die vergoedings-en-nominasiekomitee behoort te
wees nie. Vanweë die noodsaak om die maatskappy
se vergoedingsbenadering in ooreenstemming met
korporatiewe strategie te bring word die huidige reëling
egter as toepaslik beskou.
Die komitee het drie keer gedurende die tydperk
vergader en verdere besonderhede oor die bywoning
van die vergaderings word in die korporatiewe
bestuursverslag op bladsy 85 uiteengesit.
Die opdrag van die komitee, soos vervat in die mandaat,
sluit die volgende in:
Ten opsigte van die nominasiefunksie –
> Help die direksie met die proses om geskikte
kandidate te vind om as direkteure aan te stel
> Verseker die daarstelling van ’n formele en deursigtige
proses vir die aanstel van direkteure
> Hou toesig oor die ontwikkeling van ’n formele
induksieprogram vir nuwe direkteure
VERGOEDINGSVERSLAG
> Verseker dat formele opvolgplanne vir die direksie,
hoofuitvoerende beampte en ander bestuursraadslede
ontwikkel en geïmplementeer word
Ten opsigte van die vergoedingsfunksie –
> Hou toesig oor die daarstelling en administrasie van
vergoeding van alle direkteure, bestuursraadslede en
ander werknemers
> Hou toesig oor die daarstelling van ’n vergoedingsbeleid
> Gee raad oor die vergoeding van nie-uitvoerende
direkteure
> Verseker dat die mengsel van vaste en veranderlike
betaling in kontant, aandele en ander vorme voldoen
aan Remgro se behoeftes en strategiese doelwitte
> Hou toesig oor die voorbereiding, en aanbeveling
aan die direksie, van die vergoedingsverslag
wat in die geïntegreerde jaarverslag ingesluit moet
word
Die komitee is tevrede dat hy sy verantwoordelikhede
vir die tydperk in ooreenstemming met sy mandaat
uitgevoer het.
VERGOEDINGSBENADERING
’n Vergoedingsbeleid vir direkteure en lede van die
bestuursraad van Remgro is in die tydperk onder
oorsig ontwikkel en aanvaar. Die vergoedingsbeleid is
in ooreenstemming met die maatskappy se benadering
om direkteure en senior bestuur billik en mededingend
te vergoed volgens hul vermoëns, vaardighede,
verantwoordelikhede en vlak van prestasie. Dit streef
daarna om die volgende vergoedingsbeginsels van die
maatskappy te ondersteun:
> Behoud van die dienste van bestaande direkteure en
senior bestuur
> Werwing van potensiële direkteure en senior
bestuurders
> Verskaffing van vergoeding wat billik en regverdig is
aan direkteure en senior bestuur
> Versekering dat geen diskriminasie plaasvind nie
> Erkenning en aanmoediging van prestasie wat
buitengewoon is en waarde toevoeg
> Versekering dat vergoedingstrukture in ooreenstemming
met die maatskappy se lang termynbehoeftes
is
> Beskerming van die maatskappy se regte deur middel
van standaard indiensnemingskontrakte
Daar moet op gelet word dat die direksie nie by die
alge mene jaarvergadering op 24 November 2011
die aandee lhouers om ’n nie-bindende goedkeuring
van die maatskappy se vergoedingsbeleid sal vra nie.
REMGRO BEPERK | 120 | GEÏNTEGREERDE JAARVERSLAG

UITVOERENDE DIREKTEURE EN LEDE VAN
DIE BESTUURSRAAD
Hierdie werknemers word volgens ’n tweevlakbenadering
tot Remgro se vergoedingstrukture
vergoed, wat die volgende behels:
Vaste betaling
Hierdie element, waarna verwys word as die totale
gewaarborgde pakket, bestaan uit komponente soos
salaris, kontant- of motortoelae en die maatskappy se
bydrae tot aftreebefondsing en die mediesehulpskema.
As deel van die jaarlikse hersieningsproses deur die
vergoedings-en-nominasiekomitee word gewaar borgde
pakkette gemeet aan die boonste kwartiel van die mark
vir vergelykende maatskappye, soos deur onafhanklike
opnames bepaal. Die dienste van ’n onafhanklike
vergoed ingskonsultant word vir dié doel gekontrakteer.
