3 skyrius: praeities palikimas. etnografija. kraštotyra

Taisuos anėi kapelą tuo Kultūruo, pirtie tėn. Ta ons nuorįs eit tėn. A taap, a taap ons išmests yr.
Aš buvau šešdešimt litų Liaučiou muokiejis, Liaučiokou. Beveik metus, i surinkau tus šešdešimt
litų.
— A tėn su ronka reikiejo duot, a su kuoja bovo?
— Su ronka. Bovo bliekos. Dvė liekštės. Nu daug metų ejuom grajydami, tas bovo Smetuono
laikaa.
— Vuo jau po karo nebejuot?
— Nee, kumat tu bėisi, ka nebie jau kumat, kumat bėisi.
— Nu i pėrmiau... Aš Radziou sakau, nu kudėl, sakau, jūs bijuot trūbą išpūst. Taap tiktaa, tėn
pat negali girdiet’. Dabar, jagu kėimi trūbėj, vuo ontruo pusie truobuos atsistuojis nebgirdi.
Sakau, dikuo jūs bijuot trūbą išpūst? Aš nežinau, — ka bovo šitaa tėi Vaičee, ka bovo Pukštee, ka
liob trūbyt, galiesma kaimūs girdiet’. Ka liob pas... Pri Mažėikių kor bovo Permėno ūkis,
Permėns bovo mėris, mes Miliūse aiškee girdiejuom par dvė suodas ka trūbėj. Vuo dabar tėn pat
atsistuojis negirdi.
— Knabėks i Pukštee trūbėjo, a Vaičee trūbėjo babūnė ka bovo mėrusi mūsų. Nu aiškiausee aš
Vėikšniūse girdiejau. Milee — kame Milee. Ir kor tuoliausee Plougūse ka trūbys — aiškiausee
girdiesi. Miliūse, kada ontram pašalie kaimo trūbys — aškiausee girdi, ruoduos ka tėn pri
truobuos tavo.
— A žydais eidavuot per Užgavienes?
— Eidavuom.
— Nu i kų sakydavuot nuėję?
— Nu kų, šuoksam, erzinsamuos, žinaa, talavuoseem.
— Nu vistėik, Smetuono laiki, aš nežinau, bovo vistėik linksmėsni bovo tėi metaa, bovo
vėskas kituokėi. Vuo pėrma, vyziek, miešlavežis, būs pėnkios-šešios kapstytuojos arba keturios,
arba trys, vyziek, jau anuos i... Vyraa viel, kuopėjaa a pėnki būs, a keturi būs. Jau, vyziek, ka tėi
prikuops [valktį], tujau išeis iš kūtės unt lauko — sudainious, kuol parvažious kučierius arklius.
Muotrėškos laukūse viel dainious. A dabar nieko, vėskas mėrės, vėskas mėrės, vėskas dingę.
Andriuška Augustinas. Atsiminimai / Augustino Andriuškos pokalbis su Bronislovu Keriu.
— 2007. — Liep. 19. — Žodžiu. Tekstas perrašytas iš diktofono:
Vyziek, patalkee būs, talkos būs. Aš pats ejau pelų nešt. Vėiną kartą nu tėik išvargis buvau, a
pas mumis bovo, nežinau, kami bovo tas patalkys, ir aš užsižiuopsuojau... Monėi eit pelų nešt.
Nu, išejau. Tus pelus nešu, ir išnešiau į laukus. Pradiejo jouktėis iš monis, kad aš einu į laukus.
— A nenešdavo kartais šiaudų su tokiom kartim?
— Nu nešdavo, nu nešdavo. Visumat neš... nešdavo. Vėsor bovo ta mada. Su kartėms. Unt
karčių. Keštis prikeest. Pridedi keštis, i neš. Prikrausi keštis i nėši. I pas mumis, kaap kaap
sudegėno mūsų kūtes i daržėnis, Miliūse. Nudegė, ta tik bepalėko pelodės. Seduo bovo matyt
gaisras. Tyki bovo. Rudenį kūliem, papoulė tuoki tyki, be viejo, su dampeliu kūliem. Bovo tuoks,
žanuots bovo ons jau, ta jau ons sudegėno moms, paskou Lingvenio daržėnį sudegėno, kam tėn
dar sudegėno tuo daržėnį, Memys. Ta kor... ons susisoko bėcalą tuokį didelį. Mon paskotėnės
keštės bovo. Vuo daržinies galą pridiejo šiaudų, i paskou nebtėlpo — palėko tarpinie, vėinas
keštes, kėtas keštes. Ons pridiejo... nešė su tuoms keštiems. Įsikėšo tų... susisoko bėcalą ir
pajiemė tuo mergelką — prie rėdelių stuoviejo — visumat redeliuos tus šiaudus iš mašėnos kap
ein, ons sugruobė, tų bėcalą įsikondės, ir įmetė, įvertė tuo mergelką į tas keštes, i tas bėcals
palėko kešties. Tu jau, žmuogeliau, jau ir augis, jug tu jau ka žėnaa, kad jau tų bėcalą palėkaa
tuos kešties, nebnešk į tuo daržėnę, padiek lauke. Jau žinuok, ka jau anuos degs. Jug anuo
nesurasi tuo becalo. Nu vuot įnešė, vuo paskutėnės, vuo tarpiniese bovo jau dvejos keštės
padietos — tas trečiuosias įnešė, padiejo vėršou. Vuo šiaurinis vies bovo. Durys daržinies adaros,
tas vėsas tas iš karto, vėsa ognis — blūkt, vėsi šiaudaa... Ne gaisrinių bovo, nieko. Bovo jau
pašalusi. Vuo bovo puotalkio tuo buvuom susirinkė, puotalkininkaa, tų šuokiejų, i muzikonts —
tas jau Augustėns jau turiejo armuoninką, i barabaną turiejo, ons vežies su mašina.
— Tabuoką susisoko į bėcalą tų, bėcalą susisoko ir rūkė ons. Ons susisoko tų į puopierį,
laikraštį ir užsikūrė. Tuo mergelką gruobė i su ta mergelka įkrėto i tas bėcals. Nieko
nežinuojuom. Vuo ta, kor redeliuojo, ta muotrėška matė. Klebuono mergė bovo, palverke ana
381