Compendium diplomaticum sive tabularum veterum

1174. Anno isto 1805, die dominico 15 septembris a nostro Patre Raphaele de Lodrono
Guardiano campensi, nomine ill.mi domini comitis Ioannis Formenti civis ripani apud Campum
autumnales dies agentis, accepi 148 describendam membranam archivi civici ripani, quam anno
1791 signavi hoc modo: Caps. 7, num. 6 Anno 1617, estque tenoris sequentis.
In Christi nomine. Amen. Anno a Nativitate eiusdem Domini millesimo sexcentesimo
decimo septimo, indictione quintadecima, die sabbati secundo mensis decembris, in cubiculo
versus septentrionem domus infrascripti nobilis domini Ioannis, sitae in Quadra Lacus Terrae
Ripae, Tridenti diocesis. Praesentibus magnifico domino Ludovico Bonaquisto, et domino
Ioanne quondam magistri Ioseph Pellionis de Ferrariis, omnibus civibus Ripae praemissae,
testibus ad infrascripta omnia, et singula vocatis, notis, idoneis, et specialiter rogatis. Ibidem
personaliter constituti nobiles et magnifici domini Ioannes quondam magnifici domini Benamati
de Benamatis, Ludovicus quondam magnifici, et excellentis legum doctoris domini Dominici
Adorni cives, et sindici spectabilis Communitatis Ripae, legitimeque intervenientes pro dicta
spectabili Communitate, agentes pro se se, et successoribus suis, in exequtione deliberationis
factae in Consilio generali, pro ut in Diario eiusdem spectabilis Communitatis patere dictum
fuit, de livellando infrascriptam petiam terrae infrascripto domino Pacifico, titulo et nomine
locationis perpetualis investiturae, et ad livellum perpetuum in hemphiteosim, renovandae de
novennio in novennium in hac eadem serie, solvendo spectabilibus dominis sindicis, qui pro
tempore fuerint, unum par gallinarum pinguium pro qualibet nova investitura, sive livelli
renovatione, investierunt egregium dominum Sixtum filium domini Pacifici Ricamboni
notarium, et civem Ripae, uti curatorem, eoque nomine curatorio domini Pacifici eius patris, ibi
praesentem, stipulantem, et acceptantem pro dicto domino eius patre, haeredibus, et
successoribus suis, de una petia terrae arativa, zapativa, cum quibusdam oleis in ea existentibus,
nuncupata il Fraton de Santo Nicolò, sita in monte Brioni, et in intimo dicti montis, loco dicto a
Santo Nicolò agri Ripae, cui (ut ibi dictum fuit) cohaeret a mane via, qua itur in dicto (sic)
monte, tendens versus meridiem, demptis tamen perticis duabus mensurae pro via publica
ascendendo ad dictum montem, et descendendo usque ad ecclesiam sancti Nicolai, et usque ad
viam publicam, ut infra declarabitur: meridie iura spectabilis Communitatis praedictae usque ad
domunculam diruptam per perticas duas longe a dicta domuncula, et supra eam usque ad
ecclesiam Sancti Nicolai, et post dictam ecclesiam perticae duae latitudinis dictae spectabilis
Communitatis, et via publica, quae via incipit a pede montis Brioni et tendit apud dictam
domunculam latitudinis duarum perticarum iuxta terminos plantatos per infrascriptos dominos
extimatores: a sero via publica Lacus, et dictus dominus Pacificus partim: septentrione dictus
dominus Pacificus: salvis aliis verioribus confinibus etc. Ad habendum, tenendum, uti, frui, et
quicquid etc. Cum accessibus, ingresibus, et egressibus etc., ac cum omni iure, actione etc.
modo aliquo etc., salvo semper, et reservato iure dictae spectabilis Communitatis servitutis viae
praedictae, ut supra declaratae, eundi, et redeundi per viam praedictam terminatam ad dictam
ecclesiam Sancti Nicolai, et ad montem praedictum absque alicuius impedimento. Quam rem
locatam dicti spectabiles domini sindici locatores se vice et nomine dicti domini Sixti curatoris,
eoque nomine conductoris, et pro eo tenere, et possidere constituerunt, donec etc. salvo semper,
et reservato iure directi dominii dictae spectabilis Communitatis etc. Promittentesque praedicti
spectabiles domini locatores per se se, et successores suos dicto domino Sixto curatori, et
conductori, praesenti, stipulanti, et acceptanti dicto curatorio nomine pro se etc. de evictione, et
legitima defensione dictae rei locatae ab omni persona, et universitate impediente, secundum
formam iuris: et de rato, et rati habitione omnium, et singulorum in praesenti instrumento
contentorum, sub poena dupli etc. Item reficere, ac restituere sibi etc. Qua poena soluta, vel non;
nihilominus etc. obliganes semper bona dictae spectabilis Communitatis praesentia, et futura
generis cuiuscumque pro implemento praemissorum: et hoc ideo fecere, et faciunt dicti
spectabiles domini sindici locatores, quia e converso dictus egregius dominus Sixtus curator,
148
Per dominum Antonium Rubbinum ripanum Tridenti agentem, apothecarium origine
iudicariensem.
154