Die jaarlikse oorsig word gegrond op die bestuurder se
verantwoordelikheidsvlak, sy/haar algehele prestasie
en die bereiking van spesifieke ooreengekome
doelwitte. Die hoofuitvoerende beampte, wat alle
komiteevergaderings op uitnodiging bywoon, kan
tydens sulke oorsigvergaderings verho gings in gewaarborgde
pakkette voorstel, met uitsluiting van sy eie.
Die gemiddelde salarisverhoging wat tydens die oorsig
van 1 Julie 2010 aan uitvoerende direkteure en lede
van die bestuursraad betaal is, was 7.8%, vergeleke
met die gemiddelde salarisverhoging van 8.1% wat aan
algemene werknemers betaal is.
Veranderlike betaling
Dit is belangrik om daarop te let dat, vanweë die
aard van die maatskappy se bedrywighede as ’n
beleggingshouermaatskappy en om die belange van
bestuur in ooreenstemming met dié van aandeelhouers
te bring, geen korttermynaansporings aan bestuur
betaal word nie.
Remgro het tans twee langtermyn aansporingsplanne,
naamlik die Remgro Aandeleskema en die Remgro
Ekwiteitsvereffende Aandelegroeireg-skema (die “SARskema“).
Beide hierdie skemas is ekwiteitsvereffende
planne.
Die Remgro Aandeleskema is deur die SAR-skema
vervang na die ontbondeling van British American
Tobacco Plc, en die enigste oorblywende deelnemer
aan hierdie skema is die hoofuitvoerende beampte,
mnr Thys Visser. Die skema is ’n uitgestelde aankoopskema
en betaling geskied in drie gelyke jaarlikse
paaiemente, waarvan die eerste betaalbaar is drie
jaar na die aanboddatum. Deelnemers het geen
reg ten opsigte van lewering, stemming of gewone
VERGOEDINGSVERSLAG
dividende op aandele voordat betaling geskied het nie.
Deelnemers mag kies om op ’n latere datum te betaal,
met ’n gevolglike uitstel van regte. Betaling wat verband
hou met aanbiedinge voor 26 November 2004 moet
binne tien jaar geskied, terwyl aanbiedinge daarna voor
die verstryking van sewe jaar vereffen moet word.
Die SAR-skema het ten doel om die dienste van bestuur
te behou deur ’n aansporing wat op die langtermyngroei
in die markkapitalisasie van die maatskappy
gegrond is. Hierdie benadering verseker dat persoonlike
welvaartskepping in ooreenstemming met korporatiewe
strategie bly. Alle werknemers van die maatskappy
neem aan die SAR-skema deel.
Deelnemers aan die SAR-skema word vergoed met
aandele ter waarde van die groei van ’n spesifieke
aantal Remgro gewone aandele en dit moet uitgeoefen
word binne sewe jaar na die toekenningsdatum. Die
vroegste intervalle waarbinne die aandelegroeiregte
(SARs) uitgeoefen kan word, is soos volg:
> Een-derde na drie jaar na die toekenningsdatum
> Twee-derdes na vier jaar na die toekenningsdatum
> Die oorblywende gedeelte na vyf jaar na die toekenningsdatum
Toekenning ingevolge die SAR-skema word van tyd
tot tyd deur die komitee aan bestuur gemaak en sulke
toekennings word gewoonlik op ’n veelvoud van die
gewaarborgde pakket gegrond.
Geen toekenning sal aan ’n enkele deelnemer gemaak
word nie indien, ten tye van of as gevolg van sodanige
toekenning, die totale aantal Remgro gewone aandele
ten opsigte waarvan enige onuitgeoefende SARs deur
die deelnemer uitgeoefen mag word, tesame met
enige ander Remgro gewone aandele wat ingevolge
enige ander bestuursaandeleskema vir die deelnemer
opsygesit is, 2 197 399 Remgro gewone aandele sal
oorskry.
Soortgelyk sal geen toekenning gemaak word
indien, ten tye van sodanige toekenning of as gevolg
daarvan, die totale aantal Remgro gewone aandele
ten opsigte waarvan enige onuitgeoefende SARs
uitgeoefen mag word, tesame met die totale aantal
ander Remgro gewone aandele wat ingevolge enige
ander bestuurskema vir werknemers opsygesit is,
21 000 000 Remgro gewone aandele in totaal sal oorskry.
