Compendium diplomaticum sive tabularum veterum

gubernationis et administrationis per ipsam gestae in bonis et circa bona ipsius domini testatoris,
et quorumcumque bonorum ad eius manus perventorum.
Item legavit , et iure legati reliquit praedictae dominae Caterinae eius massariae, staria
decem frumenti, et plaustrum unum vini nigri, boni, et sufficientis, semel tantum ei danda
incontinenti post mortem ipsius testatoris pro alimentis eiusdem dominae Caterinae illius primi
anni.
Item ipse ser Antonius testator iussit, et ordinavit, quod omnes suprascripti eius legatarii,
nec non infrascripti eius haeredes teneantur, et debeant, ac obligati sint franchitare, absolvere, et
liberare omnes, et singulos emphiteotas, et seu affictalinos eius ab affictibus, qui solvuntur per
quoscumque eorum ipsi domino testatori, etiam qui essent vel per instrumenta, vel per lapsum
temporis perpetuales, recipiendo pretium dictorum affictuum, et quorumlibet eorum ab ipsis se
franchitare, et redimere volentibus, quod dictus dominus testator exbursavit, et solvit in
emptionibus per eum factis iuxta eorum instrumenta.
Item voluit dictus testator, quod quilibet emphiteota, seu et affictalinus ipsius testatoris
possit se franchitare, absolvere, redimere, et liberare ab eorum affictibus in duabus vicibus, seu
in duabus solutionibus per eos fiendis, solvendo dimidium pretii in qualibet solutione fienda:
legando ex nunc prout ex tunc ipse testator dictis emphiteotis, et cuilibet eorum dictam
franchitationem, prout supra disposuit.
E quum ipse testator dixit, se alias emisse a Ioanne Mathaeo Rossato de Sardanea ibidem
praesente unam petiam terrae aratoriae cum uno filario vitium in ea, positam in pertinentiis
villae Sardaneae, pretio rhenensium triginta quinque, et quam petiam terrae, et vites ipse
Ioannes Mathaeus Rossatus nunc tenet, et colit ad partem ab ipso testatore, unde dictus testator
disposuit, et mandavit, quod infrascripti eius testatoris haeredes teneantur, et obligati sint, ac
debeant retrovendere dictam petiam terrae cum filario suprascripto sibi Ioanni Mathaeo, et
haeredibus suis pro eodem pretio suprascriptorum rhenensium triginta quinque quandocumque,
et quotiescumque ipse Ioannes Mathaeus, aut eiusdem haeredes retroemere voluerint. Et
praedictam retroemptionem facere possit dictus Ioannes Mathaeus, et eiusdem haeredes in
duabus vicibus, et solutionibus fiendis, dando dimidium seu medietatem suprascriptorum
rhenensium trigintaquinque pro qualibet solutione fienda. Item quod donec fecerint praedictam
retroemptionem semper idem Ioannes Mathaeus, et eius haeredes sint, et esse debeant coloni
ipsius petiae terrae, et vitium suprascriptarum (volentibus tamen ipsis Ioanne Mathaeo, et
haeredibus eius eam colere) et quod ex dicta colonia non possint expelli, bene tamen dictam
petiam terrae, et filarium gubernando, et singulis annis, loco, et tempore debitis, partem debitam
haeredibus ipsius testatoris fideliter designando.
In omnibus autem aliis suis bonis mobilibus, et immobilibus, ac se moventibus, iuribus, et
actionibus, praesentibus, et futuris ubicumque sint, et reperiri possint, suos haeredes universales
instituit, et esse voluit Ioannem filium adoptivum dicti testatoris, et Ambroxium eiusdem
Ioannis fratrem, nepotes ipsius testatoris, ambos ibidem praesentes, et acceptantes aequis 8
portionibus, et altero ipsorum haeredum decedente sine filiis legitimis, et naturalibus ex eo
descendentibus, ipsi praemorienti alterum superstitem invicem substituit vulgariter, et per
fideicommissum. Et hanc asseruit esse velle suam ultimam voluntatem, et testamentum
inrevocabile, quam, et quod voluit valere iure testamenti; et si iure testamenti valere non posset,
voluit, iussit, et mandavit valere iure legati; et si iure legati valere non posset, voluit, et
mandavit valere iure codicillorum; et si iure codicillorum valere non posset, voluit, iussit, et
mandavit valere iure donationis causa mortis, seu quocumque alio modo, via, iure, forma, et
causa, quibus hoc praesens testamentum suum magis, et melius valere, vim obtinere, et suum
optatum effectum sortiri possit: rogans ipse testator ore suo proprio omnes suprascriptos 9 testes,
ut huic testamento testes essent, et esse deberent: ac me Simonem a Berlina notarium
infrascriptum, ut de praemissis omnibus et singulis, dante causa mortis suae, publicum
8 ibi: aequibus.
9 ibi: infrascriptos.
9