Compendium diplomaticum sive tabularum veterum

959. Anno 1537, die iovis 24 maii magnifici domini consules Tridenti decreverunt, quod in
festis omnibus Nativitatis Domini Nostri Iesu Christi: similiter diebus Paschatis tam
Resurrectionis, quam Pentecostis (sic), nulla prorsus apothecarii etiam aromatarii existentes a
medicinis tenere ausint (sic) in toto vel parte, parum vel multum apothecas ullatenus apertas;
sed omnino clausas teneant. In diebus autem reliquis certis et festivis observandis de mandato
Ecclesiae, et praecipue dominicis, aromatarii tantum, qui tenent medicinas solitas
aromatariorum, possint aperire tantum ostiolum ingressivum apothecae cum porticula eiusdem
superiori, et non ultra. Alii vero apothecarii non medicinales aromatarii nullatenus omnino
audeant diebus huiusmodi festivis aperire suas apothecas, poena librarum quinque denariorum
bonae monetae etc., magnificae Communitati applicanda, et auferenda pro qualibet persona
contrafaciente, et qualibet vice contrafactionis in quolibet capitulo de superioribus.
960. Anno 1548, die martis tertio aprilis, in archivo magnificae Communitatis Tridenti
congregatis infrascriptis dominis consulibus, videlicet excellenti doctore, domino Hieronimo
Bertello, domino Girardo Mirana, domino Philippo Saraceno, domino Eustachio Calapino, et
domino Nicolao de Clusolis, absentibus aliis collegis suis etc. Ex quo sanctum, et salubre esset,
habere aliquem praedicatorem, qui verbum Domini administraret populo, concionando diebus
festivis per totum annum, et multi ex civibus hoc exoptent: domini consules deputarunt
dominum Nicolaum de Clusolis praesentem etc., ad tractandum cum conventibus Fatrum
Tridenti, ut ipsi dent unum praedicatorem, qui ut supra praedicet in ecclesia cathedrali diebus
festivis totius anni.
961. Anno 1525, die 21 maii consules Tridenti Bernardo Clesio episcopo tridentino
scripserunt hanc epistolam: Rev.me, ac ill.me princeps, domine domine gratiosissime. Cum Dei
gratia tumultus ceptus cessaverit rogamus rev.mam Dominationem vestram, ut dignetur suas
litteras dare ad venerabile Capitulum, sive canonicos rev.dos ecclesiae tridentinae, ut quanto
citius Reliquias Sanctorum, argentum, aurum, instrumenta, et alia bona quaecumque dictae
ecclesiae restituant, cum publice intersit ne aliquando irent in perdicionem, cum sit quod procul
dubio dicta bona putetur magis fore salva in ecclesia tridentina, quam extra. Si tamen alia mens
est R.D.V. 33 dignetur rescribere. Bene valeat R.D.V. cui nos commendamus.
Datum Tridenti 21 maii 1525.
Rev.mae Dominationis Vestrae
Fideles subditi consules, et coadiuncti civitatis Tridenti.
962. Anno 1525, die 21 maii praefati consules scripserunt canonicis hoc modo. Extra:
Reverendis dominis N. Canonicis, sive Capitulo ecclesiae cathedralis Sancti Vigilii de Tridento
dominis observandis. Intus autem: Reverendi Domini.
Accepimus Reliquias, argentum, aurum, instrumenta, et pleraque bona ecclesiae tridentinae
fuisse exportata propetr tumultus suspicionem. Cum autem Deo favente sedatus fuerit, rogamus
dominationes vestras 34 , ut velint dicta bona exportata ecclesiae cathedrali Sancti Vigilii
restituere. Siquidem existimamus ea fore magis tuta in ecclesia Sancti Vigilii, quam apud alias
personas extraneas. Quod si fecerint, satisfacient et dominis superioribus, et Communitati
Tridenti. Bene valeant dominationes vestrae. Quibus nos etc. Datum Tridenti die 21 maii 1525.
Consules, et coadiuncti civitatis Tridenti.
963. Anno 1525, die 26 maii Bernardus Clesius episcopus Tridenti scripsit ex Ripa Tridenti
ad consules Tridenti hanc epistolam: Bernardus Dei gratia episcopus tridentinus.
Egregii, honorabiles, fideles, dilecti. Li canonici che erano in Verona, sono gionti qua cum
le reliquie, et beni de la giesia catedrale nostra, exponendoni, che per vostre lettere sono invitati
a ritornare cum diti beni. Et perché il partir loro da Trento cum condur seco esse robe
33 Reverendae Dominationis Vestrae.
34 Da trudursi con signorie vostre.
24