Vir besonderhede van die huidige status van toekennings
wat ingevolge beide skemas aan uitvoerende
direkteure, lede van die bestuursraad en die drie ander
top-verdieners in die maatskappy gemaak is, verwys na
bladsy 125 tot 128.
REMGRO BEPERK | 121 | GEÏNTEGREERDE JAARVERSLAG

Indien dit aanvaar word dat al die deelnemers aan beide
skemas waarna hierbo verwys word, al hul opsies, wat op
1 Julie 2011 aan hul aangebied is, uitoefen, sal Remgro
2.1 miljoen aandele moet lewer om sy verpligtinge te
vereffen. Hierdie berekening is gebaseer op Remgro
se sluitingsprys op 30 Junie 2011 van R111.60. ‘n 10%toename
of -afname in die Remgro aandeelprys,
VERGOEDINGSVERSLAG
sal vereis dat die aantal aandele wat gelewer moet
word, 2.5 miljoen aandele en 1.8 miljoen aandele
onderskeidelik sal wees.
Op 30 Junie 2011 het Remgro genoeg tesourie-aandele
gehou om sy verpigting te delg om aandele aan
skemadeelnemers te lewer.
Die onderskeie komponente van die vergoeding betaalbaar, soos hierbo beskryf, word in die onderstaande tabel
opgesom:
Element Doel
Totale
gewaarborgde
pakket
Langtermynveranderlike
Weerspieël markwaarde van
rol en individuele prestasie
In ooreenstemming met
aandeelhouersbelange
Indiensnemingskontrakte
Uitvoerende direkteure en lede van die bestuursraad
het nie vastetermyn-kontrakte nie, maar word ingevolge
die maatskappy se standaard indiensnemingskontrak
in diens geneem. Die kennistydperk vir diensbeëindiging
is een kalendermaand en die normale aftreeouderdom
is 63. Uitvoerende direkteure en lede van die
bestuursraad het ook nie buitengewone voordele wat
geassosieer word met hul diensbeëindiging nie.
NIE-UITVOERENDE DIREKTEURE
SE VERGOEDING
Onafhanklike nie-uitvoerende direkteure
Onafhanklike nie-uitvoerende direkteure het nie
werknemer kontrakte nie en ontvang nie enige voordele
wat verband hou met permanente indiensneming
nie. Hulle neem ook nie deel aan die maatskappy se
langtermyn aansporingsplanne nie.
Die raad, op aanbeveling van die vergoedings-ennominasiekomitee,
het besluit dat onafhanklike nieuitvoerende
direkteure nie vergoed moet word deur
’n basisfooi en ’n bywoningsfooi ten opsigte van
hul direksie- en komiteeverpligtinge nie. Die fooi
betaalbaar aan nie-uitvoerende direkteure sal
dus, soos in die verlede, ’n vaste jaarlikse fooi
wees. Die fooistruktuur word jaarliks op 1 Julie
hersien, onderhewig aan voorafgoedkeuring deur
aandeelhouers op die maatskappy se algemene
jaarvergadering. Die fooie is markverwant en neem
die aard van Remgro se bedrywighede in aanmerking.
Remgro betaal ook vir alle reis- en verblyfuitgawes
wat op billike en behoorlike wyse aangegaan word om
vergaderings by te woon.
Prestasietydperk
en metings Werking en aflewering
Hersien jaarliks op
grond van prestasie en
markopnames
Van tyd tot tyd, met ’n
3 – 5 jaar vestigingstydperk
Die jaarlikse fooie betaalbaar aan onafhanklike
nie-uitvoerende direkteure vir die tydperk wat op
1 April 2010 begin het, is op 18 Augustus 2010 deur
aandeelhouers goedgekeur.
Nie-onafhanklike nie-uitvoerende direkteure
Remgro het vier nie-onafhanklike nie-uitvoerende
direkteure, te wete mnr J P Rupert, dr E de la H Hertzog,
asook mnre P E Beyers en J Malherbe.
Mnr Rupert ontvang geen besoldiging nie, terwyl
dr Hertzog se vergoeding verdeel word tussen Mediclinic
International Beperk (65%) en Remgro (35%).
’n Gedeelte van laasgenoemde, soos jaarliks deur
aandeelhouers goedgekeur, word as direkteursfooi
beskou. Soortgelyk ontvang mnr Beyers ’n salaris
waarvan ’n gedeelte as direkteursfooi beskou en jaarliks
deur aandeelhouers goedgekeur word. Mnr Malherbe
ontvang ’n jaarlikse direkteursfooi gelyk aan dit wat aan
onafhanklike nie-uitvoerende direkteure betaal word.
