Compendium diplomaticum sive tabularum veterum

Puliae vallis Iudicariarum nunc famulo infrascripti domini testatoris, omnibus his testibus ore
proprio infrascripti testatoris vocatis, cognitis, et specialiter rogatis, ac dicentis: Rogo vos
omnes, ut dignemini esse testes huic meo testamento, et ultimae voluntati. Ibidem providus vir
ser Antonius dictus Trent filius quondam ser Petri de Fedrigatis de villa Henni vallis Annaniae
diocesis Tridenti, nunc civis et habitator Tridenti, iacens in lecto infirmus corpore, mente tamen
sanus, loquella, memoria, et intellectu, considerans vitam huius mundi fragilem esse, et
caducam, et nihil esse certius morte, et incertius hora mortis, nolens ipse testator (quando
Omnipotenti Deo placuerit ipsum hac vita migrare) ab intestato decedere: et ne de bonis suis
aliqua unquam possit oriri quaestio, lis, seu controversia, hoc praesens testamentum suum
nuncupativum, sine scriptis facere procuravit, fecit, ordinavit, et ita diposuit.
Verum quia ipse testator asseruit, se superioribus annis plura fecisse testamenta, et
codicillos, ideo merito in primis, et ante omnia per hoc idem praesens testamentum suum
nuncupativum sine scriptis revocavit, cassavit, et annullavit, et pro nullis haberi voluit omnia et
quaecumque alia testamenta sua, legata, codicillos, et donationes causa mortis per eum
hactenus, et hucusque facta, et condita, ac factas et conditas, etiam si talia essent, quae in se
haberent alquam clausulam derogatoriam, unam, vel plures, specialem vel generalem, de qua
specialis mentio fieri deberet: volens ipse testator perinde esse, ac si de specialiter, et expresse
fuisset facta mentio in hoc suo praesenti testamento, iubens, et mandans omnia illa testamenta
sua, legata, codicillos, et donationes causa mortis, ante hoc praesens eius testamentum facta, et
condita, ac factas, et conditas fore, et omnino esse nulla, irrita, et inania, ac cassa, et revocata,
nulliusque valoris, momenti, roboris, et efficaciae: commendando ipse testator animam suam
Omnipotenti Deo, eiusque gloriosissimae Matris Mariae Virgini, ac toti coelesti Curiae, quando
de hoc saeculo migrare contigerit; iussit, et mandavit corpus suum humari, et sepelliri debere in
ecclesia Sancti Laurentii 3 civitatis Tridenti in sepulchro, ubi sepelliuntur cadavera dominiorum
Fratrum ipsius monasterii, honorifice, iuxta, et secundum eius facultatem, et condictionem.
Item voluit, et mandavit describi, et denominari debere de coetu, consortio, et regula
ipsorum dominorum Fratrum dicti monasterii ecclesiae Sancti Laurentii, ita quod ipse testator
gaudeat Bullis, et privilegiis Ordinis eorumdem dominorum Fratrum.
Item iussit, et mandavit celebrari fieri debere Missas Sancti Gregorii in ecclesia Sancti
Laurentii civitatis Tridenti, quae celebrentur per venerabilem Patrem dominum Fratrem
Iacobum Lanza confessorem ipsius testatoris semel tantum pro anima sua.
Item legavit, et iure legati reliquit conventui sive monaserio ecclesiae Sancti Laurentii
civitatis Tridenti tot affictus idoneos, et sufficientes per infrascriptos suos haeredes ipsi
conventui designandos, quorum proprietas ascendat ad summam, et valorem rhenensium
centum: cum hoc, quod Fratres praedicti conventus, et eorum successores perpetuis temporibus
omni, et singulo anno teneantur, et debeant singulis festivitatibus beate Mariae Virginis
celebrare Missas duas in dicta ecclesia Sancti Laurentii pro anima ipsius testatoris, aggravando
ipsum dominum Priorem, et successores eiusdem una cum reliquis dominis Fratribus ipsius
conventus ad bene tractandum, et gubernandum Fratrem Antonium Trent, qui superioribus
diebus ingressus est Religionem, et monasterium Sancti Laurentii. Item ipse ser Antonius
testator iussit, et ordinavit, quod praefatus conventus, et eorum successores teneantur, et debeant
franchitare, absolvere, et liberare omnes, et singulos emphiteotos, seu affictalinos ipsi conventui
per infrascriptos eius haeredes designandos quandocumque 4 , et quotiescumque se redimere
voluerint ipsi emphiteotae, seu affictalini, eis designandi, ab eorum affictibus, ut supra legatis,
etiam quae essent vel per instrumenta, vel per lapsum temporis perpetuales: dando, et solendo
pretium dictorum affictuum, et quorumlibet eorum, quod dictus dominus testator exbursavit, et
solvit in emptionibus factis per eum iuxta eorum instrumenta.
Item iussit, et ordinavit dictus testator, quod quilibet dictorum emphiteotorum, seu
affictalinorum dicto conventui in executione praedicti legati designandorum, possint, et valeant,
3
Fuit Ordinis Praedicatorum suppressa anno 1778, die 19 iunii ab episcopo Petro Vigilio, indulgente
Pio VI, uti dictum; sed ut puto falso.
4
In originali: quamcumque.
5