Compendium diplomaticum sive tabularum veterum

superioris, ac Provinciae Moguntinae. Lobkovitius fuit episcopus Gandavensis etiam anno 1780.
Nemausus, Nimes, est civitas Occitaniae inferioris in Gallia. Maclovium, San Malò, est civitas
Britanniae minoris in Gallia. Ducatus s. Clodoaldi, gallice di s. Cloud, sic dicitur ab oppido s.
Cloud, dissito a Parisiis vix sex P. M. erectusque fuit anno 1674. Wimpfen, Cornelia Vimpina,
est parva civitas Sueviae. Sed de his plusquam satis dixi.
947. Anno 1205, Tridenti scripta fuit sequens charta. In nomine Patris, et Filii, et Spiritus
Sancti. Amen. Ad honorem Dei, et beati Vigilii Martiris, et ad utilitatem clericorum, et
laycorum, et totius episcopatus Tridenti.et pro scendanda (sic) discordia, et ad recuperandum
bonum statum episcopatus, tale statutum et ordinamentum facimus nos canonici tridentinae
ecclesiae, et advocatus dominus comes Adelpretus tirolensis, et macinata totius episcopatus, et
capitanei... vavasores, et Communitas Tridenti. Iuro ego ad Sancta Dei Ewangelia (sic) quod
dabo consilium et adiutorium bona fide super facto ecclesiae, et episcopatus Tridenti, ut id fiat,
et ordinetur, et adimpleatur, quod sit utillius, et mellius ecclesiae Sancti Vigilii, et toti
episcopatui, et civitati Tridenti, ad racionem obtinendam, et observandam et conservandam in
toto episcopatu: et si aliqua dacio facta erit, vel fiet, vel promissio de rebus immobilibus de hinc
ex quo dominus Conradus episcopus intravit monasterium 25 irrita sit, nec aliquid accipiam, et si
accepi restituam, nec pro aliquo episcopo eligendo aliquam promissionem, nec dacionem
accipiam, et adiutorium, et consilium dabo canonicis Tridenti, ut talem episcopum eligant, qui
secundum ecclesiam Tridenti, et totum epsicopatum regere possit: et si propter supradicta aliqua
violentia fieret in rebus, et personis alicui, vel aliquibus adiuvabo eum cum avere et persona
secundum quod decet ordinem meum: et si aliquas expensas fieri oporteret pro supradictis factis
hatendendis, et faciendis, et si non possint fieri de bonis episcopatus communiter faciemus,
salvo eo quod quicquid maior pars clericorum et laycorum voluerit, illud sit firmum et ratum, et
hoc totum dicimus salvo omni iure et honore Romanae ecclesiae et imperii, et dominorum
canonicorum. Item cum domino Conrado episcopo nullum concordium faciam sine voluntate
domini comitis de Tirolo, nec ipse sine nobis nullum concordium faciet, et ita teneamur
omnibus venientibus ad hanc societatem ut supradictum est supra. Cum omni consilio, et de hoc
sacramento tantum tenebimur donec aut dominus Conradus episcopus concorditer communi
consilio reverteretur ad episcopatum, aut alius canonice et concorditer electus fuerit, ut
supradictum est. Postea domini canonici integraliter habeant suas raciones huc usque 26
habuerunt. Die veneris VIIII exeunte aprilli 27 in Tridento in palatio episcopatus, in praesentia
Arpolini de Cleisso filii domini Arponis, Rodegerii canonici de Prixina fratris Anselmi de
Mezo, Odolrici Todesscelli, Oldorici filii domini Petri de Numio, Warimberti filii domini
Manfredini de Tono, presbiteri Peregrini de Ronzono, et aliorum plurium anno Domini MCC
quinto, indictione VIII. Ibique in supradictorum praesentia omnes isti, qui inferius leguntur, ad
Sancta Dei Ewangelia iuraverunt ita hatendere, et observare in integrum secundum quod
suprascriptum. In primis itaque
Dominus Turco decanus Cori Sancti Vigilii.
Dominus Adelpretus de Tirolo.
Magister Wivianus canonicus eiusdem ecclesiae.
Dominus Gisloldus.
Dominus presbiter Martinus Niger.
Dominus Perrus 28 .
Dominus Girardus.
Dominus presbiter Conradus capellanus.
Dominus Zanebellus.
Dominus Rembretus, omnes canonici Sancti Vigilii.
25
Conradus de Beseno episcopus tridentinus tandem monachus.
26
forsan: sicut huc usque.
27
Idest die 23 aprilis.
28
alias: Pero, peronis.
17