Soos in die geval van onafhanklike, nie-uitvoerende
direkteure, neem hierdie direkteure nie aan die
maatskappy se langtermyn aansporingsplanne deel
nie. Daar moet egter op gelet word dat na die ver
kryging van VenFin Beperk in November 2009, Remgro
SARs aan mnr J Malherbe toe geken is om hom vir die
kansellering van die VenFin-aandelegroeiregskema te
vergoed. Mnr Malherbe kwalifiseer nie vir enige verdere
toekenning van SARs nie.
Bykomend tot hul pligte as nie-uitvoerende direkteure,
verteenwoordig dr Hertzog en mnr Beyers die maatskappy
in die direksies van verskeie maatskappy waarin
belê word.
REMGRO BEPERK | 122 | GEÏNTEGREERDE JAARVERSLAG
Meet aan die boonste
kwartiel van die mark vir
vergelykende maatskappye
Soos bepaal deur die
komitee

VERGOEDINGSVERSLAG
Besonderhede van die fooistruktuur betaalbaar aan nie-uitvoerende direkteure vir die tydperk geëindig
30 Junie 2011 en die jaar geëindig 31 Maart 2010 word in die onderstaande tabel verskaf.
Fooi vir die
drie maande
geëindig
30 Junie
2011
REMGRO BEPERK | 123 | GEÏNTEGREERDE JAARVERSLAG
Fooi vir die
twaalf maande
geëindig
31 Maart
2011
Fooi vir die
twaalf maande
geëindig
31 Maart
2010
Soort fooi R R R
Raadslid 46 500 186 000 172 000
Voorsitter van die oudit-en-risikokomitee 31 250 125 000 116 000
Lid van die oudit-en-risikokomitee 15 750 63 000 58 000
Lid van die vergoedings-en-nominasiekomitee 7 750 31 000 29 000
Die voorgestelde fooistruktuur, betaalbaar aan nie-uitvoerende direkteure vir die jaar eindigende 30 Junie 2012,
word in die onderstaande tabel verskaf.
Tipe fooi
Voorgestelde fooi vir
die jaar eindigende
30 Junie 2012
R
Raadslid 199 000
Voorsitter van die oudit-en-risikokomitee 133 750
Lid van die oudit-en-risikokomitee 67 400
Lid van die vergoedings-en-nominasiekomitee 33 200
Besonderhede van die vergoeding betaal aan uitvoerende
direkteure en lede van die bestuursraad,
insluitende die vergoeding van die drie ander topverdieners,
asook die fooie betaal aan nie-uitvoerende
direkteure vir die tydperk onder oorsig, word op die
volgende bladsy uiteengesit. Die huidige status van alle
aanbiedinge wat aan bogenoemde groepe ingevolge
die Remgro Aandeleskema en die SAR-skema gemaak
is, word ook aangebied.
Die drie ander topverdieners van die maatskappy
is geïdentifiseer deur slegs na hul totale
gewaarborgde pakkette te verwys. Die inligting van
mnr Neville Williams, ’n lid van die bestuursraad en ook
’n voorgeskrewe beampte ingevolge die Maatskappywet,
word afsonderlik aangebied, terwyl die inligting vir
die ander twee werknemers in totaal verskaf word.
Daar moet ook op gelet word dat die vergoeding van
die ander drie topverdieners van die maatskappy nie
vir die vergelykende twaalf maande tot 31 Maart 2010
aangegee word nie omrede hulle voorheen in diens was
van VenFin Beperk, wat eers in November 2009 deur
Remgro verkry is. Geen sinvolle vergelyking sou dus
moontlik wees nie.

