Compendium diplomaticum sive tabularum veterum

eoque nomine curatorio per se, et haeredes promisit, et convenit praedictis spectabilibus
dominis sindicis, praesentibus, stipulantibus, et acceptantibus pro dicta spectabili Communitate,
eiusque (sic) successores, dictam rem locatam, et livellatam bene colere, meliorare, et non
deteriorare; sed illam de bono in melius promovere, ad modum boni, et fidelis conductoris, et de
ea, et pro ea omni anno, in quolibet festo Sancti Michaelis, vel eius octava, dare, solvere, et de
livello praesentare massario, et legitimo exactori dictae spectabilis Communitatis Ripae, qui pro
tempore fuerit, tronos triginta quinque denariorum, videlicet tronos 35. Sic facta limitatione, et
extimatione per dominos Antonium de Ghierardis, et Ioannem Petrum Baronum cives Ripae,
extimatores a partibus suprascriptis communi consensu electos, prout sic dictum novale
annuatim locari posse et ferre de affictu, sive livello dictorum tronorum 35 ad omnium nostrum
praesentiam ibi mihi subscripto notario retulerunt. Cum pactis, et condictionibus infrascriptis,
ipsorum contrahentium nominibus, quibus supra agentium, mutua stipulatione roboratis: scilicet
si dictus conductor, vel sui haeredes, et successores cessaverit, aut cessaverint per triennium
continuum a solutione dicti livelli, tunc, et eo casu ipse, et sui haeredes, et successores cadat, et
cadant, ac cecidisse intelligantur ab omni iure suo, utili dominio, aut melioramentis dictae rei
locatae, quae omna deveniant, et devenire debeant ad dictam spectabilem Communitatem ipso
iure, et ipso facto: et nihilominus livella retenta, et non soluta solvere teneatur, et teneantur
super omnibus aliis suis bonis praesentibus, et futuris, ad hoc expresse obligatis. Item quod non
liceat dicto conductori, quo supra nomine agenti, neque haeredibus dictam rem ei locatam, aut
melioramenta alicui vendere, vel aliter alienare sine licentia, et speciali requisitione dictorum
spectabilium dominorum sindicorum, et eorum successorum: quibus emere volentibus, teneatur
dictus conductor nomine curatorio, quo supra, et haeredes teneantur dictam rem tradere dictae
spectabili Communitati pro minori pretio viginti solidorum de eo, vel pro eo, quod ab aliqua alia
persona habere poterit: et dicta spectabili Communitate emere nollente, sive tardante, elapsis
triginta diebus a denuntatione, sive notificatione sibi legitime facta, tunc liceat dicto conductori
dictam rem alienare cui, vel quibus voluerit, vel voluerint, dummodo sint de civibus Ripae, et
non aliter etc., cum delegatione solutionis dicti livelli tronorum 35 singulo anno solvendorum,
exceptis tamen personis a iure prohibitis, vel locis, aut personis Religiosis, viris potentibus, ac
aliis, qui inhabiles essent, vel commode in foro Ripae conveniri non possent ad dicti livelli
solutione, ita ut conductores imperpetuum teneantur de novennio in novennium semper recipere
investituram a dicta spectabili Communitate, solvendo unum par gallinarum pinguium dictis
spectabilibus dominis sindicis, qui tunc temporis talem fecerint investituram etc. Item cum
pacto, quod deficientibus masculis de linea dicti conductoris, casu quo dicta res conducta non
esset alienata ante mortem, eo casu dicta res locata revertatur ad dictam spectabilem
Communitatem etc. Item quod praedicta res locata dividi non possit inter haeredes: et si
divideretur, nullum fiat, aut fieri possit praeiudicium dictae spectabili Communitati; sed valeat
exigere livellum a quo etc., vel a quibus etc. Renuntiantes dicti domini contrahentes omni
exceptioni etc. Quae omnia, et singula in praesenti instrumento contenta dictae partes,
nominibus, quibus supra agentes, promiserunt sub obligatione, et hipoteca omnium, et
singulorum bonorum dictae spectabilis Communitatis, et respective propriorum, praesentium, et
futurorum generis cuiuscumque in valida, et solemni forma etc.
Ego Antonius filius quondam providi viri domini Alovisii Boroi incola Ripae tridentinae
diocesis, publicus apostolica, caesareaque auctoritatibus notarius, et Curiae castri Thenni
Vicarius, his omnibus adfui, et rogatus ea publice scripsi, publicavi, et subscripsi.
L.+S. Ego Laurentius filius domini Ioseph Orlandi, civis, et habitator Rippae praedictae,
publicus caesarea auctoritate notarius, ex auctoritate, et licentia mihi concessa per clarissimum
dominum Rippae Praetorenm extrahendi, et in publicam formam redigendi quaecumque
instrumenta rogata per dictum quondam spectabilem dominum Antonium Boroium notarium
Rippae, ut constat in actis egregii domini Iacobi Bonavidae notarii, hoc praesens instrumentum
perpetuae locationis, inventum vivum, et non cancellatum, ex suo originali prothocollo
transcribere curavi per alienam manum, mihi tamen fidam, nil addito, vel diminuto etc. Et quia
facta debita collatione cum eo inveni concordare, ideo me subscripsi, posito meo solito signo.
155