Compendium diplomaticum sive tabularum veterum

Itel legavit, et iure legati reliquit eidem Dominicae eius nepti unum affictum perpetualem
stariorum duorum frumenti, qui sibi solvitur per praedictum Iacobum de Maderno nomine
quorundam nepotum, seu consobrinorum suorum de Martignano, prout etc.
Item eidem Dominicae legavit, et iure legati reliquit unum affictum perpetualem stariorum
quatuor frumenti, qui sibi solvitur per Dominicum quondam Longini de Tridento, prout asseruit
constare manu praefati domini Antonii Nones notarii etc.
Aggravando ipsam Dominicam legatariam, virtute suprascriptorum affictuum sibi
legatorum, perpetuis temporibus teneri, et obligatos fore, et esse omni et singulo anno per totam
quadragesimam in qualibet die ipsius quadragesimae celebrari facere in ecclesia Sancti
Laurentii de Tridento unam Missam, qua finita, immediate semper dicatur Psalmus De
profundis cum collecta omnium defunctorum suorum. Et si dicta Dominica legataria, aut
eiusdem Dominicae haeredes ab observatione huiusmodi dispositionis suae cessaverint, et se
abstinuerint, aut praedicta observare neglexerint, ex nunc pro tunc, et e contra idem testator
legat, et iure legati reliquit omnes et singulos affictus suprascriptos tam frumenti, quam siliginis,
cum eorum proprietatibus, et directo dominio ipsorum affictuum monasterio ecclesiae Sancti
Laurentii de Tridento propria (sic), et mandans, quod domini Fratres ipsius conventus ecclesiae
Sancti Laurentii de Tridento propria eorum auctoritate, absque iuris seu facti solemnitate
servata, et absque alicuius personae contradictione libere, et expedite possint, et valeant intrare,
et ingredi ad possessionem, vel quasi, praedictorum affictuum legatorum, ut supra, et eosdem
affictus possint, et valeant exigere uti res proprias, ad dictum monasterium, et conventum
ecclesiae Sancti Laurentii spectantes, et libere pertinentes. Aggravando tunc ipsum monasterium
eccesiae Sancti Laurentii ad dictas Missas cum Psalmo De profundis, et collecta omnium
defunctorum supra sepultura ipsius testatoris perpetuis temporibus omni, et singulo anno per
totam quadragesimam singula die ut supra, dicendum, et celebrandum pro anima ipsius
testatoris, et defunctorum suorum.
Item legavit, et iure legati reliquit Annae nepti suae filiae Ioannis filii sui adoptivi
rhenenses quinquaginta semel tantum.
Item legavit, et iure legati reliquit Petro Antonio nepoti suo filio praefati Ioannis eius filiii
adoptivi rhenenses quinquaginta semel tantum sibi dandos, et solvendos a Chemello de
Romagnano debitore ipsius testatoris ibidem praesente in annis quinque proxime futuris post
mortem ipsius testatoris: videlicet rhenenses decem in quolibet, et singulo anno dictorum
annorum quinque. Et cum dictus testator asserebat praedictum Chemellum esse debitorem suum
de rhenensibus sexaginta, pro resto cuiusdam mansus ei dati: item de rhenensibus viginti
quatuor ipsi Chemello alias mutuo datis pro quodam banno redimendo; ideo ultra suprascriptos
rhenenses quinquaginta dicto Petro Antonio nepoti suo legatos dictus testator legavit, et iure
legati reliquit, et remisit ipsi Chemello debitori, nepoti suo, illos reliquos rhenenses
trigintaquatuor, de quibus idem Chemellus restabat debitor ipisus testatoris: semel tantum pro
anima sua.
Item legavit, et iure legati reliquit magistro Antonio parolario, dicto dell'Ambroxa, eius
testatoris genero, unum affictum perpetualem stariorum quinque frumenti cum proprietate, et
directo dominio ipsius affictus, qui sibi solvitur per ser Leonardum de Zelo de Montanea supra
Tridentum, prout asseruit constare manu domini Antonii de Vigulo notarii.
Item eidem magistro Antonio parolario eius genero legavit, et iure legati reliquit unum
affictum perpetualem stariorum quatuor frumenti cum proprietate, et directo dominio ipsius
affictus, qui sibi solvitur per Bethinum Fachinum habitatorem Pahi, prout asseruit constare
manu domini Ioannis de Dro notarii, pro anima sua.
Item confirmavit, ratificavit, et approbavit instrumentum illud, et omnia, et singula in eo
contenta, factum, et celebratum cum domino Antonio de Gratiadeis notario, prout asseruit
constare manu domini Antonii de Vigulo notarii.
Item legavit, et iure legati reliquit Ioanni nepoti suo, et filio adoptivo, omnia ea bona sibi
Ioanni per eum testatorem alias donata, prout asseruit constare manu praefati domini Antonii de
Vigulo notarii, dictam donationem sibi factam confirmando, et ratificando.
7