DIREKTEURSVERGOEDING
(Die inligting op bladsy 124 tot 128 is geouditeer)
VERGOEDINGSVERSLAG
Vaste betaling
Vyftien maande geëindig Twaalf maande geëindig
30 Junie 2011 31 Maart 2010
Aftree- Ander Aftree- Ander
Fooie Salarisse fonds voordele (7) Totaal Fooie Salarisse fonds voordele (7) Totaal
R’000 R’000 R’000 R’000 R’000 R’000 R’000 R’000 R’000 R’000
Uitvoerend
W E Bührmann 233 2 427 536 284 3 480 172 1 957 422 225 2 776
L Crouse 233 4 130 879 295 5 537 172 3 070 642 225 4 109
J W Dreyer 233 2 533 557 139 3 462 172 1 926 416 106 2 620
J J Durand (1) 233 5 568 1 151 295 7 247 72 2 122 313 75 2 582
J A Preller 233 1 415 332 295 2 275 172 1 074 247 225 1 718
T van Wyk (2) 155 1 743 366 123 2 387 172 1 896 410 141 2 619
M H Visser 233 11 200 2 303 357 14 093 172 8 062 1 685 272 10 191
Subtotaal 1 553 29 016 6 124 1 788 38 481 1 104 20 107 4 135 1 269 26 615
Nie-uitvoerend
(onafhanklik)
G D de Jager (3) – – 93 93
G T Ferreira (4) 271 271 84 84
P K Harris 271 271 201 201
N P Mageza (4) 311 311 96 96
P J Moleketi 311 311 96 96
M M Morobe 233 233 172 172
M A Ramphele (4) 233 233 72 72
F Robertson 350 350 259 259
H Wessels (5) 389 389 288 288
Subtotaal 2 369 2 369 1 361 1 361
Nie-uitvoerend
(nie-onafhanklik)
P E Beyers 233 801 208 139 1 381 172 610 155 106 1 043
E de la H Hertzog 233 1 517 314 103 2 167 172 1 141 232 79 1 624
J Malherbe 233 – – – 233 172 – – – 172
J P Rupert (6) – – – – – – – – – –
Subtotaal 699 2 318 522 242 3 781 516 1 751 387 185 2 839
Totaal 4 621 31 334 6 646 2 030 44 631 2 981 21 858 4 522 1 454 30 815
(1) Mnr J J Durand is op 4 November 2009 as uitvoerende direkteur aangestel.
(2) Mnr T van Wyk het op 31 Januarie 2011 as uitvoerende direkteur afgetree.
(3) Mnr G D de Jager het op 5 Augustus 2009 as ’n onafhanklike nie-uitvoerende direkteur afgetree.
(4) Mnre N P Mageza, P J Moleketi, G T Ferreira en dr M A Ramphele is op 4 November 2009 as onafhanklike nie-uitvoerende direkteure aangestel.
Gedurende die tydperk onder oorsig het mnr Mageza ook R398 000 (2010: R59 000) as direkteursfooie vanaf Rainbow Chicken Beperk, ’n filiaalmaatskappy
van Remgro Beperk, ontvang.
(5) Bykomend tot sy direkteursfooi en vergoeding as voorsitter van die oudit-en-risikokomitee is ’n bedrag van R78 750 in die oorsigtydperk aan
mnr H Wessels betaal vir sy bywoning van die vergaderings van die subkomitees van die oudit-en-risikokomitee.
(6) Mnr J P Rupert ontvang geen vergoeding nie.
(7) Voordele sluit mediesefondsbydraes en motorvoordele in.
REMGRO BEPERK | 124 | GEÏNTEGREERDE JAARVERSLAG

Veranderlike betaling – langtermyn aansporingsplanne
Remgro Aandeleskema
– gewone aandele
VERGOEDINGSVERSLAG
Balans van Aandeelprys Balans van
aandele Aandele Datum op datum aandele
aanvaar aanvaar Datum Aantal van van betaling aanvaar
op gedurende van Aanbod- aandele aandele en lewering Waarde- op
31 Maart die aandele prys betaal en betaal en van aandele toename (1) 30 Junie
Deelnemer 2010 tydperk aanvaar (Rand) gelewer gelewer (Rand) (R’000) 2011
Uitvoerend
M H Visser 174 614 87.86 174 614 25/2/2011 109.66 3 807 (2) –
172 681 135.00 172 681
68 230 186.70 68 230
Totaal 415 525 – 174 614 3 807 240 911
(1) Dit verwys na die toename in die waarde van skema-aandele vir die betrokke deelnemers sedert die datum van aanbod tot en met die datum van
betaling en lewering daarvan.
(2) Volgens die reëls van die Remgro Aandeleskema, het mnr Visser ook gewone aandele in British American Tabacco Plc (BAT), Reinet Investments
en Trans Hex ten bedrae van R21.0 miljoen gekry.
