Compendium diplomaticum sive tabularum veterum

cum a nobis petitur, apostolicae confirmationis mandamus adiici firmitatem. Alias siquidem de
anno Domini proximo praeterito millesimo septingentesimo nonagesimo septimo, perpetuo,
simplici, et personalem residentiam non requirente Beneficio ecclesiastico ad altare, vel sub
invocatione B.M.V. seu alterius Sancti, vel Sanctae in parochiali, seu alia ecclesia sancti Petri
apostoli tridentina a parte imperii, quod sicut accepimus, de iure patronatus laicorum, videlicet
pro tempore existentium descendentium de familia illorum de Chonte (Monte) nuncupata, ex
fundatione, vel dotatione existit, certo tunc expresso modo extra Romanam Curiam tunc
vacante, de illo sic vacante dilecto filio Hieronymo Pompeati scholari tridentino a parte imperii
praedicti, tunc ut accepimus, in septimo suae aetatis anno constituto, ad praesentationem dilecti
etiam filii moderni unici tunc esistentis, seu dilectorum quoque filiorum modernorum tunc
existentium dicti Beneficii patroni, seu patronorum, aut maioris partis eorum, vel saltem
medietatis, de dicti Hieronymi persona ad dictum Beneficium tunc, ut praefertur vacans, sub spe
obtinendae infrascriptae dispensationis apostolicae, seu de facto infra legitima tempora factam
apostolica auctoritate ex tunc prout ex ea die, et e contra: postquam tamen dictus Hieronymus
clericali charactere rite insignitus fuisset cum opportuna dispensatione super defectu aetatis
huiusmodi, ac derogatione, quatenus opus esset, pro altera medietate dictorum patronorum
eumdem Hieronymum non praesentantium, seu in eum non consentientium, provideri
mandatum fuit litteris apostolicis sub datum apud Sanctum Petrum quarto idus aprilis
pontificatus nostri anno vigesimo quarto (tertio) desuper expeditis, ac possessione bonorum, et
iurium, redituum, et proventuum dicti Beneficii per dilectum pariter filium Ioannem Baptistam
etiam Pompeati praedicti Hieronymi, ut asseritur genitorem uti illius administratorem nomine
ipsius Hieronymi adepta: subinde vero sicut praedictus Ioannes Baptista exponi nobis nuper
fecit cum exemplo dilectus quoque filius Ioannes Baptista Crivelli clericus, seu presbyter ad
dictum Beneficium ius habere praetendens in contradictorem insurexisset, lis, et causa in
partibus coram certo illarum partium iudice competente inter dictum Hieronymum, seu et
primodictum Ioannem Baptistam nomine suprascripto ex una, et secundodictum Ioannem
Baptistam ex altera partibus introducta existit: qui iudex vigore eius decreti desuper editi
possessionem bonorum dicti Beneficii ad se avocavit, deputato interim ad eo dictoruum
bonorum administratore, a quo tamen decreto appellatio in Romanam Curiam coram certo
Curiae huiusmodi iudice competente a primodicto Ioanne Baptista infra legitima tempora
interposita fuit. Iudicio vero appellationis huiusmodi adhuc suspenso remanente, Ioannes
Baptista primodictus nomine praedicti Hieronymi, et secundodictus Ioannes Baptista ad incertos
litium eventus evitandos, ac pacem inter se fovendam, amicabilem inter se inierunt bonae fidei
concordiam. Cum autem sicut eadem petitio subiungebat, primodictus Ioannes Baptista, et
Ioannes Baptista secundodictus, ut concordia huiusmodi, ut praefertur, inita, suum valide sortiri
possit effectum: neve de illius validitate dubitari unquam contingat, plurimum cupiunt,
concordiam praedictam nostra, et Sedis apostolicae auctoritate consolidari. Quare pro arte
primodicti Ioannis Baptistae, et Ioannis Baptistae secundodicti nobis fuit humiliter supplicatum,
quatenus eis in praemissis opportune providere de benignitate apostolica dignaremur. Nos igitur
iustis, et honestis petentium votis libenter annuimus, eidem Ioanni Baptistae primodicto, et
secundodicto Ioanni Baptistae specialem gratiam facere volentes, eosque a quibusvis
excommunicationis, suspensionis, et interdicti, aliisqe ecclesiasticis sententiis, censuris, et
poenis a iure, vel ab homine quavis occasione, vel causa latis, si quibus quomodolibet innodati
existerent, ad effectum praesentium tantum consequendum harum serie absolventes, et
absolutos fore censentes, huiusmodi supplicationibus inclinati, fraternitati tuae per praesentes
committimus, et mandamus, et respective tibi, ut concordiam praedictam, ut praefertur initam, et
prout illam concernit desuper confectum instrumentum seu desuper confectam scripturam, et in
eo, vel ea contenta quaecumque, licita tamen et honesta, apostolica tibi ad id specialiter delegata
auctoritate, pro tuis arbitrio, et prudentia approbandi, et confirmandi, illisque inviolabilis, et
irrefragabilis apostolicae firmitatis robur, vim, et efficaciam adiicendi, omnesque et singulos
tam iuris, quam facti, aliosque quantumvis substantiales defectus, si qui desuper quomodolibet
intervenerint in eisdem supplendi: ac Hieronymum, et primodictum Ioannem Baptistam, ac
Ioannem Baptistam secundodictum ad illius observantiam teneri, et obligatos existere, neque a
65