1 PACEVIČIUS JONAS gim. 1932-02-14 Dautaras J. Estafetė ...

daug jiems yra audeklų priaudusi. „Ant savęs” pradėjo austi tik nuo 1921 m. ir audė iki pat 1970
metų. Staklės — motinos, tėvo dirbtos.
PLONIS VLADAS, VINCO (Dargužiškių kaimas, Fermos kaimas)
Plonis Vladas. Dargužiškių kaimas. — 2006. — Liep. 13. — Žodžiu: Tekstas perrašytas iš
diktofono:
Mano kaap tievs? — Plonis Vincas. Kor upelė Triemiesiedis ein, pryš Mačių Juoną, anuo
pusie kor. Dargužiškee vadinas. Mūsų ketursdešimt hektarų bovo žemės, a Mačiaus
pėnksdešims. Bovo pas Pranauskį tada tik pirmuoji ta pradžiuos muokykla, čia pri Kapienų posės
einont. Ka mus į Sibirą išvežė, ta bovo i pas mumis ta muokykla. Paskou mūso tuo klietį
nugriuovė, internatą padarė, bovo pas Indriošką jau ta muokykla.
Keree gyveno. Ketursdešim irgi, daug žemės bovo. Do vaikelee bovo. Ana našlie, kaap tėn
bovo... Ana turiejo daug žemės, somdė vaikius. Dėl žemės tik ir išvežė. Ir anuos, i mumis, i
Mačių. I padarė mažą kuolūkį. Vuo kuokėj tėn kuolūkee. Stribą kuokį padarė pirmininku. Kėtą
— brigadnyku. Nieko anėi irgi negavo. Po du šimt gramų į darbadienį. Paskou sujungė į didėsnį
pri Kapienų. Jug tada Tučee, „Artuojielis” i dar ontras bovo, a do, a trys tokėj atskėraa.
Mamos bruolee bovo daa, Glodenee bovo tėn, vuo, už Kerienės netuolėi tėn. Ir anėi turiejo
trisdešims, a daugiau, žemės. Tėn netuolėj daa gyveno tas Liemžis. O už Kerienės tuoliau
Zigmonto Gluodenio bovo tuoks kaap zomats anuo rubežius padaryts.
Plonis Vladas. Ignelė ir kiti krašto ubagai. — 2006. — Liep. 13. — Žodžiu: Tekstas
perrašytas iš diktofono:
Ignelė, Ignelė, vuo kaap ta pavardie... Ons ėlgaa nebūs. Tėn naktelę je pabovo, parnakvuojo,
žiūr jau ons tuo dūdelę, liob eit grajydams paupees, palei Mačių... Jau Ignelė nugrajėjo, tėn nuejo
unt Kapienų. A ons grajydams... je, jau grajydams nuejo. Laisvas bovo. Noje, vuo taap ons vėsor
parnakvuodavo, tėn naktį, tėn naktį, ir eis žmuogus. Juk ka laiduos kū, ons su savo dūdele,
pasikėšės. Ir anam kuokį šimtą gramų „smurglinie” užfundys, no. I ons patėnkints tou, ka
muzikontu skaities. Sak, ka ons i kuokį ta laipsnį turiejo, Lietuvuos karuomenie ka bovis.
Pakėnkė vėskų ta, mon atruodo, anam ta panelė. Ka vistėik atviliuojo... Su niervaas taap išej
žmuogou.
Bovo untaa jug i daugiau, liub eis par kaimus. Bovo Erlickis tuoks. Akims nematė ons. Turiej
tuoki vytelę. Takielį ons žėno — įeis į kėimą pabadydams su vytele tuokia, noje. Erkelis tuoksaa.
Daug ejo. Čiaps tuoks Untuonėlis eidavo. Oi ka nusikasys... Dousi anam baltinius. Pabūs i po
savaitę. Pas mumis, pas Glodėnį. Nusikasys lig kaulo tus kuojes. Vuo pirties bijuojo. Da vaikee,
dornee, anų... uždarė duris, tėn garo pridiejo, pierė, ka ons šaukė... Vuo taap ons irgi ejo pas
žmuonis. Parrengs tus baltinius apatinius. Pabūs, pavalgys vėinor, kėtor.
Nu, Jonauskis untaa bovo. Kor ont kapo pasuodins, vėins ons Kalnus atgėiduos. Akims
nematydavo. Mataa, ka nemato akims, dėdelee puomėtį gerą tor. Ons pasiklausė kor Kalnus, i
ons jau muok gražiausee vėsas maldas, vėsas giesmes. Išgėid. Kas paprašydavo — kėti ir unt
kapo atves senūs kapūs. Sumuokies kėik jau bovo ta kaina, i pavalgyt dous, noje. Ons i namėlį
bovo nusipėrkės. Su žmuona abodo. Bartašius tuokis bovo. Tas nuoriejo... nuoriejo rauduonų.
Neapgausi. Rauduoną douk. Červuoncaa ka bovo.
Plonis Vladas. Viekšnių špitolė ir senelių namai-prieglauda. — 2006. — Liep. 16. — Žodžiu:
Tekstas perrašytas iš diktofono:
Kur neturiej, prijiemė... pri bažnyčios vadinuos špituolė. Tuo špituolie liub... daug ubagėlių
galiej gyvent. Katrėi jieguos turiej, tėi ejo pasirinkdami, va ka neturiej, muotriškelės tuokis įneš
biškėlį, kas pėino butelkelę, kas kų. Mon tievelio sesou pas tuoki Barbuorelę lonkies. Bovo unt
dviejų aukštų šėta špituolė. Jug bovo nemažaa — kuožnam kambarie trys-keturis luovos anų.
Bovo salė, vaikus muokėno katekizmo. Kų laiduos, daugiau tėn tėi pėitaa, i ubagelems dous kas
atlėks tų pavalgymo. Nunešė tėms, kor negaliej, ont luovos... Tuokia mada buvusi. Kor tas
pastats ein, biškį įvažiousi, kėims didžiausis — ketursdėšim padvadų suvažioudavo į torgo. Vuo
kor atvežė tuo šėino, ubagelės ejo su lazduoms krapštyt — uožkeles laikė.
95