1 PACEVIČIUS JONAS gim. 1932-02-14 Dautaras J. Estafetė ...

maudytėis. Nu tad pu tuo potvynio viel tų lydekų priejo iš Vėntuos. Kėik tuos žuvies bovo, tada
su kryte galiejai patraukt. Iš Ventuos, pru kapus čia ein, pro muokyklą medėnę. Medvėžių kėik
būdavo upelie. Ont raudėlių eidavuom prisirinkt’ tų medvėžių. Net vėžių bovo tame upelie,
Kalupie. Švarus vanduo bovo. Tas vanduo pareidavo iš Kamanų.
— Vuo lydekos eidavo iš Ventuos?
— Iš Vėntuos eidavo neršt’. Jee, priš vandenį anuos eis. Į švarius vandenis. Bovo i Vėntuo
tuos žovėis. Piplys būdavau i ta sugausiu vyziek. Sugausiu kuokį pyplėlį, rubuilioką — ont
kobinioko, imėsi, vyziek, trijų-keturių šimtų gramų lydekėlių Vėntuo sugausi. Vuo dabaa, untaa
ein, nieko nesugaun. Išnaikėno žuvis, cukraus fabrėks baisee išnakėno, Kuršėnų. Vasara, jagu
gera, būs karšta, galiejee per tų pylėmą su rataas išvažiout. Tada būdavo atkamarės, tai girnos
nuseks, ta būdavo vėgėlių sugaudysem atkamariese tėn kor vanduo, kur turbinos. Tėn grindys
tuokios būdavo. Pu tų grindų irgi, i ungurių net bovo, ešerių būdavo, tap jau sugaut’ galies. Bovo
ir ungurių. Aš pats esu... bet kų tu, tukios jiegos teturiejau, jau jau sugreibiau, kuol į krantą
išmečiau žaltį, i pabiego iš monis... Nu vėgeles galiejo... sugauni, taisykis nutvert už tų žandų, už
tų žiaunų, viegelee taa jau. Viegelę kėtaapp nepajimsi — už sprondo arba jagu už žiaunų. Par
posę jug pajimta — išsiners. Vuo už tų žiaunų ka sujimi... Vuo ungurio niekur tų žiaunų nerasi,
slydus kap... Mėtrinių ungurių bovo. Ta kėti vyraa kur jau muokiejo, ta turiedavo pasijiemee
šakutes. Kur jau ungurys yr, prisitaiko geraa, bakt, įdūrė teip, šakute perduri, ta ištrauksi. Bet jau
augesni, pėimenys. Tap bovo, bet tas retenybie būs, vėsą laiką vandens perteklius bovo, pėlns
prūds [prieš užtvanką] vandens bovo. Vuo prūde [prieš užtvanką] ta blanklašee, šapalaa
vakščiuos dėinuos metu. Lėptaa būdavo medėnee padaryti, iš medinių tukių, vuožee susileista,
lentelės, turieklaa lėptam. Nu ir, mesk bet kuokį masalą, nieko nejiemė, nesugausi. Bovo tam
tikrus laiks, kumet anėi jiesdavo, masalą jims. Nu puo karo dar jau tuos žuvėis bovo, paskiaus...
Pradiejo cukraus fabrėks leist’ visuokius brūdus, nachališkaa. Cukrų gamėno Kuršienų... Vuot i
pizdiec, ir dabar žuvies nieko nier, Vėntuo irgi, skaityk, mirusiųjų upė. Nežinau, kas ein žvejuot,
tad, nu, sugaun raudelę, kuokią plekšnelę...
— Ak tai Kalupis šitas... Vuo kaip anų vadindavo tų upėlį?
— Kalupė i bovo, Kalupis.
— Ar Kalupis, ar Kalupė?
— Kalupis, Kalupis.
Pikevičius Česlovas. [Šokių vakarai, gegužinės, muzikantai]. — Pokalbis su Bronislovu
Keriu 2010-06-29. — Perrašyta iš diktofono:
— Kur tie šokiai būdavo?
— Būdavo tuo šėtaa muokykluo, Rekėčių muokykla bovo. Paskiaus už gelžkelio tuokia
muokyklelė bovo maža, kor Šeputis gyveno tėn. Tėn bovo, šuokee būs, daugiausia Rekečiūs būs.
Nagio pušynelie, Nagio eglynelie tėn. Plougų daržinie, je, Plougų, tėn tonkee būdavo irgi. Švari
būdavo, berželees apkaišytos sėinos. Muzika bovo linksmi. Nagio pušynelie būdavo vakaraas,
eglynėlis vadėno. Kaupatė, Kaupytė bovo, Birutė Kaupatė bovo bibliotekos vedėja, tėn skaitykla
bovo, bibliotekos vedėja. Nu ta tėn kels tus vakarelius, iš miesto plauksem. Nebovo ne mušynių
ne juokių.
— O gal prisimeni, kas muzikontaa bovo?
— Griška bovo tuoksaa Fermos, Griška Rimkevičius. Bovo Dimelis tuoks Juonis su vėina
ronka. Vėina ronka Dimelis grajydavo. Patalkiūs visuokiūs. Ons vėina ronka valdė geraa, dešine
ronką. Kap ons su ta kairiuoje... Pocius Stasys, jau tas akordeoną turiejo. Kinčinielis Eleksis
akoreoną turiedavo, bet... Leonardo bruolis. Irgi grajydavo. Deniušio orkestras bovo. Dūdų
orkestras bovo Deniušio. Naujų Metų sutikėms ka būs, iškilmingaa, įėjėms nemuokams, bufėtaa
kuokėj pėnki, linksmi vėsė. Sulauks dvylėktos valanduos, bučiousees pažįstami-nepažįstami.
Muokykluo viduriniej, didžiuojuoj saliej, sporto saliej. Būdavo tėn krepšinį žaisem, uorinį. Oi
bovo linksmybės! Ui, dabaa ne iš tuolo tukių nier.
— Vuo kor tas orkestras būdavo, ka tuoj saliej?
— Ont scenos grajėjo. Sustuosem, jau be pėnkių dvylikta, Dambrauskis išeis, pėrmasis
partijos sekretuorius Vėikšnių: „Keturios minutės, trys minutės, dvi minutės, viena minutė,
dvylikta valanda. Uraa, uraa, uraa!”. Pluos, no jau muzika, kad barabanou trūks, tuo šitaa,
90