Compendium diplomaticum sive tabularum veterum

951. Anno 1677, die 4 februarii fuerunt coadiuncti consulum Tridenti praenobiles domini
Vigilius Scrattimperger. Iulius Tessari. Valerius Pozzi. Vincentius Particella. Ioannes Maria
Consolati. Blasius Rizzi. Bernardinus Bomporti. Hieronymus Guarienti. Iseppo Guelmi.
Dominicus Crivelli. Ioannes Paulus Ciurletta. Ioannes Baptista Sardagna. Ioannes Antonius
Bevilaqua. Nicolaus Scudelli. Aloysius Lener.
952. Anno 1569, die 4 iunii Tridenti consules et provisores civitatis Tridenti supplicem
libellum dederunt sacrae romanorum caesareae ac Hungariae Bohemiaeque regiae maiestati
domino suo semper clementissimo etc., contra tyrannidem Madrucciorum, commendantes
urbem Tridenti Domui austriacae. Subscripti sunt Humillimi servi consules, et provisores
civitatis Tridenti, et Iacobus Pompeatus cancellarius mandato etc. Est pagg. 6 in folio parvo.
Incipit: Quum primum Deus Optimus Maximus. Est contra cardinalem Christophorum, et
cardinalem Ludovicum; petitque, quod Ludovico impediatur possessio; et Christophoro
regressus, ac pensio. Quod deinceps episcopi tridentini verbum Dei aut praedicent ipsi, aut
praedicari curent. Sacra Concilii decreta obsevent; eamque vitam agant, quam sanctissimos
decet episcopos. Cives paterno tractent affectu, iis honoribus, dignitatibus, et emolumentis tam
ecclesiasticis, quam saecularibus, quae fert regio, gaudeant, ac fruantur: exteri omnino
priventur, ac in cives conferantur. Delatus fuit huiusmodi libellus ad caesarem a consule
primario una cum alio eorumdem consulum incipiente S.C.M. Praeter illas, quas per collegam
nostrum supremumque consulem civitatis Tridenti doctorem dominum Ludovicum Tremenum
de Perotiis conscripsimus humillimas litteras S.C.M.V. iniunximus etiam illi, ut nonnulla
proponeret, ac supplicaret nostro nomine etc. etc. Est contra serenssimum cardinalem dominum
Ludovicum Madruccium, patrui nepotem, et imitatorem. Hic dicitur, quod pastoris officium
munusque est, oves suas pascere, diligere, amare, et omni cum charitate, paternoque affectu
tractare, non autem dilaniare, velleribus expoliare, negligere, odio prosequi, iugulare, et
suffocare. Utrumque libellum ex originalibus in archivo oenipontano servatis, descripsit per
alium, et authenticavit Oeniponti die 2 iunii 1776 Ioannes Casimirus Milbacher iuris utriusque
lector et almae universitatis notarius. Exempla sunt in archivo civico Tridenti; eaque vidi ex
gratia laudatorum baronis Gaudenti, et cancellarii Castellii dei XI decembris 1795.
953. Anno 1790, die 10 iulii sub datum Tridenti ex cancellaria civica consules, et
provisores civitatis Tridenti etc., literis incipientibus: Constituimus, ac deputamus,
constituerunt, ac deputarunt perillustres, ac generosos viros, Antonium Cribellum a Creutzberg
tridentinae civitatis primarium consulem, et Petrum Antonium de Consolatis ab Heiligenbrunn,
ad interveniendum, nomine dictorum consulum, generali conventui Ordinum tirolensium,
Oeniponti inchoando die 22 dicti mensis, et anni. Eisdem literis subscripsit senior consul, idest
Iosephus de Hyeremiis S.R.I. eques a Montfort consul et ad mandatum ill.morum dominorum
consulum, et provisorum Franciscus Albanus Zambaiti de Vezzanburg cancellarius civicus.
954. Anno 1790, die 10 iulii sub datum Tridenti dal Magistrato consolare, subscriptis
Giuseppe Geremia cavagliere del S.R.I. a Montfort console, ac Zambaitio cancellario, praefati
consules laudatis Cribello, et Consolato dederunt libellum inscriptum: Istruzioni ai signori
deputati della città di Trento alla Dieta generale del Tirolo dell'anno 1790. Tributae sunt in §§
17 quorum quintus est iste: I signori Deputati avranno cura di mantenersi nel costume, in cui è
la città di Trento, di parlare, e di scrivere nella sua lingua propria, o almeno nella latina.
955. Anno 1790, die 22 iulii sub datum Oeniponti scripserunt consulibus tridentinis
praedicti Depuati. Intus quidem dixerunt: Ill.mi sig. sig. Patroni Colendissimi. Giunti domenica
etc. et in fine: Delle signorie vostre ill.me divotissimi obbligatissimi servitori Antonio de
Crivelli Deputato. Pietro Antonio Consolati Deputato. Extra vero: Insbruck. All'ill.mo
Magistarto consolare della città di Trento. Trento.
22