Compendium diplomaticum sive tabularum veterum

estra tempora a iure statuta, vigore privilegiorum a s. Sede apostolica dicto Ordini
concessorum, a ill.mo domino nostro Pio Papa VII super aetatis defectu dispensatum, et a nobis
super interstitiis quoque dispensatum, praevio examine approbatum, praemissisque spiritualibus
exercitiis, ad praescriptum epistolae encyclicae sanctae memoriae Innocentii Papae XI ad
Ordinem sacrum presbyteratus titulo paupertatis religiosae iuxta ritum S.R.E. ac formam
sacrosancti Concilii tridentini, promovimus, atque in Domino ordinavimus. In quorum fidem
has praesentes manu nostra subscriptas, nostroque sigillo munitas, per infrascriptum
cancellarium nostrum archiepiscopalem ad ecclesiastica expediri mandavimus. Datum Ferrariae
ex palatio nostro archiepiscopali hac die 20 iulii 1800 81 .
L.+. A. Card. Mattaeius episcopus praenestinus, et administrator ferrariensis etc.
Testimonium pro Ordinibus sacris.
Ludovicus Seravalli cancellarius.
Idem Alexander Mattei, natus Romae 20 februarii 1744 erectus fuit presbyter cardinalis die
12 iulii 1779 ac publicatus die 22 maii 1782. Olim titulum habuit card. s. Mariae de Aracoeli.
Ordinatus nunc est hic Tridenti, membrum huius nostrae Provinciae, in qua professionem emisit
die 2 februarii 1799.
1067. Anno isto 1801 die dominica ss. Trinitatis 31 maii, hic Tridenti a Posta imperiali
accepi sequens Breve.
Foris. Dilecto filio Bernardino da (sic) Carano Fratrum Ordinis s. Francisci de Observantia
Reformatorum professori.
Intus. Pius Papa VII.
Dilecte fili salutem, et apostolicam benedictionem. Religionis zelus, vitae, ac morum
honestas, aliaque laudilbilia probitatis, et virtutum merita, super quibus apud nos fide digno
commendaris testimonio, nos inducunt, ut te specialibus favoribus, et gratiis prosequamur. Cum
itaque, sicut nobis nuper exponi fecisti, tu, qui ut asseris, in sacro diaconatus Ordine constitutus
existis, fervore devotionis accensus ad reliquum sacrum presbyteratus Ordinem quantocitius
promoveri summopere desideras. Nos te praemissorum meritorum tuorum intuitu specialibus
favoribus, et gratiis prosequi volentes, et a quibusvis excommunicationis, suspensionis, et
interdicti, aliisque ecclesiasticis sententiis, censuris, et poenis, a iure, vel ab homine, quavis
occasione, vel causa latis, si quibus quomodolibet innodatus existis, ad effectum praesentium
dumtaxat consequendum, harum serie absolventes, et absolutum fore censentes,
supplicationibus tuo nomine nobis super hoc humiliter porrectis inclinati, tecum, ut si, et quando
tredecim menses tantum tibi de aetate ad id a sacro Concilio tridentino requisita defecerint,
defectu huiusmodi non obstante, si nullum aliud canonicum tibi obstet impedimentum, et
dummodo tu ad id idoneus reperiaris, servatisque alias servandis, ad dictum Sacrum
presbyteratus Ordinem, de superiorum tuorum licentia promoveri, et promotus in illo etiam in
altaris ministerio ministrare libere, ac licite possis, et valeas, auctoritate apostolica tenore
praesentium dispensamus. Non obstantibus Constitutionibus, et ordinationibus apostolicis,
caeterisque contrariis quibuscumque. Dtaum Romae apud s. Mariam Maiorem, sub annulo
piscatoris die XVI mai MDCCCI, pontificatus nostri anno secundo.
L.+S. Romualdus card. Braschius de Honestis
Nota. Pro huiusmodi gratia obtinenda exhibuit summo Pontifici nostrum libellum
supplicem, descriptum To. V. epist. 2042. Pater Carolus de Urbe Veteri, vulgo d'Orvieto, viceprocurator
generalis Reformatorum Romae. Gratis data fuit a Papa; sed i minutanti della
segreteria de' Brevi, i quali gratis non lavorano, voluerunt duo scuta romana. Vide To. 5 epist.
2064.
81 Confer Institutionem ecclesiast. 23 cardinal. Lambertini tandem Benedicti XIV praesertim § Haec
diximus, ubi ait: Regularibus in posterum Ordines extra Tempora conferre non desinamus, si caetera quae
necessario requiruntur efficiant; ac praesertim spiritualibus exercitiis de more operam dedisse scriptum
deferant testimonium.
89