Compendium diplomaticum sive tabularum veterum

Hochenstein etc. nobili et excellenti Antonio Gaudentio de Gaudento tridentino, legum
doctori 32 , gratiam nostram, et singularis benevolentiae affectum.
Principum amplitudinem utique decet illos, qui sanguinis nobilitate, praeclarisque
celebrantur moribus, beneficentiae donis clementer afficere: sed multo magis ea liberaliter in
illos conferre oportet, quos insuper perspectum obsequiorum studium, optimarumque litterarum
ac legum scientia praecipue commendant. Quamvis enim virtus, sua ipsius sorte facile contenta,
alienae laudis adminiculo haud indigeat, eamque sua sponte honor et gloria comitentur; accidit
tamen, ut si principum iudicio extollatur, praemiisque congruis donetur, valde reddatur
illustrior, aliosque ad assiduam aemulationis cupiditatem iure merito convertat. Sane cum de te
sermo coram nobis fuerit habitus, non modica animi nostri oblectatione illum te intelleximus,
qui iam a primordio iuventutis tuae, ut ad utilia Patriae servitia praestanda idoneum te redderes,
nec labori, nec sumptibus parcendo, peculiarem impendisti curam; idque tanta adsiduitate
perfeceris, ac impraesentiarum perficias, ut quae hac in urbe nostra, alibique, virtutis,
prudentiae, ac legum scientiae edidisti specimina, maiori habendorum virorum iudicio, gravique
firmata testimonia ad nos iam pridem pervenerint, ac propterea, sicuti nil magis in votis
habemus, quam viros litteris iam excultos, ac in legum, aliarumque scientiarum studio versantes
praemiis donare; ita iure optimo decrevimus, te, egregiis hisce insignitum ornamentis, praecipuo
quodam, singularique honore decorare; certa spe freti, te, per viam probitatis et virtutum
constanter incedendo, singularia in principem tuum obsequiorum argumenta fore praestiturum.
Idcirco, animo deliberato, te consiliarii nostri aulici titulo exornandum esse duximus, prout
harum serie exornamus, consiliarumque nostrum aulicum declaramus cum facultate accedendi
ad Consilium nostrum: Volentes, ut iis omnibus honoribus et praeeminentiis, quibus caeteri
consiliarii nostri fulgent, tu quoque fulgere, et potiri possis, et valeas; proviso tamen, ut te in
dicto munere probe geras, partes fidelis consiliarii in omibus expleas, prout tactis Scripturis
Evangelicis in manibus nostris solemniter iurasti. Mandamus itaque omnibus et singulis
ministris, et subditis nostris, quatenus te pro consiliario nostro alulico agnoscant, nulloque modo
in eo munere exercendo impediant; seriam in hoc voluntatem nostram adimpleturi. In quorum
etc. Datum Tridenti ex arce nosta castri Boni Consilii, die vigesima nona octobris, anno
millesimo septingentesimo septuagesimo sexto.
Petrus Vigilius
Ioannes Baptista Gentilotti cancellarius aulicus.
Ad mandatum celsitudinis suae rev.mae proprium
Philippus de Manci secretarius aulicus.
(Loco + Sigilli pendentis)
Nota. Honorem consiliariatus huiusmodi, etiam quoad titulum, resignavit idem ill.mus
dominus baro de Gaudento anno 1780 die tertia maii.
950. Anno 1677, die martis secundo febrarii Tridenti in loco solito Consilii convenerunt
perillustres et clarissimi domini consules Andreas Alexandrinus, Franciscus Bennassutus,
Igantius Gaudentus, Simon Ignatius Trentinus, Ferdinandus Matthiolus, Simon Guarientus,
Vincentius Zellus, statuerunt exhibere supplicem libellum ill.mis ac rev.mis dominis canonicis
administratoribus, et gubernatioribus sede episcopali vacante ob mortem dell'Eccellenza rev.ma
di mons. vescovo e prencipe, contra alcuni ministri de medesimo assolutamente insoffribili,
nominatamente questi cinque li signori Assensio Triangi, Gio. Michel Dusini, Gasparo
Marinelli, Antonio Moggio, e Pietro Antonio Brentonico. Petierunt autem ne confirmarentur in
officio dicti ministri, sed potius omnino amoverentur, utpote gente bassa, e però indiscreta, ed
arrogante, che hanno tiranneggiato molti, e molti particolari con ingiuste condannazioni etc.
Notant praesertim Triangium. Ipsum exhibuerunt decano in castro eodem die post vesperas.
32
Doctoralem lauream potuisset accipere, sed noluit. Hinc etsi doctus, imo doctissimus sit, doctor
non est.
21