Balans van Aandeelprys Balans van
aandele Datum op datum aandele
aanvaar Aandele Datum Aantal van van betaling aanvaar
op aanvaar van Aanbod- aandele aandele en lewering Waarde- op
31 Maart gedurende aandele prys betaal en betaal en van aandele toename (1) 31 Maart
Deelnemer
Uitvoerend
2009 die jaar aanvaar (Rand) gelewer gelewer (Rand) (R’000) 2010
M H Visser 174 614 87.86 174 614
172 681 135.00 172 681
68 230 186.70 68 230
Totaal 415 525 – – – 415 525
(1) Dit verwys na die toename in die waarde van skema-aandele vir die betrokke deelnemers sedert die datum van aanbod tot en met die datum van
betaling en lewering daarvan.
REMGRO BEPERK | 125 | GEÏNTEGREERDE JAARVERSLAG

Remgro Ekwiteitsvereffende Aandelegroeireg-skema
– Aandelegroeiregte (SARs)
VERGOEDINGSVERSLAG
Balans
Billike
waarde Balans
van SARs SARs van SARs van SARs
aanvaar aanvaar op Aandeel- aanvaar
op gedurende aanbod- Aanbod- Aantal Datum prys op Waarde- op
31 Maart die datum prys SARs van SARs datum van toename (3) 30 Junie
Deelnemer 2010 tydperk (1) (R’000) (Rand) (2) uitgeoefen uitgeoefen uitoefening (R’000) 2011
Uitvoerend
W E Bührmann (4) 283 148 71.71 83 074 13/01/2011 113.00 3 430
83 073 28/03/2011 108.53 3 059 117 001
124 771 73.71 124 771
23 548 785 108.69 23 548
L Crouse 418 108 73.71 418 108
51 865 730 108.69 51 865
J J Durand 427 047 38.90 427 047
162 354 87.21 162 354
22 717 83.65 22 717
12 662 90.52 12 662
235 895 7 868 108.69 235 895
J A Preller 141 411 71.71 58 689 23/06/2011 108.75 2 174 82 722
48 788 73.71 48 788
33 080 1 103 108.69 33 080
T van Wyk (5) 185 207 71.71 71 569 29/06/2011 110.72 2 792 113 638
87 829 73.71 87 829
M H Visser 136 767 71.71 136 767 25/02/2011 109.66 5 190 –
542 424 73.71 542 424
486 465 16 225 108.69 486 465
J W Dreyer 270 270 73.71 270 270
Subtotaal 2 863 503 830 853 27 711 433 172 16 645 3 261 184
Nie-uitvoerend
J Malherbe 195 730 38.90 195 730
75 761 87.21 75 761
20 847 83.65 20 847
5 807 90.52 5 807
Subtotaal 298 145 – – – – 298 145
Totaal 3 161 648 830 853 27 711 433 172 16 645 3 559 329
(1) SARs is aangebied op 29 November 2010.
(2) Ingevolge die reëls van die SAR-skema, is die aanbodprys van die SARs wat toegeken is voor die Trans Hex-ontbondeling, verminder met 29 sent om
te verseker dat deelnemers naastenby in dieselfde posisie geplaas word as voor die ontbondeling.
(3) Dit verwys na die toename in die waarde van SAR-skema-aandele van die aangeduide deelnemers sedert die datum van aanbod tot en met betaling
en lewering daarvan.
(4) Na die ontbondeling van BAT gedurende die 2009-finansiële jaar (en soos deur Remgro-aandeelhouers op 7 Oktober 2008 goedgekeur), het
Remgro ‘n direkte leningsfasiliteit aan deelnemers van die Remgro Aandeleskema toegestaan ten einde die uitstaande koopprys van sekere Remgro
skema-aandele te vereffen. Op 31 Maart 2010 was die enigste uitstaande bedrag aan uitvoerende direkteure, ‘n bedrag van R2.5 miljoen wat deur
mnr Bührmann verskuldig was. Die uitstaande bedrag is gedurende die tydperk onder oorsig afgelos.
(5) Mnr T van Wyk het op 31 Januarie 2011 as uitvoerende direkteur afgetree. Ingevolge die reëls van die SAR-skema kan deelnemers wat aftree al
die SARs aan hulle toegeken, uitoefen op enige tydstip binne twaalf maande na die datum van aftrede, of voor die vervaldatum van die SAR-tydperk
(sewe jaar na die toekenningsdatum), wat ook al die vroegste is.
