1 PACEVIČIUS JONAS gim. 1932-02-14 Dautaras J. Estafetė ...

Untai, pri vuokičių laiko bovo irgi, kaap ana vadinuos, ne prieglauda... senėlių namaa bovo.
Vuokitee vistėik pagerbė. Ne tik špituolė, bet bovo unt dviejų aukštų žal’s nams un kampo,
mažne pri tuos parduotovės Pleškienės netuolėi, bov prieglauda senelių. Bovo irgi kuokėi do
šimtaa. Anuos daa i pačios po du paršelius nusišers. I ka kars bov, anuos niekor neišbiego, anuos
daug kas negaliejo. Sako, vuokitee suej, vuo tus do bekuonelius turiejuom, anėi vėiną so štėku
nudūrė i nusinešė į bažnytė, nusvėlėno. Vuo, sako, mas suvyniuojuom į to druobuolę, įvėlkuom i
pakišuom, katruos stipresnės, po luovos. Atej vuokitee — vuo kame tas ontras bekuonėlis,
neštėis. Pamanė, ka tėn kėti jau išsinešė į kėtą posę. Vuo sulydiem, sako, tų bekuonėlį, kuol
fronts čia daugiau kaap mienou bovo, po šaukštėlį diejuom į kroupus i vėsos do šimtaa
išsimaitėnuom. Bovo, bovo žal’s nams, dviaukštis. Taap ont kampo.
Plonis Vladas. Kapėnų apylinkės. — 2006. — Liep. 16. — Žodžiu: Tekstas perrašytas iš
diktofono:
Dišmonts par prūdą važiavo, leds lūžo, i po ledo so vėsu arkliu. Vuo tas kučeris greit
nusirengė — anų ištraukė. Ons bovo devis tėn a tris hektarus anam žemės, ka ons išgelbiejo. Ons
taap nelaimingaa... Paskou nusipėrko mašinelę. Ejo krantu Virvytės kel’s, irgi užsikabėno už
medė. Ta ons išpruovėjo tų švėnto Antano altuorių Vėikšnių bažnyčiuo, Dišmonts. Ta ons
pardavė tų [Kapėnų] dvarą ir išvažiavo į užsienį. Tus pakajus nugriuovė, bovo tuokėj medėnee
unt dviejų aukštų. Tėn bovo, kada rusaa parejo, štabs tūse pakajūse. Mašinas remontavo, vuo gal’
kuoks tūkstontis tų mšinų tėn. Kareivee bovo išdalyti, i pas mumis septyni būdavo. Vuo tėi
pakajaa bovo daa.
Tus dvarus jug sumažėno, jug čia ejo lig pat Tučių vėsė naujakuree, išdalėno tų dvarą. Bovo
kuoks tūkstontis hektarų tuos žemės Kapienų dvaro. Ir į anuo posę. I Tievelis, i čia Mika,
Deniušee... Paskou jau, mon atruodo, Lietuvos laikaas nupėrko Sirutavičius. Sirutavičiaus
puopierius ejo vėsor. Tada nebovo ne tų fanierų niekuokių. Vokietee net ir unt fronto į stuotį
vežė. Jug kėt kart puoperio fabrėks bovo net i Skleipiūs, kor malūns. Tėvėlis y sakis — esam...
Nu žėimą liob tėi kaimietee važious tuokius tus balkius, a po keturius, a po du mietru veš iš
girininkijų. Anims sumuokies, sako, nebluogaa. I vėsė važious, ciels kaims, i priveš anų. Jug
bovo spruogis tas fabrėks, untaa išnešė vėin par longą vėsaa plėką muotrėšką i vyrišką.
Kapienūse. Tėi fabrikantaa uždėrbo nebluogaa, i anėms daa žemės devė po tris hektarus. Geriau
bovo kaap kumiečiou pri darbų. Ir unt pamainų. Kauks tas fabriks kaap garvežys liub. Turbinaa
trys bovo. Galings fabriks, gražus bovo. Kapienūs. Pylims i dabaa gražus tebier. Tik, untaa,
įlaužė tų tėltą. Mon atruod, tankaa a ne visi eej par tuo brastvą.
Nu, bovo, ir čia pri malūno Skleipių tėlts. Tik Gudūse nebovo. Unt vuožių tėlts. Su arklees
važious. Anų rudenį išem, pavasarį įded. I daug praveš, kad i po dvidešim maišų. Čia [Skleipių
malūną] Kundruots valdė, Kundratavičius tuoks bovo, vuo Gudų — Jungienė bovo. Tuokia
muotriška našlie.
Plonis Vladas. Sisojinės dvaras. — 2006. — Liep. 16. — Žodžiu: Tekstas perrašytas iš
diktofono:
Sasojėnės dvars, i muokykla bovo, apleists bovo. Tėn dar tuoliau Balondėnės dvars bovo.
Kontrėmo, tėkraa, dvars bovo ir Balondėnės dvars tada, vuo čia Sasojėnė. Tuo Sasojėnę...
nereikiejo tuo muokyklą nuardyt. Tėn bovo i pėinėnė vėsą laiką, i muokykla bovo. Ana galiejo
kap istuorinė būt’. Kontora, raštėnė bovo, daa ėlgus metus „Artojėlis” kuolūkis bovo. Tėn
visumat liub susieis ir mozėka bus, i pašuoks, atskaitinis vakars bus. Sasojėnė bovo tuokia
pagarsiejusi. Ka tėn bovo vėsor daug gyventuojų. Tuokių vidutinių, ne kuokių tėn par daug
baguotų. I kumetyns bovo — do namaa, do barakaa bovo. Tėn, untaas, untaa Brožas,
Klemensienė iš tėn anėi. Bet puonou tėn dėdelio nebovo pelno, girdiejau. Ka tėn mėškaa. Va tuos
aramuos kuokėi trys šimtaa hektarų. Tas puons supyko, atidavė kitam puonou ont rėnduos. Vuo
pats išejo kėtor.
96