Compendium diplomaticum sive tabularum veterum

magis acceptum esse, pie sancteque putamus, quam illud, quo dominicae Passionis mysteria
vocis, ac mentis obsequio meditando recolimus etc. etc. etc.
Quae cum ita sint, et dilectissimi nobis in Christo piissimi viri domini rectores, et
Guardiani venerabilis Confratenitatis sanctorum Rochi et Sebastiani de magna gloria deque
eiusdem Doloris Matris Virginis compassione sollicite petierint a nobis facultatem, et licentiam
erigendi Confraternitatem sub titulo septem Dolorum eiusdem Beatae Virginis cum gratiis, et
favoribus opportunis, cumque Ordo noster Servorum Beatae semper Virginis Mariae inter alia
privilegia, quibus a Sancta sede decoratus est, facultatem habeat, saecularium Confraternitates
sub invocatione Beatae Dei Genitricis Mariae Dolorosae erigendi eisque spirituales gratias, et
indulgentias in huiusmodi Confraternitatibus instituendis communicandi. Nos, qui Generalem
eiusdem Ordinis curam gerimus, sperantes fore, ut ex hac spirituali gratiarum, et indulgentiarum
participatione Christifideles ad devotionem, ac pietatem magis magisque excitentur, auctoritate
nobis a summis Pontificibus concessa, praesentium tenore licentiam, et facultatem (accedente
tamen consensu Ordinarii) erigendi dictam Confraternitatem in civitate Roboreti Tridenti
dioecesis, in ecclesia venerabilis Confraternitatis sanctorum Rochi, et Sebastiani, in Domino
impertimur, dummodo tamen alia similis in ipso, vel alio ad tria milliaria propinquo loco,
hactenus erecta non fuerit, illisque pro tempore existentibus, atque extituris utriusque sexus
confratribus et consororibus elargimur, et commuicamus indulgentias omnes, et singulaas
gratias spirituales, ac privilegia omnia per summos Pontifices concessa, neque revocata, et
specialiter, quae in litteris apostolicis Sanctissimo Iesu Christi Vicario Innocentio XI sub forma
Brevis die 1 septembris 1681, et 24 octobris 1682 expeditis, quarum tenorem distincte damus,
iubemusque cum nostris his conservari, luculenter continentur, et conservantur, quibus omnibus
privilegiis, indulgentiis, et gratiis sic expositis, declaratis, et confirmatis, Confraternitatem
ipsam iuxta Clementis VIII constitutionem canonice instituendam semel (sic) ac erecta fuerit,
una cum confratribus et consororibus eiusdem potiri, et gaudere posse concedimus, decernimus,
et declaramus, dummodo tamen in primis erigatur altare sub titulo VII Dolorum Beatae Virginis
deinde qualibet VI feria et si fieri non potest incommode, quolibet die festo, ac praesertim
dominico recitetur coram eodem altarì Corona eorum septem Dolorum patientissimae nostrae
Deiparae et quolibet anniversario vel dominica tertia septembris, vel dominica die Passionis
celebretur festum eiusdem septem Dolorum. Volentes insuper et declarantes, quod si contigerit
religiosos nostros ecclesiam isthic obtinere, ipso iure, ipsoque facto ex nunc pro tunc absque
alia declaratione, seu praesentium tenore Confraternitas memorata, omnesque indulgentiae,
privilegia eidem concessa sint, et intelligantur ab eo sublata penitusque ac totaliter ad ecclesiam
nostram devoluta cum omnibus bonis temporalibus dictae Confraternitatis quomodolibet post
erectionem eius acquisitis, quam conditionem superiores, et officiales tam ecclesiae praedictae
quam Confraternitatis admittere subscribere teneantur, et omnia in publico instrumento nunc
notarii faciendo poni debeant, et explicari, non obstantibus quibuscumque in contrarium. In
quorum fidem praesentes istas, et sigillo auctoritatis nostrae munivimus, et manu propria gratis
subscripsimus, dedimusque in omnibus gratis.
Datum Romae etc.
Fr. Petrus Maria Generalis.
Completa functione erectionis societatis VII Dolorum in ecclesia venerabilis
Confraternitatis sanctorum Rochi et Sebastiani, quam commisimus R. P. magistro Petro Maria
Artelli Ordinis nostri, damus facultatem rev.do domino Iosepho Rinaldi cappellano dictae
venerabilis Confraternitatis, et societatis erigendae, et cappellanis pro tempore existentibus
benedicendi parvum habitum Septem Dolorum B. M. V. ipsumque imponendi Christifidelibus
utriusque sexus, nec non impertiendi indulgentiam plenariam confratribus, et consororibus
dictae Confraternitatis in articulo mortis constitutis.
Fr. Sebastianus Tognini secretarius Ordinis. Reg. lib. XV. Fol. 2921.
Visum et approbatum. Signatum 14 februarii 1726.
V. Lupis provicarius generalis Capitul.
Nota. Vetus exemplum huiusmodi literarum misit All'illmo e Rev.mo Ufficio Spirituale di
Trento sub datum Roboreti 12 martii 1799, parochus Baronius cum sequenti supplici libello:
68