REMGRO BEPERK | 126 | GEÏNTEGREERDE JAARVERSLAG

VERGOEDINGSVERSLAG
Balans
Billike
waarde Balans
van SARs van SARs van SARs
aanvaar SARs op Aandeel- aanvaar
op aanvaar aanbod- Aanbod- Aantal Datum prys op Waarde- op
31 Maart gedurende datum prys SARs van SARs datum van toename (2) 31 Maart
Deelnemer 2009 die jaar (1) Uitvoerend
(R’000) (Rand) uitgeoefen uitgeoefen uitoefening (R’000) 2010
W E Bührmann 283 148 72.00 283 148
124 771 74.00 124 771
L Crouse 418 108 74.00 418 108
J J Durand 427 047 11 927 39.19 427 047
162 354 4 535 87.50 162 354
22 717 634 83.94 22 717
12 662 354 90.81 12 662
J A Preller 141 411 72.00 141 411
48 788 74.00 48 788
T van Wyk 185 207 72.00 185 207
87 829 74.00 87 829
M H Visser 136 767 72.00 136 767
542 424 74.00 542 424
J W Dreyer 270 270 74.00 270 270
Subtotaal 2 238 723 624 780 17 450 – – 2 863 503
Nie-uitvoerend
J Malherbe (3) 195 730 5 467 39.19 195 730
75 761 2 116 87.50 75 761
20 847 582 83.94 20 847
5 807 162 90.81 5 807
Subtotaal – 298 145 8 327 – – 298 145
Totaal 2 238 723 922 925 25 777 – – 3 161 648
(1) SARs is aangebied op 23 November 2009.
(2) Dit verwys na die toename in die waarde van SAR-skema-aandele van die aangeduide deelnemers sedert die datum van aanbod tot en met betaling
en lewering daarvan.
(3) Na die verkryging van VenFin is SARs aan mnr J Malherbe toegeken ten einde hom te vergoed vir die kansellasie van die VenFin Aandelegroeiregskema.
REMGRO BEPERK | 127 | GEÏNTEGREERDE JAARVERSLAG

VERGOEDINGSVERSLAG
TOP DRIE VERDIENERS (wat nie uitvoerende direkteure is nie)
Vaste betaling
Vyftien maande geëindig
30 Junie 2011
Aftree- Ander
Salarisse fonds voordele (1) Totaal
R’000 R’000 R’000 R’000
N J Williams (2) 2 117 426 295 2 838
Ander twee werknemers 3 135 632 456 4 223
Totaal 5 252 1 058 751 7 061
(1) Voordele sluit mediesefondsbydraes en motorvoordele in.
(2) Mnr Neville Williams is ’n lid van die bestuursraad.
Veranderlike betaling – langtermyn aansporingsplan
Remgro Ekwiteitsvereffende Aandelegroeireg-skema
– Aandelegroeiregte (SARs)
Billike
waarde Balans
SARs SARs van SARs van SARs
aanvaar aanvaar op Aandeel- aanvaar
op gedurende aanbod- Aanbod- Aantal Datum prys op Waarde- op
31 Maart die datum prys SARs van SARs datum van toename (3) 30 Junie
2010 (1) tydperk (2) (R’000) (Rand) uitgeoefen uitgeoefen uitoefening (R’000) 2011
N J Williams 47 449 1 325 39.19 47 449
7 555 211 83.94 7 555
54 228 1 515 87.50 54 228
4 259 119 90.81 4 259
38 652 1 289 108.69 38 652
Ander twee
werknemers 54 094 1 511 39.19 54 094
2 933 82 83.94 2 933
26 835 750 87.50 26 835
1 624 45 90.81 1 624
29 539 825 97.19 29 539
61 930 2 066 108.69 61 930
Totaal 228 516 100 582 13 093 329 098
(1) SARs is aangebied op 23 November 2009.
(2) SARs is aangebied op 29 November 2010.
(3) Dit verwys na die toename in die waarde van SAR-skema-aandele van die aangeduide deelnemers sedert die datum van aanbod tot en met
die datum van betaling en lewering daarvan.
REMGRO BEPERK | 128 | GEÏNTEGREERDE JAARVERSLAG