Compendium diplomaticum sive tabularum veterum

1005. Anno 1575 indictione 3, die iovis 23 iunii, hora, et in pulsu Vesperarum, in salla
prima inferiori palatii episcopalis Tridenti. Praesentibus ibidem excellenti domino Alberto
quondam nobilis domini Nicolai Zibechini, excellentibus dominis Nicolao Clusolo, Gottardo de
Franceschinis, et Melchiore de Ricis notariis, nobili domino Hieronymo a Sale, et nobili domino
Hieronymo quondam domini Ioannis Aloysii de Baldissaris, et domino Stephano filio quondam
Ioannis Turris mercatoris, omnibus civibus, et habitatoribus Tridenti testibus etc. Rev.mus, et
magnifici, excellentes, et doctores domini Gabriel Bassus canonicus Tridenti, et Franciscus
Particella, et Franciscus Betta consiliarii etc. iuris utriusque doctores, arbitri, arbitratores,
communes amici, et compositores electi, et assumpti per, et inter sindicos et homines
universitatis villae Sardaneae ex parte una, et sindicos, et homines universitatis villae
Supramontis parte ex altera, super controversia, quae per longissimum tempus inter eos cursa
fuit occasione confinium ab una, et altera parte existentium, tulerunt suum Laudum, rogatum
per egregium dominum Iob de Iob notarium, et civem tridentinum. Praesente Ioanino de
Bortolis de Supramonte sindico villae Supramontis, cum excellenti iuris utriusque doctore
domino Odorico Paurenfeint cive Tridenti advocato, et procuratore, cum nonnullis hominibus
dictae villae Supramontis, dictum Laudum acceptante, et emologante, et gratias agente suis rev.
magnificis dominationibus. Praesentibus (sic) Dominico Fogna de Sardanea sindico Sardaneae
cum ecellenti iuris utriusque doctore domino Ioanne Baptista Calavino advocato, et procuratore,
una cum nonnullis hominibus Sardaneae, pariter acceptante, et gratias agente etc. Thomas
Bennassutus notarius publicus, et civis Tridenti praemissis interfuit, et ea rogatus scripsit, et suo
exemplo se subscripsit ad instantiam Antonii Nardelli de Supramonte.
Ioannes Baptista Castellius publicus imperiali auctoritate notarius collegiatus, ac civis
Tridenti exemplavit.
Iosephus Maria Sardanea de Hochenstain notarius collegiatus, ac civis Tridenti concordare
cum suo originali testatus est, suumque signum apposuit, in quo sunt lit. I.M.I.S.D.H.N.C.T.
Nota. Exemplum hoc plurimis, certis, ac intollerabilibus scatet solaecismis. Dictus
Sardanea notarius vixit etiam anno 1786 et forsan vivit hodiedum. Castellius notariis adscriptus
fuit post annum 1785.
1006. Anno 1777, die 15 septembris in Supramonte, ac Sardanea, sive in finibus inter duas
Communitates, in loco dicto la Montagna di Vason. Convenerunt magnificus Dominicus
quondam Rochi Cainelli sindicus Communitatis Supramontis, Ioannes Dominicus de
Augustinis, Ioannes quondam Dominici Belli scriba, et iurati, cum aliis hominibus Supramontis,
idest Valentino Segata, et Francisco Vecletto senibus. Item Franciscus quondam Iosephi de
Gasparis sindicus, et Antonius quondam Antonii Gardumi, et Iosephus quondam Petri de
Gasparis, et Franciscus quondam Antonii de Gasparis iurati Communitatis Sardaneae. Omnes
ratificaverunt terminos positos anno 1575 aliosque novos posuerunt: qui omnes termini sunt
octodecim. Huiusmodi transactioni subscripserunt praedicti sindici et iurati, ac Ioannes
Tabarellus agrimensor iuratus illustris civitatis Tridenti, et Trilaci, a quo scripta etiam ipsa
transactio, rudi sane modo, et charactere. Nunc iterum litigant inter se dictae Comunitates.
1007. Anno 1794, die 6 octobris Tridenti presbyter Iacobus Antonius a Saxo plebanus
ecclesiae cathedralis scripsit foliolum sequentis tenoris.
Die 26 ianuarii 1767.
Magdalena Catharina hac nocte nata hora secunda, filia Leonardi Banaletti sub cura
Villazzani, et Margarithae ortae Mariotti iugalium fuit baptizata ab admodum rev.do domino
Iacobi Angelo Rizzi V. sacrista. Patrini fuerunt Philippus Pegoretti, et Catharina Trener. Quibus
etc.
Ita ex libris Baptizatorum huius insignis ecclesiae cathedralis sancti Vigilii datum ex
aedibus parochi dictae ecclesiae die 6 octobris 1794.
(L.S. magni rotundi) In quorum etc. Iacobus Antonius a Saxo parochus.
Huiusmodi folium petiit dicta puella, ut posset nubere in loco Medulae dioecesis
mantuanae. Sed dissolutis sponsalibus iam contractis anno 1794 alia hoc anno 1796 iniit ibidem.
50