Compendium diplomaticum sive tabularum veterum

totum in integrum secundum quod dominus comes Adelpretus tirolensis, et dominus decanus, et
Capitulum Chori Sancti Vigilii, et capitanei, et macinata episcopatus Tridenti, et concives
Tridenti per se fecerant, et iuraverant in integrum ut suprascriptum.
Ego Conradinus domini Enrici Romanorum imperators notarius his omnibus interfui, et
rogatus scripsi.
Quod praesens exemplum ex suo originali desumptum cum eodem plene concordet et,
quodque asterisci litteras partim laceras, partim vetustate deletas supleant testatur.
L.+S. Petrus Guarinoni notarius, et cancellarius capitularis Tridenti etc. In quorum etc. ad
laudem Dei semper.
Concordat cum exemplo authenticato manu nobilis domini Petri Guarinoni notarii, et
cancellarii capitularis Tridenti, omni fide dignissimi. in fidem etc.
(L.+S. notarialis impressi) Petrus Ioseph Tosetti publicus imperiali auctoritate notarius in
perexcelsa imperiali Camera immatriculatus, civisque Tridenti etc.
L.+S. Cerei rubri gentilitii.
Nota. Huiusmodi exemplum accepi die 9 decembris 1799 a saepissime laudato domino
barone Gaudentio Antonio de Gaudento. Longum est, sed valde notabile. Utinam habuissemus
ispum quando edidimus Catalogum episcoporum Tridenti To. 4 Monumenta Eccl Trid. anno
1765. Collatum fuit cum originali etiam ab ipso barone Gaudento. Praedictus Petrus
Guarinonius obiit Tridenti in palatio Bortholatiano die 22 augusti 1792 a desuper lapso fasciculo
lignorum occisus. Tosettus vivit etiam hoc anno 1795, sed non est collegiatus.
948. Anno 1771, die 8 novembris Tridenti Ioannes Baptista Socrella S.J. philosophiae
professor et praefectus lycei, et gymnasii testimoniales literas dedit praenobili ac perdocto
domino Antonio Gaudentio de Gaudento tridentino discessuro, postquam per septennium studuit
in dictis gymnasio et lyceo, ubi praemiis viginti donatus fuit, primumque semper, aut secundum
locum obtinuit, ac publicas theses defendit insigni cum laude. Mores quoque ipsius, pietatem in
Deum, reverentiam in superiores, ac maturitatem commendavit. Similes literas eidem praenobili
domino Gaudentio Antonio de Gaudento tridentino dedit Oeniponti 21 maii 1772 Ioannes
Franciscus de la Paix professor iuris naturae, historiae iuris civilis, nec non Instit. Imp. publicus
et ordinarius in caesarea Leopoldina universitate. Alias idem professor die 3 septembris anno
1772. Alias idem die 6 septembris 1772. Alias Oeniponti die 5 septembris 1773 Ioannes
Nepomucenus Iosephus Pehem iuris universi doctor, et sacrorum canonum professor publicus
ordinarius. Alias illustri domino Antonio Gaudentio de Gaudento tridentino Oeniponti die 9
octobris 1773 I. L. Banniza 31 de Bazan etc. iuris utriusque doctor, S.C.R.A.M. consiliarius
regiminis inferioris Austriae iuris civilis et criminalis professor publicus universitatis
oenipontanae rector, et praeses. Alias eidem praenobili domino Gaudentio Antonio de Gaudento
tridentino die 6 augusti 1774 Franciscus Fridericus de Payr S.C.R.A.M. reg. superioris Austriae
consiliarius, et professor iuris publici, et feudalis ordinarius publicus in universitate
oenipontana. Alias Oeniponti die 7 septembris 1776, illustri et doctissimo domino Gaudentio
Antonio de Gaudento tridentino ad supremum doctoratus iuridici gradum per unanimia verba
admisso, et approbato, director, decanus, doctores, et professores dictae universitatis
subscribentibus Hieronymo B.V. Buffa excelsi superioris Austriae regim. consiliario actuali, et
universitatis facultatis iuridicae directore: ac Ioanne Francisco de la Paix praedicto. Omnes
utuntur superlativis quoad studium, ingenium, et mores. Vidi, ac legi cum voluptate, ac vera
habui, et habeo.
949. Anno 1776 prodiit Tridenti sequens diploma: Nos Petrus Vigilius Dei gratia
episcopus, et S.R.I. princeps Tridenti etc., marchio Castellarii etc. ex comitibus de Thunn, et
31
Iste Paniza natus est Vienane patre consiliario aulico ibidem. Fuit nomine Leonardus. Obiit anno
1800 die... novembris.
20