3 skyrius: praeities palikimas. etnografija. kraštotyra

y nugriauta ta klietė. Nesenee. Bliekuos stuogu bovo didžiause klietė bovo jiebišvaimat’.
Gužauskio nežinau, Kazlauskienė bovo. Pri pat parvažos, kriautuvė Smetuono laiki bovo pas
Kazlauskienę. Pas Norėikį... pas Kuprį i pas Norėikį... Koprio da vėina šulnelė tik tebier kėimi.
Koprio, amerikuons... Bovo iš Ameerikos parvaževis Norėikis, parvažiavo i Kuprys iš Amerikos.
Beržanskio žemė če y vėsor, papunyčio. Papunytis bovo pardevis... ir vėinos truobos bovo...
palėkusi untaa bovo da kriautovė pri pat gelžkelio, ont Purvienų važioujint pu kaire ronka. Vėsos
trys bovo truobos, ta bovo Uršulelės, truoba, kūtė i daržinie pri galo i kai kas dar nežėnau bovo, a
sklepėlis, kas tėn. Koprio par karą nudegėno, nugriuovė, neblėko. Al’puons Kuprys bovo
atvaževis če pas muni da kada atvažioun, ons už Paneviežio kai kame gyven dabaa. Žmuona
mėrusi jau yr anam. Vuo Kuprys kapūse. Norėikis pounu parvažiavo iš Ameerikos. Nusipėrko nu
Beržanskio vėinas truobas. Bovo budinkaa kūtė, truoba, ėr skleps bovo, šolnis. Nupėrko
Norėikis. Paskombėno Norėikis... aš toukart muokyklinis buvau... Norėikis parsitraukė Kuprį iš
Ameerikos. I Kuprys nupėrko ontras Beržanskio truobas šalėpa. Ir abodo kriautuves turiejo, i pas
Kazlauskienę bovo kriautuvė. Al’ Norėikis... nugrabiejo, pėrma. Noreikelee bovo do sūnaa. Ein
vėins, eis į vakarėlį, Nagio pušynelie gegužėnes kel, vėins posbotelkį į kašelę, ontras į kašelę,
vuo jug tus litus nepaded į tų, į stalčių. I nabagis... kap tėi vaikiokaa suaugo ėr... Alberts dar če
nelabaa senee vaakščiuojo, bet jau y mėrės i tas. Tas jau bankrutavo Norėikis. Kazlauskienė viel
tuoke bovo bovo, bet jau... bankrutavo i ta. Vaikiokaa tėi suaugo Kazlauskelee. Kėts Amerikuo,
sako, kėts Anglijuo kor išsiblaškėj... Mas kartu į muokyklą ejuom su anaas. Aš ejau. Su
Kazlauskelees. Vuo Kuprys... ateik nougs, apsiriedysi nu batų lig kapališiaus. Ėr šlipšis... i
vėskas pigiau ir vėsos prekės žymee geresnės pas Kuprį, negu kituose kriautuviese, i pigiau. Pas
anų lūžte lūžo... Žmuonių ir prėkių. Ir nebankrutavo Kuprys nikumat nikumat, vuo.
— O ta Bakanienės krautuvė?
— Ta jau bovo kulkuozo laike. Uršulelės truobuo. Tuo pačiuo pusie, unt gelžkelio einont, po
kaire paskotėnė truoba bovo. Dabaa nebie ne tėn, ne pudamentų, nieko nebie. Beržanskio vėsos
trejos truobos bovo če.
— Vuo ka pri gelžkelio dėrbuot, kų dėrbuot?
— Pri varstuoto. Kiauraa. Ta dvi dėini buvau išvaryts į liniją. Pu jiešmuoms bovo smarkus
pakeitėms pabiegių. Reikiejo darbininkų. Iš Daubiškių bovo, iš Mažėikių bovo suvežtų
darbininkų. Mandrius vėsus. Butkevičę Al’puoną, ons jau eej mūrydams, ons kelio apejies bovo,
i tų parvarė į jiešmas če. Ta dvi dėini jiešmūse, vuo taap kiauraa pri varstuoto i pri varstuoto.
— A kokioj vietoj dirbot?
— Kor bov kitkart bekuonų svarstyklės, kor bekuonus jiemė, Vėikšnių stuotie. Vuot kaap
dabaa einam... kap tik pri gelžkelio priėini, kairie pusie biškį taap tiktaa, če unt Mažėikių į tuo
posę, no kažėn pėnksdėšimts mietrų. Šiuopus rampos. Rampa tėn tuoliau, Rampa bovo pu pat
stuoti, panašee, i daa biškį už stuoties. Kor bovo nudegusi, untaa, ta stuotie, naują anuo
būdavuojo par karą. Do varstuotaa bovo, nemažas bovo vėdus. Vėinaap — ontraap tuoks
ketvirtainėšks bovo. Bovo pečius šuoni moms če pat. Da Jurjuons tuoks Vėikšniūse če bovo, pri
gelžkelio dėrbo, tas meistravuot’ liob padies. Aš vėins kartaas nespiesiu — reek longaa dėrbt a
kų nuorintaas. Aš i longus dėrbau, i duris dėrbau, i kų tik reikiejo. Kirkuoms kuotaa, šiūpeliems,
luopetuoms... kų pasakysi, žėimą snėigou kastė... Aš išdėrbau do metu pri gelžkelio. Kada
nusispakajėjė, aš i pasitraukiau.
— Kor ta nudegusiuoji stuotis bovo?
— Tuo, tuo pačiuo vėituo pastatė ontruoją truobą. Medėnė pėrma bovo, medėnę i dabaa
pastatė, tuokio pat tipo, kaap bovo pėrma. Tiktaa pėrmuoji bovo žalee dažyta. Pėrmuoji, aš
atmenu, ka į muokyklą ejau... Mūsų muokykla bovo kor untaa y tas degtų plytų noms, iš plytų
išmūryts į sėiną aukštaa netuol stuogo trys — skaičius. Rytų gale bovo muokytuojaus kambaree.
Vuo Pleskūnaatė iš Vėikšnių važiniejuos. Pleskūnaitė, je. Kuol bovo panystiems, vuo kap
apsižanėjė, ana bovo apsižanijus paskou su Gargasu, Gargasienė bovo. Bet ana neėlgaa tebovo.
Vuo aš pradiejau eit’, bovo tuoks muokytuos Skunsmuons, ajedrytvaimat’, vėinam ausį, kitam
ausį tik dryks — paplieš, papliešė Kupraatee ausį. Kuprys padevė į teimą Mažėikiūs. Nabagis ėr
už teismą gavo sumuokieti, ėr už vaistus, už vėskų. I kad anų trėnkė iš tuos muokyklas če
laukuon... Parkielė Pleskūną moms tuokį. Kas par muokytuos, kou tik įduomiau! Če bovo unt
Kalopio netuolėi, pri pat Mažėikių gatvės, kap nusilėidi pru Požerskio gatarus tėn, če y tas prūds
180