3 skyrius: praeities palikimas. etnografija. kraštotyra

— Kalvis ka kaldavo, a tėn pat pas anų būdavo?
— Ne-e. Knabėks turiej kalvę. Bet teep dėdelee mažaa, jegu kų reek pataisyt biškį, a parlėnkt,
a kų nuorintaas... Pri stuoties bovo do kalvee, bov Vėlks Ignacius, Česnauskis bov kalvis. Do
kalvee. I paskou bov, šitaa, Baltutis Jūzaps. Vuo mašinerijos — kėtą kartą bovo Kochalskis, če
pryš Požerskiou. Ruskis bov. Tas dėdlę geraa drumulius dėrbo, mantelius, skaituos, apačiuo kur
yr. Štiftinius. Paskou Kochalskis jau paseno, nebgaliej. Mantelis apačiuo. No, vuo vuo, paskou
dar Krutinis pradiej dėrbt. O Krutinis i garo katilus dėrbo. Tik nežinau, cilindrus a ons grėžė a
negrėžė. Vuo taap šitaa, liob, a kame ons, a Šiauliūsi, nepasakysiu, depove, depe, kur traukinius
remontuo, garo katilus tus. Tad tas liob keturių jiegų — šešių jiegų garo katilus padėrbs. Keturių
jiegų bovo jau stombūs garo katilaa. Dėdeles mašinas soko. Kaap dylika jiegų — aštuoniuolėka
jiegų motors.
— O tas prie kapų kur stuov mažylėlis dampėlis?
— Ooo tas, kuokių tijų jiegų tiktaa.
— Vuo tėn Suovaičiūs, kur tų viejinį malūną turiej...
— Smilgys.
— A tėn nedarė mašinų? A kūlėklių arba dampių... A tėn do malūnaa bovo?
— Nežinau... Suovačiūs’ aš nežinau ontro malūno.
— Ar tų patį atitraukė?
— Pas Barkų. Tų patį parpjuovė par posę, partraukė če... Vuo negaliu pasakyt, ar Smilgys pats
dėrbo, ar anam kas kėts dėrbo. Smilgys tik tris hektarus žemės teturiejo, o mašinierius bovo. Ir
vuo, mataa, ir išgrūdo į Sibirą. Je, ons mašiną turiej, Smilgys, kulamuoją.
Mūsų tetė, Knabėks Jūzaps, kap tik ir ejo su Knabėko mašinuoms kolt’ vėsą beveik omžių. Ir
ont kuožną met bov nauja mašina. Bepigi anam nekolt’ bovo. Ka būs žėima šalta jau, rudenį
kols. Parvažious če į Fermą pas Petrą Linkėvičių, če paskutinis nams bov, dabaa da y do
užsistatėj daugiau. Tada visumat pabėngt’ liob pasiims i munį. Aš jau buvau aštouniuolikinis —
šešiuolikinis tuoks. Žėimą ons pareis į truobą, da žinaa jug i čerką nugers, i šeep i taap. No, vuo
munį pastatys pri mašinos. Ons ateis, aš eisiu pasišildyt į truobą. Tas bovo visumat pu Kalėdų
dar. Parvažiousem į Fermą kolt’.
Tiktaa bov Rekečiūse Degutis Pranis, turiejo mašiną. Koldams ejo. Bet ons mažaa, Degutis, i
tekūlė. Liob somdys Koudys tuoks Rekėčių tėn. Gaspaduorius žmuogus bovo. Bet ons ejo geriau
kolt’, ne žiūriejo savo ūkio. Gaspadėnė tvarkies su ūkiu. Tas Degutis su garo katilu. Paskou
Maigūse Liaučius Untuons bov. Vėiną mašiną bovo Knabėks... padėrbo, Liaučius nupėrkės. Vuo
ontras nežinau iš kor bovo pėrkės. Ar iš Urvikių Končius anam bovo padėrbės, nebatmenu.
Kalvie dėrbau ėr ėr, padėrbsiu i tekinius. Padėrbsiu tekinius, reek apkalt’. Važioujamus ratais.
Ketursdešimsdevintaas metaas aš apsižanijau ir išejau į Žiogaačių kaimą, ir tėn pragyvenau lig
tūkstontis devyni šimtaa devynisdešimstrečių vasario trečiuos. Ta tiktaa parejau iš tų Žiogaačių
če į Vėikšnius. Tuos truobuos aš nestatiau, nupėrkuom taap, tuoki negatavą. Tėn dabar žėnts
gyven. Didelis gyvenėms bov. Nu ne taap didelis — devyni pastataa i vėsė dėdeli.
Bimbalyns tas y Žiuogaačių irgi, šis gals, Žiogaačių kaims. Žiuogaačių yr va, sėptyni
kilometraa nu Ryguos gelžkelio iki Šiaulių gelžkelio, du kilometraa platomo, vuo sėptyni
kilometraa ilgomo, tuoks kaims y Žiuogaačių.
— Iš Žiogaičių pusės a žinuot kuokius mašinierius?
— Gėidra Kazimiers kėtą kart bovo, bet tas y senee kapūse. Motorą turiejo... Ėndrioška tuoks
bovo, irgi garo katėlą turiejo. Gargždūse gyveno, jau Gargždų kaimelie. Ėndrioška bovo
Augustėns. Tiktaa Suovačiūs Smilgys.
— Atvažiavo pas Knabėką, sulygo, tūstonti do šimtaa litų bovo, mašėną padėrbt, už mašėną.
Jiesals pats dėrbuos. Aš ontrųjį meet pas Jiesolą tarnavau, ka Pranis — Fricis dėrbuos mašėną...
Aš pas Jiesolą keturis metus ištarnavau. Pas Praniaus tievą. Anėi nežanuoti bovo, i dar su
Kriaučiūnaate tiktaa ketvėrtųjį metą pradiej kažkaap tėn ons draugaut biški, viliuotėis tuo
Kriaučiūnaatę. Aš jau buvau išeejis, nebsomdė ons, rukou, reek mažintėis su gyvulees. Eee,
palauk, kuoks tėn gaspaduorius bovo, begalinis kėt kart, Jiesals. Iš Maigų Dargis Untuons
važiniejuos, į savaitę do sykiu, do kartu atvažious. Nupasakuos, nupasakuos, daugiau unt
puopieriaus surašys viskų — išmierus, Dargis Untuons iš Maigų. No ėr ta toukart dėrbs. Bet anėi
ėlgaa dėrbo, neišeej anėms par mienesį mašina. Ir aš pats, ka gyvenau ūkie, kada apsižanijau,
177