Dieuwke de Graaff-Nauta mei minister Ien Dales - Tresoar

Letterhoeke | 2009 | Nr. 3 | 6
De Gysbertseal fernijd
De seal mei de portretten fan de Gysbert Japicxpriiswinners is alhiel fernijd. Op12 septimber
lêstlyn, by de fiering fan it fyftichjierrich jubileum fan de stifting Frysk Letterkundich Museum
en Dokumintaasjesintrum, koe al in ynkykje jûn wurde. Doe wie de seal lykwols noch net
alhiel klear. De stylfolle en steatlike seal is no alhiel yn ’e es en tagonklik foar elkenien.
| Jelle Krol
It sil de measte besikers fan
Tresoar net ûntgien wêze dat
de ferbouwing fan Tresoar
ek meibrocht hat dat de seal
mei de permaninte eksposysje
‘Fryske literatuer yn print
en dokumint’ mei dêryn in
spesjale romte foar in útstalling
oer Piter Jelles Troelstra en
Nynke fan Hichtum no in nij
ûnderkommen foar gearkomsten
wurden is, de saneamde
Aldehousterseal. It doel is dat
nei ferrin fan tiid de permaninte
útstalling oer de skiednis fan de
Fryske literatuer ûnderbrocht
wurdt yn in nij gebou op it
Besikers yn de Gysbert Japicxseal yn septimber (foto: Haye Bijlstra).
Aldehoustertsjerkhôf, parallel
oan it Hear Ivostrjitsje. Yn dat
gebou, dat foarriedich al bekend
is ûnder de oantsjutting ‘Lân
fan Taal’ sil dan ek omtinken
jûn wurde oan de saneamde
Troelstra-samling, de portretten,
manuskripten en oare objekten
dy’t te krijen hawwe mei Piter
Jelles Troelstra en dy syn earste
frou, Sjoukje Bokma de Boer,
better bekend as Nynke fan
Hichtum. Dat gebou is lykwols
noch takomstmuzyk. Underskate
partijen sille earst noch fierder
prate en tinke moatte oer de
finansiering. Boppedat sille yn
dat gebou dan ek oare saken
dy’t mei Fryske taal, skiednis
en kultuer te krijen hawwe oan
de oarder komme. Underwilens
is al wol realisearre de
permaninte útstalling oer de
Gysbert Japicxpriiswinners. Yn
de Gysbertseal binne portretten
te sjen fan de Gysbertlaureaten.
Ek binne oare ikonografyske
objekten te besjen, lykas de
typmasine fan Rink van der
Velde, fan Willem Tjerkstra
in skilderij dat er yn besit hat
en him by it skriuwen altyd
ynspirearre, mar ek de bril fan
Obe Postma bygelyks.